سؤال لاهل الخبره عن الفرق بين نمره 1 ونمره 2

[صياد كبير]

اصدقائي اعضاء المنتدي اللي انا بتعلم منه , سؤال سريع ايه الفرق بين البنادق نمره 1 ونمره 2 ده غير ان الرشه وزنها اتقل يعني الفرق بين استخدام دي واستخدام الاخري ولو الواحد هيشتري بندقيه ايه الافضل يشتريه 1 ولا 2 وتقبلو تحياتي :confused:

[bekhet]

أولا السرعة لنمرة 1 أكبر من 2 على إفتراض إنها نفس البندقية ونفس الموصفات ولكن دة مش معناة ‘ن واحد أقوى من إثنين لأن القوة = الكتلة (وزن الرشة) * السرعة وكتلة رقم 2 أكبر من 1 علشان مدوشكش كتير ألخصلك الأتى
رقم 1 سرعة عالية قوة تأثير أقل تصلح لصيد الطيور الصغيرة وتصلح للصيد من مسافات بعيدة جدا
رقم 2 سرعة متوسطة قوة تأثير أكبر تصلح لصيد الطيور المتوسطة والكبيرة مثل اليمام الغربان والصقور وممكن نسور ومسافة الصيد متوسطة (أفضل عيار لينا فى مصر من وجهة نظرى)
رقم 3 سرعة أقل تأثير كبير جدا تصلح لصيد الأرانب والطيور الكبيرة جدا وممكن ثعالب ومسافة صيد أقل

أرجو الرد لوأفادتك

[عادل عبده]

تسلم ايدك موضوع ممتاز
بس نمره 3 مش متوفره فى مصر
ونمره اتنين واحد وقع بيها تعلب وقفله

[صياد كبير]

متشكر لردك ياستاذ بخبت وبجد استفدت من معلوماتك وليك جزيل شكري . وشاكر جدا لمرورك استاذ عادل وبجد كل يوم بتعلم منكم ومن المنتدي الجميل ده .

[old hunter]

في كليبات كتير علي اليو تيوب لصطياد ارنب وتعالب ببندقيه نمره 2 ده كمان فيا فيديو واحد اصطاد بقره ببندقيه جامو هنتر اكستريم نمره 3 ووقعت علي اتلارض علطول من غير تفاهم اما نمره 2 بتشئلط الارانب العبره في التنشين يعني انا ممكن اموت بني ادم ببندقيه رش نمره واحد تكون هاي بور وممكن اطاد غزاله ببندقيه نمره2 المهم تضرب فين يعني لو ضربت يمامه فاسفل بطنها ممكن تتطير من قدامك وتموت في حته تاني ده ينطبق عل جميع انواع الصيد عامه الضرب بيبقي في الدماغ بتكون قاتله وسريعه في موت الصيد حتي لو كبير وادخولو عل اليوتيوب واعملو سرش عن hunting head shoot هتلاقو الي انا بكلم عليه

[وليد سامى]

كلام استاذ بخيت ممتاز بس انا لى راى ان الأفضل لمصر نمرة 2 علشان الرش متوفر وكمان السرعة تكون معقول لأن كلما كبرت الرشة قلت سرعتها ومعظم صيدنا فى مصر يناسب رقم 2 كمان المسافة مناسبة لنمرة اتنين علشان احنا بنصتاد دائما على مسافة من 10 الى 80 متر تقريبا ونمرة اتنين انسب للمسافة دى خصوصا لو طير متوسط الحجم زى اليمام وكمان نمرة واحد احيانا تسرق الصيد لسرعتها وصغرها والله المستعان

[صياد كبير]

شاكر للمعلومات القيمة دي , وانا كنت بسأل عشان في ادامي بندقيه جامده نورييكا بس المشكله انها نمره 1 وانا حاليا معايا كرال نمره 2 فحبيت اعرف ليه نمرة 2 او نمره 1 . وعرفت الحمد لله ههههههه

[سامح وهيب]

لو النوريكا اللي قدامك جيت او مارفيك او كويك او ويست وبسعر كويس و عندك امكانيه للشراء ما تفوتهاش دي بنادق محترمه و عشاقها كتير . هذا رايي و اعتقد ان كثير من الاعضاء يوافقون عليه

[محمد بيه صابر]

ربنا يزيدك أستاذ بخيت من نعيمه وفضله كمان وكمان