المساعد الشخصي الرقمي

مشاهدة النسخة كاملة : مشكلتي في الكرال

sniperff
11-10-03, 05:03 PM
انا لسه جايب كرال و هي فعلا بندقية هاي باور و جامدة جدا بس المشكلة ان الدقة مش مضبوطة انا دايما بضبط الناشنكاهات و بعديها النشان بيختلف تماما يعني الاقي مرة تيجي فوق و مرة تحت و مرة يمين و مرة شمال و هل لو انا ركبت تلسكوب حتبقا افضل؟
سامح وهيب
11-10-03, 06:20 PM
انا هاقول لحضرتك على تجربتي , اولا نوع الرش بيفرق معابا مثلا انا اكثر نوع اداني دقه مع الكرال الجامو الماتش , اما البروماجنوم فبيدى قوة لكن بيحتاج اعلى بالنشان سنه حسب المسافه , ثانيا لو حضرتك مبتدئ زي حالاتى ممكن يكون فيه هزه فى ايدك و دي بتتظبط مع الوقت و اتمرين المستمر على الرمايه و يستحسن ترجع لموضوع عن مسك البندقيه موجود هنا في المنتدى انا شخصيا استفدت منه جدا , كمان وانا باظبط النيشان باحاول اضرب و انا ساند ساعدى ( كوعي ) على شىء ثابت علشان احدد بدقه العيب من الناشنكاه او من ايدي . عموما مشكلة الكرال ان الناشنكاه مش ثابت لكن بعد فتره من العشره باقدر احدد وضع تقريبي هو الافضل او المعتاد بحيث اني باحتاج رشتين او تلاته بس للضبط او ما باحتاجهمش , بالمناسبه كانت النصيحه بالنسبه للكرال بالذات انك ما تضربش الا و هي فيها رشه لان الضرب بدون رش بيعجل بانكسار السوسته , دي تجربتى و في انتظار اراء الخبراء و الزملاء ممن لهم باع اطول و قدره اكبر على الافاده , تحياتي .
adel152
11-10-04, 01:09 AM
انا هاقول لحضرتك على تجربتي , اولا نوع الرش بيفرق معابا مثلا انا اكثر نوع اداني دقه مع الكرال الجامو الماتش , اما البروماجنوم فبيدى قوة لكن بيحتاج اعلى بالنشان سنه حسب المسافه , ثانيا لو حضرتك مبتدئ زي حالاتى ممكن يكون فيه هزه فى ايدك و دي بتتظبط مع الوقت و اتمرين المستمر على الرمايه و يستحسن ترجع لموضوع عن مسك البندقيه موجود هنا في المنتدى انا شخصيا استفدت منه جدا , كمان وانا باظبط النيشان باحاول اضرب و انا ساند ساعدى ( كوعي ) على شىء ثابت علشان احدد بدقه العيب من الناشنكاه او من ايدي . عموما مشكلة الكرال ان الناشنكاه مش ثابت لكن بعد فتره من العشره باقدر احدد وضع تقريبي هو الافضل او المعتاد بحيث اني باحتاج رشتين او تلاته بس للضبط او ما باحتاجهمش , بالمناسبه كانت النصيحه بالنسبه للكرال بالذات انك ما تضربش الا و هي فيها رشه لان الضرب بدون رش بيعجل بانكسار السوسته , دي تجربتى و في انتظار اراء الخبراء و الزملاء ممن لهم باع اطول و قدره اكبر على الافاده , تحياتي .

استاذ سامح كلام حضرتك سليم %100. فى بس حاجة واحدة بعد اذن حضرتك اضيفها النيشان الخلفى فى الدبشك الفيبر بيحك اثناء التعمير فى بداية الدبشك وده ممكن يغير النيشان بعد ضبطه.
تحياتى
sniperff
11-10-04, 03:32 PM
انا ضابط جيش ماتقلقش بالنسبة للرماية ههههههههه
في حاجة غريبة ظهرت دلوقتي انا ضبطها بس مش المفروض يبقا الناشنكاه الخلفي في النص ولا ده طبيعي يعني كانت بتحدف شمال اوي و بعدين اتظبتت لما جبت الناشنكاه شمال اوي هل ده بيحصل بسبب الرشة ممكن مثلا
Qoldus
11-10-04, 03:45 PM
انا ضابط جيش ماتقلقش بالنسبة للرماية ههههههههه
في حاجة غريبة ظهرت دلوقتي انا ضبطها بس مش المفروض يبقا الناشنكاه الخلفي في النص ولا ده طبيعي يعني كانت بتحدف شمال اوي و بعدين اتظبتت لما جبت الناشنكاه شمال اوي هل ده بيحصل بسبب الرشة ممكن مثلا

عادي يا باشا ما تقلقش...وممكن لما تغير نوع الرش تحتاج تغيير ظبط النيشان مرة ثانية...بس في حاجة بالنسبة لتغير النيشان بعد كل ضربة...ممكن تفك الدبشك وتركب جلدة كاوتش ( زي بتوع أنابيب البوتاجاز ) ناحية اليمين بين الدبشك وجسم البندقية علشان تبعدها شوية وتبطل إحتكاك بالنيشان الخلفي عند كل تعمير...وبالتالي النيشان الخلفي ها يثبت ويبطل يتغير أو يتحرك من مكانه...ده إللي حصل معايا وعالجته بالطريقة دي...جرب كده وإن شاء الله تجيب معاك نتيجة...ولو حصل إبقي إدعيلي...
سامح وهيب
11-10-04, 04:16 PM
كل الكلام بيكمل بعضه , صح يا استاذ عادل ومهم دايما تبقى مسامير الدبشك مربوطه باحكام سواء المسمارين اللي خلف حليتين الجنب او المسمار الخلفي اللي عند الزناد لان المسامير لما بتبقي مش مربوطه باحكام بتفسد النشان و بتخللي جسم البندقيه كله يروح معاك لقدام اثناء التعمير وده ممكن يكون سبب احتكاك الناشنكاه بالفيبر لان انا في البندقيه اللي معايا ما عنديش المشكله دي . اتمنى نتواصل دايما و اي حد عنده خبره جديدة يطرحها على الباقين تعميما للفائده .
sniperff
11-10-04, 04:22 PM
المشكلة مش الاحتكاك المشكلة انها مضبوطة جدا و دقيقة اوي لما الناشنكاة الخلفي جاي اقصي اليمين هل ممكن من الرش مثلا؟
Qoldus
11-10-04, 04:59 PM
المشكلة مش الاحتكاك المشكلة انها مضبوطة جدا و دقيقة اوي لما الناشنكاة الخلفي جاي اقصي اليمين هل ممكن من الرش مثلا؟

إللي ها يأكدلك الموضوع ده يا باشا لو غيرت نوع الرش...جرب كده على مسافة 10 متر ( بلاش المدى أو المسافة البعيدة لأنه ها يختلف حسب وزن وشكل الرش )...لو فضلت ثابتة على دقتها يبقى ده راجع لظبطة وتركيب نيشانات البندقية في المصنع...مش عايز أقول عيب تصنيع...ولو إختلفت الدقة وظبطت مع تغيير إتجاه النيشان الخلفي يبقى ده عيب نوع الرش...هذا في تقديري وحسب خبرتي والله أعلم...
محمود شلبي
11-10-04, 05:34 PM
الكلام دى كله جميل وصح 100/100 احب اضيف
اولا اكد على المسامير بعد كام رشه حتى تصل الى الربط الى مش هيفك بعدها
ثانيا النشنكان ثابت اظبطه بيد حرة بدون سنادة عشان هى دى طريقه ضربك انت
ثالثا النشنكان عاوز يروح يمين خاص اعمله شمال على الاخر شغال المهم يظبط على الماسورة
رابعا التمرين الكتير (على ايدك وجسمك وكتفك ورقبتك وخدك انت) حتى تصل الى الامثل بالتوفيق
Qoldus
11-10-04, 06:13 PM
الكلام دى كله جميل وصح 100/100 احب اضيف
اولا اكد على المسامير بعد كام رشه حتى تصل الى الربط الى مش هيفك بعدها
ثانيا النشنكان ثابت اظبطه بيد حرة بدون سنادة عشان هى دى طريقه ضربك انت
ثالثا النشنكان عاوز يروح يمين خاص اعمله شمال على الاخر شغال المهم يظبط على الماسورة
رابعا التمرين الكتير (على ايدك وجسمك وكتفك ورقبتك وخدك انت) حتى تصل الى الامثل بالتوفيق

معلش يا أستاذي وأعذرني لجهلي...عايز شرح وتوضيح أو إعادة صياغة للنقطتين ثانيا وثالثا علشان ملتبسين عليا مش فاهمهم قوي وعايز أستفاد برضو...ومشكور مقدما لمجهودك وتعبك...
blow c06
11-10-04, 06:35 PM
بعد اذن استاذ محمود
النقطه التانيه: قصده لما تيجى تظبط النيشان متسندش ماسورة البندقيه ولا ايدك عشان تثبت النيشان و تخليه مظبوط لاقصى درجه انما اضرب و انت واقف و ماسك البندقيه زى متكون بتصطاد و ايدك حره مش مسنوده عشان تظبط النيشان على نفس الوضع الحقيقى الى هتصطاد بيه فلو ايدك بتتهزفى ناحيه معينه هتتهز فى ظبط النيشان برده و فى الاخر ايدك هتكون مظبوطه و انت بتصطاد بجد..
النقطه التالته : لما الضربه تيجى يمين الهدف بتحرك الناشينكان الخلفى للشمال عشان تظبطه و العكس
sniperff
11-10-04, 06:48 PM
يا سيدي انا فاهم والله كلامك عن كيفية ضبط الناشنكاهات....بس لما يكون الوضع الاخير للضبط ان النشنكاه اقصي اليمين ده يبقي غريب يعني البندقية ديلوقتي مضبوطة و هو في الوضع ده و دقتها عالية اوي هل ده طبيعي
Qoldus
11-10-04, 07:04 PM
بعد اذن استاذ محمود
النقطه التانيه: قصده لما تيجى تظبط النيشان متسندش ماسورة البندقيه ولا ايدك عشان تثبت النيشان و تخليه مظبوط لاقصى درجه انما اضرب و انت واقف و ماسك البندقيه زى متكون بتصطاد و ايدك حره مش مسنوده عشان تظبط النيشان على نفس الوضع الحقيقى الى هتصطاد بيه فلو ايدك بتتهزفى ناحيه معينه هتتهز فى ظبط النيشان برده و فى الاخر ايدك هتكون مظبوطه و انت بتصطاد بجد..
النقطه التالته : لما الضربه تيجى يمين الهدف بتحرك الناشينكان الخلفى للشمال عشان تظبطه و العكس

مشكور يا باشا للتوضيح...بس أنا أعتقد إن أحسن ظبط للبندقية والسلاح عموما من وضع الثبات وليس الحر ( سواء بالنسبة للسلاح أو بالنسبة للهدف )...وهو الفيصل كون السلاح به عيب ( كإلتواء الماسورة مثلا ) أو أن السلاح سليم ونوع الرش ردئ وهكذا...وبعيدا عن اللزمات الحركية للصياد ( الحركات اللا إرادية ) والتي تختلف من شخص لشخص آخر...أما بالنسبة للنقطة الرابعة فقد وضحت الآن...وهي القاعدة المطبقة بالفعل...والتي يتم تطبيقها أيضا في الأعلى والأسفل ( نفس النظرية )...شكرا يا باشا لكرمك وذوقك...تعبتك معايا...
rock
11-10-04, 07:05 PM
السلام عليكم ... ده شئ طبيعى فى البنادق ... حضرتك بتتكلم عن ترحيل الناشينكان وهو مظبوط دلوقتى على ترحيله اقصى اليمين ... فيه بنادق كتير كده ... الديانا 54 جديده وبيكون الناشينكان مرحل ... متقلقش ... تحياتى .
blow c06
11-10-04, 07:17 PM
مشكور يا باشا للتوضيح...بس أنا أعتقد إن أحسن ظبط للبندقية والسلاح عموما من وضع الثبات وليس الحر ( سواء بالنسبة للسلاح أو بالنسبة للهدف )...وهو الفيصل كون السلاح به عيب ( كإلتواء الماسورة مثلا ) أو أن السلاح سليم ونوع الرش ردئ وهكذا...وبعيدا عن اللزمات الحركية للصياد ( الحركات اللا إرادية ) والتي تختلف من شخص لشخص آخر...أما بالنسبة للنقطة الرابعة فقد وضحت الآن...وهي القاعدة المطبقة بالفعل...والتي يتم تطبيقها أيضا في الأعلى والأسفل ( نفس النظرية )...شكرا يا باشا لكرمك وذوقك...تعبتك معايا...

والله انا رائيى انك تظبط النيشان على حاجه ثابته و انت ساند بس انا كنت بوضح لحضرتك ا.محمود قصده ايه و على فكره هو خبره اكتر مننا بكتيييييييير فيمكن فعلا الى هو بيقولو يبقى احسن فى الصيد
sniperff
11-10-04, 07:39 PM
يعني انا لو ركبت تلسكوب بردو حيبقا مرحل يمين؟ هل ممكن نوع الرش يفرق انا بستخدم المصري مارسمان
old hunter
11-10-04, 07:41 PM
المهم انها وصلت معاك لدقه كويسه مش مهم وضع النشكان زي مالروك بيقول بس انا عن نفسي البندقيه دقيقه جد والنشكان في النص بضبط اصدي في الكرال طبعا مش في حاجه تانيه وديه بتختلف من بندقيه لبندقيه عشان دقه تركيب النيشكان في المصنع اعتقد انها مش مظبوطه اوي وربنا يوفقك وتلاقي حل تاني بس متهيالي مع الاسكوب هتديك الدقه الي انت عايزها وعامه الوضع الافضل لضبط النشكان هو وضع الثبات وشكرا
blow c06
11-10-04, 07:51 PM
المهم انها وصلت معاك لدقه كويسه مش مهم وضع النشكان زي مالروك بيقول بس انا عن نفسي البندقيه دقيقه جد والنشكان في النص بضبط اصدي في الكرال طبعا مش في حاجه تانيه وديه بتختلف من بندقيه لبندقيه عشان دقه تركيب النيشكان في المصنع اعتقد انها مش مظبوطه اوي وربنا يوفقك وتلاقي حل تاني بس متهيالي مع الاسكوب هتديك الدقه الي انت عايزها وعامه الوضع الافضل لضبط النشكان هو وضع الثبات وشكرا

هو حضرتك مجرب اليشان بتاعها و دايما بتضرب صح ولا زى مابسمع مره يمين و مره شمال و مره فوق و تحت و لا ايه... انا عايز اجيبها بس خايف من ان البندقيه نفسها متبقاش ماسورتها و الششخان الى يها مظبوط ولا ايه؟؟ اجيبها ولا لا يعنى
sniperff
11-10-04, 10:40 PM
لا البندقية مضبوطة و الرش بيجي في المكان الي بتنشن فيه لكن حوار مرة يمين و مرة شمال مش بتحصل
سامح وهيب
11-10-05, 01:34 AM
كده يبقى مبروك يا باشا و ربنا يطعمك منها خير باذنه تعالى
عادل عبده
11-10-05, 02:18 AM
ربنا يباركلك فيها يا باشا وهى بندقيه حلوه وعلى اد فلوسها ويمكن اكتر من فلوسها دلوقتى
وانا معنديش كلام اقوله بعد اللى قالوه الناس الافاضل