شهادة حق في محلات حضر بالإسكندرية [الأرشيف]

مشاهدة النسخة كاملة : شهادة حق في محلات حضر بالإسكندرية

Sniper84

11-11-01, 02:20 AM

السلام عليكم،

أعزائي أعضاء منتدانا الراقي،

أولا أشهد الله إن الموضوع دة شهادة حق خالصة لوجهه تعالى بدون أي مصلحة أو نية إعلان أو رياء و العياذ بالله.

الموضوع بإختصار إني بقالي فترة بدور على إكسسوارات للسلاح و زيت تنظيف و طلقات صوت و سألت على المنتدى و أكثر من أخ كريم نصحوني أروح لمحل الزميل الباشمهندس هيثم خضر، إمبارح تولكت على الله و عديت عليهم و للأسف الباشمهندس هيثم مكانش موجود لكن للأمانة قابلني هناك إتنين شباب في غاية الذوق و الإحترام و هم بالمناسبة زمايل لينا في المنتدى هنا أحتفظ بأسمائهم لأاني مستأذنتهمش، الناس بصراحة مقابلتها في منتهى الذوق و يحرجوك من كتر الأدب و الأخلاق و لما كمان عرفوا إني جي عن طريق المنتدى زاد الترحاب و الحفاوة و أصروا بعد ما الحمد لله لقيت كل طلباتي عندهم إنهم يعملولي خصم ممتاز بدون ما أتكلم معاهم في السعر نهائي، كنت مبسوط جدا من التعامل معاهم و عدم بخلهم بأي معلومات دة غير إني كمان صرحتلهم إني بقالي فترة نفسي أتعلم صيد بري و طيور بس مش لاقي صحبة و هم عرضوا إنهم يساعدوني أتعلم الموضوع كمبتدأ و دة كان شئ مهم جداً بالنسبة لي،

دي تاني شهادة حق لوجه الله تعالى و ربنا يبارك لهم و يبارك لنا جميعاً و لكل التجار المحترمين أمثالهم.

و شكراً

oloosa

11-11-01, 04:22 PM

ولله ياباشا كغايه زوق حضرتك نورت

هشام عزب

11-11-01, 04:35 PM

فعلا معامله هيثم خضر والعاملين بالمحل تستحق الاشاده ولا نزكيهم علي الله ولكنهم فعلا ناس محترمين جدااااااااااااااااااااااااااااااااااااااااا

HSK

11-11-01, 05:17 PM

طيب ياترى عتوان المحل فين بالإسكندرية؟

Sniper84

11-11-01, 05:34 PM

طيب ياترى عتوان المحل فين بالإسكندرية؟

العنوان الممر التجاري بجوار قهوة أبو شوشة هتلاقي القهوة على يمينك أول ما تدخل خالد بن الوليد من محمد نجيب على البحر و على شمالك لو إنت جاي من جمال عبد الناصر.

the hacker

11-11-01, 05:42 PM

شكر خاص جدا للاستاذ اسلام على الكلام الى اخجلنا و هو انسان يستحق كل تقدير و احترام . نشكر ايضا للاستاذ هشام عزب لانه اخ تكبر لنا و هو من الاشخاص الجديره بالاحترام والثقه و مره اخرى شكرت جدا لك يا استاذ اسلام على ذوق حضرتك و المحل محلكوفى تى وقت . وايضا محل جميع الاخوه فى المنتدى.عنوان المحل : شارع خالد بن الوليد الممر التجارى بجانب مقهى ابو شوشه محل رقم .

bravehro1

11-11-01, 05:48 PM

هيثم انسان محترم جدا من واقع تعملي معه باستمرار وهو اهل للثقه

trainman

11-11-02, 08:45 AM

ألف مليون شكر على الكلام الرقيق ده و الذى لا أجد رداً أبلغ منه حتى أرد به و كل أود إبلاغكم به إنه مكانكم فأنتم أصحاب فضل و تحت أمركم فى أى شىء.
هيثم خضر.

ahmedmh_ali

11-11-05, 04:47 PM

الأستاذ هيثم و الأستاذ علاء و صديقى العزيز the hacker من الناس المحترمة جدا جدا جدا جدا جدا جدا و مفيش مجال للمنافسة بصراحه ، و كمان تحس أنك بتتعامل مع أخوات مش محل فية بائع و شارى ..

mohamed sokar

11-11-10, 04:04 PM

طب ممكن الافاده من اخوانى الكرام

انا لسه مبتدء وعاوز اشترى بندقيه رش

حتبقى بكام ونوعها ايه ولا كل الرش نوع واحد ؟؟

mohamed sokar

11-11-11, 07:08 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Sniper84

11-11-11, 07:21 PM

طب ممكن الافاده من اخوانى الكرام

انا لسه مبتدء وعاوز اشترى بندقيه رش

حتبقى بكام ونوعها ايه ولا كل الرش نوع واحد ؟؟

طبعا مش كلهم واحد بس انا كمبتدئ الخبراء نصحوني بالكرال الرماية الفايبر سعرها عند خضر 1300 جنيه.

mohamed sokar

11-11-11, 09:41 PM

1300 يا نهار ابيض

ده انا كنت معتقد انها فى حدود 300 الى 500

القناص1

11-12-06, 11:17 AM

والله نفس الكلام حصل معايا بالظبط انا روحت ولقيت شاب هناك الصراحه قمه فى الاحترام ولما سالته وملقتش الحاجه اللى انا عايزها ادانى رقم تليفونه وقالى كلمنا تانى نكون جبنالك الحاجه وانا جاى اخرج لفت نظرى مجموعة حاجات عنده المهم سالته وبصراحه الراجل قام بالواجب وشرحلى كل اللى عايز اعرفه اتمنى ان شاء الله انى اتعامل معاهم دايما لانى بجد ده اول محل سلاح اتعامل معاه واحس انى واحد منهم

القناص العالمي

11-12-07, 11:44 PM

+1111111111111111111

trainman

11-12-12, 10:27 AM

شكراً لكل الإخوه الأفاضل.

sadaany

11-12-12, 10:54 AM

صباح الفل ياهندسه انا اؤيد هذا الكلام ولكم منى كل التقدير والاحترام ويارب نشفكم اكبر ناس فى هذا التخصص

kiko_2015

11-12-12, 12:08 PM

وانا ايضا من السمعه الحلوه دي اتمني ان اتشرف بزيارة محلات خضر

mzkader

11-12-12, 01:43 PM

وانا ايضا من السمعه الحلوه دي اتمني ان اتشرف بزيارة محلات خضر

هو أنت لسه ما زورتوش :)

kiko_2015

11-12-12, 03:10 PM

هو أنت لسه ما زورتوش :)

عقبال ربنا يكتبهالنا و يكرمنا انا وانت بزيارته سوا ياخويا...ايه يا محمد انت محسسني اننا رايحين نزور ضريح

AHMED IS MAHMOUD

11-12-12, 06:49 PM

عقبال ربنا يكتبهالنا و يكرمنا انا وانت بزيارته سوا ياخويا...ايه يا محمد انت محسسني اننا رايحين نزور ضريح

ههههههههههههههههه

sadaany

11-12-12, 08:50 PM

ابقى روح ولف 3 لفات حول الريون وبعدين اتمسح فى مسدسين جاكال واضربلك طلقتين وخش برجلك اليمين هههااااااااااااااااااااا
هتلاقى ربنا فتح عليك وختلك 30 طلقه وانتا ماشى ههههههههههااااااااااااااااااااااااااااااااا
بس خلى بالك لازم المسدسين الجاكال يبقى لم يمسسهم بشر

kiko_2015

11-12-13, 08:21 AM

mzkader

11-12-13, 08:28 AM

عقبال ربنا يكتبهالنا و يكرمنا انا وانت بزيارته سوا ياخويا...ايه يا محمد انت محسسني اننا رايحين نزور ضريح

و الله ما هرد عليك غير لما أشوفك يا فقرى :)

ahmedmh_ali

11-12-13, 12:56 PM

هههههههههههههههههههههههههههه

Abo shady

12-01-10, 09:12 PM

السلام عليكم ورحمة الله وبركاته
انا فعلا نفسى اشترى مسدس جاكال ديوال وان شاء الله يكون من محل خضر مع ان انا من كفرالشيخ وعندنا محلات كتير بس من كتر كلام الاخوه الافاضل عن محل خضر ان شاء الله اشترى منه واتمنى من الاخ هيثم يفيدنى بالاسعار وهل فيه عندة مفتوح من المصدر ولا لا وشكرا جزيلا لكل من تكرم وافاد فى هذا المنتدى الرائع

Abo shady

12-01-10, 09:21 PM

السلام عليكم ورحمة الله وبركاته
الرجاء من الاخوه الافاضل يفيدونى ممكن الاقى مسدس جاكال ديوال مفتوح من المصدر وسعره كام من محل خضر ولكم من كل الاحترام والتقدير

Abo shady

12-01-10, 09:38 PM

Max.1

12-01-10, 09:56 PM

دى حاجه تدى ثقه للعملاء علشان المحل

mr-a

12-01-12, 09:14 PM

ممكن تليفون المحل يا إخوة ربنا يبارك فيكم ؟؟؟؟؟

ĴΘĶЄЯ

12-01-12, 11:23 PM

والله ناس قمة فى الاحترام
مش زى باقى المحلات التييييييييييييت

محمد المهدى

12-01-14, 11:06 AM

مهندس هيثم رجل محترم جدا و انا كثير اسألة عن الاسعار و لا اشترى لتغير بعض الظروف و هو لا يمل او يعترض بل بالعكس يقدم عروض مغرية جدا

trainman

12-01-16, 10:04 AM

السلام عليكم ورحمة الله وبركاته
الرجاء من الاخوه الافاضل يفيدونى ممكن الاقى مسدس جاكال ديوال مفتوح من المصدر وسعره كام من محل خضر ولكم من كل الاحترام والتقدير

سعره 2000 جنيه و فى منه لون فيرانى شيك أوى موجود عندى إن شاء الله
للإتصال:0122345600.

trainman

12-01-16, 10:05 AM

مهندس هيثم رجل محترم جدا و انا كثير اسألة عن الاسعار و لا اشترى لتغير بعض الظروف و هو لا يمل او يعترض بل بالعكس يقدم عروض مغرية جدا

و تحت أمرك فى أى وقت و من غير ما تشترى برده.

trainman

12-01-16, 10:07 AM

والله ناس قمة فى الاحترام
مش زى باقى المحلات التييييييييييييت

يا سيدى الكريم محلك و تشرف فى أى وقت.
هيثم خضر.

ahmed alx

12-01-16, 10:09 AM

السلام عليكم بعد اذنك استاذ هيثم ممكن سعر الريتاي مفتوح ومعاة الطبة عامل كام ؟
تحياتي

trainman

12-01-16, 10:10 AM

فعلا معامله هيثم خضر والعاملين بالمحل تستحق الاشاده ولا نزكيهم علي الله ولكنهم فعلا ناس محترمين جدااااااااااااااااااااااااااااااااااااااااا

هشام بك حبيبى فينك مسألتش من زمان هكلمك إنهارده إن شاء الله علشان إنت واحشنى.
هيثم خضر.

wa7ed

12-01-16, 08:17 PM

شوقتنا نروحلة واللة
بارك اللة لة علي معاملتة الطيبة ورزقة رزقا حلال

omarmagic

12-01-16, 09:03 PM

هل موجود عند حضرتك مسدس والتر بى 99 9مللى المانى ولو موجود عند حضرتك يعمل كام ولو مش موجود هلى الكيمار موجود عند حضرتك ويعمل كام
والجلوك بكام
والايكول جاكل ديول بكام
وعلبه الطلق الالمانى بكام
او علبة الطلق التركى
وبندقية كرال تركى نمرة 2 بكام
واسف انى صدعت حضرتك بس مستنى رد من حضرتك على كل اسئلتى وشكرا

omarmagic

12-01-16, 09:08 PM

بقول لحضرتك يااستاذ هيثم امسح شوية رسائل من الصندوق عندك لان الصندوق مليان

trainman

12-01-18, 02:32 PM

ترقبوا العرض الجديد.

vandes

12-01-20, 11:12 AM

موفق ان شاء الله

trainman

12-01-21, 01:10 PM

خصومات لأعضاء المنتدى.
للإتصال:01222345600.

omarmagic

12-01-21, 01:18 PM

برجاء يااستاذ هيثم تقولى سعر الايكول الجاكل يعمل كام
وسعر علبة الطلق كام
وياريت لو تمسح شوية من الرسائل لان الصندوق عند حضرتك مليان
وانا كنت مكلم حضرتك على كرال من اسكندرية ومستنى رد حضرتك