يا سادة يا كرام

[love air gun]

عثرت في احد المواقع عبر الانترنت على منتديات تدعى بالكولدن هانتر وبصراحة اعجبت بالمواضيع المثارة فيها حيث انها كلها مواضيع علمية مدعومة بالتجربة وتصفحت المواضيع المعروضة ولا اخفي عليكم انها مواضيع جيدة ومقبولة للمهتمين في هذا المجال غير ان المنتديات المذكورة (كولدن هانتر ) تابعة لشخص اسمه محمد انور وحسب ما فهمت انه مقيم بالخارج وعلى علم ودراية بالهوائيات لدرجة ان اعضاء الموقع اطلقو عليه اسم الامبراطور وقد اعجبت بخبرته للوهلة الاولى لغاية ان قرأت له مشاركة صدمتني فعلا فقد قال حرفيا
ان البندقية 350 ماغنوم تطلق بسرعة 280م/ثا وبعد خمس ضربات تصل سرعتها ل180م/ثا
وقد قال ايضا ان الماسورة بتاعة البندقية من الممكن ان تنحني او تنكسر مع الاستعمال
وقد قال ايضا ان البندقية لا تحتمل السوسته بتاعتها وانها ترسل كل رشة بناحية
لدرجة ان من يقرأ له هذه المشاركة يشيل البندقية ويرميها بالزبالة ....وقد قام بالمقارنه بين الويبلي باتريوت والماغنوم 350 عبر موقع اليوتيوب لاثبات ان الباتريوت اقوى من الماغنوم وانا اجزم بأنه قام بالعبث بالماغنوم 350 من اجل ان تعطي نتائج مخيبة للامال وجزء من التصوير محذوف والله اعلم لماذا
الغريب في الموضوع ان لا احد من اعضاء المنتدى ناقشه في هذا الموضوع والكل اكتفى بالسكوت .
مما دفعني ان اسجل بالمنتديات المذكورة وارد عليه واسأله عن تحامله على هذه الشركة (ديانا ) ووجهت له بعض الاسئلة الدقيقة ولماذا يكرهها ؟
هل اذا كان عمله يقتضي التسويق (ربما ) لشركات اخرى ان يحقر من مستوى هذه الشركة الموجودة من قبل ان يولد ؟
السيد محمد لم يرد على اسئلتي ولكن والله اعلم حجبني عن الموقع واذا كان كذلك فخير ما فعل لانني لا اتشرف بالانضمام الى موقع قائم على التدليس
كنت انتظر من السيد محمد قبل ان يحجبني عن الموقع ان يناقشني بشكل (علمي ) ومن ثم سوف الغي اشتراكي في منتدياته هذا اذا كان يمتلك العلم اصلا

[sameer]

استاذي الغالي قبل ما تحكم على حد يا ريت تتأكد من اللي بتقوله الراجل أولا المنتدى بتاعه لازم يتعملك تفعيل العضوية يعني هو معملكش بان انما لسة عضويتك ما اتفعلتش

ثانيا الراجل معروف جدا و انا اتشرفت بمقابلته شخصية محترمة جدا و الراجل معاه فوق 30 بندقية يعني اكيد عنده خبره تخليه هو عارف هو بيقول ايه وفعلا الكلام اللي قاله اتقال قبل كدة من غيره عن الديانا ماجنم

[love air gun]

اخي سمير
اشكرك على روح الدفاع عن صديق لك ولكن
عضويتي تفعلت في المنتديات المذكورةورأيت مشاركتي ظاهرة
انا لم انقص من قدر زميلك شيئا ولكني احببت التكلم بشكل موضوعي ووجهت اسئلتي بمنتهى الادب وشكرته على خبرته ولكن فوجئت في اليوم التالي اني محجوب عن المنتديات المذكورة وغير قادر على الدخول وبالسلامة طبعا
ما قيل عن الماعنوم 350 انتقادات عادية لا تخلو منها اي بندقية وانا متابع جدا للانتقادات اما السيد انور فقصد انو يبهدلها وهو ما احببت مناقشته به ولكنه حجبني
على كل حال انا لا اعتبر نفسي اني اسأت لاي احد طالما نحن بصدد النقاش الموضوعي المجرد عن كل شيئ وهو غاية المنتديات عموما وشكرا لكم يا حضرات

[sameer]

حضرتك انا ما قولتش انه صديقي أو زميلي انا مجرد قابلته صدفة وطلع شخصية محترمة جدا

هو حضرتك حتلاقي نمرته موجودة على الموقع بتاعه ممكن تتصل بيه و تشوف ايه الموضوع ده

[محمد فودة]

يا باشا انا حاولت ادخل للمنتدى معرفتش فاتصلت بعد مقريت موضوعك بمشرف من طقم اشراف جولدن هنترز لاقيت المنتدى مقفول لمدة شهر للتجديدات يعنى محدش عملك باند ولا حاجة ويا ريت قبل متهاجم الناس تتاكد الاول ومعتقدش انهم هيقفلوا المنتدى علشان خاطرك
والصياديين فى مصر عارفيين مين محمد انور كويس

[rock]

السلام عليكم ... انا قريت مناقشة حضرتك على الموقع التانى (ممنوع ذكر اسم اى منتدى آخر ) وبصراحه استاذ محمد مهاجمش الديانا هو هاجم موديل واحد ليها وهو 350 ماجنوم والجديد ابو زناد وقنطره بلاستيك ... والمقارنه اللى هو عملها اثبتت ان الديانا بتشكل فى قوتها وده بالتاكيد هيأثر على دقتها ... وبرغم ان المقارنه دى كانت من وقت ليس بالقريب (تقريبا من سنه ) الا انه مقلش على موضوع ان الديانا جابت معاه فى احدى المحاولات على الكرونى 180 م/ث ... ومقلش الكلام ده وقتها عشان محدش يتهمه بالهجوم على الديانا ... استاذ محمد انور راجل فاهم هو بيقول ايه والكلام ده مش انا بس اللى اعرفه ... ال350 ماجنوم بندقيه جميله ولكن مش بجمال وروعة بنادق الديانا ذات العتله الجانبيه 48 /52/54 ... او الديانا الكسر ذات القوه المتوازنه 38 /34 /45 ... ياريت اكون قدرت اوصلك وجهة نظرى ... تحياتى .

[يهاء]

بسم الله الاخوة الكرام لوسمحتم لى بمداخلة صغيرة على فكرة الاستاذ محمد انور راجل ملوش فى الغلط مع ابسط الناس او اغناها هو يحترم الكبير والصغير وعندة من الخبرة الكثير والكثير ولكن ياخوانى هل وجهات النظر متطابقة فى البشر جميعا فالرجاء التمهل وارجاء الاحكام المسبقة الى ان يجمعك الله فى نقاش مع الاستاذ محمد انور وانشاء الله سوف تجد انك تناقش (مهندس صياد من الدرجة الاولى وتاكد ان كان هو على غبر حق سوف يقول لك انت محق وانا لست على حق) واعلم اخى الكريم اننا سوف نظل نتعلم الى ان يتوفانا الله اطلب من الله ان تتقبلو كلامى بصدر رحب والسلام عليكم ورحمة الله

[عادل عبده]

تسلم ايدك ياروك رد واضح ومميز ومفسر

[adel152]

عثرت في احد المواقع عبر الانترنت على منتديات تدعى بالكولدن هانتر وبصراحة اعجبت بالمواضيع المثارة فيها حيث انها كلها مواضيع علمية مدعومة بالتجربة وتصفحت المواضيع المعروضة ولا اخفي عليكم انها مواضيع جيدة ومقبولة للمهتمين في هذا المجال غير ان المنتديات المذكورة (كولدن هانتر ) تابعة لشخص اسمه محمد انور وحسب ما فهمت انه مقيم بالخارج وعلى علم ودراية بالهوائيات لدرجة ان اعضاء الموقع اطلقو عليه اسم الامبراطور وقد اعجبت بخبرته للوهلة الاولى لغاية ان قرأت له مشاركة صدمتني فعلا فقد قال حرفيا
ان البندقية 350 ماغنوم تطلق بسرعة 280م/ثا وبعد خمس ضربات تصل سرعتها ل180م/ثا
وقد قال ايضا ان الماسورة بتاعة البندقية من الممكن ان تنحني او تنكسر مع الاستعمال
وقد قال ايضا ان البندقية لا تحتمل السوسته بتاعتها وانها ترسل كل رشة بناحية
لدرجة ان من يقرأ له هذه المشاركة يشيل البندقية ويرميها بالزبالة ....وقد قام بالمقارنه بين الويبلي باتريوت والماغنوم 350 عبر موقع اليوتيوب لاثبات ان الباتريوت اقوى من الماغنوم وانا اجزم بأنه قام بالعبث بالماغنوم 350 من اجل ان تعطي نتائج مخيبة للامال وجزء من التصوير محذوف والله اعلم لماذا
الغريب في الموضوع ان لا احد من اعضاء المنتدى ناقشه في هذا الموضوع والكل اكتفى بالسكوت .
مما دفعني ان اسجل بالمنتديات المذكورة وارد عليه واسأله عن تحامله على هذه الشركة (ديانا ) ووجهت له بعض الاسئلة الدقيقة ولماذا يكرهها ؟
هل اذا كان عمله يقتضي التسويق (ربما ) لشركات اخرى ان يحقر من مستوى هذه الشركة الموجودة من قبل ان يولد ؟
السيد محمد لم يرد على اسئلتي ولكن والله اعلم حجبني عن الموقع واذا كان كذلك فخير ما فعل لانني لا اتشرف بالانضمام الى موقع قائم على التدليس
كنت انتظر من السيد محمد قبل ان يحجبني عن الموقع ان يناقشني بشكل (علمي ) ومن ثم سوف الغي اشتراكي في منتدياته هذا اذا كان يمتلك العلم اصلا

لم يتم حجب عضوية حضرتك ويوجد رد تفصيلى من استاذى الامبراطور على اسألتك.
تحياتى

[wknm]

يا جماعه
انا عندي تعليق بسيط
هو احنا اصلا مالنا بالمنتديات التانيه؟؟!!
و بعدين سواء كانت الديانا 350 حلوه ولا وحشه مش مشكلتنا اننا ندافع عن شركه ديانا
و بعدين الراجل الي انتم بتتكلموا عليه دا راجل ليه تاريخه فبرجاء التاكد من صحة نقل الكلام و كفايه انشاء مواضيع ملهاش اصلا اي لزمه

مع اعتزاري لصاحب الموضوع، برجاء مراجعه كلمك و رجاء من طاقم الاداره حذف الموضوع لان كده انت بتهاجم شخص اي ان كان باسم المنتدى و ده ميصحش


تحياتي و تقبل مروري

[محمد احمد العنانى]

يا جماعه
انا عندي تعليق بسيط
هو احنا اصلا مالنا بالمنتديات التانيه؟؟!!
و بعدين سواء كانت الديانا 350 حلوه ولا وحشه مش مشكلتنا اننا ندافع عن شركه ديانا
و بعدين الراجل الي انتم بتتكلموا عليه دا راجل ليه تاريخه فبرجاء التاكد من صحة نقل الكلام و كفايه انشاء مواضيع ملهاش اصلا اي لزمه

مع اعتزاري لصاحب الموضوع، برجاء مراجعه كلمك و رجاء من طاقم الاداره حذف الموضوع لان كده انت بتهاجم شخص اي ان كان باسم المنتدى و ده ميصحش


تحياتي و تقبل مروري



رأى من رأى لاستاذ وليد من قوانين المنتدى عدم الاساءة للاى شخص مراعاة للاداب العامة وحسن الحديث . ارجو من الادارة حذف الموضوع

[محمد فودة]

يا جماعة الاستاز محمد انور رد على الراجل فى نفس الموضوع وانا هسمح لنفسى بنقل الرد بعد اذن الادارة

الاخ الفاضل بعد التحيه اما عن الرد عن استفساراتك التي تميل الي التحفظ
وان كان تحفظك مبني علي اساس انني اكتب المواضيع والمقارنات من حيث الميل الي سلاح دون الاخر ولو تعمقت في معرفتي الشخصيه وعملي لسقطت النظريه المبني عليها تحفظك لماذا؟؟
لان السلاح هوه هوايتي وعملي في ان واحد سواء داخل مصر او خارجها ومن باب اولي ان امدح ما ابيع او السلعه المتوفره في السوق زي التجار الهواه كل يوم بيتطلع مدفع وبعد مايبيعه يطلع مدفع غيره وينسي المدفع الاولني
انما انا اكتب ما اره دون النظر الي الربح المادي لان الحمد لله الحاله متيسره وبدون ادني غرور امتلك من البنادق الهوائيه مالم يمتلكه اي صياد في العالم كله والمواقع الغربيه تشهد بذالك ومن عدد وتشكيل ومهنتي في هذا المجال داخل مصر وخارجها اهلتني ان اري واتعامل مع 90% من بناق الرش في العالم او يزيد هناك مواقع تلقبني بمستر اير جن وهيه مواقع مش عربيه طبعا
وهناك من يسمع فتاحله السلاح وهم يلقبون العبد لله بالخبير
من هذا المنطلق اكتب الموضوعات وليس من منطلق الميل وخلافه
اما لماذا لم يقتني محمد انور ديانا اقولك لان ديانا لسه معملتش البندقيه اللي انا اشلها عارف ليه عشان محمد انور صياد مش هاوي
مش معنه ذالك ان كل حاملي الديانا هواه لاء ولاكن طرق صيدي انا لا تتوافق معها الديانا وده مش كلامي انا لاء ده كلام كل الصيادين اللي بيصتادو بنفس النظام ومعظم اللي اصتادو الموسم ده بالديانا كان ثقلها ورد فعلها وصوتها العالي مشكله بالنسباله
اما عن انعواج المسوره انا اتحداك لو نقيت عشر بنادق ديانا كسر مستعملين مفيهمش 3 مسورتهم معوجه ودي لو تحب انزلك صور كام مسوره ديانا معوجه انا بعدلهم في الشهر مش حتسدق شوفت لو انا عاوز اعمل دغايه سيئه مش حروح اعملك فديو علي السرعه انا ممكن اخدك بعشرات المواسير المكسوره والمعوجه
اما عن ديانا لا حفرت قبر ولا بنت قصر بمعني احنا اللي شيلنها في العالي وفرحنيين وده بس من غلبنا وقله حيلتنا في اوربا اللي انا اشتغلت فيها 11 سنه في هذا المجال تحتل فايروخ واير ارمز وانشوتس وفاين ورك ووبلي وثيوبن والشركات السويدي والبرمنجهام ه المقاعد الاماميه وتأتي ديانا بعدهم في التصنيف
ولو سمحت لي ان اسئلك سؤال لماذ تنتج ديانا جميع مودلتها استاندرد وفرجن اف
ولماذا لجئت ديانا الي البرمنجهام لتصنيع بنادقها لمده 20 عام ثم تضع عليها اسم ديانا كما هوه الحال الان بين بيمن وفايروخ وهي يصح بعد فتره من الزمان ان نقول ان بيمن افضل من فايرك بالطبع يكون شيء مضحك
اما عن الدقه فهي ليست مرتبطه كليا بالسرعه ولاكن لها متغيرات اخري تفوز بها الوبلي بدون ادني شك
اخي الفاضل كان هذا ردي علي تحفظك
والسلام عليكم ورحمه الله وبركاته