فين صيادين دمياط [الأرشيف]

المساعد الشخصي الرقمي

مشاهدة النسخة كاملة : فين صيادين دمياط

الرحاله

11-10-03, 12:05 AM

فيه حد فى المنتدى من دمياط ؟؟
ياريت لو فيه حد يضيف رد عشان نتعرف على بعض ونتبادل الخبرات

beethoven

11-10-03, 01:49 AM

انا من دمياط ياريت نتعرف على بعض ونتجمع ونشوف اماكن جديده للصياده

الرحاله

11-10-03, 01:50 AM

حضرتك منين من دمياط وفين اخر مرة اصطدت فيها

amr naser

11-10-03, 01:47 PM

انا من دمياط وحضرتك تقصد صيد سمك ولا طيور

الرحاله

11-10-03, 05:05 PM

انا قصدى صيد سمك ، بس نواى ادخل فى موضوع الطيور ده طبعا لو لقيت واحد مخلص يساعدنى ويعرفنى انواع السلاح واماكن الصيد ووالله هيلاقينى تلميذ مطيع ...

amr naser

11-10-04, 02:20 AM

بتصطاد سمك فين

الرحاله

11-10-04, 02:42 AM

انا باصطاد فى الحاجز الشرقى والغربى ، وطريق بور سعيد فيه اماكن ، وبلطيم ، وطريق فارسكور ، ومرة رحت البرلس وعلى فكرة جميله جدا ، وانت ؟

amr naser

11-10-04, 05:17 AM

نفس الاماكن مع والدى انت اسمك ايه

الرحاله

11-10-06, 10:10 AM

انا اسمى محمد ، معلش اتاخرت عليك ،، لك رسالة على الخاص

beethoven

11-10-10, 01:26 AM

انا من دمياط نفسها
بصطاد فى الشرقى والغربى والقناه الملاحيه
وخليج راس البر
وترعه السلام
والنيل قبل السد وانا اصلا ساكن قصاد النيل جنب كافيار
ياريت نطلع طلعه كويسه

الرحاله

11-10-12, 03:05 AM

الاخ بتهوفن
شكرا على الاهتمام ،، وان شاء الله نظبط طلعة بس تكون صح
انا جايز اروح الساحل يوم الجمعة لو عاوز اهلا بيك

الرحاله

11-10-27, 03:28 AM

الوسم الشتوى ابتدى فين الدمايطة ................... الصيد يحب الصحبة الحلوة

abdella300

11-11-13, 11:55 AM

السلام عليكم
اهلا بيك يا باشا
انا محمد من الاسكندرية بس انا قاعد فى دمياط عشان شغال فى دمياط الجديدة فى مصنع الهلب لو تعرفة على العموم انا مجنون صيد سمك وطيور لو تحب نتعرف انا جاهز يا معلم ويكون ليا الشرف

الرحاله

11-11-13, 12:08 PM

اهلا بيك يا باشا
الشرف ليا والله علىالعموم الموسم الشتوى هيبدا وان شاء الله نتعرف ونطلع مع بعض .. انت رحت اصطدت فى دمياط ولا لسة ... وبالسبة للطيور معاك سلاح ايه اصل انا بدور على يندقية

abdella300

11-11-13, 01:08 PM

الله يخليك
السلاح اللى معايا بندقية بلجيكى موديل قديم فيها شبة من الرمسيس بس اجمد منها
وانا انزلت اصطاد عند السد مرة بس مكنتش موفقة وبنزل على طول فى ترعة اسمها حلاوة شغالة كويس
وبالنسبة للطيور لسة مش لاقى حد يشجعنى لو ناوى انا معاك ومعرفة خير ان شاء الله

الرحاله

11-11-13, 01:24 PM

يا باشا اتشرف اطلع معاك بس نعدى اليومين القلق دول
على العموم ضيفنى عندك عشان التواصل insider_atwork@yahoo.com وبعدين ليه مش بتصطاد يمام دى دمياط الجديدة مليانه على الطريق الدولى وفى الاراضى اللى فى الصناعية... بس ربنا يوفقنى فى بندقية ونطلع ان شاء الله

abdella300

11-11-13, 01:40 PM

ان شاء الله انا حضيفك بس مش بفتح الياهو كتير
رقمى 01004471797 وياريت تكتبلى رقمك

الرحاله

11-11-13, 01:44 PM

رقمى 01005329042 واما اجى الجديدة هاكلمك نتقابل انا اللى عازمك ياسيدى

abdella300

11-11-13, 02:04 PM

يدووووووووووم العز هههههههههههه
وياعم لو على البندقية نبدل مع بعض يعنى شوية وشوية مش حتفرق صحيح انا اسمى محمد عبد اللاه

الرحاله

11-11-16, 11:30 PM

سبحان الله والحمد لله

Khaled Saad

11-11-24, 01:25 PM

انا خالد من دمياط بصطاد ف الغالب في المينا لاني بشتغل فيها (قبل ما حد يحسدني والله بقت خراب ويوم اه و10لا) المهم انا اصطدت ف بحر البقر ودي مصارف مزارع زي بتاعه قلابشو بس طبعا مع الفارق انها احسن وااكبر والسمك هناك شبار ابيض واخضر بس احجام حلوه اوي وروحت القنطره غرب وشرق كنت بصطاد هناك بوري وما ادراك ما هو بوري قناه السويس(دا اللي منتشر ف مطاعم السمك بتاعه الكاب علي طريق مصر الصحاروي وفيها صيجان وقاروص وسيبيا وكابوريا ما تشتغربوش كنا بنروح بشوال كابوريا كل يوم بس طبعا الكلام دا قبل منع الصيد ف قناه السويس تحديدا عند معديه الفردان(اللي بتركبها وانت رايح العريش) واصطدت ف السحل الشمالي ف مارينا هو صحيح انا كنت ف وقت مش موسم
بس اتعرفت علي ناس هناك قالو السمك ف الشتا بياكل بعضه من كتره مش هاطول عليكو مشاركاتي هاتكون كتير ان شاء الله سلام

amr naser

11-11-24, 03:22 PM

اهلا بيك يا باشا

الرحاله

11-11-24, 08:34 PM

Khaled Saad

11-11-28, 12:37 PM

حاولت ادخل علي المنتدي وفشلت مش عارف ليه يا ريت لو فيه لينك

الرحاله

11-12-03, 10:19 AM

اللينك اهو يا خالد باشا تشرف http://www.egfishingclub.com/

الرحاله

11-12-09, 12:46 PM

يا ريت لو حد طلع الخميس او الجمعة يقول لنا الاخبار ايه

Khaled Saad

11-12-10, 01:55 PM

احنا هانقطع علي بعض ولا ايه مش فيه موضوع بخصوص الكلام بتاع اخر طلعه ههههههههههههههههه ع العموم انا ما عنديش استعداد اكتب خيبه الامل بتاعتي تاني واللي عايز يشوف بقي موضوع اخبار اخر طلعه ايه وربنا يوض علينا ف مينا دمياط

الرحاله

11-12-11, 01:02 AM

معالش يا عم خالد ما هى يوم عسل ويوم ........... عسل وطحينه .. تتعوض

amr naser

11-12-11, 01:34 AM

ماهيا لو يوم عسل ويوم عسل وطحينه مكانش حد غلب
هههههههههههههههههه

lilkapo

11-12-14, 02:42 PM

من امتى دمياط انفصلت عن بورسعيد يعنى مطول عمرنا بلد واحدة ولا احنا كمان البورسعيدية نقصرها على بورسعيد واهلها بس يعنى عموما لو مش واخد بالك يا كبير فالبورسعيدية والدمايطة بيصطادو من اماكن واحدة والمسافة بين البلدين بالعربية اقل من نص ساعة يعنى فى القاهرة المشوار فى نفس البلد بياخد اكتر من كدة
عموما معاك اخوك ابو ابراهيم من عائلة الحاج ابراهيم العباسى شيخ صيادين بورسعيد ويوم الجمعة بالنسبالنا يوم مقدس لو مروحناش نصطاد فية نتعب واحنا كتيبة من 4 اشخاص انا ووالدى واتنين اخواتى ويريت نتشرف بالصيادين الدمايطة اخواااااااااااااااااتنا وخد بالك انتا ... هههه عموما فعلا ميناء دمياط انضرب خلاص لان بتوع الزريعة مش بيسمحو لمرور الزريعة من اول الكنال ومبيخلوهاش البحر اساسا الوقت احنا بطلنا نروح وبنصطاد من ميناء بورسعيد وداخل اليومين دول كنابيت امهات( بورى كبير وضخم ومبطرخ) كمان الشخرم الموز والنمرة والقاروص بدء يظهر بس مش كتير لكن الدنيس شغال يعنى لو ربنا اراد بتروح بكام حتة حلوين اوووووى لكن احنا مجمعين عند مركب تفريغ الغلة بتبقى حاوية سمك تحتها محترم اوووووووووووووووووووووووووووى ومش محتاجة تزفير تنزل علية انتا بطلب دود احبال واربع طلبات دود زبدية ولو معرفتش اعمل العجينة وحضر العياشة بتاعتك ودوس يا معلم والله ربنا بيكرمنا اخر كرم ودة من كتر مزهقنا من الكنابيت بقينا بندور على ابو كرش ووالله العظيم ابو قرش مقاسو عجيب اووووى امهات ومبطرخ وطعمو رائع
ملحوظة مهمة جدا جدا جدا للصيادين الجدد
( لا تحاول المقارنة بين سمك المياة المالحة بسمك المياة العازبة لانو شتااااااااااااااااااااااااان واصغر شخرماية فى المالح ب5 كيلو من سمك المياة الحلوة فى الطعم (مقولة لابويا )
اسف للاطالة واتمنى انى اكون دليتكم على مكان جديد ربنا يكرمكم منو بس تاكدو اى يوم هتروحو هتلاقونى راشق هناااااك

Khaled Saad

11-12-15, 07:00 PM

بالنيابه عن الرحاله واكل الناس اللي كتبت معاك ف رايك يا اخي يابورسعيدي ( انا بقولك كدا لاني مش عارف اقرا اسمك سامحني) انا بشتغل ف الملاحه وكا اسبوع بروح يومين مينا بورسعيد الناس بتقعد عند مركاب الحاويات بحب جدا اني اقعد معاهم وبقو اصحابي خلاص المهم البوري هناك جامد جدا احسن من بتاع مينا دمياط لانه بتاع قناه السويس معروف واكيد ممكن نتقابل هناك مره ف المينا -------------- اخوك خالد

lilkapo

11-12-15, 09:53 PM

اولا انتا منور بورسعيد يا خالد باشا كمان انا اتشرف بمقابلتك وعموما والله انا كنت هناك النهاردة ورايح بكرة كمان ان قدر المولى ولو حبيت يا سيدى تعالى وانا هديك مكنة وطعم وتصطاد براحتك ولا تشيل ولا تتعب نفسك بس انا ديما بكون عند مستودع السيارات او مركب الغلة او الحاويات
هههههههههه انتا عارف انا الوقت بسيب صيد الشخرم والبورى وبصطاد ابو كرش يا سيدى اجبااااااااارى ورغما عنى اعمل اية زوجتى والاولاد بيحبوة جدا وبينى وبينك انا كمان بحبو ودة موسمة والحجم ماشاء الله تمام تعالى انتا بس فى اى وقت وانا تحت امرك وليك عندى عزومة ليك واكلة لاهل بيتك كمان

الرحاله

11-12-15, 11:00 PM

اهلا بيك يا بن عم ... معلش انا ما شفتش مشاركتك بس والله منور وطبعا بور سعيد ودمياط بلد واحده وانا كانت دراستى فى بور سعيد وبحبها جدا وحافظها شارع شارع ... وياريت نوسع النشاط ونضم بورسعيد للموضوع كمان ومتزعلش يا سيدى ( فين صيادين بورسعيد )
وبالنيابة عن خالد يا ريت نظبط طلعة عندكو فى بور سعيد ( براشوط بقى ) وهو دخول المينا عندكو مش عاوز تصريح ولا ايه ؟؟ يا ريت تبقى تشارك معانا فى الموضوع هنا وانا والله مبسوط جدا انك شاركت معانا ويا سيدى اعتبر كتيبه الاعدام دى ( بتاعت السمك ) تبقى 5 أو 6 افراد والارزاق على الله ... مستنى مشاركاتك .... تقبل تحياتى

amr naser

11-12-15, 11:46 PM

اهلا بيك يا باشا وطبع بورسعيد ودمياط بلد واحده وانا كل يوم فى بورسعيد احنا نتشرف بحضرتك وكما سبق بالرد كل من اخوانى (الرحاله)(خالد سعد) اهلا ومرحبا بيك

Khaled Saad

11-12-17, 01:47 PM

اه الراجل دا بيطمعني فيي اوي ع العموم انا نازل بازن الله السبوع الجي مش عارف يوم ايه تحديدا بس اكيد هابعتلك وانت لو دققت ف صورتي اوي يبقي هاتعرفني لاني دايما بنزل من المركب وتلاقيني ماشي ع الرصيف جنب الصيادين ع الحاويات وبجد نفسي اروح عند الغله اشوف الناس هناك عامله ايه بس بتفوتني خالص الحكايه دي
يبقي كدا هاروح دا انا ليا ناس هناك بقي هههههههههههههه

الرحاله

11-12-17, 10:03 PM

ماشى يا عم خالد خليك مخلص على موانى مصر .... ربنا يرزقك ... والله انا نفسى فى الصحبه

Khaled Saad

11-12-18, 01:39 PM

والله اكتر مكان روحته وكنت هاموت اضطاد فيه العين السخنه بس للاسف ممنوع الصيد هناك ف المينا انت اصلا بتتفتش تفتيش مطارات وانت داخل بس لو حطيت الموضوع ف دماغي هاعملها ان شاء الله ( انا لها) اما ف دمياط انا طالع النهارده باذن الله عند الارشاد ع القاروس بقي وحوش يا حج لتلاتات واربعات وربنا يرقنا بحتع نعملها صينيه كدا وننما جنبها ههههههههههههههه

الرحاله

11-12-19, 01:06 AM

اخبار الطلعة ايه يا خالد باشا ... بس بالتفصيل وحياتك

Khaled Saad

11-12-22, 10:35 AM

احب ابشرك يا باشا انا روحت اتغديت ونمت نمت نمت لغايه الساعه11
اكيد انت فاهم الباقي اني وصلت نوم للصبح وخلاص ولا روحت ولا جيت

الرحاله

11-12-23, 02:28 AM

يا عم خالد :: ما اطال النوم عمرا .. يالا خليها بقى بعد النوة ان شاء الله وانا وانت على الله

Khaled Saad

11-12-25, 12:57 PM

اكيد انا بجد نفسي اجرب بلطيم جدا وعلي فكره كوبري البغدادي شغال قاروس دلوقتي

البرنس س

12-02-07, 09:02 PM

انا من دمياط \ فارسكور
انا شغال في المينا
نفسي اتعلم صيد السمك

الرحاله

12-02-07, 10:37 PM

انا من دمياط \ فارسكور
انا شغال في المينا
نفسي اتعلم صيد السمك

تشرف يا برنس كلنا موجودين فى خدمتك وبالمرة ايه اخبار الصيد البرى ؟؟؟؟