استفتاء: بتحب تصطاد بتلسكوب ولا من غيره ؟؟ [الأرشيف]

مشاهدة النسخة كاملة : استفتاء: بتحب تصطاد بتلسكوب ولا من غيره ؟؟

tabeeb

11-10-22, 07:43 PM

السلام عليكم ورحمة الله وبركاته

الحقيقة أنا عاوز أعرف آراءكم في استخدام التلسكوب مع البندقية الرش ؟

فيه ناس رأيها انك بتصطاد بالرش من علي مسافة لا تزيد عن 40 متر مثلا ولا تحتاج لمنظار لانك بتكون شايف الهدف كويس بالعين المجردة و ناس شايفة بردو ان التلسكوب الجيد اللي ينفع تقول عليه تلسكوب و تصطاد بيه بيكون غالي و بألوف الجنيهات. ولكن التلسكوب الرخيص المتوفر ده بيكون لعبة و غير دقيق و بيبوظ بسرعة ولا يجدي نفعا.

يا ريت أستفيد من خبراتكم ..

جزاكم الله خيرا .

اسلام البحراوى

11-10-22, 09:14 PM

والله يا باشا متعة الصيد من غير منظار معئن الصيد بيه دقيق ومن مسافات بس المتعة من غيرة احسن

محمد حسام

11-10-22, 09:18 PM

المتعه من غير تلسكوب

عادل عبده

11-10-22, 09:24 PM

المتعه والحرفنه من غير اسكوب بس بصراحه نفسى اجرب باسكوب عشان المسافات

tabeeb

11-10-22, 10:15 PM

شكرا لمشاركاتكم القيمة ؟
فيه سؤال بردو .
سمعت ان ناس جابت تلسكوب وبعدين ما ارتاحتش معاه وشالته و اشتغلت بالناشينكان .
فيه واحد كاتب في منتدي انه محترف صيد بقالو 30 سنة و جايب تلسكوب ب 5000 درهم ! .وان التلسكوب اللي أقل من كده بيكون غير دقيق و لعبة و تعبان .
ظبط التلسكوب مهمة صعبة جدا و خصوصا ان مفيش الساند اللي بتظبط عليه التلسكوب في مصر .
انا كنت متوقع ان اغلب الناس هتجاوب ان المتعة والحرفنة من غير سكوب.
بس انا شايف ان المتعة بردو ممكن تكون بانك تجيب يمام أكتر وتحطه في الفريزر :)
غير انك لو هتجيب تلسكوب و معاك بندقية هاي باور و هتنشن علي حاجة بعيدة فوق الخمسين متر ده بردو عاوز حرفنة جامدة لانك هتقدر موضوع الجاذبية أكتر و اتجاه الرياح . يعني مش هتضرب في الهدف مباشرة ممكن تحط الكروس أعلي يمين الهدف مثلا عشان بتحسب الجاذبية و اتجاه الرياح .و تأثير الجاذبية بيكون علي الرشة قد ايه كل كم متر بالنسبة لوزن الرشة و سرعة البندقية . ولها حسابات دقيقة بردو .
في انتظار باقي آراء الاحباب .
و ألف شكر علي تفاعلكم .

tabeeb

11-10-22, 10:15 PM

شكرا لمشاركاتكم القيمة .
فيه سؤال بردو .
سمعت ان ناس جابت تلسكوب وبعدين ما ارتاحتش معاه وشالته و اشتغلت بالناشينكان .
فيه واحد كاتب في منتدي انه محترف صيد بقالو 30 سنة و جايب تلسكوب ب 5000 درهم ! .وان التلسكوب اللي أقل من كده بيكون غير دقيق و لعبة و تعبان .
ظبط التلسكوب مهمة صعبة جدا و خصوصا ان مفيش الساند اللي بتظبط عليه التلسكوب في مصر .
انا كنت متوقع ان اغلب الناس هتجاوب ان المتعة والحرفنة من غير سكوب.
بس انا شايف ان المتعة بردو ممكن تكون بانك تجيب يمام أكتر وتحطه في الفريزر :)
غير انك لو هتجيب تلسكوب و معاك بندقية هاي باور و هتنشن علي حاجة بعيدة فوق الخمسين متر ده بردو عاوز حرفنة جامدة لانك هتقدر موضوع الجاذبية أكتر و اتجاه الرياح . يعني مش هتضرب في الهدف مباشرة ممكن تحط الكروس أعلي يمين الهدف مثلا عشان بتحسب الجاذبية و اتجاه الرياح .و تأثير الجاذبية بيكون علي الرشة قد ايه كل كم متر بالنسبة لوزن الرشة و سرعة البندقية . ولها حسابات دقيقة بردو .
في انتظار باقي آراء الاحباب .
و ألف شكر علي تفاعلكم .

hanmosad

11-10-22, 11:49 PM

بدون تليسكوب أمتع طبعا وأعتقد أنه بدون أفضل ألا أذا أشتريت تليسكوب غالي و غالي جدا كمان.......

sniperff

11-10-23, 01:09 AM

انا معايا كرال و جبت تليسكوب بس خنقني اوي علشان فعلا زي منتا بتقول التلسكوب الرخيص زي اللعبة و الصليبة بتتحرك من رد فعل البندقية و بصراحة الصيد من غيره امتع جدا جدا

old hunter

11-10-23, 03:40 PM

الصيد منغير اسكوب بيبين مهاره الصياد

محمد يونس

11-10-27, 05:43 PM

هو بصراحة الصيد من غير تلسكوب متعة ويا سلام لو من غير سكوب ولا نشانات كمان هيكون امتع وامتع هههههههههه
على فكره والله العظيم اول بندقيه كانت عندى كانت من غير ناشينكاه خلفى يعنى نيشان امامى بس ومع ذلك كان عندنا حديقة فى البيت وكنت بنشن على الليمونه اللى فى الشجره من حوالى 13 متر وكنت بجيبها فيها والله م3 مرات ورا بعض وكنت بصطاد بيها من مشافات بعيده كمان وكان اصحابى بيتجننوا لما بيشوفونى
والله ولى التوفيق ....................

مصطفى قطيط

11-10-28, 02:33 PM

الصيد بالتلسكوب لية متعتة وطعمة الخاص .........لكن من غيرة بيكون عملى وفعال اكتر

mody_hakam

11-11-01, 05:04 AM

طبعا من غير اسكوب احسن وامتع واسرع

sokar_jax

11-11-01, 03:33 PM

هوا فى فية اسكوب ب 5000 درهم اصلا دة اغلى وانضف واقوى سكوب لايتعدى 400 دولار ودة اسمة Hawke)-Sidewinder-30mm-Tactical-6-5-20x42m) ودة بيركب من البندقية الهوائية لاقوى بندقية نارية حية ودة لايتعدى 2000 درهم نفسى اعرف 5000 درهم دىة جت منين

tabeeb

11-11-01, 06:54 PM

hassan_11176

11-11-01, 11:04 PM

السلام عليكم
من غير اسكوب طبعاااااااااااااااااااااااااااااااا

كفافى1

11-11-01, 11:19 PM

طبعاً من غير سكوب أفضل

rock

11-11-02, 01:08 AM

السلام عليكم ... كان فيه لقب فى الجيش (برنجى ) او (نشنجى برنجى )وده احسن واحد بيضرب بالسلاح (ناشينكان طبعا ) ... لكن لو جينا بصينا على التليسكوب هو حاجه تانيه اولا لازم تكون حجر وانت بتضرب بيه ... من غير ثبات مش هتعمل حاجه ... وكذلك الناشينكان ... وبالنسبه للمسافات والله انا اعرف ناس بتضرب بالاتنين مسافات وزى الفل ... بس التليسكوب قنص اكتر منه صيد ... الصيد معروف بتتمشى فى وسط شجر بتضرب من عربيه وبتضرب اللى واقف على السلك بتاع الضغط العالى ... لكن القنص ده حكايه تانيه ... تلبد وتعلف وتحط خيالات (سواء ثابته او متحركه _من الطرائد اللى تم صيدها او من الخيالات الصناعيه ) وتستخبى وتضرب ومتلمش وتضرب وهكذا ... وبالنسبه للراى الشخصى ... الناشينكان حياتى لكن الواحد بيحب يضرب بالاسكوب كل فتره كده...بس مفيش حاجه اسمها احسن ... ده ضرب وده ضرب تانى خالص ... بس النتيجه واحده ... وعلى حسب الخبره ...يارب اكون عرفت افيدك ... تحياتى .