السلام عليكم
خر جنا يوم الجمعه بالسياره و بدانا رحله الصيد بالنوريكا ويست مع ابو شعبان و الجامو هانتر 1250 معايا ومشينا بالعربيه لحد ما وصلنا لمان فيه يمام وبدا الضرب
احنا بنضرب دايما واحنا فى العربيه من الشباك ونمشى لحد ما نلقى فرص تانيه للضرب وما بننزلش الا قليل نظرا لهبوط لياقتنا البدنيه بعد ما برشلونه استغنى عنا وانتوا عارفين موسم الانتقالات انتهى
المحصله النهائيه كانت فرخه ميه واحده وتلاتين يمامه وبالطريقه دى لن نصارع من اجل البقاء فى الممتاز لاننا بعدنا عن التلات فرق اللى هاتهبط السنه دى واليكم الصوره

الله ينور يا باشا بس مشكنت تسيبلنا حاجه نصطادها بس عموما هما بتوع برشلونه كده بيحبوا يلعبوا لوحدهم

اه الجمال ده ربنا يزيد ويبارك ((بس علي فكره انتو لازم ترجعو للياقتكم علشان العروض بتاعت ريال مدريد وعموما انا اعتبرت نفسي مدير اعمالكم من دلوقتي))(اخوكم احمد)

المكان ده فين يارجالة

صيد جميل وبالهنا والشفا

احنا حاليا في فترة توقف للدوري ممكن تعمل معسكر اعداد علشان اللياقة ترجع وصيد جميل ورائع

ياعم ولا يهمك مانجحش غير أبوطريقة في اختبارات تاردلي
مبروك الصيد.

ما شاء الله لا قوه الا بالله ربنا يباركلكم فى صيدكم و البنادق (و لياقتكم طبعاً :d)
انا فعلاً مقتنع ان دى احسن طريقه صيد فى اللذيذ بس اخر رحله جربنا نركن العربيه و نتحرك شويه صعوداً و هبوطاً فى المقطم و ما ادراك ما المقطم و ده بردو عشان اللياقه احم اقصد انعدام اللياقه ههههههه يعنى اهو نتدرب شويه :)

الله ينور عليك
وانا على فكره اتبع طريقه اللعب من داخل السياره
علشان حجات كتير غير اللياقه البدنيه

ربنا يبارك و بالهنا و الشفا

كده وبتقول هبوط في اللياقة البدنيه أمال لو كنتوا في الفورمه كنتو عملتوا أيه ؟ هههههههههههههههههه
الله ينور
وتسلم أياديكم ياأحلي صيادين

اشكر كل الاخوه الاعزاء مجدى واحمد وعمرو وميزو ومحمد سليمان وجلال والكبير بتاعنا طاعت باشا وان كنت نسيت حد يسامحنى وطبعا موضوع برشلونه ده هزار اما اللياقه البدنيه فهى حقيقه لان الواحد بعد الاربعين ماعادش زى زمان من ناحيه التحمل اما بالنسبه للصيد بالعربيه ففيه ميزات زى انك ما بتتعبش وبتلاقى فرص كتير كل ما تمشى واغلب الضرب بيكون على مسافات قريبه لان اليمام بيااامن لانه ما بيشوفكش وفى النهايه الصيد رزق وربنا يكتتر رزقنا جميعا وبارك الله فيكم

ينفع كده تروحو تصطاده من غير ما حد يعرف

بالهنا والشفا

كانت رحلة جميلة واجمل مافهيا كان متعة الضرب والصحبة اهم من الضرب الصحبة.
عموما انته اغيرتنى اطلع الصور التانية.
وطبعا قتال القمرى والمستكاو عارف نفسه.

ابوشعبان
طبعا انته اللى ضارب اغلب اليمام ده بس سرك فى بير مش هاقول لحد والنوريكا بدعت يوميها وياريت تحط صور الرحله اللى قبلها واستعد للرحله الجايه ان شاء الله

والله كنت اتمنى يكون معانا ناس تانيه من المنتدى الجميل ده بس يا خساره احنا بعيد شويه عن اغلب الاعضاء من ناحيه السكن لكن مسيرنا نتقابل ان شاء الله خصوصا ان الناس هنا زى العسل وبيحبوا بعض جدا وتحس انك تعرفهم من زمان مع انى مسجل فى المنتدى من حوالى اسبوعين فقط

مش بقول لكم ان الدوري الاسباني متفوق

الحمد للة انك مكنتش فى الفورمة والا نقول على اليمام والحمام السلام

يار اجل زعلتني لم بتقول برشلونة استغنا عنكو معنجوش نظر تعاليلي انت بس انا اجيبلك عقد احتراف في بوركينا فاسو وقتي بمرتب خيالي يا باشا

فى انتظار القريب ان شاء الله.

ورد عليكم صيد زي الفل ((الاكل هيستوي امتي ؟)) ولا بلاش اجي