تعالوا نضحك شوية على النصابين تخيل لما يكون مسدس ضعف تمنه 3 مرات

[Zero]

أثناء تصفحى لأحدى المواقع أنا هحط اللينك بس والمصحف مش قصدى أننا أعمل دعاية لان الموقع دة متخصص فى شئ تانى خالص غير السلاح , وجدت اعلان لمسدس والتر بى 99 الى سعره بيكون فى حدود 1300 جنيه أو المفروض يكون بالسعر دة بس المرة دى بقى لقيته بكـــام ؟


بصوا الكلام دة متاخد من الأعلان كوبى

[quote]

مطلوب 4000 جنيه غير قابل للتفاوض اللي عارفين قيمته يقدروا يعرفوا سعره

لانه 9 مل وممنوع ينزل مصر من سنين لانه مسدس الصوت الوحيد اللي ماسورته حديد
اللي موجود في مصر حاليا 8 مل وماسورته زهر زي كل مسدسات الصوت
..............و اللهم بلغت اللهم فأشهد
و النصب شغال على ودنه

[za2r2lel]

لا حول ولا قوة الا بالله

ربنا على الظالم والمفترى

[Masterssss]

اي كلام بيتقال يا عم الحج قالك 4000 جنيه هو في كدا في الدنيا

[shawkypuma]

الى مايعرفش يقوووول عدس...وربنا يستر ان حد مايعرفش يقع فية...بس انا ماعتقدش ان فيه حد سازج للدرجة دى ...عموما شكرا على المعرفة

[أحمد عطاالله إبراهيم]

اه يا نصاب .. 4000 جنيه ومستعمل .. ده قدامى 9 مللى ب 1600 جنيه جديد بالعلبة وجراب هدية كمان وانا مش راضى اجيبه

[أميجو]

رزق الهبل على المجانين

[smsmn8888]

ياباشا الناس دي كتيررررررررررررر اوى صدقني احلا موقع فعلا للشراء مسدسات صوت او بنادق هو الصيد في مصر غير كدا النصب والاستغلال شغال واحنا هنا بنحارب اي شخص بالاسلوب دا لو دخل بيتعمل علية حفلةةةةةةةةةة

[marwan]

نصب في نصب

[old hunter]

في من ده كتير ويعني الي مش فاهم بياخد علي قفاه

[كفافى1]

نصب عينى عينك

[tarekvb]

حرام الحلف بالمصحف الحلف بالله فقط

[hogan]

ياجماعه انتو مستغربين ليه انا لى صديق بالاقصر اتبعله الجاك دويل المفتوح على انه حى ب 9000 جنيه واللهى ولو عيزين الراجل الى اتنصب عليه معايا واقبلكو بيبه ولما كلمنى وقالى انه اشترى حته حى 9000 استغربت راح مدينى المواصفات ولما عرفت قلتلو انه اتنصب عليه كان هيموت فيها