فشل وإحباط . . .

[حسام عبادي]

إخواني
أخيرآ وبعد طول إنتظار (حوال 4 شهور ) سمحت ظروفي إني أطلع أصطاد
صليت الفجر وخرجت لمنطقه صحراويه قريبه
طبعآ مش موسم صيد لكن ربنا مابينساش حد في المعتاد كنت بجيب أي حاجه
للأسف النهارده كانت الدنيا مش حلوه كان الريح شديد لكن كنت مهيىء نفسي خلاص
غير إن صيد الصحراء مش ظريف أساسآ الدنيا فاضيه حواليك وأي حاجه بتشوفك من أخر الدنيا
وعلشان تكمل ضربت عصفوره جت في جناحها وإستخبت وسط شجرة شوك معرفتش أجيبها
وفضلت حاسس بالذنب علشانها (ربنا يسامحني)

سامحوني أهو بفضفض من زهقي

[body77]

الاخ حسام
هوايه الصيد هوايه جميله ومن اهم مميزتها انها تعلم الصبر
وبعدين عادى مره تصب ومره تخيب
وحقلك حاجه من يومين قولت لنفسى ايه اللى انا فيه دى كل ما اقول لحد نظبط ونتطلع نصطاد يقولى ماشى بس للاسف مواعيدى غير مواعيد كل الناس المهم مش حطول عليك من يومين كنت بايت فى الشغل وبعد ماخلصت اخدت بعضى وطلعت على المقطم كان عندى حاجات بخلصها هناك وطبعاا انت عارف المصالح الحكوميه بتفتح الساعه كام المهم قلت بدل مااقعد استنى تفتح اللف لفه كده واهو اجرب البندقيه الجديده وكانت معايا فى العربيه طلعت على الكورنيش ولقيت شويه يمام وكل ماانشن الاقى اليمام كله طار ولا واحده جت رحت واخدبعضى ورحت اخلص مشايرى واروح انام ايه رايك فى احباط اكترمن كده؟؟؟؟؟؟؟؟؟ بس عادى ادينى غيرت جو

[umarex]

الحمد لله انك لسه بخير

[Oonyx]

هههههههههههههه, ليه بس يا أستاذ حسام تعرف إني حتى لو طلعت صيد طول اليوم أو لمدة شهور كمان وماجبتش ولا طير بابقى مبسوط برضه....بس بصراحة إنت تفوقت عليَّ جدا هههههههههه

[galal khalifa]

المهم انك طلعت يا حسام والمرة الجاية تصتاد الي انت عايزة وبعدين انت مختفي فين لعل المانع خير

[حسام عبادي]

والله ياباشا ظروف الشغل
والفتره إللي فاتت كنت بسافر كتير وماكنتش فاضي
إنشاء الله التزم الفتره الجايه