اغرب خبر واغبى تصرف

[شهريار]

لقاهرة - أ ش أ

أصدر منصور عيسوى وزير الداخلية، قرارا باعتبار التخلي عن أى سلاح غير مرخص مستولى عليه من المواقع الشرطية وتسليمه للجهات الشرطية مبررا للترخيص بحيازة سلاح "طبنجة للدفاع" للشخص القائم بعملية التسليم دون مساءلته قانونيا.

وأعلنت وزارة الداخلية عن تخصيص خطى تليفون للمواطنين الراغبين فى تسليم الأسلحة غير المرخصة والتنسيق بشأن إجراءات التسليم والترخيص وهما ( 24888888 - 24884500), وحثت الوزارة كافة المواطنين التعاون معها من أجل إرساء الأمن والاستقرار فى البلاد.

تأتى تلك المبادرة فى إطار حرص وزارة الداخلية على عدم وقوع المواطنين الشرفاء تحت طائلة المساءلة القانونية، وتحفيزا وتشجعيا منها على إتخاذ المواطنين مبادرة تسليم ما بحوزتهم من أسلحة نارية غير مرخصة.

[pooforever_2010]

هههههههههههههههههههههههه
كمين يا ريس

[ayman71]

فعلا قرار غبى جدا يعنى يسمحو للحراميه و البطلجية الى هجمو على الاقسام بالترخيص و الناس المتحرمة لا

[smsmn8888]

يعني اي واحد مع مسدس مش مرخص وراح يسلمة لة الحق في ترخيص مسدس بعد ذلك ولا المقصود بالاسلحة المتهربة من الاقسام بس بصراحة يقول زى ما هو عايز يقول المهم الذي يسمع الشرطة مش هتتغير

[عراف]

بهدوووووووء ....... كل حالة تسليم سلاح أعتقد أنها ستدرس على حده
و الترجيح للمواطن الشريف و ليس كلاب السكك
و أعتقد أنه قرار سليم ...... و ربنا يقدم ما فيه الخير
تحياتى

[pooforever_2010]

يا جماعه ده ضحك على الدقون
اولا المسجلين استحاله يسلموا حاجه لانهم استحاله يرخصوا بجد
ولو حد من المحترمين كان اشترى مسروق ايام الثورة وسلم
حيمشى بالنظام القديم كل مايسأل على الترخيص يسمع الكلمه الشهيرة( فوت علينا بكرة )
تحياتى

[blow c06]

انا بافكر اشترى واحد دلوقتى و اسلمه عشان ارخص

[hema777h]

بيلف وبيدو علي مين انا مش عارف

[hossam _alking]

ياجماعة الموضوع ان مفيش حد سلم اى قطعة من السلاح المسروق رغم الكثير
من الاغراءات والكثير من المبادرات
واعتقد انها لن يتم تسليم اى شئ

[pooforever_2010]

تصدق كل ما اقرأ ردودك احترامي لعقليتك بيزيد .. هو ده اللي هيحصل مليووووووووون في المية
ربنا يكرمك يا فندم
والله ده احساسى والحمد لله
ان فيه ناس شايفه انى صح
رغم ان ناس كتير بتهاجمنى بسبب رأيى ده
بس والله اهم حاجه عشان البلد دى تبقى تمام
الاهتمام بالناس الغلابه
اللى شايله البلد على كتافها
اظن الكل ملاحظ حكايه الزباله اللى ملت الشوارع
عشان اضراب كام يوم من العمال (ومش بقلل منهم )
والحكومه كل حاجه سهله عندها وتقول حنتعاقد مع شركه اجنبيه تانى
طيب امتى لما نص الشعب يموت من الامراض
تحياتى لكل الغلابه اللى من غيرهم بجد حنموت

[ahmedalim]

يعنى انا لو اشتريت سلاح دلوقتى هيترخص وله لا

[محمد ياقوت]

وحتى لو حصل هو انتو فاهمين انهم يرخصو لحد ههههههه كل ده ضحك على الدقون ههههههه همالسه فاهمين ان الشعب لسه نايم وبيصدقهم

[سرسور]

ياحماعة راجعوا الكلام بدقة
(( باعتبار التخلي عن أى سلاح غير مرخص مستولى عليه من المواقع الشرطية وتسليمه للجهات الشرطية مبررا للترخيص بحيازة سلاح "طبنجة للدفاع" للشخص القائم بعملية التسليم دون مساءلته قانونيا ))
معنى ذلك انه اذا اردت ان ترخص سلاح بدل تقديم سجل تجاري أو حيازة زراعية كمبرر للترخيص
تسليمك للاسلحة هو المبرر
راجعوا مبررات الترخيص و اجراءاته في الموضوع بالرابط
http://www.egypthunt.net/showthread.php?t=11973
وبذلك يكون لهم الحق في منحك الترخيص او عدمة
و بالنسبة لجملة دون مساءلتة قانونيا هذه حتى لا توجه لك تهمة حمل سلاح بدون ترخيص

[A.Seif]

ربنا يكرمك يا فندم
والله ده احساسى والحمد لله
ان فيه ناس شايفه انى صح
رغم ان ناس كتير بتهاجمنى بسبب رأيى ده
بس والله اهم حاجه عشان البلد دى تبقى تمام
الاهتمام بالناس الغلابه
اللى شايله البلد على كتافها
اظن الكل ملاحظ حكايه الزباله اللى ملت الشوارع
عشان اضراب كام يوم من العمال (ومش بقلل منهم )
والحكومه كل حاجه سهله عندها وتقول حنتعاقد مع شركه اجنبيه تانى
طيب امتى لما نص الشعب يموت من الامراض
تحياتى لكل الغلابه اللى من غيرهم بجد حنموت
عندك حق فى كل حرف
مشكله الزباله اللى بقت زى الجبال فى احجامها
مشكله العربجيه اللى بيرموا مخلفات البناء او توضيب الشقق فى الشوارع لدرجه ان فى بعض الطرق اتقفلت وتفضل كده لحد مايجى واحد ابن حلال يأجر لودر و يمسح الشارع علشان يفتحه تانى...المشكله فى السلاح و تسليمه...المشكله فى ان مستوى الامن يكاد يكون منعدم فى بعض المناطق
عمرى ما فكرت فى اقتناء سلاح نارى الا بعد الاحداث اللى حصلت فى البلد..

[hema777h]

المشكلة انهم مش عرفين يستغلو القمامة ويتعمل مصنع لاعادة استخدمها مرة تانيئة برغم من تصنيع المصانع دي في الهيئة العربية للتصنيع انا مش عارف الي بيحصل في البلد دااا لمصلحة مين ..................

[A.Seif]

فعلا...فى مثل انجليزى بيقول :let`s transfer TRASH to CASH
يعنى نحول القمامه الى فلوس كاش عن طريقه التدوير من المنشأ..بمعنى انه يكون فى كل بيت 2 باسكت قمامه..واحد نرمى فيه كل الاشكال العضويه فقط (خضار- بواقى المطبخ من مأكولات) و باسكت اخر للمواد الغير عضويه( اوراق بلاستيك - زجاج- كلم ما هو صناعى الخ)
العمليه دى و هى فصل القمامه من المنشاأ بتوفر فلوس و ووقت فى الفرز عند منطقه الزبالين بمنشيه ناصر ..يعنى مثلا طن علب الكولا (الكانز) تقريبا بيتباع ب 1500 جنيه للمصانع اللى محتاجه و هكذا بالنسبه للبلاستيكات و الزجاج و الاوراق..وده برضه اللى بتعمله جمعيه رساله
عذرا للاطاله

[pooforever_2010]

فعلا...فى مثل انجليزى بيقول :let`s transfer trash to cash
يعنى نحول القمامه الى فلوس كاش عن طريقه التدوير من المنشأ..بمعنى انه يكون فى كل بيت 2 باسكت قمامه..واحد نرمى فيه كل الاشكال العضويه فقط (خضار- بواقى المطبخ من مأكولات) و باسكت اخر للمواد الغير عضويه( اوراق بلاستيك - زجاج- كلم ما هو صناعى الخ)
العمليه دى و هى فصل القمامه من المنشاأ بتوفر فلوس و ووقت فى الفرز عند منطقه الزبالين بمنشيه ناصر ..يعنى مثلا طن علب الكولا (الكانز) تقريبا بيتباع ب 1500 جنيه للمصانع اللى محتاجه و هكذا بالنسبه للبلاستيكات و الزجاج و الاوراق..وده برضه اللى بتعمله جمعيه رساله
عذرا للاطاله
معلومات قيمه
بس صدقنى مش حتحصل
لانك فالكفر
اقصد فمصر
تحياتى