مدى قانونية حمل مسدس صوت بيضرب بلى

[eido2000]

إلى خبراء القانون ما مدى قانونية حمل مسدس صوت مفتوح من المصدر وبه خزنة طلق بلى هل هناك مساءلة قانونية أم ماذا بمعنى لو أنك تحمل هذا المسدس وقابلتك لجنة هل فيها مساءلة ؟ وما نوع المساءلة وعقوبتها ؟

[sherothebest]

الكلام النهائى بعد سؤال قانونيين مختصين لو مسدس الصوت مفتوح من المصدر فعليا وليس بناء على تعديل لا مسئولية اما الطلقات البلى فللاسف هى فى نظر القانون ذخائر بدون ترخيص ودى جناية وان كانت المحكمة العادية ( وليس العسكرية ) غالبا اذا كان المتهم طالب او ليس له سوابق فى الغالب تقضى بوقف تنفيذ العقوبة ، وفى جميع الاحوال يحق للضابط ان يقوم بضبط المسدس والطلقات وعرضه مع صاحبه على النيابة للاشتباه فى كون المسدس يمكن ان يطلق ذخيرة حية او انه " متعدل " او ان الذخيرة حية " وهى بالفعل تكون كذلك اذا ما كانت بلى " ويكون القول الفيصل هو للمعمل الجنائى " شعبة الاسلحة " بناء على تقرير منه للنيابة العامة ، فرجاء الحذر خصوصا فى طلقات البلى وعلشان كدة تلاحظوا ن مواضيع بيع طلقات البلى قلت قوى فى المنتدى .

[Duty]

مسدس الصوت مفتوح من المصدر فعليا

كلام حضرتك مضبوط
بس لو مفتوح من المصدر عمره ما هيدخل مصر
لانه بيفحص كعينة عند وصوله الجمرك

[avokato]

يا معلم الحوار دا اتهري عالمنتدي بحث قاانوني من ضباظ شرطه ومحامين وقضاه ووكلاء نيابه والنتيجه واحده مش ممنوع لان نسبه البارود في الطلقه الصوت اقل من النسبه المجرمه ودا لينك الموضوع ارجو تركك نعليق وتقييم
http://www.egypthunt.net/showthread.php?t=10814

[Duty]

يا معلم الحوار دا اتهري عالمنتدي بحث قاانوني من ضباظ شرطه ومحامين وقضاه ووكلاء نيابه والنتيجه واحده مش ممنوع لان نسبه البارود في الطلقه الصوت اقل من النسبه المجرمه ودا لينك الموضوع ارجو تركك نعليق وتقييم


طيب كمية البارود الموجودة في الطلقة 6.35 اكثر و لا 9 ملم الصوت
علشان لو كده يبقي مش محتاج يترخص

[1stlotengargidrees]

انا سالت محاميين و ضباط شرطة و وكلاء نيابة و قضاه و كلهم قالوولي نفس الكلام
الممنوع ان يكون متعدل لضرب اعيرة نارية يعني حي و دا تقرير المعمل الجنائي اما متعدل لضرب اعيرة ناريه او لا

[ramyhekal]

المشكله مش فى المسدس لانه مالوش عيار فاسمه فى الاول والاخر مسدس صوت المشكله كلها فى الطلق البلى

[sherothebest]

يا معلم الحوار دا اتهري عالمنتدي بحث قاانوني من ضباظ شرطه ومحامين وقضاه ووكلاء نيابه والنتيجه واحده مش ممنوع لان نسبه البارود في الطلقه الصوت اقل من النسبه المجرمه ودا لينك الموضوع ارجو تركك نعليق وتقييم
http://www.egypthunt.net/showthread.php?t=10814

قانون الاسلحة والذخائر لم يضع او يشترط نسبة معينة للبارود وانا مش عارف موضوع النسبة اللى حضرتك بتقول عليه ده مصدره ايه

[sherothebest]

انا سالت محاميين و ضباط شرطة و وكلاء نيابة و قضاه و كلهم قالوولي نفس الكلام
الممنوع ان يكون متعدل لضرب اعيرة نارية يعني حي و دا تقرير المعمل الجنائي اما متعدل لضرب اعيرة ناريه او لا

يا باشا الكلام صح طبعا علشان كدة الشرط ان يكون المسدس مش ملعوب فى ماسورته باى طريقة من الطرق والمعلومة اللى عندى وباكد بيها كلام العضو الفاضل ديوتى ان المسدس الصوت لو العينة اللى اتعرضت على الجهة الادارية كانت مفتوحة من المصدر فانها ترفض وبالتالى فان كل مسدسات الصوت المفتوحة اصلا يا اما داخلة تهريب او مفتوحة هنا فى مصر والدليل على كدة روح لاى محل واطلب منه مسدس صوت مفتوح الماسورة هتلاقيه لو مكنش يعرفك هيبصلك من فوق لتحت وهيقولك معنديش ومش باتعامل فيهم

[eido2000]

يا معلم الحوار دا اتهري عالمنتدي بحث قاانوني من ضباظ شرطه ومحامين وقضاه ووكلاء نيابه والنتيجه واحده مش ممنوع لان نسبه البارود في الطلقه الصوت اقل من النسبه المجرمه ودا لينك الموضوع ارجو تركك نعليق وتقييم
http://www.egypthunt.net/showthread.php?t=10814

شكرا للإفادة وتم زيارة الموضوع والاطلاع عليه كما تم تقييمه بأفضل تقييم وجزاك الله عنا خيرا

[avokato]

قانون الاسلحة والذخائر لم يضع او يشترط نسبة معينة للبارود وانا مش عارف موضوع النسبة اللى حضرتك بتقول عليه ده مصدره ايه

لمعرفه نسب البارود وحجم المقزوف والمواصفات الاخري راجع كتاب الطب الشرعي باب الزخائر

[sherothebest]

لمعرفه نسب البارود وحجم المقزوف والمواصفات الاخري راجع كتاب الطب الشرعي باب الزخائر

الطب الشرعى لا يفحص الذخائر او الاسلحة عموما الا اذا ارتبطت بجناية قتل وذلك لبيان امر واحد هل المقذوف المتسبب فى الوقاة اطلق من السلاح المضبوط من عدمه ، اما موضوع فحص السلاح او الطلقات لبيان عما اذا كان ناريا من عدمه فيتم ندب المعمل الجنائى " شعبة الاسلحة " ، تانى حاجة مفيش حاجة اسمها كتاب الطب الشرعى باب الذخائر فرجاء مزيد من التفاصيل مثل اسم الكتاب بالتحديد او مؤلفه ، بالمناسبة الكلام ده مش كلامى لوحدى ( العبد لله محام باحدى الادارات القانونية بدرجة استئناف عالى ) لا ده كلام مستشار قريبى باحدى محاكم الجنايات بالصعيد ونص رول الجلسة عندهم بيبقى سلاح ومخدرات ، الخلاصة طلقات البلى من الناحية الفعلية هى ذخائر فى مفهوم قانون الاسلحة والذخائر وحيازتها او احرازها جناية فى حد ذاتها ومسدس الصوت اللى اتعدلت ماسورته او تم فتحها محليا هو سلاح نارى وجناية برضه ورغم انى عارف ان الكلام ده هيزعل ناس كتير بس انا بقول كده علشان لو حد لا قدر الله اتمسك يحاول يسحب نفسه وينهى الموضوع بهدوء على قد ما يقدر مش يبجح او يتمسك بان موقفه سليم وان المسدس المتعدل او طلقات البلى مش مجرمة ، حضرتك لو من شبرا وتعرفها كويس ممكن تسال عن الخراط اللى ناحية مساكن محيى فى الخلفاوى اللى اتمسك بمسدسات صوت بيفتحها وكان عنده حوالى 100 علبة طلق بلى خد اد ايه .... خد 15 سنة لان حظه الازرق انه اتعرض على النيابة العسكرية والمحكمة العسكرية بعدها ولو حضرتك شغال فى المحاماة هتعرف انه فى المحكمة العسكرية دى لو المحامى بس سمحوا له يتكلم دقيقة واحدة بيطلع يبوس ايده وش وضهر انهم سمحوا له يتكلم دقيقة يعنى من الآخر حضور المحامى امام المحكمة العسكرية تحصيل حاصل وانسى موضوع البراءة امام المحكمة العسكرية وذى ما بيقولوا اخواتنا المحامين برائتك قدام المحكمة العسكرية خمس سنين سجن ، تقبل التحية

[avokato]

منت لسه قايل محكمه عسكريه وخراط وراجع تعليمات النيابه العامه للطب الشرعي والكتب الدوريه لبيان المقصود وسرعه المقزوف اقل من المقرره علي فكره

[avokato]

وشكرا علي المعلومه وكل يتدبر بعقله ويقرر شكرا استاذي الفاضل ولكني اختلف معك

[old hunter]

الطلق البلي بيعتبروه زي الرش ومسدسات الرش مسموحه مفيش مشكله لو بيطلع صوت مع الضرب

[avokato]

ارجو ان الجميع يكون فهم

[ahmedmh_ali]

++++++++++++++++++++++1

[Tito100]

موضوع مهم جدا .... ولكن ؟؟؟؟!!!!!!!

[Tito100]

موضوع مهم جدا .... ولكن من وجهة نظرى أن مسدس الصوت اللى بيضرب بلى ده مكانه البيت فقط للطوارئ أو لظروف مثل أحداث ثورة يناير فقط وإذا إقتضت الضرورة السفر على الطرق السريعة أو الغير مأهولة بالسكان فممكن برده يبقى فى درج العربية يمكن تحتاجه وبعد كده يرجع البيت تانى ،أما بالنسبة لمدى قانونيته فأعتقد أنه طالما خرج منه مقذوف ( بلى ) فإنه كذلك قد خرج خارج دائرة محدثات الصوت ، وعاوز كمان أقول حاجة أنه سواء كان مسدس صوت بس أو بيضرب بلى أو حتى مسدس حى ولو إرادة ربنا سبحانه وتعالى حالت دون إستخدامه فلن تستخدمه ( فالله خير حافظا وهو أرحم الراحمين ) وياما ناس كتير اتعرضت لمواقف خطره وكان معاهم أسلحة حية ومرخصة ومنفعتهمش بحاجة ....
آسف للإطالة وربنا يسترها معانا كلنا
خالص تحياتى وتقييمى للموضوع:)

[avokato]

الطب الشرعى لا يفحص الذخائر او الاسلحة عموما الا اذا ارتبطت بجناية قتل وذلك لبيان امر واحد هل المقذوف المتسبب فى الوقاة اطلق من السلاح المضبوط من عدمه ، اما موضوع فحص السلاح او الطلقات لبيان عما اذا كان ناريا من عدمه فيتم ندب المعمل الجنائى " شعبة الاسلحة " ، تانى حاجة مفيش حاجة اسمها كتاب الطب الشرعى باب الذخائر فرجاء مزيد من التفاصيل مثل اسم الكتاب بالتحديد او مؤلفه ، بالمناسبة الكلام ده مش كلامى لوحدى ( العبد لله محام باحدى الادارات القانونية بدرجة استئناف عالى ) لا ده كلام مستشار قريبى باحدى محاكم الجنايات بالصعيد ونص رول الجلسة عندهم بيبقى سلاح ومخدرات ، الخلاصة طلقات البلى من الناحية الفعلية هى ذخائر فى مفهوم قانون الاسلحة والذخائر وحيازتها او احرازها جناية فى حد ذاتها ومسدس الصوت اللى اتعدلت ماسورته او تم فتحها محليا هو سلاح نارى وجناية برضه ورغم انى عارف ان الكلام ده هيزعل ناس كتير بس انا بقول كده علشان لو حد لا قدر الله اتمسك يحاول يسحب نفسه وينهى الموضوع بهدوء على قد ما يقدر مش يبجح او يتمسك بان موقفه سليم وان المسدس المتعدل او طلقات البلى مش مجرمة ، حضرتك لو من شبرا وتعرفها كويس ممكن تسال عن الخراط اللى ناحية مساكن محيى فى الخلفاوى اللى اتمسك بمسدسات صوت بيفتحها وكان عنده حوالى 100 علبة طلق بلى خد اد ايه .... خد 15 سنة لان حظه الازرق انه اتعرض على النيابة العسكرية والمحكمة العسكرية بعدها ولو حضرتك شغال فى المحاماة هتعرف انه فى المحكمة العسكرية دى لو المحامى بس سمحوا له يتكلم دقيقة واحدة بيطلع يبوس ايده وش وضهر انهم سمحوا له يتكلم دقيقة يعنى من الآخر حضور المحامى امام المحكمة العسكرية تحصيل حاصل وانسى موضوع البراءة امام المحكمة العسكرية وذى ما بيقولوا اخواتنا المحامين برائتك قدام المحكمة العسكرية خمس سنين سجن ، تقبل التحية
الطب الشرعي بيفحص الاسلحه بناء علي احاله من النيابه العامه

[القناص1]

مسدس البلى عقوبته فى حالة العرض على النيابه حبس من 5 الى 7 سنوات وربنا يستر

[القناص1]

اما فى حالة عدم العرض علىالنيابه والظابط طلع غلس شويه حايصادر السلاح وحايخده ليه بس انت حاتطلع منها سليم

[avokato]

جبت الكلام دا منين اصلا لا جريمه ولا عقوبه الا بنص والبلي ليس سلاح حي وراجع كود الاسلحه والزخائر

[avokato]

انا مش معايا ولا حاجه بس بتكلم في قانون