فرصة للبيع بالأسكندرية تحفتان ايطالى beretta & valtro

[anwer1985]

للبيع بالأسكندرية تحفتان فنيتان ايطالى
2 مسدس ايطالى مستعمل فى حالة ممتازة
beretta nuova molgora mod 48 / 8mlm - pietro beretta v.t made in italy
مسدس صوت ايطالى بريتا نوفا مولجورا موديل 84 عيار 8 ملم ماسورة متحركة

valtro mod 85 compact cal 8mlm salve made in italy
مسدس صوت فالترو ايطالى موديل 85 عيار 8ملم

فقط 1500 للقطعتين معا أن شاء الله
فى حالة بيع كل قطعة لوحدها السعر:-
850 للبريتا أن شاء الله
650 للفالترو أن شاء الله
ملحوظة :- المسدسات بتلمع عشان لسه متشحمة و متزيتة للحفاظ عليها
ملحوظة :- تم تعديل السعر لثالث و لآخر مرة عشان ما نزعلش أخواننا الأعضاء بالمنتدى وعشان يبقى السعر محايد وتم التعديل المرة دى من دماغى والله يعنى مخدتش رأى خبراء بالمنتدى ولا أخوة أعضاء عشان ما تقولوش انهم تجار و بيعملوا كدا عشان يبوظوا البيعة وياخدوا هم المسدسات بتراب الفلوس وكدا يبقى أنا عملت أحلى واجب لأحلى أعضاء
و كل سنة و أنتم طيبين

للتواصل / م. أنور 01220650707

[محمد حافظ بك]

بالتوفيق ان شاء الله

[shamseldin2010]

ياتري فيهم اي مشاكل

[tarekvb]

متابعـــــة

[anwer1985]

ياتري فيهم اي مشاكل

لا أن شاء الله مفهمش أى مشاكل

[خواجة]

بالتوفيق ان شاء اللة

[shamseldin2010]

السلام عليكم ورحمة الله

تمنياتي لسعادتكم بموفور الصحة والسعادة

وخالص امنياتي بتحقيق وعدكم

[shamseldin2010]

ممكن تليفون حضرتك علي الخاص

[eng.amg]

أسعار مناسبة
بالتوفيق إن شاء الله

[ahmedmh_ali]

بالتوفيق ..

[anwer1985]

أستفسار من الأخوة الأعضاء و أدارة المنتدى
هل يا جماعة الأسعار كدا غالية عشان فيه ناس بتتصل و بتتفاوض عالسعر؟
وشكرا

[محمد بيه صابر]

أخي الكريم أكلمك بصراحه من وجهه نظري السعر محتاج تظبيط شويه بسيطه مثلا المسدس علي 600
وهناك ملحوظه أهم الصور مش موضحه حالتهم كويس ده غير موضوع التزييت مبينهم مرشوشين وفي حاله سيئه
وتقبل مروري

[anwer1985]

ممكن حد من الخبراء فى المنتدى يتمن سعر المسدسات ؟
الأمانة مطلوبة :)

[anwer1985]

أخي الكريم أكلمك بصراحه من وجهه نظري السعر محتاج تظبيط شويه بسيطه مثلا المسدس علي 600
وهناك ملحوظه أهم الصور مش موضحه حالتهم كويس ده غير موضوع التزييت مبينهم مرشوشين وفي حاله سيئه
وتقبل مروري

والله حضرتك السعر مناسب جدا جدا
اما بالنسبة لحالتهم ف المعاينة عالواقع تحكم

[محمد بيه صابر]

ممكن تستعين بالاستاذ محمد العناني
والاستاذ احمد مازنجر

[محمد بيه صابر]

حبيب قلبي انا مقصدش اقلل من قيمه السلاح يكفي انه من حضرتك

[محمد بيه صابر]

ممكن تبعتلي ع الخاص سعر البريتا النهائي عشان انازل اسكندريه الصبح ان شاء الله يمكن يكون في نصيب

[anwer1985]

http://www.egypthunt.net/showthread.php?t=13189&highlight=%E3%E6%E1%CC%E6%D1%C7
ارجو اتبارع الرابط لمقارنة السعر و عشان تعرف انى مش ببالغ او بستغل

[anwer1985]

حبيب قلبي انا مقصدش اقلل من قيمه السلاح يكفي انه من حضرتك

الله يعزك كلك واجب يا باشا
و كل سنة و حضرتك طيب

[anwer1985]

ممكن تبعتلي ع الخاص سعر البريتا النهائي عشان انازل اسكندريه الصبح ان شاء الله يمكن يكون في نصيب

700 أن شاء الله

[محمد بيه صابر]

استاذ انور
فاكر استاذ محمد اللي كان عارض مسدس ايرما ويرك زي اللي معاك انا نازل بكره اخلص معاه شوف وابعتلي عشان يبقي مشوار واحد

[محمد بيه صابر]

أخي الحبيب المشرف العام انت انسان اكثر من مهذب واكيد الموضوع مش مقصود ومحصلش حاجه كلنا اخوه هنا

[anwer1985]

أخي الحبيب المشرف العام انت انسان اكثر من مهذب واكيد الموضوع مش مقصود ومحصلش حاجه كلنا اخوه هنا

الكلام موجه لمين حضرتك؟

[محمد بيه صابر]

للأخ المشرف العام اللي افتكر ان انا اللي بسأل عن ترجمه الوجوه بدلا عنك واصلا كانت جايه من أستاذ هشام سمير

[anwer1985]

ما انا استغربت لما لقيت رده اختفى
و عموما منورنا يا استاذ هشام و كل سنة و انت طيب

[anwer1985]

أرجو برضو متابعة رابط اخر للمقارنة فى السعر مع العلم ان المسدس اللى فى الرابط محتاج صيانة
http://www.egypthunt.net/showthread.php?t=17782

[محمد بيه صابر]

متشكر جدا أخي الكريم لأهتمامك وارسالك رساله عبر الخاص وكل عام وانت طيب وبخير وعيد سعيد عليك أخي الكريم و بالتوفيق في البيع

[anwer1985]

متشكر جدا أخي الكريم لأهتمامك وارسالك رساله عبر الخاص وكل عام وانت طيب وبخير وعيد سعيد عليك أخي الكريم و بالتوفيق في البيع

اعزك الله استاذ محمد و حضرتك بالصحة و السلامة و عيد مبارك عليك و علينا

[old hunter]

الاسعار مناسبه وجميله بنسبه للبريتا بالخص بس هل البريتا ماسوره متحركه

[anwer1985]

الاسعار مناسبه وجميله بنسبه للبريتا بالخص بس هل البريتا ماسوره متحركه

حضرتك انا مكنتش أعرف لحد قريب بس لما وريته لاحد الاصدقاء قالّى متحركة أن شاء الله

[kefafy]

المسدسات تحفة خصوصا البريتا
و السعر جميل

[محمد حافظ بك]

لا شكر علي واجب يا استاذ انور ... بس اعتقد ان لو في حد مغلي السعر في سلعة واجب ننبه و كذلك لو ميعرفش قيمتها نقوله برضه .. و بالتوفيق

[anwer1985]

لا شكر علي واجب يا استاذ انور ... بس اعتقد ان لو في حد مغلي السعر في سلعة واجب ننبه و كذلك لو ميعرفش قيمتها نقوله برضه .. و بالتوفيق

أشكرك شكرا جزيلا على ذوقك و نصيحتك الغالية
و كل سنة و انت طيب

[shamseldin2010]

ربنا يوفق سعادتك في البيع
وكل سنة وحضرتك طيب
وانا مازل عرضي قائم

[anwer1985]

ربنا يوفق سعادتك في البيع
وكل سنة وحضرتك طيب
وانا مازل عرضي قائم

أستاذ شمس الدين لو حيناسبك السعر الجديد بعد التعديل أنا معنديش مشكلة أنى أحجزهم لك
بس أرجو الجدية
وكل سنة و حضرتك طيب و مصر كلها بخير و صحة و سلامة

[shamseldin2010]

انا غير موافق علي السعر الجديد انا عرضي مازال قاءم علي السعر القديم وهو  جنيه ثم حضرتك بتقول جدية هوة انت اتعاملت قبل كده معايا اسال من تعامل معي سعادك بتتعامل مع مهندس / شمس الدين ابراهيم مدير عام ادارة نظم المعلومات في جامعة القاهرة

[زيكوووو]

هل الماسوره متحركه

[anwer1985]

هل الماسوره متحركه

متحركة أن شاء الله

[anwer1985]

انا غير موافق علي السعر الجديد انا عرضي مازال قاءم علي السعر القديم وهو  جنيه ثم حضرتك بتقول جدية هوة انت اتعاملت قبل كده معايا اسال من تعامل معي سعادك بتتعامل مع مهندس / شمس الدين ابراهيم مدير عام ادارة نظم المعلومات في جامعة القاهرة

حصل خير يا بشمهندس شمس مش القصد أنى أوجهلك الكلام حضرتك بالذات انا بتكلم بوجه عام عشان ياما ناس اتصلت و حجزت و أدى وش الضيف
أتمنى أن حضرتك ما تزعلش
و كل سنة و أنت طيب

[MIDO911S]

بالتوفيق انشاء الله وكل سنه وانت طيب

[anwer1985]

بالتوفيق انشاء الله وكل سنه وانت طيب

وأنت بالصحة و السلامة

[TITODJ]

على فكرة انا كنت حاجز المسدس منك وكان بينا ميعادة بمارة لما اتصلت بيك بليل شوية وقتلك جاى من سفر
ان بس عايز افهم حضرتك عدلت السعر لية وكمان غليت 300 جنية فى البريتا وكمان دة 8 ملى طيب مهو اللى
ايجيب ال 8 ملى يجيب الجكال ديول السريع اللى بيضرب بلى بالالف جنية على الاقل ايلاقى الطلق ال 9 ملى كتير عند التجار انما ال 8 ملى بيتباع اغلى من ال 9 ملى واظن انت حضرتك عارف الكلام دة وانا مش موافق على التعديل وخلى الاعضاء الخبراء اللى قالولك ونصحوك خليهم هما يشتروا المسدس دة
تعرف انت لوقتلتلهم طلاما المسدس قيم وانتم مقيمينو بالسعر دة اشتروو بالالف جنية صدقنى مش ايوافقو لانهم تجار ولو ايشتروا منك ايقولولك 500 جنية
على ما اظن هما قالولك يسوى الف جنية علشان محدش يشترية خالص وبعد كدة ياخدوا منك برخصة تراب دى سياسة تجار وانا عارفها وحافظها جداا وانا عايز اعرف هيا فين الادارة علشان تشوف ال 300 جنية اللى غلو فى المسدس

[anwer1985]

على فكرة انا كنت حاجز المسدس منك وكان بينا ميعادة بمارة لما اتصلت بيك بليل شوية وقتلك جاى من سفر
ان بس عايز افهم حضرتك عدلت السعر لية وكمان غليت 300 جنية فى البريتا وكمان دة 8 ملى طيب مهو اللى
ايجيب ال 8 ملى يجيب الجكال ديول السريع اللى بيضرب بلى بالالف جنية على الاقل ايلاقى الطلق ال 9 ملى كتير عند التجار انما ال 8 ملى بيتباع اغلى من ال 9 ملى واظن انت حضرتك عارف الكلام دة وانا مش موافق على التعديل وخلى الاعضاء الخبراء اللى قالولك ونصحوك خليهم هما يشتروا المسدس دة
تعرف انت لوقتلتلهم طلاما المسدس قيم وانتم مقيمينو بالسعر دة اشتروو بالالف جنية صدقنى مش ايوافقو لانهم تجار ولو ايشتروا منك ايقولولك 500 جنية
على ما اظن هما قالولك يسوى الف جنية علشان محدش يشترية خالص وبعد كدة ياخدوا منك برخصة تراب دى سياسة تجار وانا عارفها وحافظها جداا وانا عايز اعرف هيا فين الادارة علشان تشوف ال 300 جنية اللى غلو فى المسدس

باشا أولا كل سنة و أنت طيب
ثانيا أنت لو كنت جيت فى ميعادك على نفس السعر اللى اتفقنا عليه مكنتش حقدر اتكلم ولا اغلّى عليك عشان كدا انا عارف انا بعمل أيه و أغلّى أمتى و ما أغلّيش أمتى وياما ناس بركة كدا زيك اتصلوا و حجزوا ولا راحوا ولا جم وبحب أورى الأعضاء انا ليه ما بحجزش ولا اشيل اى حاجة لحد ليه و برضو لسه عندى اتفاقى لو أنت جيت ولقيت المسدس لسه موجود حديهولك بالسعر اللى قولت لك عليه وبشهد الاخوة الأعضاء أمام أعينكم أهو و يبقى أنا كدا عدانى العيب و لو أتباع قبل ما تيجى يبقى قدر الله ماشاء فعل و مش من قسمتك ولا نصيبك
ثالثا تم تعديل السعر بعد ما ميعاد البيع اللى أنت أتفقت عليه فات و عدى اللى هو السبت 5/11/2011 صباحا
رابعا البيع و الشراء لغة و حوار مش عصبية وانا شايفك متعصب و زعلان أوى أتمنى متزعلش نفسك و كل سنة و أنت طيب

[shamseldin2010]

انا مع الاستاذ تيتو في كا اللي قاله ياريت يا استاذ انور تفكر شوية علشان يتباعو المسدسين وكل سنة والمنتدي كله اصدقاءه ومشرفينه بالف صحة وسعادة جعله الله عيد فيه البركة والامان والتقدم والرقي لهذا البلد*

[anwer1985]

انا مع الاستاذ تيتو في كا اللي قاله ياريت يا استاذ انور تفكر شوية علشان يتباعو المسدسين وكل سنة والمنتدي كله اصدقاءه ومشرفينه بالف صحة وسعادة جعله الله عيد فيه البركة والامان والتقدم والرقي لهذا البلد*

بشمهندس شمس مع أحترامى لرأى حضرتك
بس انا عارف انا بعمل أيه و عليت السعر ليه وأكيد طبعا حضرتكم عارفين قيمة المسدسات دى كويس و لو مكنتوش عارفين قيمتها مكنتوش الحيتوا فى شرائها
غير كدا كمان بسم الله ماشاء الله الناس اللى بتتكلم عالمنتدى هنا أكتر من اللى بتنفذ
غير كدا أنا عرضت عرض عالأستاذ تيتو عشان ما يزعلش منى و أمام كل الاعضاء عرضت العرض دا عليه عشان يبقى كدا انا عدانى العيب وقولت له حديك المسدس بالسعر اللى اتفقنا انا و هو عليه و عشان أشهد الاخوة الأعضاء و يعرفوا انا ليه بعلى فى السعر و ما بحجزش ولا أشيل حاجة لحد
وشكرا

[kefafy]

لا حول ولا قوة الا بالله
ياجماعة
هو صاحب السلعة زى مهو صاحب قرارة لو حتى حط 10000 جنية
حد يقدر وهو بيتمشى وشاف فى فاترينة عرض بنطلون 3000 متهيقلى محدش يقدر يتكلم مع صاحب السلعة
اه مش هشترى البنطلون انما مش معقولة كل مواحد يعرض حاجة نقعد نتكلم معاه بالطريقة دى !
ما بين البائع و الشارى (يفتح الله)
فى قواعد لقسم البيع والشراء ياريت يا اخوانى الكرام نلتزم بها عشان نبقا اكثر نظاما
وكل سنة وانتم طيبين وكل اخوانى فى المنتدى بالف صحة وستر يارب
وعيد سعيد عليكم
وربنا يبارك للبائع ويسهلة بيعه ويبارك للمشترى ويبارك له فيه

[shamseldin2010]

السلام عليكم ورحمة الله ازيك يا استاذ ياسر كل سنة وانت طيب والاسرة جميعها بصحة وسعادة انا طبعا مع سعادتك ان كل واحد يحط السعر اللي هوة عايزة وطبعا يحط سعر مناسب لسعر السوق اذا اراد ان تباع سلعته لكن اذا اراد ان يتسلي ويضيع وقت فانه يضيع اي رقم اخيرا علشان ماطولش لان الكلام كتي كل سنة وجميع الاخوة في المنتدي طيبين ارجو ارجو ان نتقبل اراء بعض دون زعل او تجريح

[anwer1985]

السلام عليكم ورحمة الله ازيك يا استاذ ياسر كل سنة وانت طيب والاسرة جميعها بصحة وسعادة انا طبعا مع سعادتك ان كل واحد يحط السعر اللي هوة عايزة وطبعا يحط سعر مناسب لسعر السوق اذا اراد ان تباع سلعته لكن اذا اراد ان يتسلي ويضيع وقت فانه يضيع اي رقم اخيرا علشان ماطولش لان الكلام كتي كل سنة وجميع الاخوة في المنتدي طيبين ارجو ارجو ان نتقبل اراء بعض دون زعل او تجريح

بشمهندس شمس مع احترامى لحضرتك انا لو كنت بتسلى أو حبيت أتسلى كنت قولت لحضرتك انا موافق على عرضك و سعرك و سيبتك تيجى أسكندرية عالفاضى
ولا أيه يا جماعة
أرجو أننا نخلى بالنا من كلامنا لو تكرمتم
وكل سنة و انتوا طيبين

[anwer1985]

لا حول ولا قوة الا بالله
ياجماعة
هو صاحب السلعة زى مهو صاحب قرارة لو حتى حط 10000 جنية
حد يقدر وهو بيتمشى وشاف فى فاترينة عرض بنطلون 3000 متهيقلى محدش يقدر يتكلم مع صاحب السلعة
اه مش هشترى البنطلون انما مش معقولة كل مواحد يعرض حاجة نقعد نتكلم معاه بالطريقة دى !
ما بين البائع و الشارى (يفتح الله)
فى قواعد لقسم البيع والشراء ياريت يا اخوانى الكرام نلتزم بها عشان نبقا اكثر نظاما
وكل سنة وانتم طيبين وكل اخوانى فى المنتدى بالف صحة وستر يارب
وعيد سعيد عليكم
وربنا يبارك للبائع ويسهلة بيعه ويبارك للمشترى ويبارك له فيه

أستاذ ياسر الكفافى كل سنة و أنت طيب
و الله ينور عالكلام المظبوط و ربنا يفتحها عليك و علينا

[shamseldin2010]

استاذ انور ارجو ان تتقبل اعتذاري فلقد خانني التعبير وكل سنة وحضرتك طيب

[anwer1985]

استاذ انور ارجو ان تتقبل اعتذاري فلقد خانني التعبير وكل سنة وحضرتك طيب

وأنت بالصحة و السلامة يا بشمهندس

[اسكندرانى]

لا اله الا الله

[kefafy]

أستاذ ياسر الكفافى كل سنة و أنت طيب
و الله ينور عالكلام المظبوط و ربنا يفتحها عليك و علينا

احب انوه لاخوانى الكرام
انا لست ياسر الكفافى
انا احمد الكفافى
يشرفنى ان استاذ ياسر يشاركنى نفس الاسم ولكن انا احمد الكفافى من الغردقة بالبحر الاحمر وبحاول دائما لما اكتب بكتب فى اخر الموضوع اخوكم احمد كفافى عشان التشابة
تحياتى ليكم
وتحياتى للجميع
وتحياتى لانور بيك وياسر بيك
وكل سنة وانتم طيبين

[anwer1985]

احب انوه لاخوانى الكرام
انا لست ياسر الكفافى
انا احمد الكفافى
يشرفنى ان استاذ ياسر يشاركنى نفس الاسم ولكن انا احمد الكفافى من الغردقة بالبحر الاحمر وبحاول دائما لما اكتب بكتب فى اخر الموضوع اخوكم احمد كفافى عشان التشابة
تحياتى ليكم
وتحياتى للجميع
وتحياتى لانور بيك وياسر بيك
وكل سنة وانتم طيبين

الموضوع نور يا أستاذ أحمد بيك و بردك و مشاركتك
و تحية لأهل الغردقة
وكل سنة و انت طيب :)

[kefafy]

شكرا لزوقك يفندم

[محمد بيه صابر]

سيدي الفاضل صاحب الموضوع لو كنت انهيت في موضوع الشراء من البدايه كان زمانك بعتهم في نفس يوم العرض ع المنتدي انت كده بتحرق وقتك وفلوسك اللي هيا سلعتكوارجو ان تتفهم النصيحه مش اكتر
اخوك ف الله وحبيبك محمد صابر

[محمد بيه صابر]

وانا لاحظت وجود مشتريين ممن يشهد لهم بحسن الخلق والمعامله بخلافي طبعا كالأستاذ شمس الدين والاستاذ تيتو وانت لم تبيع بارك الله في قليل برضا النفس والناس

[anwer1985]

يا جماعة تم تعديل السعر الى 1300 جنيه أن شاء الله عشان ما نزعلش أخواننا الاعضاء مننا
و اللى اولى بالعرض و السعر القديم اللى هو 1300 جنيه بشمهندس شمس الدين لأنه صاحب أول تواصل و رد عالموضوع و حجزهم فى بادئ الأمر
فأنا فى أنتظار أتصال البشمهندس شمس
و العرض سارى للبشمهندس شمس الدين لفترة محدودة لو ما أتصلش حفتح العرض لجميع الاعضاء وبنفس السعر اللى اتفقت عليه مع البشهمندس شمس اللى هو 1300 جنيه أن شاء الله
تقبلوا تحياتى

[ابوجودة]

بالتوفيق ان شاء الله

[محمد بيه صابر]

الله ينور عليك أخي الكريم
ولو حابب تبدل ببراوني جاب شبيه الجلوك وهو ايطالي بحاله ممتازه مفيش مشكله
موفق ف البيع ان شاء الله
وتقبل مروري أخي الكريم

[anwer1985]

تم البيع بحمد الله للبشهمندس شمس الدين و حضرته بصراحة كان أكثر من ذوق و أخلاق وربنا يبارك له فى الحاجة
واسكندرية نورت و شرفت بيه و أن شاء الله تكون معرفة خير ولينا تعامل تانى مع بعض بأذن الرحمن
أرجو من أدارة المنتدى أغلاق الموضوع
وشكرا

[محمد بيه صابر]

شوفت يا معلم انور عشان تبقي تسمع كلام أخوك الصغير محمد اهو ربنا كرمك وبعت واتعرفت براجل اكتر من محترم الأستاذ شمس فين حلاوتي بقي منكوا الاتنين

[محمد بيه صابر]

والله مكسبي ان الناس تحب بعضها وتحبني وتتعرف كل يوم علي ناس محترمه
في واحد ممكن ميشتريش منك النهارده ولا الشهر ده بس ممكن السنه الجايه تنزل عرض تلاقيه زبونك وعايزك وحابب يتعامل معاك بسبب كرم أخلاقك ومعاملتك الكويسه ده غير انك بتكسب ثواب وبتكسب سمعه طيبه وكمان هامش ربح ربنا يباركلك فيه

[anwer1985]

والله مكسبي ان الناس تحب بعضها وتحبني وتتعرف كل يوم علي ناس محترمه
في واحد ممكن ميشتريش منك النهارده ولا الشهر ده بس ممكن السنه الجايه تنزل عرض تلاقيه زبونك وعايزك وحابب يتعامل معاك بسبب كرم أخلاقك ومعاملتك الكويسه ده غير انك بتكسب ثواب وبتكسب سمعه طيبه وكمان هامش ربح ربنا يباركلك فيه

والله يا محمد باشا حتى لو مشتراش حاجة يكفى أننا بنتعرف بناس محترمة و معرفة الناس كنوز ومكسب و تغنيك عن أى فلوس و بحب أشكر أدارة المنتدى أنها بتجمع الناس الحلوة عالخير