جبت الكرال أخيرا

[eng.amg]

الحمد لله جبت الكرال ماجنم 5.5 أخيرا بعد تردد

أنا عندي الشنغهاي بي 3-02 لما قارنت الإتنين لقيت إن الكرال أخف وزن وأطول شوية وأقوى وأبعد في المدى

لكن الشنغهاي هادية في الضرب وناعمة عن الكرال وسريعة في الريلود-(عتلة). بس يمكن أنا متعود علي الشنغهاي مش عارف.

الدقة شبه واحدة ويمكن علشان قصر الشنغهاي عن الكرال فالتحكم فيها اكتر

السؤال بقى... لو ركبت على الكرال سكوب تاسكو 28* (3-7) هل حيظبط النشان بطريقة ملحوظة
دا لأن ردة فعل الكرال قوية جدا.

[rock]

السلام عليكم ... هى زى ماحضرتك قلت رد فعل قوى ... لكن فيه ناس جربته وشغال تمام ... ومعانا فى المنتدى الاخ محمود علاء وكان عامل موضوع عن الاسكوب ده ... تحياتى .

http://www.egypthunt.net/showthread.php?t=14486

[eng.amg]

شكرا علي الرد

[dr_mohasan]

مبروك عالبندقية , ركّب السكوب وان شاء الله هايظبط معاك

[عادل عبده]

الف مليار مبروك على البندقيه يا اخى ربنا يكفيك شرها ويجعل رزقها واسع
اتعود تضرب اوبن سايد الاول وبعد كده ابقى ركب اسكوب عشان تحس بالفرق

[Masterssss]

مبروك يا هندسه انا حصلتك ومكدبتش خبر واشتريت واحده برده

[hanmosad]

ألف مبروك وربنا يبارك لك فيها و يرزقك بيها الخير

[الطيار]

الف مبروك وعبالى لما اجيب الكرال انا كمان معايا شنقهاى b3-2 ونفسى اجيب كرال انشاء الله قريب

[eng.amg]

شكرا على المشاركات احنا جربنا الكرال النهاردة في اكتوبر٠
البندقية دقيقة على المسافات القريبة٠ لكن قوية جدا لدرجة ان ليها رد فعل بيرفع الماسورة عن الهدف خصوصا في المسافات البعيدة مع اني جايب اخر النشينكان٠
يعني علشان اجيب حمامة بضرب حوالي عشرة سم تحتها من مسافة خمسين متر٠
ال بي اس بضرب علي الهدف مباشر بيصيب

بس كان يوم جميل والناس اكثر من محترمة

[amin hegazy]

الف مبروك وان شاء الله قريب نبارك على السكوب :)

[الرحاله]

الف مبروك وعقبالى يا رب

[zicooo]

مبروك عالبندقية