مطلوب عود 9م فيبر؟ سعرة كام.

[Amiroz]

مطلوب عود 9م فيبر؟ سعرة كام.
انا من القاهرة وكنت محتاج عود يكون من 7 الي 9 متر الاقية فين
المكان مدينة نصر ارجو من الاعضاء الافادة وكمان السعر

[sherothebest]

انا اكبر عود فيبر شوفته كان 6.40 متر واذا كان 7 متر صعب فاعنقد ان 9 متر مستحيل ومش موجود اصلا .

[ebrahem]

حبة توضيح للناس الى مش فاهمة

[Amiroz]

عذرا لقلة الخبرة بالسميات

عود اللي بتصطادو بية اسمه اية بوصة ولا عود
لو اسمة بوصة يبقي اقصد بوصة

( اللي انا اقصدة العصايا اللي بتتلم وتصطادو بيها لاني هستخدمها استخدام اخر
لاني بصطاد دجاج ماء ولا استطيع الحصول علية اللي بعصا طويلة ففكرت في العود بتاع صيد السمك للحصول علي ما يسقط داخ الماء)

[kefafy]

السلام عليكم ورحمه الله وبركاته
اسمة عود او فايبر او بوصة كله واحد
بس عشان حضرتك تبقا عارف اطول عود ممكن تلاقيه هو عود 7 متر وده عود لطش يعنى تربط عليه خيط بطول العود وتعمل فيه مشنقه او سبحة انما ميتربط عليه مكنه صيد
اطول عود شوفته محطوط عليه مكنه صيد طوله 4 متر لان بيشيل احمال عليه ويستخدم لحدف الثقل بعيدا عن الشاطى
عشان كل اعواد اللطش مينفعش يركب عليها مكنه وثقل عشان اللبلوب (اخر عقلة ) هتتكسر
9 متر ده يعنى 3 ادوار فوق بعض (طويل جدا )
ارجو ان تكون وضحت

[Amiroz]

السلام عليكم ورحمه الله وبركاته
اسمة عود او فايبر او بوصة كله واحد
بس عشان حضرتك تبقا عارف اطول عود ممكن تلاقيه هو عود 7 متر وده عود لطش يعنى تربط عليه خيط بطول العود وتعمل فيه مشنقه او سبحة انما ميتربط عليه مكنه صيد
اطول عود شوفته محطوط عليه مكنه صيد طوله 4 متر لان بيشيل احمال عليه ويستخدم لحدف الثقل بعيدا عن الشاطى
عشان كل اعواد اللطش مينفعش يركب عليها مكنه وثقل عشان اللبلوب (اخر عقلة ) هتتكسر
9 متر ده يعنى 3 ادوار فوق بعض (طويل جدا )
ارجو ان تكون وضحت

يا زعيم جزاك الله خير في المعلومة والله شوقتني ارجع اصطاد سمك تاني زي ما رجعت اصطاد طيور تاني

انا كل اللي يهمني العود يكون بيتلم ويتفك لا محتاج ثقل ولا متانة جامدة
لاني مش هركب علية اي شئ هيكون زي العصايا معايا افكة اجيب بية الحاجة البعيدة يعني مش هستخدمة في صيد السمك

[kefafy]

ربنا يعزك يا اخى
فى بعض المحلات يوجد عود لطش يوصل الى 7 متر وممكن يركب عليها من الامام شبكة مستديرة بيتبقا شبيهة بشبكة السمك بتاعه حوض الزينة
وانضف الانواع هى الايطالى
والاسعار تبدا من 70 جنية للاطوال القصيرة معاك لحد 800 جنية حسب النوع و الخامه وبلد المنشا
ولحضرتك فائق الشكر و التقدير

[Amiroz]

زعيم معلش يعني اية لطش؟

[kefafy]

لطش
لطش يعنى تخيل معايا حضرتك الشكل الاتى
مادد العود ادامك موازى لسطح البحر والسلك نازل من العود على البحر فى وسط مجموعة من الاسماك
(بطاطا او سيجان , بورى )واول ميتجمع السمك جروب مع بعضه عشان ياكل الطعم
تروح بحركه مفاجئة للسمك رافع مره واحد العود لاعلى عشان تلطش السمك ويشبك فى السن الثلاثى او الرباعى (شليط)
ودى طريقة بتستخدم لبعض انواع السمك الى بيبقا صعب صيدة بطريقة العادية ان السمك ياكل من السن فيروح شابك السن فى فم السمك
انما اللطش ممكن تلاقى الشليط(السن الثلاثى) مطلعلك 3 سمكات او سمكتين فى مره واحده عشان فى كذا سن
يارب اكون عرف اوضح حاجه
وتحت امرك فى اى استفسار اخر

[kefafy]

http://www.egypthunt.net/showthread.php?t=5391
دى لينك ليفيديو طريقة عمل السبحه

[Amiroz]

ياباشا حقيقي ربنا يجزيك خير
اة طبعا عرف وفهمت جدا
شكرا لذوقك وكرم اخلاقك
انا بقي هدور علي النت علي محل بيع ادوات صيد هما في مدينة نصر او مصر الجديدة وانزل اشوف عندة اية انواع

[kefafy]

ربنا يعزك كلك زوق وتحت امرك فى اى وقت
فى محل كبير فى روكسى اعتقد تلاقى عنده انشاء الله

[د.مهندس]

فراخ الماء لو غرقت يعنى ماتت من الغرق و ليس من الرشة فاكلها حرام

[Amiroz]

فراخ الماء لو غرقت يعنى ماتت من الغرق و ليس من الرشة فاكلها حرام

في طريقه علمهلنا الدكتور محمد حسن
دكتور بيطير
عن طريقها نعرف ازا كانت ماتت من الرشة ولا من الماء
وكتير بتكون واقفة فوق ورد النيل في نص المية لو ضربتها هتجيبها ازاي

وفي الاول والاخر شكرا علي النصيحة ولازم كلنا ننصح بما نعرف حتي يعرف من لا يعرف