بندقيه نمره 3

[body77]

الحمد لله عندى بندقيه نمره 1 وهى الديانا 38 وبندقيه نمره 2 وهى الديانا 48/52 وبدور دلوقت على نمره 3 ؟؟؟ ماهى احلى واقوى بندقيه نمره 3 فى مصر بندقيه العمر زى مابنقول . واسعارها ومنين وبكام؟؟؟؟وهل الرش نمره 3 متوفر فى مصر؟؟؟

[umarex]

مارفيك جولد

[طلعت بخيت بسكالس]

أقوي وأحلي بندقية نمرة 3 شفتها هي الويبلي باتريوت نمرة3 وكانت من فترة متوفرة دلوقت ممكن تجيب واحدة بس بشوية مجهود وشوية فلوس كتير والرش متوفر مفيش من أدني مشكلة مستورد ومصري

[mohamed anwar]

أقوي وأحلي بندقية نمرة 3 شفتها هي الويبلي باتريوت نمرة3 وكانت من فترة متوفرة دلوقت ممكن تجيب واحدة بس بشوية مجهود وشوية فلوس كتير والرش متوفر مفيش من أدني مشكلة مستورد ومصري

ديه حقيقه احلاهم واقواهم هي البتريت اصبت ياباشا بس تمنها ..................
في واحد عارضها علي 8000 جنيه

[smsmn8888]

8000 wwwwwwwwwwwWOWO

[galal khalifa]

ممكن تجيب المارفك جولد عيار 3 وهي بردة قوية وسعرها في حدود 3000 جنية ممكن اكتر شوية بسيطة

[body77]

طلعت باشا و الامبراطور محمد
مش عارف اشكركم ازاى بس هو ده المتوقع
مافيش موديلات اخرى غير الويبلى ؟؟
بالنسبه للمارفيك جولد دى اسبانى صح بكام؟؟؟

[body77]

جلال باشا مش عارف ااقول ايه
لسه بكتب واسال عن المرفك لقيت سعادتك كتبت كانك كنت بتقرأ افكارى

[ماجد مجدي]

انا مستعد استري الباتريوت 3 ارجو من الاستاذ محمد انور يقولي اجيبها منين وبا المناسبه انا كان عندي ديانا 54 نمره 3 وقوتها زي الجولد مارفيك مع فارق سعر طبعا للدينانا

[body77]

الاخ ماجد
هو سعر ال54 الديانا نمره 3 كام؟

[ماجد مجدي]

من 6 سنوات اشتريتها من فتح الله ب 4200 وعلي فكره كان ايامها الديانا 54 نمره اتنين ب 3400 ولذلك تعبت اوي لما عرفت من خلال الموقع ان نمره اتنين بقت 6000 وعلي فكره ندمت ايامها لاني اكتشفت انها نفس قوه الجولد مارفيك نمره 3 وكان عارضها ب 2600

[ماجد مجدي]

هل ممكن نتعرف با الستاذ مجمد انور

[ماجد مجدي]

معروضه ب 7000

[طلعت بخيت بسكالس]

معروضه ب 7000

أنا كمان شفت بندقية فايروخ 77 مستعملة ومعروضة ب7000 جنيه وهي بندقيه رائعة ولكن قطع غيارها نادرة جدا واللي أنا شفتها hw77 مش hw77k لأن في فرق كبير بين الأثنين

[ماجد مجدي]

استاذ ياباشمهندس طلعت زاكيد الي شفتها عنده نفس الي قالي عليها هموما انا عاوز اشتري بندقيه او اتنين من مجموعتك تكون غير مستعمله والاقي ليها قطع غيار

[طلعت بخيت بسكالس]

استاذ ياباشمهندس طلعت زاكيد الي شفتها عنده نفس الي قالي عليها هموما انا عاوز اشتري بندقيه او اتنين من مجموعتك تكون غير مستعمله والاقي ليها قطع غيار

أستاذ ماجد يسعدني جدا ردك ولكنك بتقول عايز تشتري بندقية أو أتنين من مجموعتي أنت تشرفني وتأخذ البندقية اللي تعجبك بدون أي مقابل ولكن بيع مش ممكن لأنك كما قلت ( مجموعتك) وأنت عارف كويس أن الهاوي مابيفرطش في حاجة من مجموعته بل بالعكس ده في نهم دائم لأن الواحد يزود ومهما شربت في الهواية دي لا ترتوي أبدا ولكن هدية أتفضل شاور علي اللي عاوزها وجرب أنا هارجع في كلامي ولا أده.
ولك كل الحب والأحترام

[shind]

اشكرك علي الكرم يا استاذ طلعت وخمد لله علي سلامتك وكل مافي الامر اني رايتك عارض بنادق للبيع قبل كده وكنت رافع صورها واظن انه فيه حد اشتري مش فاكر الاسم لكن عموما حصل خير وشكرا ماجد مجدي

[nasmsr]

المارفك جولد سلاح جبار محطم جماجم الارانب و الاطيار
اتمني بالفعل ان ينتشر هذا العيار

[طلعت بخيت بسكالس]

اشكرك علي الكرم يا استاذ طلعت وخمد لله علي سلامتك وكل مافي الامر اني رايتك عارض بنادق للبيع قبل كده وكنت رافع صورها واظن انه فيه حد اشتري مش فاكر الاسم لكن عموما حصل خير وشكرا ماجد مجدي

دكتور أشرف حبيب قلبي
في حاجة ملخبطة وأنا مش فاهمها أنا باتكلم مع الأستاذ ماجد والرد ييجي منك ؟؟
هو فيه أيه أنا مش فاهم ؟؟؟
ثم اللخبطة التانية أنا كنت هاتكلم فيها مع أستاذ ماجد وأقوله يبدوا أننا مش بنتكلم علي موجة واحدة لأني بالفعل عندي مجموعة بنادق ممكن أبيع منها وده لأنها مكررة عندي وزايدة علي المجموعة وأنا كان تعقيبي علي مجموعتي الخاصة أني مش هافرط في حاجة منها
أرجوكم يجماعة حد ينورني أنا متلخبط وفي حاجة أنا مش فاهمها؟؟
وللجميع كل حبي وأحترامي

[ماجد مجدي]

ماجد مجدي هو شند هو د اشرف وانا اسف لتاخري علي الرد النت كان فيه بطيء النهارده وسعيد بلقائك ياراجل يا اصيل وان شاء الله هاكلمك علي التليفون يوم الثلاثاء ويسعدني شفاؤك بامر الله والي ان اقابلك داشرف