اوقات الصيد فيها حرام

[عبدالرحمن]

ياجماعه انا هتكلم عن موضوع اعضاء المنتدي مش مهتمين بيه
انا قلبي ضعيف بمعني ان الطائر بيصعب عليا وانا بصتادوا وفي نفس الوقت بموت في الصيد
بخاف اضرب طائر ويكون له اولاد بخاف احرمه من امه او ابوه ولولا اني بمووووووووووت في امي :o وبخاف يجي يوم اتحرم منها بخاف احرم طائر بريئ من امه
ممكن اللي عنده خبره يقولي ازاي اعرف ان كان الطائر اللي قدامي ام ولا لا
وياريت لو تعرفوني اوقات تزاوج الطيور يعني كل نوع وموسم التزاوج بتاعه علشان مضربوش


اسف للاطاله انا عارف اني غلست وبقيت بسأل كتير
استحملوني بقي اعتبروني اخوكم الصغير

[عبدالرحمن]

ارجو الرد السريع الموضوع ده مضايقني

[Karim Eid]

والله السؤال ده جميل جدا وتكر بجد على الموضوع الرائع
بس انا بصراحة مش هعرف افيدك ممكن تسأل استاذ طلعت او استاذ جلال وهما ممكن يفيدوك
وتقبل مروري

[galal khalifa]

ياجماعه انا هتكلم عن موضوع اعضاء المنتدي مش مهتمين بيه
انا قلبي ضعيف بمعني ان الطائر بيصعب عليا وانا بصتادوا وفي نفس الوقت بموت في الصيد
بخاف اضرب طائر ويكون له اولاد بخاف احرمه من امه او ابوه ولولا اني بمووووووووووت في امي :o وبخاف يجي يوم اتحرم منها بخاف احرم طائر بريئ من امه
ممكن اللي عنده خبره يقولي ازاي اعرف ان كان الطائر اللي قدامي ام ولا لا
وياريت لو تعرفوني اوقات تزاوج الطيور يعني كل نوع وموسم التزاوج بتاعه علشان مضربوش


اسف للاطاله انا عارف اني غلست وبقيت بسأل كتير
استحملوني بقي اعتبروني اخوكم الصغير

بص ياسيدي قال الله تعالي (( واحل لكم صيد البروالبحر )) صدق الله العظيم يعني ربنا احل لنا الصيد علشان ناكل ونقدر نعيش وموضوع ان قلبك ضعيف دة موضوع مانقدرش نتكلم فية بس علي سبيل المثال لو في كلب او قطة مسعورة وهجمت عليك ها تقول بلاش اقتلها لا طبعا خد الموضوع ان دة حلال حلال حلال واتكل علي الله
و موضوع اني اعرف ان دية ام ةلا اية دا موضوع صعب شوية وشوية كتير بس ممكن تضرب الذكور

[tito]

يا عبد الرحمن اباح الاسلام الصيد لحاجة الناس اليه لياكلوه منه. والصيد الحلال هو صيد الحيوان او الطائر البرى الغير مستانس والغير قادر على الامساك به .والغلط انك تتخذ من الحيوان هدف لك للتصويب عليه وفيه احكام كتير للصيد سواء الصيد بالكلاب او الصقور او البنادق ممكن تقراء حكم الدين فيها من الموقع دهhttp://islam.aljayyash.net/encyclopedia/book-16-29

[galal khalifa]

شكرا للعضو Tito ونرجو من الاخ الي سأل يراجع الرابط المرفق

[عبدالرحمن]

انا متشكر جدا للاستاذ جلال وتيتو
بس انا اعرف الذكر في الطيور ازاي

[عبدالرحمن]

وحضرتك بتقول ان ربنا حلله في حاجه الناس له طيب واللي اخدها هوايه

[tito]

فى راى الشخصى الحرام انى اضرب الطائر واسيبة يموت من غير ما استفاد بيه ولكن لو اصطدته واستفدت بيه لاكله مثلا دة مش حرام حتى ولو كانت هوايه . ومن باب انها بتزيد من مهارة الفرد على الرماية التى اوصنا بها رسولنا الكريم (ألا إن القوة الرمي، ألا إن القوة الرمي، ألا إن القوة الرمي )) رواه مسلم.

[tito]

عن عبدالله بن عمر بن الخطاب رضي الله عنهما قال : قال رسول الله صلي الله عليه وسلم : ( أُحلت لنا ميتتان و دمان فأما الميتتان فالحوت و الجراد و أما الدمان فالكبد و الطحال ) معنى الحديث انه حلال اكل السمك والجراد بعد موتهما بدون ذبح لصعوبة ذلك. وكذلك الدم حرام باستثناء دميين هما الكبد والطحال اجزاء من الحيوان

[tito]

مهم برضو نعرف ايه الحاجات المحرم صيدها والحاجات المستحب صيدها والرابط ده هيوضح لكم http://www.dar4arab.net/t107481.html

[mezo_hunter]

طاب يا استاذ تيتو القلب و المخ حرم اكلهم

[Karim Eid]

سبحان الله

[body77]

موضوع جميل ونقاش اجمل

[tito]

طاب يا استاذ تيتو القلب و المخ حرم اكلهم

هات انت بس قلب ومخ وخلى السلاطات علينا وطبعا الاعضاء مش محتاجين عزومة وهتعرف هما حلال ولا حرام هههههههه. مش حرام طبعا

[salahfareed]

الصيد حلال حلال حلال بشرط ان يكون بغرض الاكل وليس مجرد التسليه
او اذا كان لاغراض علميه كالتشريح او التحنيط او لاجراء التجارب عليه
والله تعالى اعلم

[أسامه خطاب]

الاخ السائل تحياتي لك على طرح هذا الموضوع
طبعا شئ جميل ان يتحلى الانسان بالمشاعر الرقيقة
أنا مثلا توقفت عن صيد اليمام الذي أجده راقدا في العش على البيض أو الصغار
ولكن اصيد ما يقابلني ، وان كان لما اصيده أبناء صغار فان الله هو الذي خلقهم وهو الذي سيرعاهم
ومن حكمة الله سبحانه وتعالى أنه جعل الزوجين من هذه الطيور ( اليمام والحمام ) يشتركان في رعاية وتغذية ابناءهما الصغار فان فقدت الأم فالأب سيرعاهم والعكس
كما أن الصيد هو رزق من الله وأحله لنا - فان كان لك نصيب في احد الطيور كانت رزق أراده الله لك
وشكرا

[akel]

تصحيح بسيط لآية الصيد التي ذكرها الأستاذ جلال خليفة ..(أحل لكم صيد البحر وطعامه متاعا لكم وللسيارة وحرم عليكم صيد البر مادمتم حرما واتقو الله الذي اليه تحشرون .) صدق الله العظيم

[Mohammad]

أنا عن نفسي مش باصطاد شهر 3 و4 علشان دة الوقت اللي بيبيض فيه اليمام
علشان بس أنا لو قتلت يمامية (أم يعني:)) كدة هاتكون قتلت جوز يمام أو أكتر
اللي هما عيالها و تقبلوا مروري

[عبد.الرحمن]

إعلم يا عبد الرحمن أن الأرزاق بيد الله والصيد حلال إن شاء الله يعني لو انت اصطدت يمامة أو حمامة وطلع ليها ولاد إوعى تفتكر إن ولادهم هيموتوا من الجوع لا لا ربنا أرحم بيهم منك هيوصلهم رزقهم بإذن الله فما خلق الله الخلق لينساهم "سبحانه تبارك وتعالى" وما عليك انت بس إلا إنك تشوي وتحمر وتاكل براااااحتك


وماتنساش أخوك اللي فرق بينك وبينه . نقطة ههههههههه

[مصطفى ابواسماعيل]

الله يفتح عليكم