جشع التجار إلى أين ؟

[Sniper84]

الإخوة الكرام أعضاء المنتدى القيم، السلام عليكم و رحمة الله،

أولاً أحب أحييكم واحد واحد على المنتدى الراقي اللي إكتشفته بالصدفة و زعلت جداً إني مشتركتش فيه من زمان، بس الحمد لله على كل حال.

أنا قررت أول مواضيعي يكون عن موقف إتعرضت له بشكل شخصي، النهاردة نزلت السجلابي في إسكندرية قلت أشوف عنده Bruni p4 أو Walther 99 لأني بصراحة بعد بحث في المنتدى لقيت ناس كتير بتشكر فيهم و بصراحة أنا بحب السلاح جدا و بقالي فترة نفسي في حي بس طبعا للأسف لا الأسعار و لا موضوع التراخيص مشجعين خالص فقلت أشتري الريبليكا،توكلت على الله و ركبت عربيتي و طلعت على السجلابي و قلت أكيد مش هلاقي عنده النوعين دوول لأنهم قليلين، المهم دخلت عليه بصيت في الفاترينة لقيتهم الإتنين جنب بعض قلت زي الفل السلام عليكم يا عم بكام البروني؟!! وكانت الصاعقة................ بـ 3500 يا بيه!! قلتله نعم ؟! إيه يا عم إنت ضارب في الغالي ليه كدة ؟ قاللي أنا عندي الأسعار الجديدة و يوم عن يوم بيفرق و شغل الحوارات دي، قلتله طيب الوالتر بكام قاللي بـ 3200!!! ... بصراحة مبقيتش مصدق اللي بسمعه قلتله يا عم دي الأسعار نزلت عن كدة خالص، راح برضه لافف و داير في الكلام، ببص في الفاترينة لقيت الإيكول جاكال، أنا مش حابه بص قلت أعرف سعره أهو على الأقل دة منتشر و ممكن يكون سعره مقياس، بكام ياعم قاللي بإبتسامة من الودن للودن بـ 2500 إن شاء الله!! بصراحة إتجلطت، إيه يا عم دة الإيكول لو قلتلك سعره بره في كل حته مش هتصدقني قاللي بكام قلتله بـ 1400 مغرق الدنيا.
بصراحة قفلني منه لأني حتى لو فاصلت معاه يبقى أنا كدة بساعده إنه يزيد في جشعه قلتله تكرم و سلام عليكم و مشيت بدون أدنى ندم، و قررت إني أحكيلكوا القصة دي و تكون أول مواضيعي في المنتدى بعون الله. عشان أديلكم فكرة و أستفيد من أراءكم القيمة كالمعتاد.

و السلام.

[kiko_2015]

الجاكال ب 1400 جنيه !!!! يا نهار اسود..

[TITODJ]

حاجة غريبة او واحد لسة مسجل جديد ولحق يعرف المنتددى ويكتب كمان مووع عن جشع التجار الظاهر دى صدفة وانا شامم ريحة دعاية ههههههههههههه واللة اعلم

[pooforever_2010]

الجاكال ب 1400 جنيه !!!! يا نهار اسود..
اقرا كويس يا ابو سيف وبطل كروته
الراجل قاله 2500 مش 1400
تحياتى لصاحب الموضوع
والافضل تشترى من حد من المنتدى وفيه من اسكندريه كتير
وشكرا

[Sniper84]

الجاكال ب 1400 جنيه !!!! يا نهار اسود..

حضرتك شايف 1400 دول كتير و لا شوية ؟

[pooforever_2010]

حاجة غريبة او واحد لسة مسجل جديد ولحق يعرف المنتددى ويكتب كمان مووع عن جشع التجار الظاهر دى صدفة وانا شامم ريحة دعاية ههههههههههههه واللة اعلم
باشا اخبارك ايه انا بعتلك على الخاص ومردتش ليه
وعادى انا قبل مسجل تابعت المنتدى فترة قبل التسجيل والراجل مشكور بيحكى اللى حصل

[pooforever_2010]

حضرتك شايف 1400 دول كتير و لا شوية ؟
كتير طبعا الجال اقصى حاجه 1100
وشكرا

[Sniper84]

حاجة غريبة او واحد لسة مسجل جديد ولحق يعرف المنتددى ويكتب كمان مووع عن جشع التجار الظاهر دى صدفة وانا شامم ريحة دعاية ههههههههههههه واللة اعلم

حضرتك بسم الله ما شاء الله عليك تجيبها و هي طايرة، أحييك على نباهتك، و بالنسبة لإني جديد في المنتدى أنا أسف المفروض إني كنت أعمل دراسات عليا 4 سنين في المنتدى قبل ما أتجرأ و أكتب موضوع، أنا متابع المنتدى من فترة و عارف حضرتك و عارف أد إيه الأعضاء بيرحبوا بتعليقاتك، و يشرفني مرورك، تحياتي.

[Sniper84]

اقرا كويس يا ابو سيف وبطل كروته
الراجل قاله 2500 مش 1400
تحياتى لصاحب الموضوع
والافضل تشترى من حد من المنتدى وفيه من اسكندريه كتير
وشكرا

مشكور يافندم على مرورك الكريم و أنا فعلا عملت بنصيحتك، تقبل تحياتي

[pooforever_2010]

حضرتك بسم الله ما شاء الله عليك تجيبها و هي طايرة، أحييك على نباهتك، و بالنسبة لإني جديد في المنتدى أنا أسف المفروض إني كنت أعمل دراسات عليا 4 سنين في المنتدى قبل ما أتجرأ و أكتب موضوع، أنا متابع المنتدى من فترة و عارف حضرتك و عارف أد إيه الأعضاء بيرحبوا بتعليقاتك، و يشرفني مرورك، تحياتي.
يا باشا كلنا كده
تابعنا فترة الاول لحد مستريحنا للمنتدى
تحياتى واهلا بيك وسط اخواتك
وشكرا

[Sniper84]

يا باشا كلنا كده
تابعنا فترة الاول لحد مستريحنا للمنتدى
تحياتى واهلا بيك وسط اخواتك
وشكرا

الله يكرمك و متشكر لذوقك، أنا متابع من 10 أيام و بصراحة مكنتش مصدق إن في منتدى في مصر بالحرفية و الجو الرائع دة و إكتسبت معلومات أعتقد مكنتش هعرفها بالسهولة دي أبداً، ربنا يكرمنا جميعاً.

[pooforever_2010]

الله يكرمك و متشكر لذوقك، أنا متابع من 10 أيام و بصراحة مكنتش مصدق إن في منتدى في مصر بالحرفية و الجو الرائع دة و إكتسبت معلومات أعتقد مكنتش هعرفها بالسهولة دي أبداً، ربنا يكرمنا جميعاً.
يا باشا كلنا اخوات
واى حاجه انا تحت امرك بمعلوماتى البسيطه
ابعتلى بس على الخاص وان شاء الله افيدك
تحياتى

[adel152]

الإخوة الكرام أعضاء المنتدى القيم، السلام عليكم و رحمة الله،

أولاً أحب أحييكم واحد واحد على المنتدى الراقي اللي إكتشفته بالصدفة و زعلت جداً إني مشتركتش فيه من زمان، بس الحمد لله على كل حال.

أنا قررت أول مواضيعي يكون عن موقف إتعرضت له بشكل شخصي، النهاردة نزلت السجلابي في إسكندرية قلت أشوف عنده bruni p4 أو walther 99 لأني بصراحة بعد بحث في المنتدى لقيت ناس كتير بتشكر فيهم و بصراحة أنا بحب السلاح جدا و بقالي فترة نفسي في حي بس طبعا للأسف لا الأسعار و لا موضوع التراخيص مشجعين خالص فقلت أشتري الريبليكا،توكلت على الله و ركبت عربيتي و طلعت على السجلابي و قلت أكيد مش هلاقي عنده النوعين دوول لأنهم قليلين، المهم دخلت عليه بصيت في الفاترينة لقيتهم الإتنين جنب بعض قلت زي الفل السلام عليكم يا عم بكام البروني؟!! وكانت الصاعقة................ بـ 3500 يا بيه!! قلتله نعم ؟! إيه يا عم إنت ضارب في الغالي ليه كدة ؟ قاللي أنا عندي الأسعار الجديدة و يوم عن يوم بيفرق و شغل الحوارات دي، قلتله طيب الوالتر بكام قاللي بـ 3200!!! ... بصراحة مبقيتش مصدق اللي بسمعه قلتله يا عم دي الأسعار نزلت عن كدة خالص، راح برضه لافف و داير في الكلام، ببص في الفاترينة لقيت الإيكول جاكال، أنا مش حابه بص قلت أعرف سعره أهو على الأقل دة منتشر و ممكن يكون سعره مقياس، بكام ياعم قاللي بإبتسامة من الودن للودن بـ 2500 إن شاء الله!! بصراحة إتجلطت، إيه يا عم دة الإيكول لو قلتلك سعره بره في كل حته مش هتصدقني قاللي بكام قلتله بـ 1400 مغرق الدنيا.
بصراحة قفلني منه لأني حتى لو فاصلت معاه يبقى أنا كدة بساعده إنه يزيد في جشعه قلتله تكرم و سلام عليكم و مشيت بدون أدنى ندم، و قررت إني أحكيلكوا القصة دي و تكون أول مواضيعي في المنتدى بعون الله. عشان أديلكم فكرة و أستفيد من أراءكم القيمة كالمعتاد.

و السلام.

استاذ اسلام بعد التحية
اولا مرحبا بحضرتك عضو جديد فى المنتدى.
من المعروف ان محلات السجلابى اسعارها نار من قديم الازل ويبدوا انك لفيت على كذا محل لانك عرفت ان الجاكال ب1400 ومغرق الدنيا وطبعا ده سعر الفرجة مش البيع والشراء.
التجار بيتعمدوا تعطيش السوق من البضاعة علشان يغلوا الاسعار للاسف والدليل على كده من 4 او 5 شهور ماكنش فيه فى السوق غير الطلق الصوت التركى الفضى وارتفع ثمنه من 2 الى 4 جنيه وبعد كده بدأ يظهر فى السوق الطلقات الالمانى والتشيكى ووصلت اسعارهم الى 6 و7 و8 جنيه للطلقة.
هل من المعقول صفقة الطلقات اللى وصلت كانت كمية محدودة للدرجة دى؟ اكيد لا. لكن تعطيش السوق حتى ترتفع الاسعار اكثر واكثر ومع الاسف الناس بتشترى بهذه الاسعار والتاجر بيقول لنفسه اللى يقدر يشترى ب8 النهاردة بكره حيشترى ب9 و10 جنيه.
شكرا لموضوع حضرتك وتحياتى

[Sniper84]

استاذ اسلام بعد التحية
اولا مرحبا بحضرتك عضو جديد فى المنتدى.
من المعروف ان محلات السجلابى اسعارها نار من قديم الازل ويبدوا انك لفيت على كذا محل لانك عرفت ان الجاكال ب1400 ومغرق الدنيا وطبعا ده سعر الفرجة مش البيع والشراء.
التجار بيتعمدوا تعطيش السوق من البضاعة علشان يغلوا الاسعار للاسف والدليل على كده من 4 او 5 شهور ماكنش فيه فى السوق غير الطلق الصوت التركى الفضى وارتفع ثمنه من 2 الى 4 جنيه وبعد كده بدأ يظهر فى السوق الطلقات الالمانى والتشيكى ووصلت اسعارهم الى 6 و7 و8 جنيه للطلقة.
هل من المعقول صفقة الطلقات اللى وصلت كانت كمية محدودة للدرجة دى؟ اكيد لا. لكن تعطيش السوق حتى ترتفع الاسعار اكثر واكثر ومع الاسف الناس بتشترى بهذه الاسعار والتاجر بيقول لنفسه اللى يقدر يشترى ب8 النهاردة بكره حيشترى ب9 و10 جنيه.
شكرا لموضوع حضرتك وتحياتى

من وجهة نظري كلام حضرتك منطقي جداً، هم للأسف بيلعبوا بالناس و طبعا كالعادة الأسواق في مصر بلا حسيب و لا رقيب، شكرا لرد حضرتك و لمرورك الكريم، تحياتي.

[Compact]

فى البلد دى ... لا يوجد تجارة , يوجد احتكار فقط

[رمزى البيلى]

حسبنا الله ونعم الوكيل فى الجشعين جميعا

[Sniper84]

فى البلد دى ... لا يوجد تجارة , يوجد احتكار فقط

أستاذ كومباكت سعدت بمرورك، تحياتي.


حسبنا الله ونعم الوكيل فى الجشعين جميعا

ربنا يهديهم جميعا، و شرفت بمشاركتك في موضوعي.

[رمزى البيلى]

اللة يكرمك الشرف لى وربنا يدوم المعروف

[darkshaft]

جاكل ب١٠٥٠ الاسود و مسوره مفتوحه

[رمزى البيلى]

جديد ولا مستعمل ومعاة اية

[صيادالطيور]

ياساتر يارب على الاستغلال

ربنا ياخد المفتري

[Sniper84]

ياساتر يارب على الاستغلال

ربنا ياخد المفتري

ههههه معلش إدعيلهم بالهداية و بلاش تدعي على حد، تشرفت بمرورك.

[ahmed6394]

كتير طبعا الجال اقصى حاجه 1100
وشكرا

+1111111111

[hossamedeen]

عزيزي سنايبر لك رساله علي الخاص