أبو فصاده بيتاكل؟ طعمو حلو لو ممكن ناكله؟

[mroyalhunter]

أبو فصاده بيتاكل؟ طعمو حلو لو ممكن ناكله؟

أنا عرف مكان فيه شجر بايت عليه بالآلاف

[emam]

من خلال تفاعل الاعضاء مع بعض في هذا الموضوع
نعم يأكل ولكن من الناحية القانونية ممنوع صيده
وأنا ملاحظ أنه دايما يبيت شرق مكان راعيه ولا أعرف السبب
أنا لم أجرب صيده أو حتي طعمه ممكن يفيدك الاعضاء في المنتدي العظيم
تقبل مروري

[mroyalhunter]

إنت كدة يا باشا تقريباً أصدك أبو قردان... أنا قصدي أبو فسادا الرمادي في أبيض في اسود. بييجي فالشتاء بطلائيه كتير عل أسفلت بيهز دلو كدة فوق و تحت.

[smsmn8888]

اة كداا صح

[emam]

أسف أخي أختلط الامر علي تقبل مني الاعتذار
شكرا للتصحيح

[محمد طه]

لو بتسأل حلال ولا حرام فهو بيتهيألي زي العصفور
وان كنت بتسأل عن طعمة ممكن تاكل واحد انت وتقول لينا هو حلو ولا اية..........................

[mroyalhunter]

أصل كان واحد صاحبي صياد بردو كان ألي د مش بيتاكل. من من ناحية حرام ار حلال. ن فاهم إنو ذي العصفور. أنا أصدي أتأكد من كلامه . هو كان وجهة نظره أن مش نضيف في أكلو بس أنا بشوف بياكل ذي العصافير. يا ريت الإفادة

[محمد سليمان]

انا عتقد ان هى دى صورته بس معرفش اذا كان بيتاكل و لا لا

http://file5.9q9q.net/img/84478512/a11.jpg

و انا على العموم بلاقيه طول السنه يعنى بس اللى انا بشوفه بيبقى ديله اطول من ده شويه و مش بيبقى واقف على بعضه خالص :)

[gamal abdelhak]

انا عتقد ان هى دى صورته بس معرفش اذا كان بيتاكل و لا لا

http://file5.9q9q.net/img/84478512/a11.jpg

و انا على العموم بلاقيه طول السنه يعنى بس اللى انا بشوفه بيبقى ديله اطول من ده شويه و مش بيبقى واقف على بعضه خالص :)

نعم هو ده ابو فصاده وحلال اكله ولكنه بياتى فى الشتاء فقط وشكرا.

[محمد سليمان]

شكراً يا استاذ جمال لتصحيح المعلومة :)

[gwad]

صبعا بيتاكل وطعمه حلو جدا مع الرز العربي وو طير مهاجرواكل للحبوب

[أسامه خطاب]

بو الفصاد ( أبو فصادة ) هذا هو الاسم الشائع له في مصر واسمه باللغة العربية هزاز الذيل وهذا الطائر من الطيور المهاجرة التى تأتي إلى مصر في الشتاء
ومنذ صغري وأنا أعرف انه يمكن أن نأكل العصفور لكن لا نأكل ابو فصادة
أما حلال أم حرام فالله ورسوله أعلم

[Oonyx]

بص يا مصطفى ابوقردان ممكن اكله وانا شخصيا اكلته قبل كده لاسباب صحية وطعمه كان شبه البط. بس الواحد مابياكلوش عشان فايدته فالحقول وخلافه,كذلك أبوفصادة.
أما عن حرمانياته فاحنا طبعا عارفين إنه مش حرام وده راجع لمعنى الحديث الشريف إن طالما الطير معندوش مخلب ولا ظفر, عادي إنك تاكله.
يعني مثلا حرام إنك تاكل البومة أو السيبري أو الصقر أو الحداية, وكمان ماينفعش إنك تاكل غراب عشان بياكل جيفة.
المقصود بالمخلب والناب والأظفر إنهم بياكلوا لحوم.وعلى فكرة أبوفصادة طعمه حلو أنا كنت ضربته بالغلط وستحرامت ارميه فاكلته.
يارب اكون وضحت الفكرة.........تقبل مروري.عامر.

[mroyalhunter]

shokran ya shabab el montgada el gamdeen
ana bsara7a weghet nazary enno zay el 3asfoor.... ana asdy benesba enno byakol zay el 3asfoor. fa akeed ta3mo zay el 3asfoor..

ana benesbaly ha3len 3aleh el 7arb 7'alas :)

[Oonyx]

:( مابلاش احسن!

[هشام سمير]

طيب يا جماعه بعد اذن حضرتكم فيه طائر غريب فى حجم ابو قردان كده او اكبر شويه لونه رمادى بيطير فى مجموعات منقاره محدب ومش طويل وجناحه طويل ممكن حد يقولى اسمه وهل هو بيتأكل ولا لا علشان لو بيتاكل يبقى انا عندى ثروه كبيره لانه بيبيت على شجره بمجموعات هائله وهو فى حجم الفرخه

[Karim Eid]

يا عم ابو فصاده مليان في الغيطان ده غير اني انا بشوفه علطول بس بستحرم اصطاده
حاسس انه مش فيه اي حاجة تتاكل

[salahfareed]

طيب يا جماعه بعد اذن حضرتكم فيه طائر غريب فى حجم ابو قردان كده او اكبر شويه لونه رمادى بيطير فى مجموعات منقاره محدب ومش طويل وجناحه طويل ممكن حد يقولى اسمه وهل هو بيتأكل ولا لا علشان لو بيتاكل يبقى انا عندى ثروه كبيره لانه بيبيت على شجره بمجموعات هائله وهو فى حجم الفرخه
دة طائر الواق وفيه منه اشكال واحجام مختلفه
وهو يبيت على الاشجار العاليه ولو رحت عند حديقه حيوان الجيزة حتلاقيه هناك بكثرة:)بس طعمه مش ظريف وبه كثير من الزفر ومع ذلك جرب ىن سمعت ان فى ناس بتاكله وربك يسهل:eek:

[Gamohunter]

هوه اللى انا اعرفه ان ابو فصاده طعمه جميل لكن ما بيتتاكلش

[أبو زياد]

هوه اللى انا اعرفه ان ابو فصاده طعمه جميل لكن ما بيتتاكلش
طيب ازاى هههههههههه

[حسام عبادي]

في حاجات كتير أكلها مباح شرعآ ولكن محرمه عرفآ
مثلآ فيه كذا مكان شفتهم في الأرياف الناس فيها بترفض وتمنع صيد اليمام

[ابوشعبان]

مستغرب ليه انه طعمة حلو بس مابيتاكلش ..
دى حاجة واضحة جدا .. طبعا لو كلته هتلاقى طعمه حلو .. بس هو مابيتاكلش.. اظن دى حاجة واضحة جدا

[محمد الحلوانى]

السلام عليكم بيتاكل ايه يا رجالة من الواضح انكم ابيض
اولا ده كل اكله حشرات
ثانيالا تاكل اى شىء غذاءه الرئيسىالحشرات ولا يا كل الحبوب والا عاوز تجرب برحتك
هذه الطيور لا تاكل ( الهدهد_ ابو الفصاد_الوروار_ الخضيرى_الواقة_ السئساق_ ابو قردان_ الجوارح)
على فكرة لى صديق اكل صقر كوهين بش هحكى الايحصل
اخوكم محمد الحلوانى

[galal khalifa]

السلام عليكم بيتاكل ايه يا رجالة من الواضح انكم ابيض
اولا ده كل اكله حشرات
ثانيالا تاكل اى شىء غذاءه الرئيسىالحشرات ولا يا كل الحبوب والا عاوز تجرب برحتك
هذه الطيور لا تاكل ( الهدهد_ ابو الفصاد_الوروار_ الخضيرى_الواقة_ السئساق_ ابو قردان_ الجوارح)
على فكرة لى صديق اكل صقر كوهين بش هحكى الايحصل
اخوكم محمد الحلوانى

الاخ الكريم محمد الحلواني
الناس مش ابيض ولا حاجة الراجل بيسأل وبيستفسر لا اكثر ولا اقل وحضرتك كاتب الخضيري اذا كنت تقصد البط الخضير فهو بيتاكل وبعدين في اوقات اليمام بياكل الدود يبقا مش ها نكلة تقبل مروري

[طلعت بخيت بسكالس]

أستاذ محمد
صعب قوي موضوع أبيض ده....................
يبدو أن حضرتك لم تتصفح المنتدي جيدا أأمة الصيادين بمصر معظمهم بهذا المنتدي ومنهم من تجاوز الستين من عمره
وهوايته الوحيده أبا عن جدا هى الصيد البري وزي ماتفضل الأستاذ جلال مفيش حاجة بيطلق عليها خضيري سوي البط الخضيري وأسمه بالأيطالي Germano و بالأنجليزي Mallard وهناك الكثير من الصيادين يفضلون الأسم الفرنسي كول فير يعني الرأس الخضراء وهو قبلة الصيادين في العالم ويبدأ هجرته من أوروبا لمصر في بداية شهر نوفمبر ويعود مهاجرا مرة أخري لموطنه الأصلي مع فصل الربيع في شهر مارس لذلك نطلق علي هذه الأيام موسم الرده أو نهاية الموسم ورغم كل التحذيرات من أنفلونزا الطيور والأخطار المحيطة بهذا الموضوع ألا أن نادي الصيد المصري العريق لديه برك خاصة تعلف سنويا أستعدادا لهذا الموسم وغالبية أعضاء النادي الموقرين أن لم يكونوا كلهم يذهبوا لصيد هذا الطائر الرائع الذي لا تضاهي متعة صيده وأكله متعة أخري حتي هذا العام
وتفضل بقبول فائق التحية

[Karim Eid]

هدي نفسك يا استاذ طلعت انت واستاذ جلال الراجل غلطان بس اعذروه برده هو لسه صياد مش محترف ولا حاجة وشكله كده لسه ماخدش على الصيادين المحترفين بتوع المنتدى

[طلعت بخيت بسكالس]

ومين قالك ياكريم أن فينا حد مش هادي؟؟؟؟؟؟؟؟؟؟؟؟؟؟؟؟؟؟
أحنا بنوضح صورة ليس ألا وبأسلوب مهذب وراقي
ثانيا مين قال لك ان الراجل مش صياد محترف ده محترف ونص هو أنت مفكر أن الصياد المحترف اللي مكتوب تحت أسمه كده في المنتدي ده بيحصل بعدد المشاركات وفي ناس لاتفقه شئ عن الصيد ومكتوب تحت أسمهم صياد محترف ويكفي أن الراجل ده دخل المنتدي عن طريق الرائع أبو الشوق
ثالثا كلامك أنت ده اللي ممكن يزعل الناس من بعضها .
أرجوك ماتزعلش من كلامي بس بص في مشاركتك كده مره تانية وهتلاقي أن اللي بقوله مظبوط

[galal khalifa]

هدي نفسك يا استاذ طلعت انت واستاذ جلال الراجل غلطان بس اعذروه برده هو لسه صياد مش محترف ولا حاجة وشكله كده لسه ماخدش على الصيادين المحترفين بتوع المنتدى

ياعم كريم انت بتقول هدي نفسك وكمان طلعت انت شايف ان احنا بنقطع في هدومنا الراجل علق وانا علقت علي كلمة ابيض ودية كلمة محدش يقولها في منتدي قارب ام تعدي الف عضو منهم اطباء ومهندسين وضباط ومحاميين ومحاسبين واصحاب شركات وطلبة ومنهم من محبي الصيد والهواية ومن الممكن ان يكون حرفيا او صاحب حرفة او مهنة وذلك لاينقص من احد شيئ ولكن الاسلوب هو الاساس في التعامل نرجو من الاعضاء احترم الاخرين حتي ولو علي مستوي المزاح او الهزار

[Karim Eid]

انا اسف يا استاذي معلش

[BooGY]

انا بقول اعمر واضرب على نفسى فى المليان ...............يا ناااااااااااااااااااااااااااااااس حرام عليكم (( قال صلى الله عليه وسلم : الحلال بين والحام بين وبينهما امور مشتبهات فاجتنبوا الشبهات )) محدش يفتى بغير علم وطالما فيه اختلاف ممكن حد من الاعضاء الكرام يسأل واحد من مشايخنا الافاضل عن الانواع الحلال والحرام ويعرضها فى موضوع وانتهى الامر مش مستاهلة الجدال ده كله وفى الآخر موصلناش هو بيتاكل ولا لأ ؟؟!!!!!!!!!!!!!!

[BooGY]

انا بقول اعمر واضرب على نفسى فى المليان ...............يا ناااااااااااااااااااااااااااااااس حرام عليكم (( قال صلى الله عليه وسلم : الحلال بين والحام بين وبينهما امور مشتبهات فاجتنبوا الشبهات )) محدش يفتى بغير علم وطالما فيه اختلاف ممكن حد من الاعضاء الكرام يسأل واحد من مشايخنا الافاضل عن الانواع الحلال والحرام ويعرضها فى موضوع وانتهى الامر مش مستاهلة الجدال ده كله وفى الآخر موصلناش هو بيتاكل ولا لأ ؟؟!!!!!!!!!!!!!!

[البورسعيدي]

هو طبعا حلال أكله لإنه نوع من العصافير ، بس أنا يا جماعه عندي رأي إنه مفيش داعي أبدا لصيده لإن حجمه صغير ، وكفايه إنك تستمتع بمتعة النظر وسماع صوته الرقيق ، دا مجرد رأي

[أسامه خطاب]

زمان حصل معايا موقف مؤثر جدا بالنسبة لي
في السابق عندما يروي الفلاح أرضه تجد أن الحقل امتلأ باللون الأبيض لكثرة أعداد أبو قردان ثم جاءت فترة من الزمن قلت فيها الطيور الصديقة للفلاح والتي تساعده بأكل الحشرات من الحقول مثل ((أبو قردان)) وذلك بسبب المبيدات
وفي هذه الفترة صدت احد طيور أبو قردان والموقف الذي أثر في هو أني وجدت باقي الطيور في الحقل تجمعت حول هذا الطائر وتنظر الى الطائر ثم تنظر إلي ثم طارت كلها في سرب واحد مبتعده عن هذا المكان وقال لي الرجل صاحب الحقل هذه العباره ( ليه كده يا أستاذ دا إحنا ما صدقنا إنه رجع تاني ) وتأثرت جدا بهذا الموقف وعقدت النية على عدم صيده مرة أخرى
لذلك فإن أبو فصاده وأبو قردان وما شابههما من الطيور تقوم بدور عظيم جدا في مقاومة الحشرات والديدان التي تضر بالزراعة والتي عجزت أغلب المبيدات في مقاومتها
وحرصا على المنفعة العامة يرجى عدم صيد هذه الطيور وأن نتركها تحيا بسلام وأمان .