رائي في ديانا 54

[mohamed anwar]

بسم الله الرحمن الرحيم

اخواني الاعزاء اليوم احب ان اقول رئي بصراحه في ديانا 54 وعدم دقتها بخصوص الانتي ريكول سستم وهو حوار دار بين اخين حبيبين عليا وعلي المنتدي كله وهم جلال بيه خليفه ومحمدبك سليمان وكلاهما علي صواب وعلي خطاء والذي يحدد صوابهما او خطئهما هو المستخدم فان كان المستخدم علي خطاء فهم علي صواب وان كان المستخدم علي صواب فهم علي خطاء
وكيف لنا حل هذا اللغز
الديانا 54 ومما لاشك فيه واحده من افضل البنادق الهوائيه في مصر ولها درجتها علي المستوي العالمي ولها محبيها ومنقضيها زيها زي اي سلاح موجود ولاكنها من بنادق القمه في مصر والي فتره قريبه كانت اخر انتاج الشركه الالمانيه الكبيره ديانا
وقد يعتقد البعض ان خاصيه الانتي ريكو سستم قد انفرضت بها ديانا في التسعينيات وفي مدلها ديانا 54وهذا ليس بصحيح

اما السستم المذكور فكان من العملاق الالماني فاين ورك باو قبل انتاج الديانا وكان سستم الانتي ريكول ولفرجن رامايه اي للبحث عن اعلي دقه وتعالو نشوف الصور



http://i50.tinypic.com/2jdjkbb.jpg





http://i50.tinypic.com/okxslz.jpg




http://i46.tinypic.com/1hd06x.jpg


وما فعلته الديانا انها قلدت النظام في 54

http://i50.tinypic.com/2vns9l3.jpg

ولاكن هذا النظام له قانون يجب عالينا اولا تفهمه وهو غايه في البساطه


http://i47.tinypic.com/2u56jo6.jpg

الصوره التي تراها اعلاه منقصمه الي جزئن الاجرء من علي اليمين هو حاله السلاح قبل الاطلاق واليسار هو حاله السلاح بعد الاطلاق

والنظريه منحصره في ان الريكو سستم يعمل في نفس اتجاه البستم يعني عند انفلات البستم يبدء الريكول سستم في الاتجاه الي الامام ثم يمتص الضربه عند اصتدام البستم في نهايه مشواره وهي الحاله الاولي والصحيحه

اما الحاله الثانيه هو ان يكون عكس اتجاه البستم اي ان عند تعمير السلاح في حلات كثيره لا يرجع النظام للخلف بل يظل في الامام وقد يسهو المستخدم و في هذه الحاله يعمل النظام علي الشكل المضاض وهو عند وصول البستم لنهايه مشواره ترجع الاجزاء للخلف وفي بعض الحالات تظل في الامام

عند اذن اذا كان المستخدم للسلاح حريص علي استخدامه في الحاله الاولي فكلاهما علي خطاء وان كان من مستخدمي الحاله الثانيه فهم علي ثواب لان في الحاله الثانيه يختلف الناشان من تاثير رد الفعل اما الحاله الاولي فهي في منتهي الدقه

وكثير من مستخدمي 54 يقولو بندقيه دقيقه مافيش بعد كده بس سعات بتندل وتزعلنا والعيب انه نسي الريكول سستم

او عدم الثبات الكافي للناشان الخلفي

http://i45.tinypic.com/2mzfrcl.jpg

وده يرجع الي انه مستطيل وثبت علي مصوره دائريه ف اي تهويه من مساميره بالبلدي يرقص بلفعل يجب ان تكون المسامير مربوطه

او الدبانه الاماميه

http://i46.tinypic.com/11k8hf7.jpg

كبيره بعض الشيئ مما طعتي تشويش مع الهدف البعيد وعدم التركيز علي الهدف حيث انها في بعض الحلات تغطي الهدف كله
علي سبل المثال لو بصيت علي صوبعاك بعين وحده وحطيه علي شجره علي بعد 25 متر حتلاقي صوباعك غطي الشجره كلها مع انه مش اد فرع من الشجره

بخلاف ذالك ليس بها عيب يذكر يعني في ناس اتعودت علي الدبانه الكبيره معندهاش اي مشكه وهو متكيف معها ومحافظ علي تثبيت الناشان الخلفي اول ب اول ومن مستخدمي الحاله الاولي والصحيحه للانتي ريكول سستم

حيلاقي بندقيه متناهيه في الدقه

معلش طولت عاليكم
جلال به انا عارف انك خبره ياريس وخبره كبيره ومحمد بيه سليمان كمان من الاعضاء الفعاله وده كان ردي السؤال لمحمد بيه سليمان
وارجوا ان اكون اضفت معلومه جديده
والسلام عاليكم ورحمه الله وبركاته
من اخوكم
محمد انور

[galal khalifa]

حبيب قلبي محمد انور طبعا انت العلامة بتاعتنا والمرجع لانك ليل نهار شغال في هذا المجال انا لما قلت رائ لم اختلف معك كثيرا بس انا حبيت اوضح تجربتي مع البندقية الرائعة 54 وهي مش محتاجة رائ بس الي حسيتة قولتة
من خلال الضرب بيها وشكرا جزيلا علي المعلومة الي ممكن تفيد الناس كلها

[ابو الشوق]

نفسى وديع بتاع قناة ميلودى يشترك معانا فى المنتدى علشان يقولك الجملة الشهيرة بتاعتة استازززززززززززززززززززززززززززززززززز
الله ينور عليك يا محمد بك شرح ممتاز لموضوع كاان مثار جدل

[طلعت بخيت بسكالس]

دي صور بندقيتي ال54 وأنا لن أختلف كثيرا مع محمد أنور أخويا وحبيبي وأن كان لي بعض التحفظات
ففي الحالة الثانية وهي أن يكون الريكويل سيستم عكس أتجاه البستم دي حالة نادرة الحدوث وأنا عن نفسي لم تحدث معي مطلقا هذا من جانب ومن جانب آخر فأن مستخدم ال 54 يعلم جيدا وبنظرة خاطفة وبأحساسه بحالة وشكل البندقية بأن الريكويل فى وضعه السليم أم لا
ثانيا ووالله أنا لم يحدث معي أبدا أن النيشان الخلفي فك أو تحرك ولكن حتة الندالة دي من البندقية ممكن وأن كنت سأبرئها مرة أخري لأنه عن تجربة البندقية بتندل أمتي ؟
لما الصياد يكون مطبق يومين بدون نوم أو مزاجه مش حلو أو لحالة ما مرضية أيده فيها هزه وأكم كما تعلمون من حالات بتخلي نيشان الصياد مرات غير دقيق.
فيما عدا ذلك فهي بندقية لها سحر ولها ضربة تأثيرها في نفس الصياد لا يمحي من قلبه ولا عقله لذلك أصبح لهذه البندقية علي مستوي العالم متعصبين أن صح القول مش محبين بقي ولاعشاق.
وعندي دليل علي ذلك فلي صديق صياد لن أذكر أسمه لأنه لايحب ذلك وهو لايشترك بأي منتديات وهو صياد عيار ليس له مثيل مش عيار تقيل عادي ولي من المنتدي أصدقاء كثيرين يعرفوه وأظن أنت يامحمد عرفت أنا باتكلم علي مين عموما الراجل ده بيمتلك 3 بنادق 54 لأنه لايتخيل أنه في مره تعطل منه بندقيه ويصطاد بحاجة تانية غير البندقية دي وله مقولة شهيرة دايما يقولها ( اللي مضربش ب54 ماضربش وضربة ال54 لا تضاهيها ضربة بندقية) والكلام علي مسئولية القائل
ولكم كل التحية وخاصة حبيب قلبي الغائب الحاضر ربنا يجيبك لينا بألف سلامة يامحمد

[umarex]

بسم الله الرحمن الرحيم

بجد موضوع جميل جدا جدا والردود جميله جدا جدا

فى مقوله مهمه الناس سعات بنتساها

( لولا اختلاف الازواق لبارت السلع)

[طلعت بخيت بسكالس]

(وده يرجع الي انه مستطيل وثبت علي مصوره دائريه ف اي تهويه من مساميره بالبلدي يرقص بلفعل يجب ان تكون المسامير مربوطه)

وده برضه أسمه كلام ياعم محمد يصدر من الألمان ملوك الصناعة في العالم قاطبة أنا فكيت النشان الخلفي عندي ولقيته في منيم بومبية بالمللي نفس دوران الشميز وأكيد في عندك بنادق 54 فك ياباشا وشوف

[محمد سليمان]

مااااااا شاااااااااااااااااء الله لا قوه الا بالله
ما شاء الله بجد ايه العلم و الخبره دى ربنا يباركلكم جميعاً و شكراً جداً لاساتذتنا الكبار انهم يهتموا باستفسار مبتدئ زيي
ربنا يكرمك يا استاذ محمد انور فعلاً على رأى ابو الشوق استاذ بجد
و استاذ جلال انت بجد فتحه خير عليا و على ناس كتير جداً و بحر علم ما شاء الله
و شكراً يا استاذى يا استاذ طلعت على المشاركه الهايله و التوضيح ده و خصوصاً انى بهتم اكتر حاجه بالكلام العلمى اللى مدعوم بتجربه محترفين زى حضراتكم
و استاذ اوماريكس انا متفق معاك تماماً فى ناس كتير جداً مش بتحب تقل ال 54 مثلاً :)

[محمد سليمان]

يا جماعه انا اسف اذا كان ردى عاطفى شويه بس انا فرحان جداً بالمناقشه دى و انى كنت سبب من اسبابها
ربنا يزيدكم من علمه و ينفعكم بيه دايماً :)
معلش انا بس بتأكد انى فاهم الكلام صح
دلوقتى انا عندى ال54 الجميله دى عليها تلسكوب تاسكو 3-9*40 و كاريزما اللى ظبتهولى ربنا يباركله
فهل كدا مش هيبقى فيه اى اخطاء من البندقيه ان شاء الله خالص اذا ثبت نوع الطلق المستخدم و هو بالمناسبه البرو ماجنوم و انا بضرب على طول بالمنظار (عذراً استاذ محمد انور انا بردو بحب الناشنكاه العادى :d) و كمان اما بعمرها بجيب الدراع ورا على الاخر لحد ما الانتى ريكويل يطلع لقدام و يثبت كل مره

فهل بعد كدا فى حاجه تانى اعملها عشان احافظ على دقه النشان و لا كدا تمام ان شاء الله؟
معلش انا لسه بتعلم و كان استاذ جلال و استاذ اسامه فتحى نصحونى انى اجيب حاجه من الاخر عشان ابقى عارف ان الخطأ دايماً منى مش من البندقيه :)
شكراً لسعه صدركم جميعاً :)

[ابو الشوق]

احمد بك كمال انا سعيد انك شا ركت فى الموضوع دة واكدت موضوع الحب من اول نظرة بن الصياد والبندقية
انا حاسس ان السلاح هو الى بيختار الصياد وبينديلوا

[mohamed anwar]

بسم الله الرخمن الرحيم

اخي الغالي طلعت بخيت انا بجد بابقي سعيد بيك لما تناقش وتختلف عشان انت لماح وعندك خبره كبيره مما يعطي للموضوع شكل افضل ويعطي لنا الفرصه لسكب معلومات اضافيه للتاكيد مبتعده عن التشيجيع والمدح والحب والعشق والتعصب
وان كان لي ملحوظه علي كلمه متعصبين للديانا
المتعصب هوالذي يحب بدون فهم ولايسمح لاي نقض موجه بكل تعسف ويثبت علي رئيه بدون مناقشه علميه يطلق عاليه المتعصب
زي المتعصب الديني والمتعصب الكروي اللي ممكن يموت في المدرجات عشان متش كوره

فاكون ان ديانا لها متعصبيين فده دليل علي عدم فهمهم اما الحب والعشق
فهو مبني علي الاحساس والمواصله وارقي من كلمه تعصب


اخي الغالي طلعت بخيت مره اخري بقرر سعادتي للمناقشه المبشره وان كان الاختلاف في وجهات النظر ينحصر في الناشينكان الخلفي والريكول سستم والموضوع المكتوب به اكتر من معلومه وبه اجزاء اخري فامن الواضح انك متفق فيهم ولاكن ماشد انتباهك هو المذكور اعله
ولي حق الرد
اما عن الناشينكان الخلفي
فسوف اقتبس رد الاستاذ جلال خليفه وهو يرد علي مشاركتك في موضوع الصين تدخل الشاركه بقوه
(((((((((((((( الاخ الكبير والعزيز طلعت
انا متفق معاك في كل الي انت قلتة بي انا عايز اوضح بعض النقاط
1- الشركة دية تخضع للمعايير الامريكية يعني ISO

2- الصين حاليا من اقوي البلاد في العالم في مجال انتاج الاسلحة بدليل ان امريكا عندها رعب اسمة الصين

3- ودية المهمة لاتوجد بندقية في العالم ليس بها عيوب علي سبيل المثال ( الديانا بها مشكلة في عدم استقرار النيشان لمدة طويلة وطبعا انا وانت ضربنا بالديانا 54 air king وشوفنا المشكلة دية )))))))))))) اعتقد من معني الكلام انكم واجهتم مشكله في الديانا 54 وبالتحديد في عدم استقرار الناشان واليوم بنقول مافيش


http://www.egypthunt.net/showthread.php?t=1137

وديه رابطه الموضوع

اما عن المنيم فهو غير مثبت علي ظهر السلاح من المفروض ان ان يكون ثابت علي ظهر السلاح ومسطح من ناحيه الناشينكان ولاكنه جزء من الناشينكان وليث السلاح يعني يكون فعال لما تكون المسامير مربوطه ويفقض فاعليته عند اي رجلاش وده اللي انا ذكرته وتعال نشوف الصور

http://i48.tinypic.com/70j6vl.gif

بص يا غالي القطعه os083 هيه الناشينكان وضهر السلاح املس والمنيم مش ثابت علي السلاح مش جزء منه وبعدين احنا فكانا كتير يا كبير مش لسه حنفك ونشوف ونتكلم هههههههههه

اما عن الانتي ريكول سستم اعتقد اني تكلمت عن حاله وحاله ربط فيها الاعضاء اختلاف الناشان بسبب الانتي ريكول من وجه نظرهم وكان ردي ان العيب مش من النظام الانتي ريكول ولاكن العيب من الاستخدام وتم تبريق النظام من المعتقد
وكلمه حاله يعني ممكن تحصل وممكن لاء ولو ربطم اختلاف الناشان بسبب النتي ريكول تبقي الحاله ديه
انما عرضك كان علي سستم النظام واستخدامك الشخصي له وهو موضوع مختلف
وان كنت لا تاخطاء بسبب الخبره غيرك بيخطاء

اما عن صديقك الصياد من العيار الثقيل فهو علي قمه من الخلق والاحترام وانا اعرفه شخصيا

ولاكان وان اتاح لي سعت صدرك ان اقتبس من ردك علي بعض الاعضاء ان احسن بندقيه هيه التي ترتاح لها
يعني مش معني انه ارتاح لها وحبها انها تكون قاعده عامه للسلاح الخالي من العيوب وتكون قاعده لينا نستشهد بها

اما المحصله النهائيه هي انها بندقيه دقيقه جدا اذا تم التكيف معها ومعاملاتها بشكل صحيح وهو ما ذكر في اخر الموضوع

اخي وصديقي وحبيبي طلعت بخيت
كان هذا هو ردي علي المناقشه ودمنا اخوات واحباء
والسلام عاليكم ورحمه الله وبركاته
من اخوك
محمد انور

[wegdan12345]

وما ادراك مين هي ام كلثوم قصدي الديانا 54 احلي صوت احلي دقة احلي ثبات علشان كدة انا لازم اتكلم عن حبيبتي عن تجربة
1 احيانا كتير لما مبكونش بصطاد بضرب علي اهداف ثابتة زي الحيطان وعلب الكانز الفارغة وما شابه ذلك انا ممكن اضرب حوالي 100 طلقة ورا بعض علي اهداف زي كدة في الطلعة الواحدة فانا عندي قدام بيتي حيطة تبعد حوالي 30 - 35 متر فبضرب علي نقطة في حجم الطلقة بجد ومن غير حلفان انا بحس ان الطلقة مبتجيش في الحيطة من اساسة لان الطلقة بتتدخل في السنتر بتاعة النقطة اللي بضرب عليها وعلي مسافات 50 متر المسافة مابين الطلقات كلهم علي بعض لا تتعدي السم مربع يعني البندقية بدون تعصب ليها في الدقة مالهاش حل ((ولاا زي ))
2 فكرة الانتي ريكول اللي دار علية الحوار كلة في الموضوع دة مشكلتنة تتلخص في ان لما بتعمر البندقية الجسم الصلب بتاع البندقية بيتحرك لقدام علي الدبشك ودة طبعا زي ما اتفضل ا محمد وا طلعت بالشرح في هذا الموضوع المشكلة هنا ان ممكن جسم البندقية يرجع تاني لمكانة للخلف ((الوضع الابتدائي قبل الاطلاق)) من غير اطلاق الطلقة (( علي فكرة مش من السهل ان الجسم يتحرك لوحدة للخلف دون اطلاق الطلقة الا اذا قام المستخدم بالضغط علي الجسم ليدفعة للخلف)) ةهنا بنلغي دور الانتي ريكويل فبتصبح بندقية 52 او 48 لكن اسوا لان ال54 غير مثبتة بشدة علي الدبشك وايضا لها امكانية التحرك للامام والخلف فعندما يحدث الريكول وهي غير مهياة له تتحرك بشكل عشوائي علي الدبشك للامام والخلف اليمين واليسار فتكن زي العربية اللي شغالة بس مش رابطين الموتور بجسم العربية كويس وكل الكلام دة بيخلق مشكلة عدم الدقة في هذا الوضع بالاضافة ان الرامي ايضا يكون غير مهيئ نفسيا وجسديا لحدوث هذا الريكويل
3 م طلعت انت قلت شي مهم جدا وهو ان مستخدم ال54 عندما يلمح البندقية يعرف هل هي في وضع الاستعداد للاطلاق او لا احنا ممكن نعرف ان البندقية في وضع الاطلاق ولا لا من خلال النظر الي الجزء الخلفي عند الامان ان وجدت البندقية للامام فانت في التمام كمان عند وضع اصبعك في مكان الزناد من خلال المسافي المتبقية في الفتحة بين الزناد والغطاء الحامي للزناداقل مما كانت علية قبل التعمير انت في السليم
4 الناشينكاه الخلفي عندي لغاية دلوقتي علي الرغم من الاستخدام المستمر للبندقية زي الفل[/size][/size]

[طلعت بخيت بسكالس]

محمد أنور ياكبير قوى
أنا كمان سعيد جدا بهذا اللقاء الجميل أون لاين وأنا كما تعلم جيدا لست من المتيمين في حب الديانا ولكني أحترمها جدا وخاصة ال54 وال52 وتعالى ياغالي أنا كمان أفند معاك ردك وناخد وندي وأهو كده والله حسيت أني قاعد معاك في كوستا علي البحر وعلشان القعدة دي وحشتني قوي قلت نكمل رغي .

أولا أنا أعي جيدا معني كلمة متعصب فأنا عاشق للغة العربية فهي تأتي من العصابة بضم العين وهي مايربط أو يوضع علي الأعين لحجب الرؤيا معني ذلك أن المتعصب أعمي أو لايري تصديقا علي كلامك وحب وعشق أيضا كما ذكرت أرقي فعلا ولكن تعبيري كان مجازيا مثلما يقول أحدا ما أنه يحب كذا حب عبادة وهو ليس بكافر ويعلم جيدا أن العبادة لله وحده ولكنه كما قلت تعبير مجازي ينم عن الحب والعشق الشديد .

(أنت فين ياعم أسامة فتحي تشوف الليلة دي ) أصل أسامة تخصص لغة عربية وعليم بدهاليزها.
ثانيا أنا كان أتفاقي مع جلجل في عدم أستقرار النيشان اللي قصدنا بيه الندالة واللي أنا وضحته في ردي السابق بعدم راحة الصياد قبل الصيد أو مرضه أومزاجه واللي بجد البندقية بريئة منه وأخيرا وليس آخرا بخصوص موضوع المنيم أولا أنا عارف أنك باشا وأنك فكيت وربط كتير وقليل وأنت أستاذنا كلنا وبخاصة في الناحية الفنية والخبرة بلا منازع أنت نسيت أنا لما بتزنق في مشكلة زناد ولا ماركة أو موديل مش أنت أول واحد بقولك ألحقني ولكن لو عايزني أفك لك وأصور أنا معنديش أدني مانع ( بس صعبان عليا النشان مضبوط عل الشعرة ) هو يبدو أنه في سؤ فهم بيننا أنا أقصد بطن النشنكاه الموديل القديم ال4 فتحة ليست مسطحة بل شبه مستديره لكي تنام علي الشميز والموديل الأجدث ال2 فتحة وبألنكيه رفيع جدا من الجنب فعلا قاعدته عدله ولكنه راكب علي قطعه بلاستيك بها ناحية عدلة ملاصقة له والجانب الآخر شبه مستديرة وهي الملاصقة للشميز وأدي صورتها تحت.

وأخيرا أنا عند رأيي أن أحسن بندقية هي اللي بيرتاح لها الصياد ولكن قلب الأنسان سمي بالقلب لأنه متقلب وعلي رأي عمنا صلاح جاهين .
لا تجبر الانسان و لا تخـــــــــيره
يكفيه ما فيه من عقل بيحيــــــره
اللي النهارده بيطلبه و يشتهــــيه
هو اللي بكره ح يشتهي يغيـــــره
عجبي !!
أنا وأنت يامحمد من مدرسة لاتحب أبدا بنادق الهاي باور وقبل كده أنت قلت لي أنك مش بتحب أبدا الوبلي باتريوت ومع ذلك جبتها وعجبتك جدا .
عارف ليه يامحمد لأن الخير قل ومبقاش زي زمان والصيد أصبح أكثر صعوبة وبنضطر دلوقت نضرب من مسافات كبيرة ومش هاينفع في المسافات الكبيرة غير ( للأسف ) الهاي باور .
ولك كل الحب والتحية ياغالي أشوفك بكل خير ( هو أم شهر 4 ده مش ناوي ييجي )

[gado]

الموضوع زي الفول الي هو البيتشم ابو ريحة حلوة دة مش الي بيتاكل هههههههههههههههههههههههه
معلومات جميلة من ناس فعلا اجمل انا شخصيا بحبهم وبحترمهم
واللة ينور يا كبرات المنتدي

[محمد سليمان]

تمام جداً كدا شكراً يا جماعه انا فهمت خلاص السؤال اللى كنت سألته قبل كدا :)

[طلعت بخيت بسكالس]

الموضوع زي الفول الي هو البيتشم ابو ريحة حلوة دة مش الي بيتاكل هههههههههههههههههههههههه
معلومات جميلة من ناس فعلا اجمل انا شخصيا بحبهم وبحترمهم
واللة ينور يا كبرات المنتدي

أنت كمان ياجادو كبير قوي بزوقك وأخلاقك وخبرتك كمان ( خليها بينا أنا عارف أنك أستاذ كبير قوي)

[body77]

هو ده الكلام
هو ده لقاء العمالقه
هى دى المعلومات وهو ده النقاش المثمر
والاختلاف للرأى لا يفسد للود قضيه

[mohamed anwar]

الاخ الغالي طلعت بخيت

ايوه انا عارف اصدق في الجزء ده المنيم ولاكن كان من الافضل ان يكون مطبوع علي ظهر السلاح مش متحرر زي بنادق اخري مثل فايروخ وفاين ورك باو وبندقيتك السوبر استار شؤف الفرق وقولي وان شاء الله نتقابل ومافيش اسرع من الايام
اما عن البتريوت انا فعلا مش من هوات السرعات العاليه وده اللي انا كتبته في كل مشاركاتي وقولت انا لو حبيت ابيع بندقيه من دولابي ابيع البتريوت لاكن انا جبتها لضرب البط بس وملهاش عندي اي استخدام سوي ذالك
وانا عارف انك مش من متيمنين ديانا ولا انا ولاكني مش بكرهها انا عن نفسي بحب ديانا خمسين موت و34 وكان عندي وحده وست جيرمن نيو اخدها واحد عزيز عاليا زيك
والمحصله انا ما بكهرش اي بندقيه وكل البنادق كويسه وردي علي اي موضوع انت عارف انه من خلال احتكاك مباشر بالشيئ ومستخدميه
ويجب ان يكون الحكم علي الشيئ خالي من العاطفه والحب والا سنحكم بقانون ايكا.........................

[galal khalifa]

الا اية هوة قانون ايكا قول يا ويكا

[أسامه خطاب]

فيه فيلم اسمه قانون ايكا - الفيلم دا كان سنة 1991 م إخراج أشرف فهمي
وملخص قصة الفيلم باختصار :-
فى عام 1968 تضطرب الأحوال السياسية فى مصر، ويتم اعتقال الدكتور حسين الأستاذ الجامعى لمواقفه الانتقادية، كما تعتقل زوجته منى وتموت من قسوة التعذيب، بينما تشاع أسباب أخرى لموتها. يعانى د. حسين من شدة المعاملة فى المعتقل، وعندما يتم الإفراج عنه تحول إلى إنسان تائه محطم، يرفض العودة لعمله أو ممارسة أى مهنة أخرى، ويستسلم للراقصة اللعوب إيكا التى تجذبه لعالم المخدرات وينسى آلام السجن وفقدان زوجته ويقتنع بمبادئها الهدامة حتى يعتبرها قانونا خاصًا لإنتشاله من اليأس رغم أنه يتهاوى نحو الضياع دون أن يدرى. تسعى هدى وسامية صديقتا منى لإعادة الدكتور حسين لحالته الطبيعية، كما تسعى هدى لإثبات موت منى من شدة التعذيب فى المعتقل وتطلب إعادة تشريح جثتها. يصاب د . حسين بلوثة عندما يكتشف سرقة جثة زوجته من قبيل لصوص المقابر الذين يتاجرون فى الجثث. ينتهى الأمر بالقبض على حسين لأفعاله الجنونية..
الممثلين محمود عبد العزيز وعبلة كامل وآثار الحكيم ونهلة سلامة وآخرون
أي خدمة يا استاذ جلال

[mohamed anwar]

الا اية هوة قانون ايكا قول يا ويكا

والله العظيم انت عسل ودمااااااااااااااااااااااااااااااااااااااااااااااا اااااااااااااااااااااااااااااااغ هههههههههههههههههههههههههههههههههههههههههههههههههه هه

[galal khalifa]

لا ياعم اسامة الموضوع مش محتاج لوسة ومعتقل ولا الكلام الجامد دة الموضوع كلة جوز يمام علي اربعة حمام علي فرخة غيط وقفل علي كل المواضيع ههههههههههه

[م/عمرو جوده]

هههههههههههه تقريبا ده أكتر موضوع في كلام علمي وفي نفس الوقت هزار ومرح
ربنا يباركلكم جميعا

[خليفة الزواوي]

thank s for all

[abosamer]

زادكم الله من العلم درجة ولكم كل التقدير

[momo44]

والحالة الاولى تبقى امتى
والثانية بتحصل امتى
؟؟؟؟

[خليفة الزواوي]

thank على مشاركة الجميع

[maxlord]

علي فكرة انا بجد عرفت قيمة الديانا من المنتدي بجد منتدي رائع

http://up.7cc.com/upfiles/vPp96615.jpg (http://up.7cc.com/)

[ابومسلم2005]

اذا تكلم الكبار انصت الصغار

[هشام سمير]

عندما يتحدث . الكبار

[Mohamed Mahmoud]

موضوع يضم العمالقة

[محمد حامد بلتاجى]

بعد مشاركنك اصبخ يضم العمالقه يا استاذ محمد