امان الحلوان 920 المرعب

[maemk]

الحمد لله اشتريت الحلوان 920 جديدة بس مش فاهم نظام الامان فيها ياريت حد من ذوي الخبرة يفيدني في هذا الموضوع خاصة اني مرعوب بجد من نظام الامان فيها لاني لما شديت الاجزاء وحبيت اامنها لقيتها ضربت لوحدها وطبعا ماكنتش حاطط فيها طلقات وربنا ستر بس مش عارف ده عيب فيها ولا طبيعي وانا اللي مش فاهم .. ارجو الافادة ولكم الشكر

[القناص2010]

السلام عليكم لنا جربت الحلوان بس العادى والامان بتاعة انك تسحب الشاكوش للخلف لحد ماتسمع تكة صغيرة بس ما تسحبوش لاخر المشوار بتاعة يادوب 3 ملى دا الامان بتاعة وبيتفك اتوماتك عند شد الاجزاء او سحب الشاكوش لاخر المشوار بتاعة ويكون جاهز للضرب شوف كدة ممكن يكون زية وارجو ان اكون افدتك وكل عام وانتم بخير

[Mohamed Alaa Zaazaa]

أول حاجة: ربنا يكفيك شره
تاني حاجة: متحاولش إنك تحط فيه أي طلقات إلا لما تقعد مع واحد فاهم يعلمك
تالت حاجة: إجابة سؤالك:
الحلوان ال920 الأمان إللي فيه هو إنك بتقلب إبرة ضرب النار، بحيث إنك حتى لو ساحب طلقة في الماسورة وضربت عليها مش هتضرب.
وده الصورة
لما النقطة الحمرا تبقى باينة يبقى جاهز للضرب (صورة 1)
لما تبقى مش ظاهرة يبقى متضربش نار (صورة 2)
http://www.saifoali.org/up/files/z9v8axq1yej1qe66txmu.jpg (http://www.saifoali.org/up/)

http://www.saifoali.org/up/files/z9v8axq1yej1qe66txmu.jpg (http://www.saifoali.org/up/)

خالي بالك إنك لو ساحب الأجزاء وجيت تأمنه - زي مانتا عملت - الطارق بيضرب، بس متخافش لأنك بتكون قلبت الإبرة.

[Mohamed Alaa Zaazaa]

أنا أسف الصورة رقم (2) هي دي
http://www.saifoali.org/up/files/qu226b17z1hzy0bvfzns.jpg (http://www.saifoali.org/up/)

[Mohamed Alaa Zaazaa]

وعلى فكرة أمان النص تكه إللي الأستاذ القناص بيقول عليه مبينفعش في الحلوان 920، لأنه فيه دبل أكشن، فحتى لو عملتها وجيت تضرب هيضرب معاك

[mo_rateb]

أول حاجة: ربنا يكفيك شره
تاني حاجة: متحاولش إنك تحط فيه أي طلقات إلا لما تقعد مع واحد فاهم يعلمك
تالت حاجة: إجابة سؤالك:
الحلوان ال920 الأمان إللي فيه هو إنك بتقلب إبرة ضرب النار، بحيث إنك حتى لو ساحب طلقة في الماسورة وضربت عليها مش هتضرب.
وده الصورة
لما النقطة الحمرا تبقى باينة يبقى جاهز للضرب (صورة 1)
لما تبقى مش ظاهرة يبقى متضربش نار (صورة 2)
http://www.saifoali.org/up/files/z9v8axq1yej1qe66txmu.jpg (http://www.saifoali.org/up/)

http://www.saifoali.org/up/files/z9v8axq1yej1qe66txmu.jpg (http://www.saifoali.org/up/)

خالي بالك إنك لو ساحب الأجزاء وجيت تأمنه - زي مانتا عملت - الطارق بيضرب، بس متخافش لأنك بتكون قلبت الإبرة.

كلام رائع و صحيح 100% و مشاركة ممتازة

[mosa_mody]

السلام عليكم.كلام الاستاذ محمد صحيح تمام وربنا يكفيك شره

[The last knight]

طبعا كلام استاذ محمد صحيح100% دى خاصية اسمها decoking موجودة فى مسدسات كتير ان الطلقة تبقى داخل الماسورة ولما تأمنه يرجع الشاكوش مع قلب الابرة زى السيج وحتى الريتاى الصوت بس فى الريتاى بيبطء بس سرعة الشاكوش فالابرة ماتضربش انما فى السيج الابرة بتتقلب طبعا وبرضه الوالتر بس فى ناس كتير مابتعرفش ايه اللى بيحصل لما بيضغطوا على الزرار ده فى العتلة مع مراعاة ان الوالتر بيعمل بنظام سترايكر وطبعا فى الحلوان عملوا النظام ده لانه بقى معموا به فى كل البريتات وممكن تضرب مباشرة بالغاء المان لان الطلقة فى الماسورة والمسدس دبل اكشن بس طبعا لو ضربت كدة بتقل دقة النشان لان ايدك حاتتحرك وانت بتضغط على اللتك عشان يشيل الشاكوش انما من تانى طلقة الدقة حاتبقى احسن ومبروك على الطبنجة وربنا يكفيك شرها وياريت تتعود عليها كويس قبل استعمالها وتتأكد دائما ان الماسورة فاضية قبل اى لعب فى المسدس عشان تنظيف او اى حاجة

[tarekvb]

جيبتها على كام ؟

[maemk]

الف شكر لكم جميعا - وخصوصا الاستاذ محمد - والله ما عارف اشكركم ازاي انتم بجد رائعون جزاكم الله خيرا
بالنسبة للسعر انا اشتريتها من مصنع 54 المعادي يوم 30 /7 /2011 مستفيد من تخفيض بالنسبة لجهة عملي وسمعت انها غليت من يوم 1 /8 /2011 حتي بالنسبة لجهة عملي لكن ما عرفش بقت بكام والسعر بعد التخفيض كان مناسب الي حد ما .. علي فكرة انا مش غاوي سلاح بس جبتها مضطر لطبيعة العمل والظروف الحلوة اللي البلد فيها .. ربنا يكفينا شرها