المساعد الشخصي الرقمي

مشاهدة النسخة كاملة : 36 طائر محصله اربع ساعات صيد (داخل المدينة)


محمد سليمان
10-02-08, 12:51 PM
السلام عليكم و رحمة الله و بركاته

ازيكم يا اجمد صيادين فى الدنيا بحالها :)

انا نزلت مع مصطفى ام رويال هنتر يوم الجمعه اللى فات 5-2-2010 و هو ما شاء الله عليه فى منتهى الذوق و الاخلاق اللى فى الدنيا و قمة فى التعاون و الإيثار كعاده كل الصيادين فى المنتدى الجميل ده ما شاء الله.
اصطادنا اربع ساعات تقريباً مع انه كان مسافر فى نفس اليوم الا انه فضل يتأخر و يقضى الوقت ده فى الصيد معايا عشان دى تقريباً اول طلعه ليا من طلعات يوم الجمعه و كان عمال يقولى استمتع و اضرب انت :) ما شاء الله عليه

معلش الوقت كان ضيق فمصورناش خالص بس والله كان فيه شويه دوتوهات جامده جداً.. مصطفى فعلاً صياد محترف و الجامو سى اف اكس رويال بتاعته ربنا يباركله فيها مظبوطه الى اقصى درجه بجد كنت بضرب بيها و مش مصدق نفسى ان فيه بندقيه نشانها مظبوط كدا (بندقيتى عليها سكوب و كنت متعود انى اضرب اصلا بالمعادى السوبر اكيوريت ههههههه :d)

هرفع صور الصيد قريب ان شاء الله و المحصله النهائيه كانت:
33 يمامه و حمام جبلى و المعظم يمام
عصفورتين و ابوفصاده (حلاوه روح :d )
غرابين تلاته كدا على الماشى

ده طبعاً غير اللى اتضرب و طار و وقع ورا سور او فى بلكونه.
على فكره احنا اصطدنا فى منطقه المقطم و المعادى و كنت عايز اعرف رأيكم فى موضوع الصيد فى المدينه ده و هل قانوناً فيها حاجه اصلاً؟ بصراحه عملنا اسكور كويس جداً بالنسبه للوقت و مكنش فيه رخامه يعنى من بتوع الشرطه و كدا و لا حتى عامه الشعب هههههه :)

اه و اخر حاجه معلش طولت عليكم بس هى حاجه جامده جداً و عملناها كتير الحمد لله المره دى.. كان استاذ عمرو (والتر) و استاذ اسامه (تاون اسنايبر 1) قالوها قدامى قبل كدا اما كنا بنجيب الاير كنج دى و هى ان اما انثى الطير تقع الذكر بتاعها بيفضل واقف او بينزل وراها و عشان كدا بنضرب الانثى الاول عشان غالبا مبنجيب الاتنين باذن الله

كنت بسمع مصطفى بيكلم الدكر بعد ما النتايه وقعت: عاملى فيها راجل! و تاك الاقيه بيفرفر جنب النتايه على الارض ههههههه

معلش مره تانيه طولت عليكم بس بجد انا منبهر جداً لانى اول مره فى حياتى اصطاد كدا و الموضوع مكنش مترتبله خالص :) الحمد لله

تم بحمد الله أخيراً رفع صور الصيد و جراب البندقيه و بعض العده:
1655

1656

1657

1658

1659

1660

1661

1662

أسامه خطاب
10-02-08, 01:50 PM
ماشاء الله
وربنا يبارك لكم في صيدكم
وحصيلة كويسة وبالهنا والشفا
بس ياريت ما تنساش الصور علشان نفرح معاك
وبالنسبة للصيد داخل المدن او في المباني طبعا فيه خطورة ولا بد دائما من الانتباه لخلفية الضرب يعني وانت بتضرب على يمامه لازم تشوف ايه وراها يعنى الطلقة لما تعدي او تفلت منها هتروح لفين
وربنا يستر

محمد سليمان
10-02-08, 02:27 PM
شكراً يا استاذ اسامه على مرورك الكريم :)
و متقلقش احنا عندنا قواعد الأمان رقم واحد و بيبقى فيه صيد سهل قوى قدامنا بس بنسيبه عشان بيبقى و راه ازاز او شباك مثلاً :)

mroyalhunter
10-02-08, 02:58 PM
السلام عليكم يا منتدى أحلى هواية.... وسلام خاص للقنص الجامد محمد سليمان
أنا بس حابب أوضح إن كلام الجميل لك محمد دة سببه إنو انسان جميل انسان جميل أصلاً. و فعلاً لما تشفوه هتصدقوا كلامي...أنا متخيل إن أكيد أصحاب ومعارفه بتحبه وهتحترمه. وكمان نشنجي تمام و بيتحلى بروح الصياد فعلاً.......طبعاً ابهرني بالسلاح المدفعي Diana 54 حسيتاني سايق مرسيدس ماشاء الله.......
أصلاً يومها أنا كنت مسافر العين السخنة مع الشغل بس قلت أتعرف بالشخص الجميل إلي كلمة ي الموبايل قبل ما أسافر...... وفعلاً كل تأخيرة فيها خيرة....... أنا بعتذر يا محمد اني كنت مستعجل يومها بس أنا كان لزم أروح وراهم بعد ماقتلهم إسبقوني.....

وبما اني من الناس البيصطادو في المدينة..... أحب أوضح حبة حاجات:

-طبعاً زي ما اسامة بك خطاب قال: لازم نشوف ونتأكد من خلفية الهدفعشان ما بعد الإخترق أو عدم الإصابة. (مش عربية ولا زجاج بلكونة أو شباك حتى لو بعيد و أكيد مش أشخاص)
-مش أي مكان في المدينة. للمثال احنا كنا في مكان هادئ جداً عند كورنش المقطم
-مراعاة إحتياط إن ممكن الطلقة تعمل إرتداد وعمل اللازم ولو كان عدم الرفع على الهدف أصلاً.
-عدم الضرب على أي حاجة فيها خطورة مهما كان الإغراء.
-أنا شخصياً أفضل لو الصيد في المدينة يكون من سيارة عشان السياح إلا إذا كان هدوء المكان يسمح.

وبجد أحب اشكرك يا محمد على انك عرفتني بنفسك ... وإنشاء الله نتجمع على خير :)

mroyalhunter
10-02-08, 03:01 PM
بعلش بعتذر عن الأخطاء الإملائية :(

mohamed anwar
10-02-08, 03:10 PM
ماشاء الله والله انا سعيد انك سعيد وفرحان هوايه الصيد من افضل الهوايات وعرفت تنقي الرفيق قبل الطريق واللي عملو معاك مصطفي ده من اخلاق الصيادين انه يسيبك تضرب عايز يشبعك صيد وضحك طبعا علي فكره مصطفي من الشخصيات العسل في المنتدي صيد وافهات والا( ايه اخشنو شويه يا شباب)
مبروك عاليكم الصيده والرحله

galal khalifa
10-02-08, 03:10 PM
فين الصور يا محمد عايزين نشوف حجم يمام وحمام المعادي

mroyalhunter
10-02-08, 03:17 PM
ماشاء الله والله انا سعيد انك سعيد وفرحان هوايه الصيد من افضل الهوايات وعرفت تنقي الرفيق قبل الطريق واللي عملو معاك مصطفي ده من اخلاق الصيادين انه يسيبك تضرب عايز يشبعك صيد وضحك طبعا علي فكره مصطفي من الشخصيات العسل في المنتدي صيد وافهات والا( ايه اخشنو شويه يا شباب)
مبروك عاليكم الصيده والرحله


يا باشا ده من ذوقك بس ..... مستنيينك تنور مصر بالسلامة واتشرف بمعرفتك

mroyalhunter
10-02-08, 03:18 PM
فين الصور يا محمد عايزين نشوف حجم يمام وحمام المعادي

عمدة الصيادين أستاذ جلال أنا نفسي أتشرف بمقابلتك

smsmn8888
10-02-08, 03:29 PM
سوال بسيط بخصوص المعادي انت بتصداد فين في المعاد تا اسمة انتحار بصراحة انا شغال في المعادي من سنين
بس بجد الامن هناك مبيرحمش خاص في موضوع السلاح تا ياليت توضح لو سمحت

mroyalhunter
10-02-08, 03:35 PM
سوال بسيط بخصوص المعادي انت بتصداد فين في المعاد تا اسمة انتحار بصراحة انا شغال في المعادي من سنين
بس بجد الامن هناك مبيرحمش خاص في موضوع السلاح تا ياليت توضح لو سمحت

معاك حق طبعاً التأمين في المعادي شديد ... أنا بروح ورا سجن طرة أو في زهراء المعادي

محمد سليمان
10-02-08, 04:35 PM
سوال بسيط بخصوص المعادي انت بتصداد فين في المعاد تا اسمة انتحار بصراحة انا شغال في المعادي من سنين
بس بجد الامن هناك مبيرحمش خاص في موضوع السلاح تا ياليت توضح لو سمحت


لا والله خالص هو مصطفى ان شاء الله يقولك بالظبط كنا بنصطاد فين عشان انا فى موضوع الطرق ده مش قد كدا بس كنت عايز اقولك ان الناس هناك اصلاً كانوا بيبتسمولنا و احنا معديين من جنبهم حتى حراس سجن طره اللى واقفين فى الابراج مع ان بندقيتى عليها تليسكوب ما شاء الله يعنى شكلو مرعب اصلاً بس هما شايفين انت بتعمل ايه

و فيه موقفين كدا حصلوا
اولهم اننا كنا اول ما رحنا فى المقطم بنصطاد جنب موقع عسكرى او شئ من هذا القبيل فلقينا اتنين جم بالعربيه بتاعتهم و قالولنا ممنوع والذى منه و طبعاً اللى اتكلم معاهم الدبلوماسى الاول مصطفى باشا و انتهى الموقف بان واحد منهم مسك معاه حمامه جبلى و دبحها و مشوا و هما بيدعولنا بالرزق و البركه :)

و تانيهم اننا كنا فى المعادى و كل 50 ل 100 متر بلا مبالغه تلاقى بوكس راكن او عربيه شرطه و ممكن مصطفى يصححلى لو كنت مش فاكر كويس او ببالغ شويه بس كان عادى جدا و عمالين يتفرجوا علينا و نرمى عليهم السلام و يردو و الذى منه و كنا داخلين شارع جانبى لقيت اتنين فى عربيه بيسلموا على مصطفى و بابتسامه كدا ففسرلى الموقف بانهم كانوا موجودين فى مره فاتت هو كان بيصطاد فيها هنا برده يعنى متعودين على الموضوع :)

و ان شاء الله خير يعنى :)

محمد سليمان
10-02-08, 04:39 PM
ماشاء الله والله انا سعيد انك سعيد وفرحان هوايه الصيد من افضل الهوايات وعرفت تنقي الرفيق قبل الطريق واللي عملو معاك مصطفي ده من اخلاق الصيادين انه يسيبك تضرب عايز يشبعك صيد وضحك طبعا علي فكره مصطفي من الشخصيات العسل في المنتدي صيد وافهات والا( ايه اخشنو شويه يا شباب)
مبروك عاليكم الصيده والرحله

شكراً لمرورك المُشَرِف يا استاذ محمد ربنا يكرمك و انت عندك حق جداً فى كل اللى قلته مصطفى من الذ الناس اللى ممكن تصاحبها و تصطاد معاها :) و فعلا الايثار عنده عالى جداً ربنا يتقبل يا مصطفى و يرزقك أحسن الخلق على الدوام :)

محمد سليمان
10-02-08, 04:47 PM
فين الصور يا محمد عايزين نشوف حجم يمام وحمام المعادي

من عنيا يا استاذ جلال ربنا يكرمك انت من اول الناس اللى حببونى فى الصيد اصلاً و ساعدونى انى اختار السلاح الجميل ده :) فبجد شكراً ليك جداً و ربنا يجعل كل ده فى ميزان حسناتك :)

معلش اعذرنى كنت مروح قبل اذان الجمعه بحاجه بسيطه فملحقتش اصور فقلت لاختى لازم تصوروا الصيد قبل ما تنضفوه بس هى صورته على بعضه فمش باين قوى ان شاء الله ارفع الصور فى اقرب وقت و بعد كدا نصور فى الصيد باذن الله و على فكره انا نفسى بجد اطلع معاك انت و استاذ اسامه فتحى عشان متأكد انها هتبقى نعم الصحبه ده غير انى هتعلم كتييييييير جداً منكم :) :)
سلملنا على سيف يا استاذ جلال بقى :)

Oonyx
10-02-08, 07:19 PM
ياخوانا إيه بس الجمدية دي. تعيشو وتخياطو اليمام والبقية تتبع.
عايز أشوف بهدلة, بس مش أنتم "اليمام طبعا"

محمد سليمان
10-02-09, 09:08 AM
ياخوانا إيه بس الجمدية دي. تعيشو وتخياطو اليمام والبقية تتبع.
عايز أشوف بهدلة, بس مش أنتم "اليمام طبعا"

شكراً يا عامر باشا اونيكس انا متأكد ان الكلام ده جميل مع انى مش فاهمه قوى :d
ايه اخبارك دلوقتى و اخبار ايدك سيادتك ايه؟ يارب تكون رجعت احسن من الاول :) طمنا عليك :)

galal khalifa
10-02-09, 09:18 AM
[عمدة الصيادين أستاذ جلال أنا نفسي أتشرف بمقابلتك
انا يشرفني معرفتك وتليفوني 0127717179

charesma
10-02-09, 10:18 AM
ازيك يا محمد ايه اخبارك اتمنى تكون بخير وبجد عرفت تنقى الصديق بجد بس كنا عاوزين نتفرج على الصور الجميله
حاول ترفعها وقولى ايه اخبار الديانا معاك ؟

town sniper 1
10-02-09, 11:37 AM
والله يامحمد انا سعيد جدا انك طلعت وما شاء اله باين عليك طلعت جامد
الي الامام يابطل

محمد سليمان
10-02-11, 10:55 AM
ازيك يا محمد ايه اخبارك اتمنى تكون بخير وبجد عرفت تنقى الصديق بجد بس كنا عاوزين نتفرج على الصور الجميله
حاول ترفعها وقولى ايه اخبار الديانا معاك ؟

ربنا يكرمك يا كاريزما انت ليك فضل كبير جداً فى الطلعه دى على فكره عشان انت اللى ظبط البندقيه اصلاً :)
الصور هرفعها حاضر انا تقريباً مفتحتش الكمبيوتر من ساعتها معلش عندى امتحان السبت الجاى و كنت بذاكرله :)
ادعولى و ان شاء الله نطلع مع بعض :) و الديانا مظبوطه للغايه بس الفكره فيا انا بقى لازم لازم ابقى ساند بس الحمد لله اتعودت شويه على وزنها :)
طبعاً مش هعرف اقيمها على اكتر من 40 متر مثلاً لأننا كنا بنصطاد جوه المدينه و مصطفى ما شاء الله عليه خبير فى الموضوع ده كان بيقولى اشهر السلاح قبل ما تدخل على الطير بفتره و فعلاً اما كنت ببقى مطلع البندقيه من العربيه قبل ما نقرب على الطير غالباً مكنش بياخد باله مننا اصلاً
و مصطفى بيعدل العربيه العدله التمام ما شاء الله عليه ربنا يباركله فيها و بيقف قريب قوى من الطير بالراحه جداً

محمد سليمان
10-02-11, 11:35 AM
والله يامحمد انا سعيد جدا انك طلعت وما شاء اله باين عليك طلعت جامد
الي الامام يابطل

استاذ اسامه ده كله من فضل سعادتك و على فكره انا طبقت النصائح الذهبية اللى حضرتك قلتلى عليها فى التليفون :)

محمد سليمان
10-02-14, 06:20 PM
الصور نزلت :)

م/عمرو جوده
10-02-19, 07:19 AM
ماشاء الله عليك
حاجة تفرح

محمد سليمان
10-02-19, 10:58 AM
شكراً يا بشمهندس ربنا يكرمك :)