تجربتي مع السكوب عالجيت و الضبط بالليزر (بورسايتر) [الأرشيف]

Ahmedlr

11-08-17, 08:07 PM

السلام عليكم اخوتي في الله

اليوم ححكيلكم تجربتي مع تركيب السكوب عالجيت و ضبطه بالبور سايتر بالتفصيل

اولا : مرحلة التحضير و الشراء لجميع التفاصيل

البندقية : نوريكا جيت جبتها من الاسكندرية من فتح الله (السعر : 1800 جنيه)
السكوب : جامو 40*9*3 جبته اونلاين من علي اكسبرس و طبعا عدي بمعجزة و ادبست فيه بقواعد 20 مللي فطبعا منفعش يركب عالبندقية (السعر: 400 جنيه تقريبا+- 30)
القاعدة : قطعة واحدة عالية مقاس 10 -11 مللي تم طلبها منفردة من علي اكسبرس (السعر: حوالي 80 جنيه)
البورسايتر: طبعا نوعه اللي يحب النبي يزق .. بس شغال و كنت مرعوب من انه ميجيش علي مقاس البندقية لان المانيوال بيقول انه بيبدا من عيار .22 و انا عيار .17 بس ربنا سترها و نفع و الميزة الجامدة اللي فيه انه ليزر اخضر (السعر : 220 جنيه)

ثانيا : مرحلة التجميع و التجهيز

نضفت البندقية بالمجري بتاعت الاسكوب تنضيفة سريعة
ربطت الاسكوب بالقاعدة بالتوازن و بميزان المية
حطيت السكوب عالمجري و رجعته للاخر بحيث انه يكون ملامس للاستوبر اللي في اخر المجري
ربطت كل المسامير بالالن الخاص بهم
بخصوص البور سايتر .. هوا جاي معاه غيارات علشان التثبيت في كل العيارات بس طبعا مفيش ولا غيار علي مقاسي :d فاضطريت اني ادخله في الماسورة زي ماهوا و اتاكدت انه شغال. وهنا ابتدت مرحلة الضبط

ثالثا : مرحلة الضبط

حطيت البندقية في وضع ثابت و مستقر بعد التاكد من عدم تعميرها
شغلت الليزر في البور سايتر و حطيته في السبطانة
طبعا لاقيت البيم بتاع الليزر في حتة و كروس التليسكوب في حتة تانية خالص
بدات بالضبط الافقي و الراسي للتليسكوب لغاية ما تطابقت الكروس علي نقطة الليزر بس طبعا كان في مشكلة ان الزوم كان علي 3 لان الزوم العالي كان يتطلب مسافة اكبر.

رابعا : مرحلة التجربة

اخدت بعضي و طلعت فوق السطح بتاع بيتي و فرحان بالبندقية و منشكح عالاخر .. و الاقيلك تلات حمامات مكلبظين و كنت حجرب فيهم بس محبيتش اني بفرحتي انكد عليهم فضلا عن اني مبحبش اصطاد في نهار رمضان فهشيتهم و ابتديت انشن علي اهداف بعيدة باستخدام نفس درجة الزوم و هنا كانت المفاجئة .. الاصابة غير دقيقة و بالاعادة اكشفت انحراف في الاصابة و طبعا مع الزوم الانحراف تضاعف و بيكبر كل ما بعدت المسافة و طبعا اتنكدت .. بعدها طلعت البورسايتر لاعادة الضبط و مشيت علي الخطوات المذكورة اعلاه
بس المرة دي عمرت البندقية قبلها و بعد التاكد من الضبط شيلت البور سايتر و ضربت عالهدف و عرفت ساعتها ايه المشكلة .. طبعا علشان البور سايتر مش داخل زنق في الماسور فده بيخلي فيه بوش و بالتبعية كان فيه معامل خطأ محتررم ... و باعادة الضبط علي اساس معامل الخطأ .. الدنيا نورت و اشتغل التليسكوب حلاوة .. بس انا ناوي اثبته عند زوم 5 لان بيكون برضو في نسبة انحراف مع الزووم العالي ...

يا رب تكون التجربة واضحة و اسيبكم مع الصور

hesham[MaFya]a

11-08-17, 08:14 PM

شِغل جميل اوى و 100 100 بس فين دى الصور؟

Peace Missile

11-08-17, 08:17 PM

الف مبروك استاذ احمد على البورسيتر والسكوب وعلى دخولهم بسلام ...
بالنسبة للبورسيتر ... خد بالك ان الجزء اللى بيتثبت فىالماسورة ما يتناش او يتخبط فى اى حاجة لانه لو حصل مش هيبقى مظبوط ..... وبالتوفيق

hesham[MaFya]a

11-08-17, 08:20 PM

تمام كدة.....

hesham[MaFya]a

11-08-17, 08:22 PM

بس بسم الله ما شاء الله البتدقية و معاها السكوب رووووعة..تسلم ايدك.

amr naser

11-08-17, 09:58 PM

مبروك عليك التلسكووب

amr naser

11-08-17, 10:07 PM

مبرووك عليك

smsmn8888

11-08-17, 10:08 PM

بصراحة موضوع رائعا وشغل محترفين برافو عليك

عادل عبده

11-08-17, 10:15 PM

تسلم ايدك يا ريس ومبروك الاسكوب وربنا يكفيك شرهوم يارب

البطل

11-08-17, 10:17 PM

ايه ياعم الجمال ده ألف ألف مبروك

Ahmedlr

11-08-17, 10:40 PM

الله يرضي عليكم جميعا و يبارك لكم في رزقكم ... ده بالنسبة للعلام اللي الواحد تتعلمه من المنتدي الراقي ده غيض من فيض ... جزاكم الله خيرا جميعا

DeCo

11-08-18, 01:24 AM

السلام عليكم اخوتي في الله

اليوم ححكيلكم تجربتي مع تركيب السكوب عالجيت و ضبطه بالبور سايتر بالتفصيل

اولا : مرحلة التحضير و الشراء لجميع التفاصيل

البندقية : نوريكا جيت جبتها من الاسكندرية من فتح الله (السعر : 1800 جنيه)
السكوب : جامو 40*9*3 جبته اونلاين من علي اكسبرس و طبعا عدي بمعجزة و ادبست فيه بقواعد 20 مللي فطبعا منفعش يركب عالبندقية (السعر: 400 جنيه تقريبا+- 30)
القاعدة : قطعة واحدة عالية مقاس 10 -11 مللي تم طلبها منفردة من علي اكسبرس (السعر: حوالي 80 جنيه)
البورسايتر: طبعا نوعه اللي يحب النبي يزق .. بس شغال و كنت مرعوب من انه ميجيش علي مقاس البندقية لان المانيوال بيقول انه بيبدا من عيار .22 و انا عيار .17 بس ربنا سترها و نفع و الميزة الجامدة اللي فيه انه ليزر اخضر (السعر : 220 جنيه)

ثانيا : مرحلة التجميع و التجهيز

نضفت البندقية بالمجري بتاعت الاسكوب تنضيفة سريعة
ربطت الاسكوب بالقاعدة بالتوازن و بميزان المية
حطيت السكوب عالمجري و رجعته للاخر بحيث انه يكون ملامس للاستوبر اللي في اخر المجري
ربطت كل المسامير بالالن الخاص بهم
بخصوص البور سايتر .. هوا جاي معاه غيارات علشان التثبيت في كل العيارات بس طبعا مفيش ولا غيار علي مقاسي :d فاضطريت اني ادخله في الماسورة زي ماهوا و اتاكدت انه شغال. وهنا ابتدت مرحلة الضبط

ثالثا : مرحلة الضبط

حطيت البندقية في وضع ثابت و مستقر بعد التاكد من عدم تعميرها
شغلت الليزر في البور سايتر و حطيته في السبطانة
طبعا لاقيت البيم بتاع الليزر في حتة و كروس التليسكوب في حتة تانية خالص
بدات بالضبط الافقي و الراسي للتليسكوب لغاية ما تطابقت الكروس علي نقطة الليزر بس طبعا كان في مشكلة ان الزوم كان علي 3 لان الزوم العالي كان يتطلب مسافة اكبر.

رابعا : مرحلة التجربة

اخدت بعضي و طلعت فوق السطح بتاع بيتي و فرحان بالبندقية و منشكح عالاخر .. و الاقيلك تلات حمامات مكلبظين و كنت حجرب فيهم بس محبيتش اني بفرحتي انكد عليهم فضلا عن اني مبحبش اصطاد في نهار رمضان فهشيتهم و ابتديت انشن علي اهداف بعيدة باستخدام نفس درجة الزوم و هنا كانت المفاجئة .. الاصابة غير دقيقة و بالاعادة اكشفت انحراف في الاصابة و طبعا مع الزوم الانحراف تضاعف و بيكبر كل ما بعدت المسافة و طبعا اتنكدت .. بعدها طلعت البورسايتر لاعادة الضبط و مشيت علي الخطوات المذكورة اعلاه
بس المرة دي عمرت البندقية قبلها و بعد التاكد من الضبط شيلت البور سايتر و ضربت عالهدف و عرفت ساعتها ايه المشكلة .. طبعا علشان البور سايتر مش داخل زنق في الماسور فده بيخلي فيه بوش و بالتبعية كان فيه معامل خطأ محتررم ... و باعادة الضبط علي اساس معامل الخطأ .. الدنيا نورت و اشتغل التليسكوب حلاوة .. بس انا ناوي اثبته عند زوم 5 لان بيكون برضو في نسبة انحراف مع الزووم العالي ...

يا رب تكون التجربة واضحة و اسيبكم مع الصور

انت دمك شربات والف مبروك بس الليزر الاحمر ولا الاخضر افضل ؟
تحياتى

wely

11-08-18, 03:07 AM

مبروك الأسكوب و أن شاء الله يكون معاون جيد لك فى الصيد

JAM

11-08-18, 03:21 AM

ان شاء الله هشترى الليزر وياريت تدعولي انه يوصل بالسلامة

abdo92

11-08-18, 03:33 AM

والله موضوع جميل اوي واحلى حاجه فيه الكمره الي مصور بيها البندقيه وروعت الصور :)

ahmadkhalaf

11-08-18, 12:59 PM

مجموعة جميلة جدا ... بسم الله ماشاء الله ... ربنا يباركلك فيهم .... وبالمناسبة حضرتك مصور رائع .... تحياتى

Ahmedlr

11-08-18, 06:46 PM

انت دمك شربات والف مبروك بس الليزر الاحمر ولا الاخضر افضل ؟
تحياتى

الله يكرمك يا باشا .. و الله كان ده شعوري بجد :) ... و بالنسبة لليزر .. اسمع ان الاخضر دائما اقوي و اوضح

Ahmedlr

11-08-18, 06:47 PM

مبروك الأسكوب و أن شاء الله يكون معاون جيد لك فى الصيد

ان شاء الله هشترى الليزر وياريت تدعولي انه يوصل بالسلامة

الله يبارك فيكم جميعا ... و موفق يا اخ jam باذن الله

Ahmedlr

11-08-18, 06:48 PM

والله موضوع جميل اوي واحلى حاجه فيه الكمره الي مصور بيها البندقيه وروعت الصور :)

مجموعة جميلة جدا ... بسم الله ماشاء الله ... ربنا يباركلك فيهم .... وبالمناسبة حضرتك مصور رائع .... تحياتى

شكرا يا شباب .. التصوير هوا الهواية الاولي بتاعتي علشان كدا انا كنت مركز في تصوير الحاجات شوية ... اخجلتم تواضعنا

xman

11-08-19, 10:42 AM

مبروك ياابوحميد

Ahmedlr

11-08-19, 11:15 AM

الله يبارك فيك يا باشا.. واحشنا كتير ... يا رب تكون ال g1200 كويسة معاك .. اكيد بخبرتك عملت منها تحفة فنية

khaledshareef

11-09-06, 06:16 AM

شكرا على عرض تجربتك - افدتنا افادك الله

ahm_matrix

11-09-07, 12:08 AM

100 100 وعقبالى ان شاء الله