مشوار صياد

[amr naser]

اولا مرحبا بكم اصدقاءى فى منتدانا الحبيب الصيد فى مصر وكل عام وانتم بخير الموصوع ده بينكلم عن مشوار كل صياد مننا من حيث اقتناء البنادق ومواقفها الجميله معاه وايام زمان وعن البنادق الى جابها بعد كده انا عن نفسى احب هوايه الصبد منز صغرى وعندما حان الوقت ابتديت ببندقيه رمسيس نمره واحده وبازن الله ناوى اجيب حاجه احسن بس اومل لما جبتها كانت ليا زكريات جميله عنها ومستنى حكايتكم والسلام عليكم ورحمه الله وبركاته اخوكم عمرو ناصر

[amr naser]

مستنى الردود

[msa_79]

انا مشواري مع الصيد من صغري وانا بعشق الصيد من ايام ماكنت بصطاد العصافير في الشقة احطلها الحبوب في البلكونة واعمل خط ماشي لجوه الغرفة واستخبي ورا باب البلكونه واول ما تدخل اقفل عليها وافضل اجري وراها الحد ما تدوخ وادبحها واشويها واكلها.
بعد كده تطورت الي الصيد بالنبلة وبالطوب ......... اه بجد بالطوب كنت بخرج اصطاد اضرب العاصفير بالطوب ولما تقع دايخة ادبحها واخر اليوم اعمل حفلة شوي عليها هههههههههههههه

وبعد كده تطورنا بقا وبقيت اضرب بالبندقية بتاعت عمرو بن خالي (محمود شلبي) واتعلمت عليها النشان وبعد كده ربنا سهل وجب البندقية المارفيك اللي عمرو ساعدني في شرائها ودفعتله بقيت تمنا بالتقسيط المرييييييييييييح( كان تمنا وقتها 1700 جنيه شامله الجراب وعلبة رش ديابلو وعلية جامو)

بس بقا والحمد لله عايش معاها احلي ايام وللعلم جربت بنادق كتير وضربت ببنادق كتير بس فعلا مشفتش زيها في ثباتها ودقتها وخفة وزنها ورشاقتها (قصدي علي البندقية طبعا ههههههههههه)

وتقبل احترامي محمد سيد

[dr_mohasan]

اولا مرحبا بكم اصدقاءى فى منتدانا الحبيب الصيد فى مصر وكل عام وانتم بخير الموصوع ده بينكلم عن مشوار كل صياد مننا من حيث اقتناء البنادق ومواقفها الجميله معاه وايام زمان وعن البنادق الى جابها بعد كده انا عن نفسى احب هوايه الصبد منز صغرى وعندما حان الوقت ابتديت ببندقيه رمسيس نمره واحده وبازن الله ناوى اجيب حاجه احسن بس اومل لما جبتها كانت ليا زكريات جميله عنها ومستنى حكايتكم والسلام عليكم ورحمه الله وبركاته اخوكم عمرو ناصر

الموضوع جميل جداً , ولكن أنصحك أن تبدأ بنفسك لأن الواضح أن عندك ذكريات جميلة وخبرة كبيرة مع الصيد , أرجو ألا تحرمنا منها.

[amr naser]

نورت يا msa_79 وشكراا ليك على مشوارك الجميل بس على فكره حلوه اوى حكايه انك تعمل حفله شواء على العصفور هههه ونورت الموضوع

[amr naser]

اهلا بيك دكتور محسن نورتنى بجد والله اا حكايتى زى ماقولت انا بحب وبعشق الصيد منز صغرى وهزا ازا كان صيد طيور او حتى صيد اسماك و تلك الهوايه من ابى لان ابى صياد قديم ومش ممكن تتصور انا اكلت جميع انواع الطيور الى تخطر على بالك بط ولا حمام ولا يمام كل انواع الطيور الى ممكن الواحد يصطادها ودى طبعا بالبندقيه الخرطوش الى عندنا من اكتر من 100 سنه بجد دى تحفه فنيه وهى من نوع براوننج اما انا فليس كما تقول انى خبير جداا فى الصيد ولكن انا اعشق الصيد ومن فتره ليست بعيده اشتريت رمسيس ولكن ناوى بازن الله يبقى عندى مجموعه حلوه انشاء الله وشكراا ليك على مرورك والسلام عليكم ورحمه الله وبركاته

[عادل عبده]

اولا موضوعك جميل جدا
انا بقى كنت طول عمرى بعشق القوه والسلاح ولما رحت مع بابا الجيش مره وانا صغير وعسكرى خلانا مسكت البندقيه الالى ودخلت اتفرجت على السلاحليك طلعت فى دماغى انا يبقى عندى بندقيه وبعد زن كتير على بابا وكنت بروح اضرب عن بتوع البومب وكده ورغم ان بابا كان بيخاف عليا اووووى جابلى بندقيه وانا فى تالته ابتدائى وهى لسه معايا لحد دلوقتى بعد محاولات طبعا مع النبله والفخ والكلام ده وانا فاكر انى كنت بحب اتعلم الرمايه لاكن مصدتش حاجه الا عصفوره ويمامه وانا فى بلدنا ومجبتهومش لانهم وقعو فى الترعه
وبعد زمن كبير وبوظان للبندقيه وظب فيها
الان بقت كأنها لسه خارجه من المصنع يمكن اقوى واحسن
وبعد ما تعرفت على المنتدى الجميل ده وحبيتها اكتر ورجعت خلتها جديده
طلعت مع السفاح حوكا فى هذا الشهر الكريم وكانت رحله فى غايه المتعه بجد وهو شخص فى منتهى الذوق والاخلاق
وياريت اى صياد عاوز ونس معاه فى رحله يقولى وانا جاهز فى اى وقت حتى استفاد من خبراته واتعرف عليه
وشكرا ليكو واسف جدا للاطالع وتقبلو مرورى

[amr naser]

مشوار جميل جداا وعلى فكره انا عندى رمسيس برده ونااوى اجيب حاجه اقوى انشاء الله شكراا على مروروك ونورت الموضوع

[عادل عبده]

ياباشا شكرا لحضرتك انت على الموضوع
بس انا من وجه نظرى لو انت مش بتطلع تصطاد ومحترف اوووووووووووى خليك مع الرمسيس جميله جدا وبعدين ممكن تظبطها
اناظبطت بتاعتى وفعلا رجعت احسن من ماكانت جيالى من المصنع عشان انا فعلا لما بابا اشترهالى جبهالى من المصنع نفسه مش من محل سلاح

[amr naser]

انا معاك بس الواحد برده عايز حاجه اقوى لان الرمسيس مش قويه يعنى من على مسافات وبعدين انت كاتب رمسيس وقريبا دبابه يعنى دى حاجه فى الصيادين

[عادل عبده]

ايوه الصياد طول عمره بيحلم بالافضل ومش عمره هيشبع انا لو امكانياتى تسمع هقلب البيت سلاحليك ولغايه ما اجيب الخرطوش وبرده لو جبت الخرطوش مش هتشبع عاوز تجيب قناصه وبعدها عاوز تجيب حاجه اقوى

عشان كده يا اخى العزيز انا بقولك انا عمرنا ماهنشبع من البنادق فانا قررت انى مش هجيب حاجه غاليه الا لما احترف الصيد زى اخواننا الكبار فى المنتدى كده زى الاستاذ عصام عاصم والاستاذ امير والدكتور محمد محسن وعندك السفاح حوكا سفاح قديم وبرده برمسيس بترجع للصياد انا بس مش عاوز انسى حد من الصيادين عندك روك برده ماشاء الله عليه وعندك اخونا الكبير ابو عامر ديه الناس اللى سعدنى الحظ وتواصلت معاهوم عن طريق الكومنتات بس اللى عاوز اقولهولك ان الصياد عليه عامل كبير الموضوع مش موضوع بندقيه وبدل احنا مش ممارسين الهوايه اوووووى يبقى نصبر انا عن نفسى قررت مش هجيب حاجه اقوى الا لما ابقى متمكن من الهوايه وبمارسها باستمرار ساعتها هجيب اللى يسعدنى على تحقيق مراحل اكبر فى الصيد وشكرا ياعمرو باشا على التواصل واسف لو طولت وصدعتك تقبل مرورى

[amr naser]

والله يا عادوله عداك العيب وانا معاك وناوى اعمل زيك بالظبط ده قصدى يعمى ومتتاسف تانى ياعم انت تشرف فى اى وقت لا صداع ولا حاجه ونورت مره تانيه وشكراااا

[عادل عبده]

والله يا عادوله عداك العيب وانا معاك وناوى اعمل زيك بالظبط ده قصدى يعمى ومتتاسف تانى ياعم انت تشرف فى اى وقت لا صداع ولا حاجه ونورت مره تانيه وشكراااا

شكرا ليك ياعمور ولو عوزت اى حاجه فى تظبيط الرمسيس انا ظبطت بتاعتى تظبيطه حلوه وانا تحت امرك ياباشا فى اى وقت

[amr naser]

تليفونك كم

[عادل عبده]

0118739649 او 0196891589

[amr naser]

ومستنين حكايات الصيادين

[amr naser]

فيين حكايتكم

يا جماعه