السلام عليكم
احبائي اعضاء المنتدي الغاليين انا من فترة كبيرة لم اشارك في المنتدي
لاني سافرت الي كندا للدراسة وطبعا اول ما سافرت كندا حسيت اني وقعت في فلم اجنبي فعلى مستقريت وعرفت راسي من رجليا حنيت تاني للمنتدى والصيد فعاوز اسال شوية اسالة اولا بس احب ارسل سلامي للاستاذ جلال خليفة لاني كلمتة على الموبيل قبل ما اسافر بفترة وكنت هرتب معاة رحلة لكن بعدها انا اتلهيت في اجراءات السفر وخسرت شرف الصيد معاة حقيقي نعم الاخلاق والذوق والود وياريت يشارك في الرد علي اسالتي
اولا بالنسبة للصيد في كندا مش عارف هل الرش لية ترخيص او ممكن تكون الدنيا سهلة ومفيش عقد مصر من حيث التراخيص وتلاقي الصيد بالاسلحة النارية مباح او اذا كان فية ترخيص ممكن يكون بيشوفوا الواحد بيعرف يصيد ولا لاة عشان ميعورش نفسة او الناس ثانيا هصيد فين هنا فكندا وبعدين انا بشوف فليوتيوب صيد البط ففي كندا فيديو حاجة رهيبة غير واحد صحبي هنا من زمان بيحلفلي وهوة انسان محترم جدا انة حصلت معاة مرة انة خبط غزالة طلعت فجاة امام عربيتة من غابة شربرك هنا في كندا وكتير بيشوف الغزلان مدروبة بالسيارات طبعا انا مش هاخد بندقية وطلع اصيد من نفسي بدال مروح اصيد في حتة فيها اسود اسد يكلني انا والترخيص اذا كان حتة معايا واية الجهة اللي اصلا هتديني الترخيص اخيرا بعد مرجع مصر هل اذدواج الجنسة يمنع من الحصول علي الترخيص يا ريت حد يجاوني ونهايتا انا هستاذنكم بعد كدة هكتب بالعربي بس هستخدم حروف انجليزي لاني بستخدم لوحة المفاتيح العربية المسجلة علي جوجل ودي بتتعبني جدا

اولا ربنا يكرمك ويوفقك في الدراسة والمعيشة في كندا اما عن الصيد فكل شئ متوفر هناك سواء البنادق او الطيور او الحيوانات او اليييييييي بس خلينا في الطيور والحيوانات طبعا البلاد دية كل حاجة فيها دقيقة جدا ومحسوبة مش زي عندنا كل يوم قانون وممنوع والذي منة بس انت ها تسأل في المقاطعة الي انت فيها عن انواع الصيد ومواسمة وكيفية الحصول علي ترخيص للسلاح والصيد وان شاء الله نشوف الصور والافلام بتاعتك كل يوم

يا اخي نشانجي , أولا ربنا يسهلك الصيد عندك لاني بشوف صيد وفير جدا على ال youtube في كندا. ثانيا, http://www.microsoft.com/middleeast/egypt/cmic/maren/ الرابط ده جميل جدا هيخليك تكتب بحروف انجليزي والنتيجة عربي.أنا باستخدمه نظرا لسرعة الحروف الانجليزي.

الاخ النشنجى ربنا معاك ويرجعك بالسلامه
ثانيا : اللى انا اعرفه ان بنادق ضغط الهواء فى كندا محتاجه تلرحيص ويعطى لهم فوق 18 سنه
بس اتاكد لان كل مقاطعه لها قوانينها وعوزين نشوف الصيد الكندى على المنتدى

الأخ النشنجى ,أولا ربنا يوفقك فى الدراسة*و ثانيا البندقية الرش مش محتاجة ترخيص فقط بالبطاقة تثبت إنك فوق 18 سنة وانت بتشتريها بتملأ أبليكيشن. ثالثا البنادق الرصاص أو الخرطوش لها تصريح كما فى الولايات المتحدة بحصولك عليه يمكنك شراء أى عدد من الأسلحة وأى نوع. رابعا بالنسبة لصيد الطيور فكندا تشتهر بالأوز الكندى كبير الحجم ذو الأسراب الرهيبة وينتظره الأمريكيون أثناء هجرته من كندا الى أمريكا وكذلك أسراب البط ولكن طبيعة الأوز تجعله أسهل فى الصيد من البط وتشتهر أيضا بكثير من أنواع الطيور المائية WaterFawls . أما بالنسبة للحيوانات فهى من أغنى البلاد بحيوانات الصيد وبخاصة ال White tail , Moose , الكثير مثل الأرانب والثعالب والرومى . ولكن بالنسبة للحيوانات يلزم استخراج تصريح صيد يحدد عدد الفرائس المسموح لك بها خلال الموسم الواحد وغالبا لاتزيد عن 1-2 حيوان ويحدد أماكن الصيد أيضا وأيضا يمكنك الإشتراك مع مجموعة من الصيادين فى صيد حيوان واحد, وأسهل الطرق للصيد بالنسبة للغرباء والأجانب هو الإشتراك فى رحلة صيد عن طريق النت داخل محمية خاصة تنظم هذه الرحلات ولكن غالبا تكون مكلفة . أما بالنسبة لتصريح السلاح فأعتقد أنك ربما تجد بعض الصعوبات نظرا لجنسيتك العربية والأفضل أن تبحث عن أنواع الأسلحة التى لاتحتاج إلى تصريح طبقا للقانون هناك ( ربما الخرطوش وبعض أنواع الأسلحة عيار .22 مم ).
وأخيرا أطيب الأمنيات بالتوفيق فى الدراسة والهواية. وشكرا لك.