عايز سلاح محترم

[mahmoud_maher]

السلام عليكم ورحمه الله وبركاته

انا جديد يا جماعه معاكم فى المنتدي وكمان فى سوق الاسلحه وعايز طبنجه محترمه تكون مفتوحه و و 9 ملي وتكون خزنه كبيره 16 طلقه او اكتر ويمكن تركيب طلقات بلي عليها واهم حاجه تكون صوتها عالي جدا جدا وتكون شبيها بالحي وحجمها كبير معلش انا طلباتي كتير بس ده لأني جديد وبحاول استفيد بخبرتكم علشان لما انزل اشتري محدش ينصب عليا ويبعلي اى حاجه وكمان لانى مش هاقدر اجرب الحجات دي فا عايز حاجه تكون فيها المميزات دي اللى انا قولتها وتكون ماركه محترمه الماني او ايطالي لانى انا مش كل شويه هاغير فا عايز حاجه تعيش معايا فتره كبيره وكمان تشرفني قدام اي حد ومش مهم السعر ياريت لو حد هايرد عليا يرفق ليا صوره الطبنجه واسمها تفصيليا وبلد الصنع ومميزتها وياريت لو السعر واكون شاكر جدا جدا لحضراتكم

[hossamedeen]

عليك وعلي ال روم 9 ملي ....بس طبعا هتلاقيه مستعمل او البروني 9000 ايطالي جديد ولو عايز نصيحه اخويه اتصل بمازنجر يجيبلك ريتاي بارون من الابداعاته لان الريتاي الاصدار القديم موجود دلوقت

[mahmoud_maher]

اشكرك اخي الكريم ولكن انا اريد سلاح بنفس المواصفات ذكرتها فى موضوعي اريد منك اخي الكريم ان تذني بمعلومات عن الريتاي بارون لانك بتنصحني بيه وياريت موصفاته وسعره يعنى بيشل كام طلقه مفتوح ام لا بلد الصنع وياريت لو صوره واكون شاكر لحضرتك جدا

[mahmoud_maher]

وياريت تكون حاجه صوتها عااالي جدا وبتشيل طلقات كتير يعنى 16 طلقه مثلا وتكون 9 ملي ومفتوحه

[ِAhmedAlaa2007]

الريتاي براون
14 طلقة 9 مم
تركي الصناعة
يوجد منه مفتوح / مقفول من المصدر
سعر المفتوح يتراوح بين 900 - 1000 ج
طبعا معظم الموجود حاليا الاصدار الجديد اللي مش عليه شعار ريتاي علي الدبشك وعلي فكرة الاصدار الجديد مش وحش بس القديم الناس اللي جربت بتقول انه أحلي (( الاصدار القديم عليه شعار ريتاي علي الدبشك )) بس القديم لو لقيته هيكون غالي بتاع 200 - 300 ج فنصيحة خليك في الجديد وخصوصا لو هتجيب طبة مازنجر
طبة مازنجر احسن طبة في السوق بشهادة كثير من الناس بتدي مدي فعال حتي 90 متر واصابة ناجحة بنسبة انحراف بسيطة (( من 5 الي 15 سم )) لغاية مسافة 25 متر وسعرها 150 ج بطول مسورة المسدس (( طبة طويلة )) ومعالجة كيميائيا وحاجة منتهي النضافة ومافيش حد اشتكي من الحشر او التنفيخ معاها حتي الان علي عكس الطبب العادية ام 30 و 50 اللي بتبوظ بعد ضرب خزنة (( اشتري مرة واحدة غالية وسيبك من الرخيص )) وعلي فكرة هيا بتعدي بلية مقاس 2 يعني حوالي 4 مم
-------------------------------------------------------------------------------------------
مسدس ريتاي براون قول 950 ج (( اعلي سعر سمعته من التجار في المنتدي ))
طبة من مازنجر 150 ج
علبة طلق تركي ozk بتعمل معاك حوالي 300 (( من انضف انواع الطلقات ))
جراب نضيف وزيت تنضيف وفرشة سلاح وشوية حبشتكنات كده قول 100 ج
و2 كنز وشندوتشين وكيسين شيبسي وتاكسي رايح جاي وعلبة عصير للراجل اللي بقاله نص ساعة بيكتب ده (( انا هههههههه )) قول كمان 100ج
الاجمالي 1600 ج
مستحيل هتعدي المبلغ ده ويكون معاك سلاح قوي تقدر تدافع عن نفسك وعيلتك

اتمني اني اكون افدتك ولو عايز اي حاجة اكتبها في كومنت وانا متابع الموضوع وهرد عليك وكمان استني شوف اراء استاذنا اللي انا اتعلمت منهم هيقولك ايه وكل سنة وانت طيب

[deutscher Sniper]

راجع عروض السوق اخى الكريم

هناك هروض اكثر من ممتازة للريتاى بارون منه مقفول ومفتوح وجاهز بالطبة وغيرة

راجع العروض دى

http://www.egypthunt.net/showthread.php?t=17781

http://www.egypthunt.net/showthread.php?t=17750

http://www.egypthunt.net/showthread.php?t=17729

http://www.egypthunt.net/showthread.php?t=17730

http://www.egypthunt.net/showthread.php?t=17494

ارجو ان اكون قد افدتك

وتحت امرك فى اى شي

[hossamedeen]

علبتين عصير بقا وخليك جدع

[hossamedeen]

علي فكره ممكن كمان تجرب الايكول جاكال بس فعلا وزن وميكانيزم وحجم ومنظر الريتاي (شبيه الزيج زاور) ممتاز.......وايه يا اخ احمد علاء نسبة الانحرف الي 25 متر دي ...يا راجل كده الطلقه تكون راحت الشارع الي جنبنا .........اولا مفيش حد هينشن علي حاجه ابعد من 10 متر ونسبة الانحراف حوالي 10 سنتي ده لو افترضنا ان نشان سعادتك 100% وان الهواء ساكن والهدف ما اتحركش............. ومع احتساب نسبة دوران الكره الارضيه حول محورها وحركتها حول الشمس يبقي موضوع ال 25 متر ده مظبوط

[ِAhmedAlaa2007]

رغم اني مفهمتش من كلامك حاجة بس واضح انه كلام علمي
يا عم انا بقول اللي كان قايله مازنجر اول ما عمل طبة الريتاي وراجع الموضوع بنفسك هتلقيه في ورشة الاسلحة وكمان يا عم انا قصدي ان نسبة الانحراف بسيطة يعني من 5 - 10 سم علي مسافة 25 متر مش انحراف 25 متر انا هغيرها عشان الناس متفهش كلامي غلط

[ِAhmedAlaa2007]

http://www.egypthunt.net/showthread.php?t=12652
شوفوا الموضوع ده كله وشوف قوة الريتاي مع تعديل مازنجر

[mahmoud_maher]

يا جماعه انا مش عارف اشكركم ازاي على كل التوضويح ده والكلام الاكثر من رائع انتم فعلا اعضاء ممتزين

والاختيارت كترت قوي قدامي وانا دلؤقتي احترت اكتر من الاول ومش عارف اختار ايه ولا ايه انا عايز حد يرشحلي حاجه واحده بس تكون بالمواصفات دي

1- خزنه كبيره 14 فما فوق

2 - صوت عااالي جدا

3 - مسوره مفتوحه او يتم التعديل عليه بمصوره مفتوحه عشان يقبل الطلق البلي ويكون بيرمي مسفات طويله

4 - ماركه محترمه تعيش معايا علشان انا مش من هواه التغير كل فتره ومش مهم السعر

5 - يكون منظره شبيه بالحي يعني حاجه تشرف كده

وفى النهايه اشكركم كلكم طبعا على تعبكم معايا