اشتريت الجاكال ومحتاج مساعده

[michohat]

الحمد لله عرفت اوصل لمسدس جاكال كان معروض قريب منى واشتريته ولسه مش جربته
هوا ماسورته مفتوحه و ليها طبه
لاحظت على المسدس رقم مكتوب اظن انه لسنه الصنع اوما شابهه فلو عند حضارتكم معلومات عنها يا ريت تقولوا لى
المسدس وزنه تقيل وفعلا فيه لمعه زياده
لو حد يعرف يقدم لينا شرح لاستخدام المسدس ووظيفه الزراير اللى فوق يد المسدس (حاولت احركها مش راضيه )
حاولت اعمل حركة كنت بشوفها فى الافلام وهي انى افرغ الخزنه عن طريق سحب الاجزاء من غير الضرب فلقيت طلقه تانيه طلعت قفلت على الطلقه اللى فى الماسورة وفين وفين لما عرفت اطلعهم
صاحب المسدس بيقول عليه جديد بس انا اشك اينعم شكله والكتابه عليه واضحه بس المسدس فيه بعض الخرابيش البسيطه قوى لازم تدقق علشان تشوفها
حاولت اضرب بالمسدس على الفاضي (يعنى بدون طلق) اكن فيه طلق و زرار الامان على الفردي بدون شد الاجزاء بس مش كان بيضرب فهل ده عادى كده
معلش اخوكم اول مرة يشيل مسدس ولا عمري شلت نبله

سؤال اخر كيفيه تعبئة الطلقات فى الخزينه لاننى حاسس اننى بحطها بطريقه غلط لانها بتاخد منى مجهود كبير ولا ده العادي

ملحوظه : خزينه المسدس الاساسيه خدت 11 طلقه ومش عارف ادخل الباقيين
جبت خزينه اضافيه اخدت ال 15 كلهم وبسأل ينفع ازود لو مستحمله؟

عاوز طريقه تنظيف المسدس و هل الزيت المستخدم فى التنظيف لازم اشريه من محلات الاسلحه
ولا فيه زيوت واسبريهات ممكن اتعامل بيها زى wd 40
وعاوز اعرف مقاس البلي المناسب للمسدس وهوا بيتجاب من عند العجلاتي صح؟ و هل العجلاتي عارف بالمقاسات يعنى لو قولت له عاوز بلي نمرة 2 او 3 يعرف
و طريقه مجربه لصنع الطلق البلي

الطلق تركي لونه ذهبي اسمه ozhursan الموقع بتاعها www.ozkursan.com.tr

[shadymageed]

بص يا سيدى انا هاحاول اشرحلك من اللى فهمته منك اولا عادى تقلالمسدس وبعدين لما تعوز تضرب من غير طلق ده بيبوظ الابره بتاعت الضرب وعلشان تجرب يبقى لازم تشد اجزاء الاول على الفاضى وانته شايل الخزنه يا اما انته ترجع الشاكوش الى ورا وانته مركب الخزنه اكنك شادد الاجزاء
بالنسبه لتفضيه الخرنه زى ما بتشوف فى الافلام هتلاقى عندك فى الناحيه اليمين من المسدس من عند المكان اللى بطلع منه الطلقه ابقا وانته ماسك اللاجزاء وبتشدها ابقا خلى ايدك تدوس عليها يعنى بطن ايدك على الاجزاء من فوق وصباعك الكبير على الجزاء الصغير ده ليه لان ده هوه المكان اللى بيكون ماسك الطلقه من اخرها علشان يرميها بره وغالبا الطلقات التركى بيكون كعبها مش كويس علشان كده مبتدشدش
بالنسبه للزرار اللى فوق ده المفروض يكون امان بس فى الجيكال هوه مجرد شكل بس والامان بتاع الجيكال تحت فى زرار السرعات
بالنسبه لتعبئه الطلقات فى المسدس هتلاقى لما بتحط الطلقه اكنها صاروخ على قاعده صواريخ كده موجهه لفوق الحته الخضراء اللى بتكون فى الطلقه والتقل اللى فى السوسته ده عادى لان المسدس الجديد السوسته بتكون جامده شويه واخر حاجه تحط 16 طلقه فى الخزنه وواحده فى الماسوره يعنى اخرك 17 طلقه مش اكتر من كده
الزيت wd40 ده بيستخدم بس علشان يدوب الهباب والبارود اللى بتيبه الطلقه التركى او اى رواسب فقط مش للتزيت لانه زيت خفيف جدا ومجرد مزيب للصداء والاوساخ لازم تشترى زيت اسمه زيت مكنه ابقا اسئل عليه عن اى واحد بيبيع قطع غيار السيارات وهوه برده اللى هتلاقى عنده الwd40 مش لازم من محل اسلحه يعنى
احسن نوع بلى للجيكال هوه نمره 2 فقط واللى يقولك بياخد اكبر من كده يبقى بيضحك عليك والطبه اللى عندك لازم تتغير على الاقل كل خزنه بلى بتضرب لانها بتتمدد ومش هتعرف تطلعها من المسدس واه البلى ممكن يتجاب من عند العجلاتى
ويارب اكون افدتك اخوك م / شادى نجيب محفوظ

[خالدحامد]

شرفنى فى حدايق القبة وسوف اعطى لك كورس عملى فى الجكال دوال وتحت امرك يا باشا

[michohat]

شاكر لحضراتكم جدا
أ خالد ان شاء الله ربنا يسهل هعرف حضرتك قبل ما انزل حدائق القبة " بنزل اعمل شغل في العربية عند ورشه هناك

م/ شادي بالنسبة لطبه البلي في موضوع للأخ الفاضل مازنجر عن الطبات وانها معالجه حراريا وما شابه فهل يلزم تغيير هذه الطبه بعد الاستخدام كما ذكرت
هل العجلاتي عارف المقاسات و قولت له بلي مقاس اتنين يفهم ولا اقول له بلي وخلاص
المقصود بقولي انني ابذل مجهود في تعبئه الخزينة اقصد الاقي صعوبة في الضغط علي الطلقة رقم ١٠ لإضافة طلقات اخري
بالنسبه لسؤالي عن الزيت فكان لانني شعرت ان العبوه المتواجده لدي محل الاسلحه القريب كأنها معبأه بالمياه

هل نوع الطلق الذي استعمله حاليا جيد وهل ينفع اني اضغط له بلي فيه علما بأن حجم البلاستيك الاخضر الذي يعلو الطلقة يعتبر بحجم الطلقة إلا من حواف بسيطة تحيط به

[shadymageed]

بص يا باشا بعد خالد بيه بنفسه هيديك الكورس يبقا احنا نركن على جنب ده الكبير بتعنا ههههههه صديقى
طبه الاستاذ مازنجر دى افضلهم على الاطلاق بس مشكلتها فى غلوها ومبتحتجش لتغير ولا اى حاجه ودى من الاخر فعلا وحقيقه وبتظبط المسدس بشكل خرافى .... العلاجلاتى تقوله بلى رقم 2 لان الطبه مبتعديش اكبر من كده .... عادى جدا هيه الخزنه كل لما تتملى بتتقل لانها جديده ...... الزيت wd 40 فعلا تحس انه عامل زىا لميه لانه خفيف جدا علشان كده مينصحش باستخدامه للتزيت يستخدم فقط للتنظيف وزيت الماكينه اتقل شويه بس مش اوى .... الطلق ينفع طبعا وهتلاقى البليه رقم 2 يادوبك هتدخل بالزنق ...
وتحت امرك

[michohat]

فيه رقم مطبوع على جسم المسدس هل للرقم ده اي مدلول او بيعبر عن معلومات معينه

[سرسور]

الرقم هو رقم السيريال وهو لا يتكرر
و هذا مهم حتى لو و ضع المسدس بين مسدسات اخرى من نفس النوع تعرفة
و لو لا قدر الله سرق تعرف تبلغ عنه

[سرسور]

بالنسبة لافراغ الخزنة عن طريق شد الاجزاء
يجب ان يكون نوع الطلقات جيد وان يتم سحب الاجزاء بسرعة حتى يتم اخراج الطلقة

[michohat]

هل يمكن معرفة تاريخ صنع المسدس بواسطه هذا الرقم او اي شئ اخر

[the ghost]

بص مينفعش الكلام خالص هنا احسن حاجة ليك مادام اول مرة تمسك طبنجة تخلى اى حد يعلمك عليها ويقولك على النظام يعنى شوف اى حد قريب من مكانك ومحدش هيتاخر

[michohat]

معظم الاعضاء من القاهره او الاسكندرية مش عارف الاقي حد من الشرقية او قريب مني
ان شاء الله هنزل مصر قريب و هكلم قبلها أ خالد حامد واشوف ظروفة ايه ولو ينفع اعدي عليه
دعواتكم لان سرقات العربيات شغاله على ودنه فى الزقازيق كل شوية اسمع عن حد معرفة عربيته اتسرقت

[michohat]

ينفع اطلع اجرب الجاكال فوق السطح ولا صوته هيكون عالي وملحوظ
لاني لسه مجربتوش من ساعه ما اشتريته ولا ضربت ولا طلقة

[سرسور]

ربنا يحميك و يبارك لك فيها
ان شاء الله غدًا سأضع لك صور المسدس و اوضاع الضرب به
هو سهل لكنها اول مرة تكون صعبة لأنه جديد عليك

[michohat]

اوضاع الضرب بيه اللى هيا الفردي والالي صح
انا عارف الزرار اللى بيتحكم فى الخاصية دي اللى هوا فيه خاصية الامان ثم الفردي ثم الالي
عاوز اعرف اجربه فين انا البلكونه بتاعتي قدامها اراضي زراعيه كتير ينفع اجرب فى البلكونه مع العلم انها على طريق عربيات

ولا اشوف احاول اطلع فوق السطح بس مستوي البيت اقل من بعض البيوت حولي

المقصود الصوت هيعمل ازعاج لحد

[سرسور]

لو ناوي تضرب فوق السطح الصوت سيكون عالى
اختر مكان واسع و فاضى مثل الاراضى الزراعية على الطريق
ولا تنس المفتاح الموجود أعلى الزناد له ثلاث أوضاع
s تعنى أمان لا يضرب
f تعنى ضرب فردي طلقة كل ضغطة زناد
a تعنى آلى افراغ الخزنة بضغطة واحدة
و ربنا يسهل لك الحال

[سرسور]

البلكونة مكان جيد ممكن تضرب منها

[michohat]

هوا مفتاح تعليق الأجزاء بيعلق الأجزاء*اول ما اشد الاجزاء من نفسه ولا انا اللي اعلق الأجزاء بيه
يعني هوا اتوماتيك يعلق الاجزاء اول ما اشدها ولا وانا بشد الاجزاء احرك المفتاح ليمنع عوده الاجزاء

[michohat]

هوا مفتاح تعليق الأجزاء بيعلق الأجزاء*اول ما اشد الاجزاء من نفسه ولا انا اللي اعلق الأجزاء بيه
يعني هوا اتوماتيك يعلق الاجزاء اول ما اشدها ولا وانا بشد الاجزاء احرك المفتاح ليمنع عوده الاجزاء

[سرسور]

مفتاح تعليق الاجزاء لا يعلق الاجزاء الا عند خروج آخر طلقة
بمعنى انك لو سحبت الاجزاء و الخزنة فارغة ستعلق الاجزاء
أو انك تعلق الاجزاء بيدك

[michohat]

يعني دلوقتي لو مفيش طلق فى الخزنه ولا فى الماسورة وسحبت الاجزاء هتعلق من نفسها ولا هترجع ولازم انا اللى اعلقها

[سرسور]

لو الخزنة فارغة و سحبت الاجزاء ستعلق بدون تدخلك
و ايضا لو انك ضربت آخر طلقة يجب أن تعلق الخزنة بدون تدخلك
و المفتاح يستخدم لإعادة الاجزاء اذا كنت لا تريد تغيير الخزنة
أو عند وضع الخزنة و بها الطلقات

[سرسور]

نعم ستعلق و لن ترجع حتى تضغط على مفتاح التعليق
أو عند وضع الخزنة و بها الطلقات و تشد الاجزاء

[د.الليث المصري]

أنا عندي المسدس لا يعلق عند ضرب آخر طلقة فيه؟ لمادا؟

[سرسور]

ممكن يكون هناك عيب في الخزنة او ذراع التعليق

[michohat]

ما هي الادوات التي اكون محتاجها للعنايه بالمسدس لانه جاى بالعلبه ومفيش حاجه معاه
اكيد عاوز فرشة هل فيه نوع معين مقاس معين
والزيوت والشحومات وانواعها و لو امكن رينج الاسعار علشان ميضحكش عليا