المساعد الشخصي الرقمي

مشاهدة النسخة كاملة : تفتكروا أسعار بنادق الرش هتنزل ؟؟؟!


tabeeb
11-10-16, 02:47 PM
السلام عليكم .

يا جماعة كلكم عارفين الغلاء الفاحش لاسعار البنادق وخصوصا بعد الثورة زادت للضعف !
وده لعاملين اساسيين :
توقف الاستيراد للبنادق .
و بالنسبة للبندقية المحلية رمسيس توقف تصنيعها في المصنع ! ,
و العامل التاني . انو صار اقبال اكتر علي شراء البنادق الرش بعد الثورة بشكل غير مبرر ظنا انه وسيلة حماية . وهو الأمر الذي ثبت فشله فيما بعد .

فيه ناس ممكن تقول اللي بيغلي في مصر مش ممكن ينزل , لكن فيه حاجات فعلا بتنزل .
مثلا سعر جرام الذهب اللي كان وصل الي 310 جنيه في العيار ال 21 . نزل بسرعة قدامنا وبقي سعره 270 جنيه الان .

في النهاية هل تظنون ان سعر البنادق الرش هينزل ؟؟
وانا اصلا ماكنش عندي بندقية رش ابدا . عايش ع السلف يعني هههههه . يعني صحابي لو خرجوا بيتصرفولي في بندقية وبنطلع مع بعض .

رأيكم أشتري بندقية دلوقت ولا استني شوية كمان ؟؟؟
وخصوصا اني قررت اقتني واحدة , تكون بندقية العمر . لان لما يكون معاك بندقية متعود عليها اظنك بتحس بيها اكتر وبتنشن بيها احسن . لانك بتكون متعود علي وزنها ونشانها و دقتها وسرعتها وكل شئ . فبتعمل معاك نتيجة أفضل .

ولا انتم سمعتم عن فارس بلا جواد ؟ و صياد بلا بندقية ؟

السؤال الغريب هو ليه انا قررت اشتري بندقية دلوقتي بعد ما زادت أسعارهم ؟ ههههه
و لا هو الممنوع مرغوب ؟ :)
في انتظار مشاركاتكم ان شاء الله

ما هو القرار ؟ الانتظار ؟ ام الشراء بأغلي الأسعار ؟؟؟

عادل عبده
11-10-16, 02:51 PM
والله يا اخى انا مقدرش افيدك فى حوار الانتظار وترجع تدعى عليا لو غليت
لو عاوز تدرب على الصيد يستحسن انك يكون معاك بندقيه بتعتك طبعا

tabeeb
11-10-16, 03:12 PM
والله يا اخى انا مقدرش افيدك فى حوار الانتظار وترجع تدعى عليا لو غليت
لو عاوز تدرب على الصيد يستحسن انك يكون معاك بندقيه بتعتك طبعا

لا مش هدعي عليك ولا حاجة . احنا اخوات وبنتشاور مع بعض طبعا .
وما خاب من استشار .
و ده سؤال في نفس كل واحد فينا .

عادل عبده
11-10-16, 03:17 PM
والله يا اخى انا فضلت مستنى يمكن يرخصو مافيش حاجه رخصت اتوكلت على الله واشتريت
انت فعلا لو تمارس الصيد والموضوع ماشى معاك ومحتاج بندقيه هاتلك حاجه كسر زيرو تكون كويسهواتوكل على الله ومارس لان الصيد تدريب انا عشان بقالى كتير مش بصطاد حاسس انى صديت من الركنه

salas0010
11-10-16, 04:59 PM
اخى الغالى هكلمك باللغه المصريه الصريحه شويه
من الاخر بنادق الرش مش هتنزل اسعارها وعاما فى مصر لا يوجد سلعه ارتفع سعرها ونزل سعرها مره اخرى الا نادرا يبقى لو حضرتك قصادك تشترى حاجه بتمن كويس الحق اشتريها علشان السوق متقلب وكل يوم فيه زياده ونادرا ما هتلاقى حاجه سعرها ثابت او قل سعرها

ارجوا ان اكون افادتك والسلام عليكم ورحمه الله

mahmoud11144
11-10-16, 06:41 PM
اخى الغالى هكلمك باللغه المصريه الصريحه شويه
من الاخر بنادق الرش مش هتنزل اسعارها وعاما فى مصر لا يوجد سلعه ارتفع سعرها ونزل سعرها مره اخرى الا نادرا يبقى لو حضرتك قصادك تشترى حاجه بتمن كويس الحق اشتريها علشان السوق متقلب وكل يوم فيه زياده ونادرا ما هتلاقى حاجه سعرها ثابت او قل سعرها

ارجوا ان اكون افادتك والسلام عليكم ورحمه الله

انا معاك في الكلام دة لان عمري ما سمعت ان في سلعة في مصر سعرها ارتفع ورجع نزل تاني فلو هتشتري يبقي احسن وقت هو دلوقت عشان الاسعار كل يوم في الطالع

sadaany
11-10-17, 11:11 AM
والله انا ممكن اوفر اغلب البنادق ان شاء الله بأسعار مقوله زى جميع انواع الكرال وبعض انواع النوريكا والجامو ورقمى للتواصل 01000800523

EGYKINGAYMAN
11-10-19, 01:28 AM
لا يمكن تنزل انت لو اشتريت حته والا اتنين استنى عليها شهرين او تلاته هاتبيعها بمكسب خمسمائه جنيه على الاقل سعر الكرال النهارده لو بعت بيه حته انا شايلها فى علبتها من يناير اللى فات يكسبنى 600ج

tabeeb
11-10-22, 10:35 PM
مع احترامي لآراء الجميع .... بس أنا حاسس فعلا ان الاسعار هتنزل ان شاء الله لاسباب كتيرة :
1- انتهاء موسم الصيد .
2- دخول المدارس و دخول الشتاء .
3- الناس أدركت ان بندقية الرش مش وسيلة دفاع عن النفس عشان تحمي نفسها بيها زي ما حصل بعد الثورة .و يمكن اللي جاب بندقية عشان كان فاكر انه هيأمن نفسه بيها بيحاول يبيعها دلوقت .

و الله أعلم ..
أنا رأيي نصبر شوية كمان مش كتير ,و الأمور هتحلو وتبقي فلة ان شاء الله :)

yaserraouf
11-10-23, 07:44 AM
المفروض ان الاسعار تنزل
لكن بسبب العند و الاستغلال فلن يسمح بنزول الاسعار - والبنادق مش هاتخسر لو اتركنت
مع اني مش بشجع كده - لكن هي دي الحقيقة
والدليل النوريكا جيت بتتباع لحد اليوم تصنيع سنة 1997 يعني عمرها 14 سنة و ببتباع جديدة
يا ترى مين اللي كان مخزنها ؟