تسجيل الدخول

مشاهدة النسخة كاملة : طلعه صيد سمك باا 350 مجانيوم

ابو عامر
11-08-25, 01:52 PM
الحمد لله خرجت اصطاد سمك من فرع للنيل قريب وكانت الحصيله شويه سمك تمام من ضمنهم اكبر سمكه اصطدتها ببندقيتى سمكه المبروكه كان معركه شرسه لدرجه انى خرجت الموبايل والمحفظه من جيبى وانا بطلعها لكنت عارف انى لازم انزلها الميه وفعلا كسرت عود الشبكه الى بطلعها بيها وهدومى اتبهدلت بس البقاء للاقوى وابل اى شى ده رزق حوالى 12 كيلو سمكه فعلا مبروكه واسيبكم مع الصور
DeCo
11-08-25, 02:06 PM
الله صلى على النبى صيد جميل من صياد ممتاز
تحياتى
DeCo
11-08-25, 02:07 PM
الله صلى على النبى صيد جميل من صياد ممتاز
تحياتى
msa_79
11-08-25, 02:17 PM
ممكن تشرح ازاي بتصطاد السمك بالبندقية
وبتكون شايفه ازاي
sameer
11-08-25, 02:21 PM
الله ينور عليك يا باشا معلم و الله

بس انا كمان عايز اعرف بتصطاد ازاي في المية و انكسار الضوء و الكلام ده
هشام سمير
11-08-25, 02:27 PM
ابو عامر القناص الجامد جداً جداً جدا
اف هنا وشفا يا كبير وموضوعك دا حصرى لمنتدى الصيد فى مصر
وربنا يجعلنا فى بركاتك انتا والمبروكه
ابو عامر
11-08-25, 02:28 PM
يا جماعه الموضوع سهل جدا السمك بيكون عايم على وش الميه من حراره الجو وبيكون تحت الميه بمسافه نصف سنتى تقربيا بنشن اسفل راس السمكه بتعموم فى حاله شلل لدقيقه تقريبا وبعدين تغطس ميته فى الوقت ده معايا شبكه زى بتاعه كره السله تقريبا بس مقفوله من تحت طبعا متركبه على عود صناره كبير 5 متر بجبها بيها مع العلم ان فى سمك كتير مش بلحقه بس ده رزق طبعا .
mahmoud11144
11-08-25, 02:40 PM
الله ينور يا معلم بجد معلم معلم معلم
الف الف هنا يا باشا ...
Amiroz
11-08-25, 04:32 PM
الله ينور
وربنا يوسع في رزقك
نور المسلم
11-08-25, 05:27 PM
اللهم صلي وسلم وبارك علي محمد
مية مية
He$ham
11-08-25, 05:38 PM
بالهنا و الشفا و الله ينور طريقة جديدة و مبتكرة
يونس
11-08-25, 06:51 PM
الله ينور عليك با ابو عامر
هشام سيد
11-08-25, 08:45 PM
ماشاء الله شغل عالى شفنا منك صيد السمك بالبندقية عيزين نشوف صيد اليمام بالسنارة ههههههه
عادل عبده
11-08-25, 09:01 PM
برررررررررررررررررررررررررررررررررررررررررررررررنس اخر حاجه يابو عامر والله
بن دلول
11-08-25, 09:57 PM
السلام عليكم ورحمة الله وبركاته
أخي الحبيب
صيد جميل من صياد اجمل
بارك الله لك فيما رزقك
وبالهنا والشفا
والسلام عليكم
essam assem
11-08-25, 10:20 PM
بسم الله ما شاء الله تسم ايدك يا ابو عامر والف هناوشفاء وعقبال كل طلعة وربنا يوسع رزقك كمان وكمان
وتحياتى ليك يا نجم المنتدى
وتحياتى للجميع
Masterssss
11-08-25, 10:22 PM
عااااااش يا باشا هو ده الكلام المفيد
beta
11-08-26, 01:57 AM
صيد جميل جدا وهايل بجد بس عجيبة حكاية الصيد بالبندقية دى شوية او ممكن تقول صعبة صح
البطل
11-08-26, 03:00 PM
بسم الله مشاء الله تسلم ايدك بجد وانشاء الله هحاول أطلع رحلة صيد بحريه ونجرب وربنا يكرم
ابو مروان
11-08-26, 10:26 PM
بسم اللة ما شاء اللة ربنا يبارك فيما رزق_السمكة الكبيرة اعتقد انها سيلفر موش مبروكة المبروكة بتكون مدورة شوية والنوعين المبروكة والسيلفر بيحبوا الحشائش اللى بتكون على ضفاف النيل والترع الكبيرة ولو اى واحد عايز يصتادها بالبندقية اعتقد ان صيدها يكون سهل بس عايز صبر وهدوء يعنى تقعد فى المكان اللى فية حشيشة كتير وتسمع كويس هاتلاقى صوت تنتيش فى الحشيشة دى ولو ركزت فى المكان اللى جاى منة الصوت ممكن تشوف السمكة وهى بتخرج من المية وتنتش الحشيشة_احنا بنصتادها بالعنب بس محتاجة هدوء جامد لانها حزرة جدا_ولما ربنا يكرمكوا بقة ادعولى وابعتولى اقولكم طريقة طبخها ازاى اوعى حد يشويها_هاتبقى مرة علقم
وليدخليل صديق
11-08-27, 04:55 AM
اولا بالهنا والشفا بس انت مغلب نفسك ليه تصطاد سمك بالبندقيه ماتجيب شويه جمبرى واتقشرهم وتحط عليهم ملح وتقطعه وهتصطاد اجدع صيد على الاقل هاتحس بشده السمكه وهى طالعه من الميه بتبقى متعه
فارس بلا جواد
11-08-27, 06:02 AM
ما شاء اللة عليك ولد ومش اى حد يا جماعة يصتاد سمك بالبندقية عايزة قوة ملاحظة وسرعة فى نفس الوقت تسلم يا ابو عامر
hosam hamza
11-08-27, 02:32 PM
http://forum.hawahome.com/nupload/229019_1302819291.gif