إلى خبراء البام 21 رجاء الإفادة

[Abosaleh1428]

السلام عليكم ورحمة الله
كل عام وأنتم بخير
أرجو الإفادة من خبراء البام 21 هل هيه بندقية دقيقة في السافات البعيدة بغض النظر عن وزنها الثقيل
ولكم جزيل الشكر

[شريف المصري]

الأفضل علي الاطلاق تليسكوووب
فاذا لم تستطع فاضبط مسامير النشكان اللي بتتفك عند شريف 100 شارع شبرا بمسامير صلب

[koktal]

دقيقة جدا ولكن مع التليسكوب ..

[dr.ahmed shahin]

البام تقيلة فيه ناس السوستة انكسرت معاهم النشانات بتتفك وبعدين سعرها عالى بردو 2000-2100 كتير ممكن تزود شوية وتجيب حاجة اسبانى او انجليزى كويسة

[koktal]

مع إحترامى لكن دى كوبى ديانا 54 .. وأقوى منها وفوق 280 متر .. أنا شايفها ممتازة جدا جدا من حيث سعرها مقارنه بالديانا الأصل اللى فوق 6 و7 ألاف جنيه ..

بس عايز أعرف موضوع السوسته اللى بتتكسر دى .. بعد إذنك التوضيح أكثر ..
وإيه الأفضل فى الأسبانى والإنجليزى من البام الصينى ..

[محمود شلبي]

بصراحه يا جماعه البام بندقيه جمدة جدا ومواصفات عاليه مع الصيانه الجيدة والسعر ممتاز مع سكوب او بدون
(قاتله )بالنسبه للمسامير الصلب بلاش منها عشان بتاخد علام جديد داخل البندقيه دى مش صح
ربط كويس كل كام ضربه حتى الثبات وتوكل

[koktal]

بصراحه يا جماعه البام بندقيه جمدة جدا ومواصفات عاليه مع الصيانه الجيدة والسعر ممتاز مع سكوب او بدون
(قاتله )بالنسبه للمسامير الصلب بلاش منها عشان بتاخد علام جديد داخل البندقيه دى مش صح
ربط كويس كل كام ضربه حتى الثبات وتوكل

شكرا جزيلا أستاذ محمود على المداخله والتأكيد على تفوق البام .. بس حضرتك متعرفش إيه موضوع كسر السوسته فى البام ؟؟ أنا أول مره أعرف كده !!! .. ولا ده مجرد كلام مرسل وخلاص؟؟

[بدر]

شكرا جزيلا أستاذ محمود على المداخله والتأكيد على تفوق البام .. بس حضرتك متعرفش إيه موضوع كسر السوسته فى البام ؟؟ أنا أول مره أعرف كده !!! .. ولا ده مجرد كلام مرسل وخلاص؟؟

الاخوة الافاضل
استاذ محمد واستاذ محمود شلبى
بعد السلام عليكم والتحية
يبقى اتوكل على الله واجيب البام
تحياتى

[tarekvb]

بصراحه يا جماعه البام بندقيه جمدة جدا ومواصفات عاليه مع الصيانه الجيدة والسعر ممتاز مع سكوب او بدون
(قاتله )بالنسبه للمسامير الصلب بلاش منها عشان بتاخد علام جديد داخل البندقيه دى مش صح
ربط كويس كل كام ضربه حتى الثبات وتوكل
عشان من شاف مشاركاتك

[dr_mohasan]

الاخوة الافاضل
استاذ محمد واستاذ محمود شلبى
بعد السلام عليكم والتحية
يبقى اتوكل على الله واجيب البام
تحياتى

بدر باشا

إستنى بعد العيد ونشترى إتنين مع بعض

[Abosaleh1428]

دكتور محسن وأستاذ بدر ممكن نشتري إحنا الثلاثة مع بعض بحيث ناخد تخفيض كويس

[dr_mohasan]

دكتور محسن وأستاذ بدر ممكن نشتري إحنا الثلاثة مع بعض بحيث ناخد تخفيض كويس

يسعدنى يا باشا , وان شاء الله يكون بعد العيد

وكل عام وأنتم بخير

[محمد وائل]

مفيش اى مقارنه بان البام و الديانا 54 لان الديانا دى حلم كل صياد و الغالى تمنه فيه
تقبل مرورى

[samraghost]

يا ريت كل الى هايشترى البام يقول وممكن نروح كلنا مع بعض لانى هاجيب واحده بعد العيد ومحمد رضا العبد بردوا هايجيب واحده

[blow c06]

و انا هاجيب واحده برده لو خدناها بسعر كويس و ممكن واحد صاحبى كمان ياخد واحده بس مش اكيد,,, ياريت ياجماعه نجيب مع بعض عشان شريف يعمل مع المنتدى واجب بجد

[m.e]

وانا واحدة لو السعر كويس

[dr_mohasan]

مفيش اى مقارنه بان البام و الديانا 54 لان الديانا دى حلم كل صياد و الغالى تمنه فيه
تقبل مرورى

هو الموضوع مش مقارنة ,, لأن الخامات طبعاً تفرق

ولكن الموضوع ان الاتنين نفس القوة , واللى هاتجيبه الديانا برضه هاتجيبه البام , غير ان البام صناعتها كويسة بشهادة كل اللى جربوها
الكلام ده مع فرق سعر يصل لأكثر من الضعف

[بدر]

بدر باشا

إستنى بعد العيد ونشترى إتنين مع بعض

على بركة الله بس البام دى مادفعش فيها اكتر من 20 جنية قصدى 2000 جنية هههههههه
وانا معاكم يا رجالة
لو كملنا عدد كويس ممكن نتفاوض مع شريف ابو ضيف ويضبطنا فى سعر كويس
تحياتى

[dr_mohasan]

على بركة الله بس البام دى مادفعش فيها اكتر من 20 جنية قصدى 2000 جنية هههههههه
وانا معاكم يا رجالة
لو كملنا عدد كويس ممكن نتفاوض مع شريف ابو ضيف ويضبطنا فى سعر كويس
تحياتى

2000 سعر مناسب خاصة لو هناخد أكتر من قطعة

بس أنا نفسى أعرف أنت هاتعمل بيها إيه يا بدر باشا ؟

ولا ناوى تبقى صياد وتطلع معانا ؟

[بدر]

2000 سعر مناسب خاصة لو هناخد أكتر من قطعة

بس أنا نفسى أعرف أنت هاتعمل بيها إيه يا بدر باشا ؟

ولا ناوى تبقى صياد وتطلع معانا ؟

يا فندم بصراحة عندى مكان فاضى فى الدولاب ومش عارف احط فية اية فقولت بندقية وخلاص ههههههه

[dr_mohasan]

يا فندم بصراحة عندى مكان فاضى فى الدولاب ومش عارف احط فية اية فقولت بندقية وخلاص ههههههه

آآآآآآآآآآآآآآه , كدة فهمت , بارك الله فيك

[koktal]

مفيش اى مقارنه بان البام و الديانا 54 لان الديانا دى حلم كل صياد و الغالى تمنه فيه
تقبل مرورى

الديانا يا باشا فيها مانع إرتداد وخامتها كويسة .. البام مافيهاش مانع إرتداد لكن خامتها كويسة برده مع إنها صينى وأفوى من الديانا .. إيه بقه اللى يخلينى أحلم بالديانا أم 6 أو 7 ألاف جنيه مع إن عندى أختها وأقوى منها كمان ومن 2000 ل2500 ومش مهم مانع الإرتداد .. أظن الرؤيه وضحت .. تحياتى ..

[AMR ALY]

البام اللي عندي لاحظت انها مختلفه عن اللي شفتها معروضه حاليا و ألكتابه مكتوبه بالحفر بيونير و دبشك مختلف به مسامير لتركيب حماله كتف، هل حد يعرف فرق السعر و الجوده؟ شكرا

[محمد رضا العبد]

يا ريت كل الى هايشترى البام يقول وممكن نروح كلنا مع بعض لانى هاجيب واحده بعد العيد ومحمد رضا العبد بردوا هايجيب واحده

باذن الله ..يا حج احمد بس يارب تكون موجوده بسعر كويس ونلاقى بام 21 مش بيونير 21 الى منتشره بشده اليومين دول نظرا لنقص بنادق البام فى السوق

[محمد رضا العبد]

البام اللي عندي لاحظت انها مختلفه عن اللي شفتها معروضه حاليا و ألكتابه مكتوبه بالحفر بيونير و دبشك مختلف به مسامير لتركيب حماله كتف، هل حد يعرف فرق السعر و الجوده؟ شكرا

ياباشا يبقى انت انضحك عليك وش

دى بقى تقليد اليام يعنى الصينى بيتقلد من صينى

ودى خامتهااا زباله ومواصفتهاااا اقل بكتير من البام

وكان المفروض تسال قبل الشراء

قلبى معاااااااااااااااااك

[AMR ALY]

البيونير سوستتها اقوي من البام اللي هي اخت البيونير (نفس المصنع) البام نسخه احدث للتصدير و اعملوا حسابكو علي جلبة بيونير عند الشراء نتيجه سنه الصنع، و مدفع رمضان

[محمد رضا العبد]

البيونير سوستتها اقوي من البام اللي هي اخت البيونير (نفس المصنع) البام نسخه احدث للتصدير و اعملوا حسابكو علي جلبة بيونير عند الشراء نتيجه سنه الصنع، و مدفع رمضان

الحكايه مش موضوع اقوى انت عايز تشترى بيونير 21 تشترى بيونير لو عايز بام 21 تشترى بام21

مش تكون عايز مثلا ديانا 54 تروح تشترى بام 21 علشان نفس شكلهااااااااااا

وبعد ما تشترى تقول اصل البام اقوى من الديانااااااااااااا

وبعدين انت بتقول ان البام اخت البايونير ...اصلا اسم بيونير مش موجود من الاثاث على الموقع

وممكن نفس المصنع وبيصنع مركتين مختلفتين فى الجوده
وتحياتى ليك

[AMR ALY]

الحكايه مش موضوع اقوى انت عايز تشترى بيونير 21 تشترى بيونير لو عايز بام 21 تشترى بام21

مش تكون عايز مثلا ديانا 54 تروح تشترى بام 21 علشان نفس شكلهااااااااااا

وبعد ما تشترى تقول اصل البام اقوى من الديانااااااااااااا

وبعدين انت بتقول ان البام اخت البايونير ...اصلا اسم بيونير مش موجود من الاثاث على الموقع

وممكن نفس المصنع وبيصنع مركتين مختلفتين فى الجوده
وتحياتى ليك
وجهة نظر و اكيد كل واحد يشتري الانسب له، عندي الاصدارين و بنصف ثمن الديانا و مقتنع ان البام و البيونير قويه بالنسبه للديانا عن تجربه و لكن بالطبع مع فارق الجوده و الدقه و العمر الطويل، كنت بشتري ديانا من ايام ما كانت ب800ج جديده الي الان و نوعا ما التقليد الصيني متناسب مع سعره و ادائه مقنع لدرجه ان بعض الصيادين عملوا موضوع عن ان البام اقوي من الديانا! تحياتي

[YOSSEF EL MASRY]

السلام عليكم
ان شاء الله لو سمحتولي ممكن اكون معاكم بعد العيد واشتري معكم
بس هي ممكن تخلص علي 2000 جنية
في حاجة كمان في بندقية بام 22 ودي كسر مش عتلة حد من حضرتكم عندة فكرة عنها
شكرا

[Andria]

يا جماعه البام مدفع عن تجربه ومع سكوب كويس دقيقه جداً

[adel_7768]

الاخوة الكرام السلام عليكم بالنسبة للبندقية البام فهي الكوبي للديانا 52 ونفس قطع الغيار وتقريبا نفس الشكل وانا بقصد البام مش البايونير ومن حيث المقارنة فالبام تتفوق علي الديانا من حيث السرعة 280 متر / ث اما الديانا 260 متر / ث ولاكن تتغلب الديانا علي البام من حيث الخامات حيث انها الماني ولا يوجد احد يختلف علي جودة الالماني ولاكن البام بندقية تستحق لاقتناء عن جدارة واستحقاق لانها بجد مدفع ومن حيث الناشينكان اللي بيتفكك في البام من شدة البندقية فأنصح عند الشراء بتغيير مسمار الناشينكان الخلفي بمسمار سن خشن ويربط جيدا ولن يفك مرة اخري وارجوا ان اكون افدت حضرتكم واسف علي الاطالة

[essam assem]

الاخوة الكرام السلام عليكم بالنسبة للبندقية البام فهي الكوبي للديانا 52 ونفس قطع الغيار وتقريبا نفس الشكل وانا بقصد البام مش البايونير ومن حيث المقارنة فالبام تتفوق علي الديانا من حيث السرعة 280 متر / ث اما الديانا 260 متر / ث ولاكن تتغلب الديانا علي البام من حيث الخامات حيث انها الماني ولا يوجد احد يختلف علي جودة الالماني ولاكن البام بندقية تستحق لاقتناء عن جدارة واستحقاق لانها بجد مدفع ومن حيث الناشينكان اللي بيتفكك في البام من شدة البندقية فأنصح عند الشراء بتغيير مسمار الناشينكان الخلفي بمسمار سن خشن ويربط جيدا ولن يفك مرة اخري وارجوا ان اكون افدت حضرتكم واسف علي الاطالة

السلام عليكم يا استاذ عادل كل سنة حضرتك طيب وكل سنة وانتم طيبين جميعا الله ينور عليك استاذ عادل قولت المفيد وفعلا البام اسرع من الديانا بندقية ماشاء الله علية مدفع بجد أنا انصح بس بتركيب تلسكوب علية وهتبقي زي الفل وانا من وجهة نظري انها من افضل البنادق الموجودة في السوق المصري في الوقت الحالي وتحياتي للجميع