تحذير من الرش المارسمان

[mman2005]

بإختصار أنا كنت فى الإسكندرية الأسبوع إلى فات ولسة جاي من شوية وقلت أجيب رش مارسمان من المصنع إلى هناك بناء على نصائح أحد الأخوة الذى أشترى فى السابق وشكر فى رش المارسمان، المهم تفضل الأخ الفاضل بالذهاب معى إلى المصنع يوم الأحد الماضى وكان المصنع مغلق المهم نزلت يوم الإثنين بدون الأخ، هو قالى الرش نمرة إثنين أبتده ينزل منه وحش بس نمرة واحد كويس المهم قلت أروح المصنع لوحدى أشوف لو لاقيت الرشة شكلها حلو ومتساوية هجيب كمية ولو لاقيت شكلها وحش ومش متساوية وفيها عيوب مش هجيب المهم دخلت المصنع وهو ورشة صغيرة مش مصنع وفيه محل صغير قلت السلام عليكم لاقيت واحد كشر فى الخمسينيات من العمر مردش السلام قلت مش مشكلة قلته الرش نمر واحد بكم ونمرة إثنين بكم قالى الرش نمرة واحد ب 3.25 ونمرة إثنين سمعته بيقولى والله أعلم 3.80 وبعدين قلتله لو هشترى كمية بكم قالى نمرة إثنين ب 4 قلتله مش أنت قلت ب 3.80 قالى الكلمة دى مطلعتشى منى قلت ما علينا، ممكن أشوف شكل الرش المهم ورانى الرش نمرة واحد وإثنين وفتحلى علبتين، قالى الرش نمرة واحد مفيش غير 7 علب ونمرة إثنين موجودة كميات، المهم شفت شكل الرش لاقيته شكله حلو ومتساوى وتقريباً مفهوش عيوب المهم قلتله عايز ال 7 علب نمرة واحد وال 10 علب نمرة إثنين وأشترتهم على نمرة واحد ب 3.25 ونمرة إثنين ب 4.

من عادتى أنى بحب أعد الحاجة بعد ما أشتريها وكنت فى الإسكندرية قاعد فاضى فى شقة على الكورنيش قلت أعد الرش، عديت الرش نمرة واحد لاقيت أول علبة فيها 116 رشة فرحت وتقريباً الرش نمرة واحد عدد الرش فيها أزيد من 100 رشة، جيت أعد نمرة إثنين العلبة فيها من 89 رشة إلى 95 رشة أقصى علبة، يعنى مفيش علبة فيها مكملة ال 100 رشة قلت مش مهم الزيادة فى نمرة واحد تعوض النقص فى نمرة إثنين.

المصيبة بقى إلى خلتنى أكتب التحذير أنى لسة واصل بيتى فى القاهرة من ساعة وجريت على بنادقى نمرة واحد ونمرة إثنين قلت أجرب نمرة واحد الأول، وحطيت الرشة فى البندقية رغم أنها متساوية راس الرشة دخلت بالعافية فى الماسورة أجى أضرب الرش على عمارة قصادى ملهاش أثر، أجى أكثر الماسورة ألاقى الماسورة مسدودة يعنى الرشة مخرجتش، أضطريت اضضرب مرة ثانية علشان الرشة تخرج من الماسورة، جربت حوالى 10 رشات نمرة واحد أغلبهم حشر فى الماسورة ومخرجشى، جيت أقارن بين الرشة نمرة واحد المارسمان وشوية رش ألمانى موجود عندى لاقيت فيه فرق السما عن الأرض عن شكل الرشة، المارسمان تقيلة وراسها مفلطحة أكبر من الألمانى وديلها طويل، والأغية بتوع المصنع عاملين زخرفة بارزة على راس الرشة بعكس الألمانى، فراس الرشة بتدخل بصعوبة فى الماسورة، بعكس الرشة الألمانى الى راسها مش بتحتك فى الماسورة من أساسه وديلها بس هو الى بيبقى فارش على فاتحة الماسورة، جيت أقارن بين الرش نمرة إثنين المارسمان ورش مصرى نمرة إثنين مش عارف نوعه كان هدية من صاحب البندقية الى أشترتها منه برده لاقيت نفس الملاحظات، الرشة المارسمان راسها فيها نفس المشكلة بعكس الرشة المصرى الى مش عارف نوعها راسها مش بتحتك فى الماسورة ومفهاش الزخرفة الى موجودة فى المارسمان.

والأمانة علشان أكون حكيت تجربتى بكل صدق نمرة إثنين المارسمان محشرشى ولا مرة رغم أنى بحس أنه بيخرج من الماسورة بالعافية وراسه أكبر وبيدحل بصعوبة.

دى تجربتى مع رش المارسمان وربنا يعوض عليه فى 63 جنيه تمن الرش المصرى الزبالة إلى أسمه المارسمان ودى توبة أنى أفكر أشترى رش مصرى تانى رغم أن فيه منه كان كويس بس فى الأخر الصناعة المصرية يوم كويسة ويوم زبالة، على إيه خلينا فى المضمون الأسبانى والإلمانى والغالى تمنه فيه، وربنا ينتقم من صاحب المصنع ويخرب بيته يا رب.

[عادل عبده]

يا اخى جزاك الله خير
بس اخر حته ديه انا مش معاك فيها
متدعيش على حد تانى عشان حرام او مش حلو يعنى

معلش ديه وجهه نظرى برجاء ماتزعلش منى وتقبل مرورى

[Qoldus]

شكرا لنصيحتك الغالية...وربنا يعوض عليك يا أخي...ماحدش بيتعلم ببلاش...والحمد لله إنها جت في فلوس ولستر ربنا إنها مش كتير قوي...تتعوض إن شاء الله...بس نصيحتي ليك وللجميع...بلاش والنبي تدعي على أحد...حتى لا ترد عليك الملائكة وتقول ولك مثله...فمن حيث لا تدري ولا تحتسب يكون لك نصيب من هذا الدعاء...إكتفي فقط بقول...حسبي الله ونعم الوكيل...ربنا شايف ومطلع وهو حكم وعدل...لا يقبل بالظلم أبدا...

[المايستروو]

فعلا الرش المارسمان انا جربته طلع زباله مع ان فى ناس بتشكر فيه ورميت نص العلبه لانها فعلا بتتحشر فى الماسوره وانا بدخلها والاكتر انها مكانتش بترضى تدخل من اصله ولستر ربنا ان بندقيتى جيت يعنى بتطلع الرشه لو ملزوقه بامير وعايز اقول حاجه ان اكتر حاجه تبوظ البندقيه الرش لو اتحشر فيها دا بيضعف السوسته عن تجربه مع الرمسيس وانا مع الاخوه فى ان حضرتك مش لامفروض تدعى على حد قول ربنا يسهله وتقبل مرورى

[(el5awaga)]

*******************

[احمد صابر حسن]

المصرى مصرى و ربنا يعوض عليك

[mman2005]

هو بالنسبة للدعا أعذرونى، رحت مرتين علشان الرش وجايب 17 علبة وغايب عن القاهرة 8 أيام ومشتاق للبنادق والصيد وأرجع ألاقى الرش بايظ مع أن شكله يوحى أنه أحسن من الجامو ماتش، الصناعة المصرية للأسف تفتقد للدقة، وممكن راس الرشة لو فرقت عشر ملى تسبب مشكلة، هما الى نجحه فيه أنهم يعملوا رشة شكلها حلو ومتساوية وتقيلة لكن حجم الرشة هما الى فشله فيه بعكس الجامو والإلمانى الدقة فيه بالفمتو ثانية، وشغلهم على فكرة بدائى عامل واقف فى الورشة على مكنة وماسك شريط الرصاص وعمال يضغط ويطلع الرش وزى ما تيجى تيجى، وأنا لما جيت أحسبها العلبة الجامو فيها 500 رشة نمرة واحد ب 25 جنيه قصاد الرش المصرى الى بايظ يبقى الأسبانى يكسب.

وإلى يغيظ أن الراجل التنك صاحب الورشة بيحسسك أنه بينتج دهب مش موجود فى السوق زيه.

[well12m]

انا غير متفق معاك فى بعض الكلام لان عن تجربه بالنسبه لنمرة 2 هو ادق واحسن من الجامو بروماجنوم خصوصا مع البنادق الهاى باور ولكن لا ينصح بأستخدامه مع البنادق الهاى باور لانه بيسرق الطير فهو محتاج بنادق متوسطه القوة
لكن افضل رش موجود تستخدمه وانت مغمض الالمانى احسن من الاسبانى مليون مرة الماتش

[mman2005]

انا غير متفق معاك فى بعض الكلام لان عن تجربه بالنسبه لنمرة 2 هو ادق واحسن من الجامو بروماجنوم خصوصا مع البنادق الهاى باور ولكن لا ينصح بأستخدامه مع البنادق الهاى باور لانه بيسرق الطير فهو محتاج بنادق متوسطه القوة
لكن افضل رش موجود تستخدمه وانت مغمض الالمانى احسن من الاسبانى مليون مرة الماتش

يا باشا من غير ما تتفق معايا ده تجربة عملية ودى صور للرشة المارسمان مقارنة بالرش الألمانى نمرة واحد وبالنسبة لنمرة 2 مقارنة مع الجامو ماتش ورشاية مصرية ثانية مش عارف ماركتها الرشة المارسمان فى الشمال والباقى الجامو ماتش والمصرى بالترتيب، وبالنسبة لنمرة واحد المارسمان شمال وجمبها الألمانى وهتلاحظ أن حجم راس الرشاية أكبر من الماتش والإلمانى والمصرى.

[SHARKY]

السلام عليكم و رحمة الله و بركاته

أنا بأستعمل الرش المرسمان نمرة 2 فى بنادق التل و البام و الكرال الرماية و المعادى و لb 3 و كل ما تم ضربه

كان بالرش المرسمان لدرجة إنى سافرت الأسكندرية مخصوص لشراء الرش من المصنع و إشتريت

50 علبة .و شوفت الراجل الكشر اللى حضرتك قلت عليه .

و هو افضل من الرماية مع ملاحظة أنه يوجد فى السوق رش مرسمان مضروب و أنا إشتريت منه

علبة و رجعتهاتانى و قلت لصاحب المحل إن دة مضروووووووب.و عندى الماتش و البروماجنوم.

مع تحياتى

[عادل عبده]

يعنى نشترى مرسمان ولا لاء ياجدعان
ارسلكو على حل بقى

[akel]

السلام عليكم ورحمة الله وبركاته
التحية والاحترام لكل أعضاء منتدي الصيد في مصر المحترمين .
مشكلة جودة الرش من أكبر المشاكل التي يواجهها مستخدمي بنادق ضغط الهواء بسبب المشاكل التي تحدث نتيجة رداءة تصنيع الرش (اعوجاج . زيادةحجم الرشاية اكثر من اللازم .ضيق تجويف الهواء ) ويترتب علي ذلك حشر الرشاية داخل الماسورة ومحاولة تسليكها مما يترك اثر سلبي علي الشخشانات الحلزونية داخل الماسورة وكذلك ترك رواسب أو رايش خفيف نتيجة استخدام الرصاص الغيرأملس الرجيع (الخردة ) في التصنيع . وهذا كله راجع لعدم خبرة الصانع المصري اللى هو ورشجي في الأساس يعني يعتمد علي الخبرة وتقليد المنتجات المتشابهة فقط وعدته أو أدواته الاساسية نمطية بالاضافة طبعا للسيجارة وكوباية الشاي وأحيانا حجر المعسل البريء أو غير البريء دون الدراسة و معرفة التصاميم الحديثة ومحاولة تطويرها وللاسف أغلبيتهم ليس بمحترف صيد أو يمكن لم يمارسه من الاساس .وأنصح مستخدمي الرش بعدم الشراء بكميات الا بعد التجربة ولما يثبت الجودة سارع بشراء كميات قبل أن تتعب فورمة أو اسطمبة تصنيع الورشة وتتغير جودتها .

[مصري صياد]

شكرا للمعلومة

[elnawawy]

السلام عليكم ورحمة الله وبركاته
التحية والاحترام لكل أعضاء منتدي الصيد في مصر المحترمين .
مشكلة جودة الرش من أكبر المشاكل التي يواجهها مستخدمي بنادق ضغط الهواء بسبب المشاكل التي تحدث نتيجة رداءة تصنيع الرش (اعوجاج . زيادةحجم الرشاية اكثر من اللازم .ضيق تجويف الهواء ) ويترتب علي ذلك حشر الرشاية داخل الماسورة ومحاولة تسليكها مما يترك اثر سلبي علي الشخشانات الحلزونية داخل الماسورة وكذلك ترك رواسب أو رايش خفيف نتيجة استخدام الرصاص الغيرأملس الرجيع (الخردة ) في التصنيع . وهذا كله راجع لعدم خبرة الصانع المصري اللى هو ورشجي في الأساس يعني يعتمد علي الخبرة وتقليد المنتجات المتشابهة فقط وعدته أو أدواته الاساسية نمطية بالاضافة طبعا للسيجارة وكوباية الشاي وأحيانا حجر المعسل البريء أو غير البريء دون الدراسة و معرفة التصاميم الحديثة ومحاولة تطويرها وللاسف أغلبيتهم ليس بمحترف صيد أو يمكن لم يمارسه من الاساس .وأنصح مستخدمي الرش بعدم الشراء بكميات الا بعد التجربة ولما يثبت الجودة سارع بشراء كميات قبل أن تتعب فورمة أو اسطمبة تصنيع الورشة وتتغير جودتها .
كلامك هو ما يحدث فعلا وفي الشراء نصيحتك انا انفذها بالحرف حيث ان كل مرة يكون الرش مختلف عن المرة اللتي سبقتها في الجودة .

[moorg]

السلام عليكم و رحمة الله و بركاته

أنا بأستعمل الرش المرسمان نمرة 2 فى بنادق التل و البام و الكرال الرماية و المعادى و لb 3 و كل ما تم ضربه

كان بالرش المرسمان لدرجة إنى سافرت الأسكندرية مخصوص لشراء الرش من المصنع و إشتريت

50 علبة .و شوفت الراجل الكشر اللى حضرتك قلت عليه .

و هو افضل من الرماية مع ملاحظة أنه يوجد فى السوق رش مرسمان مضروب و أنا إشتريت منه

علبة و رجعتهاتانى و قلت لصاحب المحل إن دة مضروووووووب.و عندى الماتش و البروماجنوم.

مع تحياتى

كلام مضبوط و تجربة صادقة صاراحة انا حصلي موضوع المضروب بس المارس مان انا علي التل بتعتي مشاء الله افلت خمس غربان مشاء الله فطلعة الجمعة الماضية علي مسافات محترمة...... لك تحياتي:rolleyes:

[hema777h]

كلام مضبوط و تجربة صادقة صاراحة انا حصلي موضوع المضروب بس المارس مان انا علي التل بتعتي مشاء الله افلت خمس غربان مشاء الله فطلعة الجمعة الماضية علي مسافات محترمة...... لك تحياتي:rolleyes:

طيب اية رايك في الاوسكار نمرة 2

[moorg]

طيب اية رايك في الاوسكار نمرة 2

باشا :) اولا ازي حضرتك يا رب تكون بخير و بالف صحة
الاوسكار نمرة 2 مميزاتة انه خفيف الوزن و الرشة نضيفة قوي و العلبة بتكون فيها تقريبا 100 اقل او اكثر ب2 3 بس
الاستخدام الامثل الرماية و لشدة دقته head shoot للحمام يمام عصفير
الرش المصري مش وحش بالعكس هو عايز شوية اهتمام بس بالخامة و هينافس
ولازم ندعمو ويجب علينا ان نقتني بندقية مصري بجانب البدقية المستورد انا هبداء بنفسي انشاء الله هجيب عروسة رمسيس موديل قديم ......تحياتي لك :rolleyes:

[well12m]

هو لو نمرة 1 يبقى الجامو طبعا احسن بكتير والفرق فى السعر مش كتير انما نمرة 2 شغال كويس مع البنادق الضعيفه انما لو بندقيه هاى باور يبقى لازم تستخدم رش ماتش اى نوع زى ما تفضل وافضلهما الهوبى

[moorg]

هو لو نمرة 1 يبقى الجامو طبعا احسن بكتير والفرق فى السعر مش كتير انما نمرة 2 شغال كويس مع البنادق الضعيفه انما لو بندقيه هاى باور يبقى لازم تستخدم رش ماتش اى نوع زى ما تفضل وافضلهما الهوبى

نمرة 2 شغال كويس مع البنادق الضعيفه معلش انا اختلف مع حضرتك الكلام دا مش تمام و كمان احب اعرف البنادق الضعيفة زي ايه....لك تحياتي:confused:

[senawy]

فعلا اخى الفاضل حصلت معايا فى ثلاث علب نمره واحد وربنا يعوض عليك وعلينا إن شاء الله

[خواجة]

شكرا لنصيحتك

[hesham155]

فعلا مارسمان ده شكله حلو جدا ومحترم وبس تصنيعه غلط بيدخل بالحشر فى الماسوره بصراحه ضربط واحد وشلت العلبة على جنب هههههههه وجبت واحده رمايه لحد ما اشترى مستورد نضيف من اى مكان

[القناص العالمي]

مشكووووووووووووووووور

[ĴΘĶЄЯ]

ربنا يعوض عليك ياباشا
كويس انها جت على اد كدة
تقبل تحياتى