رمسيس المصريه ذات التعمير الجانبى

[القناص1]

ان شاء الله يااخوانى الاعزاء فى خلال فتره وجيزه سوف اكشف الستار عن تعديلى للبندقيه الرمسيس بجعلها ذات تعمير جانبى بدلا من كسر الماسوره للاسفل للحصول على التعمير وبالتالى سيحافظ هذا على الماسوره لانك لن تضطر لكسر الماسوره وايضا ستستطيع ان تضرب اكبر عدد ممكن من الرش فى اقل وقت دون ان تتحرك من مكانك ان كنت مستلقيا على بطنك او جالسا جلسه تحتاج فيها للقيام للتعمير وفى النهايه اقول مصر لسه بخير والشعب كله ان شاء الله يقدر ينتج ومش عايزين حاجه منكم ياغرب احنا بعون الله ادكم وادود........................................رجاءا الدعاء لى بالتوفيق

[عادل عبده]

بالتوفيق يا اخى بأذن الله واحنا فى انتظار على احر من الجمر

[القناص1]

اخى عادل والله انا بعزك فى الله من قبل مااتكلم معاك وكنت حاسس انك حاتكون اول واحد يرد على موضوعى ده ...........................القلوب عند بعضها

[عادل عبده]

ربنا يديم المعروف يارب ويوفقك بأذن الله

[عبد الرازق]

السلام عليكم ورحمة الله وبركاته .
كامل الأحترام لكل أعضاء منتدي الصيد في مصر .
وأخص بالتحية الكبيرة الأستاذ القناص 1 . لاهتمامه بالبندقية رمسيس والتي لا أعتبرها مجرد بندقية رش مثلها مثل غيرها وللأسف أقل من غيرها مع أنها المنتج الوطني الوحيد لهذا النوع من الصناعة والتي بدأ صناعتها داخل المصانع الحربية وأيضا بدأت صناعات متنوعة وصاحب ذلك ظهور قطاع حكومي عام صناعي وتجاري وزراعي والكل استبشر خير للمستقبل في هذه المجالات ثم مالبث أن ظهرت عيوب النظام الاشتراكي أو ملكية الدولة وحدث عكس ماكان مأمول خسائر بالجملة وعدم تطوير تلك الصناعات والأغرب أنه كانت تصرف علاوات وأرباح وبدون تطويل وباختصار حدث ذلك مع البندقية رمسيس البداية كانت مناسبة لعصرها ثم لم تلاحق مثيلاتها علي مستوي العالم واستورد التجار بنادق رش من البلاد الأوربية تحديدا وللاسف معظمها ان لم يكن كلها درجة ثالثة أو أقل كمان وباسعار مبالغ فيها جدااااا . لا تتناسب أبدا مع تكاليف المنتج وانكوي الهواة بنيران استغلال تجار بنادق الرش وأصبحوا يقولون في نفسهم ( أنا واكلها بمزاجي ). وكل ده وصناعة البندقية رمسيس نايمة و بتاكل أرز بالمكسرات مع الملايكة . وياريت يااستاذ قناص واحد تبقي انت بصيص النور والأمل لتطوير البندقية الوطنية رمسيس 1 أو 2 وبنحلم انها تنافس مثيلاتها بدل من تزيل القائمة بامتياز .

[القناص1]

الاستاذ عبد الرازق كل الاحترام لشخصك والتقدير لكلامك الجميل اولا انا كان استغرابى الشديد لما وصلت لقكرة التعديل ان ازاى المهندسين فى المصانع الحربيه معرفوش يوصولوا لموضوع زى ده ولو هما كانوا عندهم فكره بيه وانا متاكد انهم يعرفوا ليه ميطبقوش مع العلم انه مكنش حايكلفهم اى شئ زياده غير انه يعمل تعديلات بسيطه جدا توفر الوقت وتحافظ على المنتج اطول فتره ممكنه عموما اللى فات مات ونبتدى احنا نطور صناعتنا بنفسنا لعل ده يعطيهم الحافز على تطوير الانتاج وننهض بالبلد اللى لسه نايمه فى العسل ....................ولك جزيل الشكر

[Karim Eid]

ان شاء الله يااخوانى الاعزاء فى خلال فتره وجيزه سوف اكشف الستار عن تعديلى للبندقيه الرمسيس بجعلها ذات تعمير جانبى بدلا من كسر الماسوره للاسفل للحصول على التعمير وبالتالى سيحافظ هذا على الماسوره لانك لن تضطر لكسر الماسوره وايضا ستستطيع ان تضرب اكبر عدد ممكن من الرش فى اقل وقت دون ان تتحرك من مكانك ان كنت مستلقيا على بطنك او جالسا جلسه تحتاج فيها للقيام للتعمير وفى النهايه اقول مصر لسه بخير والشعب كله ان شاء الله يقدر ينتج ومش عايزين حاجه منكم ياغرب احنا بعون الله ادكم وادود........................................رجاءا الدعاء لى بالتوفيق

بالتوفيق يا باشا
على فكرة انا عايزك تبدأ في الموضوع ده علشان معايا واحدة رمسيس عايز اعدلها بردو

[bekhet]

أحب أقول إن المصرى لو حب يعمل حاجة هيقدر بإذن اللة يعملها بس الى مضيع الدنيا الكسل والامبلاة والنظام البيروقراطى وممكن محدش يصدقنى لما أقول إنى من من عشر سنين إتعاملت مع بندقية المعادى رقم 2 وكانت تضاهى الأ لمانى كانت بتاعت واحد صاحبى ولما جيت أشترى زيها إتفجأت بالموجود فى السوق من ردائة تصنيع وخامات لدرجة إنى واحد جاب بندقية معادى جديدة الماسورة مفتولة وواضحة بالعين المجردة فأستغربت وبدأت أدور على السر وعرفتة إن كان أبو صاحبى شغال فى المصنع الحربى وكان جايبلة نشكاة خلفى حديد كان للعرض فقط وكذلك دبشك خشب أرو منقوش وكمان وصى كل فنى قام بعمل حاجة فى البندقية من ( خراط & فنى تركيب ومعايرة & إسترجى ................. إلخ ) وكان ينتقى الحاجة الى بتيجى من الدفعات بتاعت المواد الخام زى السسوستة لكن فى فى أى بندقية عادية كبر دماغك لدرجة إنهم لما بنقلو البنادق من عنبر إلى عنبر بيشلوها ويرمها على الأرض زى بيشيل ردش

[القناص1]

اهم حاجه الدعوات بالتوفيق وانا حاخد باسباب النجاح وعلى الله الاتكال وحابدء بكل طاقتى علشان اخلصها فى اسرع وقت ممكن من اجل زملاء المنتدى الطيبين وان شاء الله تكون خبطه كبيره فى تاريخ الرمسيس

[Karim Eid]

اهم حاجه الدعوات بالتوفيق وانا حاخد باسباب النجاح وعلى الله الاتكال وحابدء بكل طاقتى علشان اخلصها فى اسرع وقت ممكن من اجل زملاء المنتدى الطيبين وان شاء الله تكون خبطه كبيره فى تاريخ الرمسيس

ربنا معااااااااااااااك يا رب

[القناص1]

وده سبب تخلف الصناعه المصريه طول الفتره اللى فاتت ....................فى انتاج وفى ايدى عامله لكن مفيش ضمير ..............................حسبى الله ونعم الوكيل ........للاسف كان المفروض اننا بنطور حاجات احدث من كده بس نصيبنا نعدل اللى كان المفروض ويقدروا يعملوه ..............ان شاء الله حانعدل وحانسبقهم

[احمد صابر حسن]

ربنا معاك يا باشا

[Mohamed Mahmoud]

ان شاء الله هتعمل حاجة تهز صيادين مصر كلهم
بالتوفيق يا قناص وانا متاكد انك ادها

[أبوذيب]

يسر الله أمركم ... وسدد خطاك

مراقب عن كثب ...

أخوكم

[fadeel79]

ان شاء الله موفق
وان احتجت اى مساعدة اطلب فورا وباذن الله مجابه

[hosam hamza]

بالتوفيق ان شاء الله

[محمد حافظ بك]

ربنا ينصرك .. هو عيب المعادي او الرمسيس في حاجتين من وجهة نظري و مهمين ... الاول الماسورة بعد الكانون ضعيفة و بتتعوج و العيب ده عندي في المعادي و بصطاد بيها برده رغم انها معوجة لفوق حوالي مللي .. الثاني مفيش جلدة لبيت الرش و بنطر نعملها حاجة بلدي عشان الغاز ميتسربش و بيتسرب برضه .. لو تم تلافي العيبين دول هتبقي من احسن البنادق .. و شكرا

[amr naser]

طب يا باشا اخواتنا فى المنتدى وانا واحد منهنم ممكن يقدر يعمل التعديل ده فى بندقيته بعد ما ربنا يوفقك بازن الله

[القناص1]

والله ياجماعه انا ان شاء الله اخلصها ومش حاتبقى حكر على حد وانا ساعتها حاشرحلكم الطريقه الى عازي يعملها هو يعملها واللى عايز يجى اعملهاله اهلا بيه وسهلا ............بس تسموا التعديل باسمى بقى هههههههههههههه

(العلم ليس حكرا لاحد فعلمه لغيرك ليكون تركتك ان لم يكن لديك مال)

[ابراهيم ابوشادى]

ربنا معاك انشاء الله تكون احسن من الغرب بكتير لانها من صنع حضرت

[amr naser]

بازن الله هتبقى باسمك انت لو يعنى فكره حلوه ولونى انا متوقع ناح كبير ربنا يوفقك لانى مشكلتى فى الرمسيس تسريب الهواء ولك كل جزيل الشكر

[avokato]

تحيه واتمني ارسال التعديل لارساله للمصانع الحربيه ومحاوله الاتصال بك للتنسيق معك في عمليه تطوير رسميه

[senawy]

بالتوفيق ياباشا إن شاء الله

[eng.amg]

ربنا يوفقك وتبقى حاجة عملية وشكلها كويس