المساعد الشخصي الرقمي

مشاهدة النسخة كاملة : نوريكا جيت و جامو 900

shahin
11-10-20, 02:32 PM
السلام عليكم

لو سمحتوا انا كنت عايز اشتري بندقيه من اتنين يا اما الجامو 900 او النوريكا جيت

لان سعرهم مناسب بالنسبه لي

فياريت اللي يعرف عنهم حاجه يقولها العيوب و المميزات و يا ريت من اللي جربوهم تقييم كامل

الجامو 900 نمره اتنين و سرعتها 200 م/ث

النوريكا جيت نمره واحد و سرعتها 260 م /ث

و جزاكم الله خيرا
shahin
11-10-20, 02:39 PM
و اذا كان في حد ليه اقتراح تاني بنفس السعر برضه يقوله ( بس انا اعتقد ان الاتنين افضل من الكرال حتي لو كانت الكرال سرعتها اعلي جوده الاسباني تكسب )

صحيح نسيت اقول حاجه مشتركه بين النوريكا الجيت و الجامو 900 ان الاتنين مش موجودين علي المواقع بتاعه الشركتين يعني الشركتين مش معترفين بيهم تقريبا
Abosaleh1428
11-10-20, 06:17 PM
عدم وجودهم على المواقع بسبب أنهم إنتاج قديم
أنا عندى الإتنين ومها أحلى من بعض وكل واحده فيها ميزة مش موجودةفي التانية
الجامو تتميز بالمتانة زناد حديد ونشان حديد مش موجود في أي بندقية تانية ورد فعل ضعيف
الجت شكلها أجمل وسرعتها أعلى
لو عايز نصيحة هات الاتنين هههههههه
mahmoud11144
11-10-20, 06:26 PM
عدم وجودهم على المواقع بسبب أنهم إنتاج قديم
أنا عندى الإتنين ومها أحلى من بعض وكل واحده فيها ميزة مش موجودةفي التانية
الجامو تتميز بالمتانة زناد حديد ونشان حديد مش موجود في أي بندقية تانية ورد فعل ضعيف
الجت شكلها أجمل وسرعتها أعلى
لو عايز نصيحة هات الاتنين هههههههه

ههههههههههههههههههههههه
حرام عليك
انا برشح الاتنين ههههههههههههههههههههههههههههه
هما بصراحة احلي من بعض بس الجيت اسرع واقوي
والجامو امتن وادق
انا كدا حيرتك صح؟ ههههههههههههههههههههه
shahin
11-10-20, 07:01 PM
بصراحه حيرتوني فعلا بس شكرا لاهتمامكم

بس ماينفعش طبعا اجيب الاتنين

انا ميال للنوريكا علشان هاي باور لان انا معايا الجامو cf 20 ودي سرعتها 190 يعني قريبه للجامو 900

و معايا نوريكا 56 فابفكر ابيعها و اجيب حاجه هاي باور

( بالمناسبه النوريكا 56 موجوده علي موقع الشركه مع انها انتاج قديم و الجيت مش موجوده )

ياريت تفكروا معايا وتقولولي عيوب و مميزات كل واحده
محمد حافظ بك
11-10-21, 08:59 AM
انا رأيي انك تاخد الادق لان الدقة افضل من القوة و كمان لازم تحدد انت عاوز نمرة 1 و نمرة 2... و انا بغض النظر عن كل شئ ارشحلك الجامو لان زي ما باقي الزملاء ذكروا دقتها اعلي و خامة ممتازة معمرة .. اما بالنسبة للوزن فدي حاجة ترجعلك ... و ربنا يوفقك لاختيار الافضل و تقبل تحياتي..
عادل عبده
11-10-21, 09:03 AM
بالتوفيق يافندم
بس انا رأيى بقى انك ولا تجيب ديه ولاتجيب ديه
ماشاء الله انت معاك بندقيتين اسبانى
وحده بطيه ووحده فريبه جدا من الهاى باور وهتجيب معاك لحد 50 او 60 متر لو سوستتها محترمه
ليه بقى تجيب تانى
وعلى العموم ربنا يوفقك للى فيه الخير
tarekvb
11-10-21, 09:31 AM
الجامو لا نمرة 2 دائما افضل وذا تاثير اقوى على الطريدة ؟؟؟
ممكن نعرف سعر كل واحدة كام ؟
هل سالت على نوكيا جيت 2 سعرها كام؟