جهة التفتيش ومراقبه الاسعار على محلات الصيد [الأرشيف]

مشاهدة النسخة كاملة : جهة التفتيش ومراقبه الاسعار على محلات الصيد

محمود امجد محمد

11-10-08, 01:43 PM

ارجو من الاخوه الكرام كتابه الجهة المختصه
بمراقبه اسعار الاسلحه الصوتيه واسلحه الصيد عامه
لانى باذن الله ناوى اعمل مذكره فى كل محل يبيع باسعار غير منطقيه
وساقوم بتقديم هذه المذكرات والشكاوى
بنفسى الى الجهه المختصه
مثال ذلك احد المحلات قمت بسؤاله على سعر الريتاى بارون
فكانت الاجابه 1800 جنيه يعنى عايز يكسب فى القطعه مبلغ 1200 جنيه
لانه سعره من المستورد كما علمت من 550 الى 600 جنيه
ارجو كتابه اسم الجهه واعاهدكم اننى لن اترك محلا من هذه المحلات
يبيع بهذه الاسعار وساقوم بشكواهم جميعا

اسكندرانى 1

11-10-08, 01:57 PM

يعنى ايه الجهات المحتصه !!!

السلاح ده كماليات و سوق حر يعنى مفيش رقابه و لا سيطره و تحكم فى الاسعار من قبل الدوله و بالتالى مفيش اى مسئوليه على اى محل سلاح بيبع اغلى من تجار المنتدى مثلا لان تجار المنتدى بيقدموا الاسعار دى خدمه للاعضاء و خوف من ربنا و مكسب كويس بالنسبه ليهم و ربنا يبارك لهم فى رزقهم ان شاء الله

محمود امجد محمد

11-10-08, 02:02 PM

لا يمكن يكون فيه هناك سلع غير خاضعه للرقابه والتفتيش لان احنا مش عايشين فى غابه
لابد وان اجد طريقه لمعاقبه اصحاب هذه المحلات الذين ياكلون السحت والحرام
طبعا فيه محلات محترمه زى محل خضر بالاسكندريه وربنا يبارك لهم فى رزقهم

اسكندرانى 1

11-10-08, 02:14 PM

محمود امجد محمد

11-10-08, 02:26 PM

يا اخى فى سلع لا تخضع للرقابه لانها فى سوق تجاره حره و المستورد هو المسئول عن تحديد ربحه و كذلك التاجر مسئول عن تحديد ربحه بالصوره التى يراها مناسبه حسب حاجة السوق و لو وصل الامر الى 1000% فالسوق عرض و طلب

و معتقدش انه سحت لانه مش بيجبرك انك تشترى منه زى ما فى محلات محترمه زى الاخ هيثم فى الاسكندريه بتبيع باسعار كويسه جدا و شريف ابو ضيف و ان شاء الله نتوسم الخير فى محل ابو سيف كمان باذن الله فى محلات بتبيع باضعاف السعر ... دى التجاره الحره و السوق المفتوح و مش عيب المحل ان اللى بيشترى مش بيدور و يستشير كويس ده عيب مستخدم

شرع الله ليس فيه اعتقد انه مش سحت
واحكام الشرع قاطعه فى هذه المسأله وقد قتلت بحثا من الفقهاء

وشرع الله بالاضافه الى الاحكام الوضعيه
ليس فيها شىء اسمه ( انت مخير فى شراء سلعه باغلى من سعرها ضعفا )
فحكم الشرع وابواب الفقه تقتضى محاكمه ومحاسبه هؤلاء ..
الى جانب ان الموضوع ليس عقابا على السعر المضاعف فقط
ولكن هناك استغلال وانتهاز شعور المواطن بالخوف
وحسبنا الله ونعم الوكيل
وهذه تجارة حرام حرام حرام فى حكم الشريعه
حتى لو كانت اليهوديه الى جانب انها تستوجب المحاكمه [color="blue"]
( التجاره الحرام هنا تعنى المتاجره فى سلعه حلال
وبيعها باسعار مضاعفه وانتهاز شعور الناس بالخوف فى رواج الاسعار المضاعفه)

safroot

11-10-08, 03:34 PM

انا مش عارف بس طالما فى رخصة لفتح المحل وضرائب وكدة يبقى اكيد فى جهة مراقبة بس فين وانهى جهة هى المسؤلة المحافظة والا وزارة الداخلية والا الحى ؟؟؟

Sniper84

11-10-08, 04:42 PM

مع إحترامي للجميع فالتعامل مع هذه المحلات كان قبل الثورة و لا يزال بعدها من منطلق أمني بحت، بمعنى إنهم يراقبوهم أمنياً عشان يأمنوا النظام و خلافه لكن تبيع بالغالي تبيع بالرخيص تبيع الناس هدومها و لا حد بيشغل باله، إذا كانت السلع الأساسية و أجرة المواصلات العامة بلا حسيب و لا رقيب يبقى هيراقبوا على السلاح؟

tarekvb

11-10-08, 07:48 PM

انت عايز تشتكى محل سلاح تفتكر لو اتوجدت حتى الجهة المختصة محل السلاح مش هيكونه مامن نفسه ومظبطها حماسك جميل بس للاسف .....

TITODJ

11-10-09, 06:21 AM

يا باشا مراقبة اية وبتاع از كان الجهة الرقابية اللى انت اتبعتلها الشكوة عارف الكلام دة كلو وكل حاجة بتتباع فى بلدك بس هما طلاما بياكلوا وبيترشوا يبقى كلو يمشى تمام صلى على النبة وخد بالك للموضوع يتلب عليك لان اكتر بتوع محلات السلاح تناس قديمة وتقيلة فى السوق وانت عارف اللى بيحصل فى مصر ماشية بالتعريض على راى تهامى باشا ههههههههههههه وكمان عارفين ودة اكيدي مية فى المية انا فى ناس بتبيع من غير ترخيص فى المنازل وكل حاجة عرفنها

shereif

11-10-09, 10:01 AM

الجماعه دول كلهم عندهم حق للأسف..

لو أنك تقدر تشتكى البقال اللي بيبيع لك السكر ب6 و7 جنيه
يبقى تقدر تشتكي محلات السلاح...

أنا مش باحبطك ولا حاجه .. نتمنى نشوف اليوم اللى يكون فيه رقابة حقيقية على كل شىء مش الاسعار بس.
لكن انا كان لي تجربة مريرة مع جهاز حماية المستهلك أثناء أزمة حديد التسليح قبل الثورة,
وعندما شددت عليهم قال لى المسؤل أنهم يراقبون على سلعتين فقط هما انبوبة البوتجاز ورغيف العيش؟؟؟!!!

بس خلاص .. على رأي شعبولا..

Zero

11-10-11, 03:06 AM

فكرة كويسة جدا بس التنفيذ ممكن ميفرحكش أوى لأن معروفة يعنى كل واحد فاتحله محل سلاح بيكون له معارف بالشرطة بالكامل و الجيش كمان دا غير الهدايا و اللذى منه

لكن انا كان لي تجربة مريرة مع جهاز حماية المستهلك أثناء أزمة حديد التسليح قبل الثورة,
وعندما شددت عليهم قال لى المسؤل أنهم يراقبون على سلعتين فقط هما انبوبة البوتجاز ورغيف العيش؟؟؟!!!

تصدق بقى و تؤمن بالله أننا مكانش عندنا أنابيب كل أيام الثورة و بعدها و كنا شغالين على بابور يعنى محدش أهتم بينا ليه ساعتها !؟

fesal

11-10-18, 04:34 PM

جرب حمايه المستهلك مدام في فاتوره يبقا ممكن اعرف محل دفع غرامه 10000ج بسبب سماعه كمبيوتر ب 25ج

ممكن ليه لأ

احمد حسن ادريس

11-10-18, 07:55 PM

ايوة توكل على الله واشتكى مفيش حاجة اسمهما هوة حر فى الربح مدام المحل مرخص ومؤمن علية لازم تكون لية جهة تفتيش

Tito100

11-10-18, 10:38 PM

إخوانى الأعزاء :
أعتقد أن موضوع الأسعار ده محكوم بعدة أسباب أهمها نسبة المعروض للمطلوب خاصة فى ظل ظروف البلد حاليا إضافة إلى طمع وإستغلال بعض التجار لتلك الظروف لتحقيق المزيد من الربح ، وكذلك يتحكم وقف أو صعوبة الإستيراد أو الكمية المتاحة الأسعار.... حيث أنه أحيانا يضطر بعض التجار ( المحترم منهم ) لرفع السعر لأن البضاعة تكلفتها عليه زادت مع ثبات صافى ربحه منها ..
وأخيرا فإنه كقاعدة إقتصادية عامة فإنه كلما زاد الطلب على أى سلعة بصفة عامة قل المعروض منها وإرتفع سعرها ..
تقبلوا خالص إحترامى وتحياتى للجميع :)