كيف يمكن تصنيع مصيدة الرش لهواة الرماية (بالصور)

[Ahmedlr]

السلام عليكم يا منتدانا العزيز

برجاء الافادة في امكانية تصنيع مصيدة رش ذات أهداف للتصويب .. خصوصا إن نسبة كبيرة من محبي هذه الهواية بيقعدوا ينشنو 60 -70 % من وقتهم والباقي بيصطادوا وطبعا التنشين بيكون هواية دمار شامل لأهداف عشوائية (علب بيبسي - علب ازاز - خشب - بلاستكات - الحيط ) وطبعا الرش بيكون متنطور في كل حتة وساعات الرش بيرد في الناس والحيوانات .. وساعات الرش بيهرب ويخبط في حاجات مش المفروض إنه يخبط فيها. (أنا مثلا باحط الأهداف بتاعتي على سور في السطح ونشن ..... طبعا ماقولكمش عالسور .... بقى شوارع

علشان كده يا ريت من الاخوة ذوي الخبرة في اعمال الحديد الافادة بامكانية تصنيع واحد من التصميمات الاتية لمصايد الرش

http://cdn.pyramydair.com/images/zoomed/Champion-Heavy-Duty_CH-40801_pellet-trap_zm.jpg

أو

http://cdn.pyramydair.com/images/zoomed/2086.Targetsz.jpg

أو الافضل طبعا ..

http://cdn.pyramydair.com/images/zoomed/Gamo-Rocker-GA-621220354-Pellet-Trap_zm.jpg

وطبعا الاخيرة لها ميزة إنها أهداف متعددة وكل هدف يتم اصابته يطلع لفوق على محور معلق وهدف في النص بمجرد اصابته يتم انزال كل الأهداف مرة اخرى ....

يا رب نلاقي حد يظبطنا في حاجة حلوة من دول , خصوصا إن الموضوع مش افتكاسة ولا تكنولوجيا وأكيد ممكن نعملو ونعمل أحسن منه كمان

[koktal]

شكرا أحمد بك على الموضوع وإثارة هذا الأفكار ..
مش صعب عمل الفكره فى الصوره الثانيه مع دمجها بالأولى ..

إنما الفكره الثالثة ودى جميله جدا بس محتاجه إمكانية عمل ميكانيكا لها .. تحياتى لك ..

[blow c06]

ياباشا انا صنعت واحده فعلا و عشان اعملها جبت لوح صاج و اضطريت اعمل حوالى 8 حتت فاضل منهم 5 حتت معروضين للبيع على 130 جنيه و هى تقريبا التكلفه و هاحط الرابط بتاع الموضوع بتاعى

[blow c06]

http://www.egypthunt.net/showthread.php?t=13703

[Ahmedlr]

شغل ممتاز يا باشا .... الله ينور

أولا : هل يمكن تطوير الفكرة وتركيب أهداف معلقة فيه لاني لاحظت إن فكرة اوراق ودواير النيشان غير عملية

ثانيا : هل الصلب المستخدم في المصيدة اللي أنت عملتها اتحمل الضرب عليه .. وياريت تقولنا بتضرب عليه من مسافة قد ايه ونوع البندقية وعيارها .

وطبعا يا ريت لو تبعتلي رقم حضرتك للاتصال في حالة رغبتي في حتة منهم

[xman]

اقولك ياباشا بينو الزمالك عنده بس بلاش تمنها زات الاهداف الثابتة اخر صورة 1800 ححوالي 10 اهداف لما تضربهم كلهم يعيد الاهداف تاني مكانها و في نوع باهداف متحركة ب 2500 خليك مع السور اوفر :)

[smsmn8888]

سالت علي الموضوع دا من قبل عن حداد بس كان عبارة عن صندوق 40 في 40 كان مش هيقل عن 100 بس صاج محمل وفي من الداخل خشب كمان لتلاقي الطلقات القوية

[blow c06]

ده متجرب مع الرمسيس و مع الديانا 54 و النتيجه حلوه و مفيش مشاكل و الصاج 2مم و محمل حلو و مش هيتخرم ابدا و دى تقليد واحده جامو كانت جايه من برا و انا عندى خمسه زياده عشان اشتريت لوح صاج كامل عشان التكلفه تكون قليله لما تتوزع على العدد

[Ahmedlr]

شكلي حدوس فيها بأذن الله

مع ان كان نفسي في المصيدة ذات الاهداف بس مش اشكال ححاول اركب فيها سيخ من الجنب و اعلق فيه سحلية ولا فار و اهو يبقي هدف متحرك منخفض التكلفة. : )

[أميجو]

فكرة جميله بالتوفيق

[sameer]

احمد باشا حبيب قلبي ايه اخبارك

انا عن نفسي شغال ب حتة خشب سمكها تقريبا 3 سنتي و بتأدي معايا مية مية و احلى حاجة فيها ان الرشة مش بتخرج منها جرب تعمل كدة و قولي ايه الكلام

[tarekvb]

فكرتها حلو وبالاخص لما يكون الاهداف بتلف لما بتنضرب