عيوب البام 21 و النوريكا جيت

[midodido]

يا جماعة انا محتار بين البام 21 و النوريكا جيت, عاوز اعرف عيوب البام و الجيت -- اذا كانت البام وزنها ثقيل فهذا ليث مشكلة بالنسبة لى - بس اهم حاجة صوتها اية؟؟ عالى جدا ولا متوسط -- و ياريت تقولولى ترتيب البنادق اللى فى مصر بحيث الصوت الخفيف.

[محمد رضا العبد]

هوا دا الكلام.... ياريت يا جماعه تكون المعلومات مفصله عنى البندقيتين البام والنوريكاا ونشوف مين الى هتكسب
وكل عضو يقول رايه

وبالنسبه لرايى والمعلومات الى انا جمعتهاا كالاتى
بالنسبه للبام
عيوبهاااا
1 الوزن الثقيل 5 كيلو الى شويه تقريبا على حد علمى
2 الدقه مش عاليه اوى وكتير بينصحوا باستخدام تلسكوب عليهااااا ودا كان سبب بيع البندقيه لكثير من الاعضاء
وطبعا قوتها خارقه ونمره 2 كمان وبندقيه تدخل فى شريحة الهاى بور تاثيرها عالى جداا على الطيور
وما اعتقدش ان فيه عيوب تانيه غير كدااااا

بالنسبه للجيت
عيوبها كالاتى
1 خامات ضعيفه الى حد ما تحتاج معامله خاصه ومحافظه دائمه
2 عيب خطير جدا وهو اعوجاج الماسوره مع الوقت نظرا لان الماسوره تستخدم فى التعمير ودا عيب البنادق من هذا النوع
3 سرعتها العاليه جدا مع عيار نمره 1 يعنى الطير بيتسرق وبيكون التاثير غير فعال على الطيور بعكس البام
وسرعتها تصل ل 305 م \ث

بالنسبه للسعر
الجيت من 1800 الى 2400 سبحان الله التجار دول هيجننونااااا
البام من 2000 الى 2800 كانت ب 1700 منهم لله

وهذه خلاصه ما قراته فى منتديات الصيد

وتحياتى لييك لانك فتحت موضوع مهم

[أحمد عطاالله إبراهيم]

انا معايا النوريكا جيت معايا بقالها اسبوع ويومين والبندقية بسم الله ما شاء الله بعد ما غيرت الجلبة بتاعتها بسم الله ما شاء الله كسرت بيها قطعة حديد وكان فى ورا قطعة الحديد قطعة خشب واتكسرت برضه ..

والبندقية مدفع .. انا طلعت بيها طلعة صيد اول انبارح ونشنت على راس عصفورة وفعلا بسبب دقة البندقية جائت الرشة فعلا فى المكان اللى نشنت فيه فى راسها والعجيب ان دماغ البعصفورة (اتفرتكت ) ...

ولو عايز تشترى انصحك بالنوريكا جيت لانها فعلا مدفع جبار ولا تحتاج الى تليسكوب على عكس البام .. والنوريكا جيت مش هتلاقيها غير فى الاسكندرية عند فتح الله نظرا لانها ما عادتش موجودة زى الاول وبدأت اعدادها تقل وقريبا ان شاء الله لما تشح فى السوق سعرها هيعلى جامد جدا جدا جدا .. وهتمسك سعر كويس جدا لانها بندقية تعتبر فى بداية الهاى باور

[samraghost]

ايه الاخبار يا محمد لسه مارستش على بندقيه

[adel_7768]

السلام عليكم الاخوة الاعضاء بالنسبة للبندقية البام هي مش لازم يتركب عليها تليسكوب ولا حاجه علي شان تصطاد بيها وده راجع للصياد نفسه هي يعيبها وزنها فقط 4.700 كيلو وانا عن نفسي مش لاقي ده عيب وهي علي ما تتعود علي شيلها وانا عن نفسي افضل البام بندقية هاي باور الكوبي للديانا 52 واتمني أكون افدت حضرتك

[sahbany]

البام فخمة وليها هيبة

[Andria]

El bam tab3an akwa bekteer , we kol keta3 el thrust beta3et el Diana RWS 52 and 54 and 48 terkab 3aleha men gher moskela .

[محمد رضا العبد]

ايه الاخبار يا محمد لسه مارستش على بندقيه

لسه يا احمد محتااار ولسه بردو الفلوس ما وصلتش

تحياتى ليك يا احمد

واخبار البندقيه ايه بعد التظبيط

[samraghost]

ان شاء الله تستقر على حاجه بس من كل كلام الاعضاء انا شايف ان البام افضل بكتير لان اكبر عيب فى الجيت انها بتسرق الطير ومشكله الماسوره الى انت قلت عليها على العموم لما تنوى قولى وسلامى ليك وبالنسبه للبندقيه مش عارف ساعات بحس انها كويسه وساعات بحس انها مش مظبطه وزى ماتناقشنا ماتحسش انها بترضى غرورك بردوا فى المسافات

[Peace Missile]

السلام عليكم ....
اعتقد ان البام افضل بكتير وانا بصراحه مستخدمتش النوريكا جيت .. البام بندقية فعلا مدفع تقفيلها كويس .. وزنها التقيل حوالى 4.5 ك مش مشكلة .. نشانها ممتاز نشنت بيها من غير سكوب كانت روعه بجد .. وحصلت معايا مشكلة ومع اخ تانى بالمنتدى وهى كسر السوستة .. ومش عارف دة عيب فى البام ولا ممكن سوء استخدام .. لان انا شحمتها زيادة اوى قبل ما تتكسر لكن الخلاصة انا شايف ان البام فعلا تكسب وكفايه انه كوبى من الديانا 52 / 48 وممكن كل قطع الغيار بتاعتهم تركب ليها ..

[Andria]

We mom ken kaman terakeb sostet el 54 hey a heya el 52

[momo44]

انا استخدمت الجيت نمرة 2 والبام
ورأى الشخصى
الجيت طبعااااااااااااااا

[momo44]

انا استخدمت الجيت نمرة 2 والبام
ورأى الشخصى
الجيت طبعااااااااااااااا

[ابو مروان]

الجيت نمرة 2 بكام والبام بكام _اخر الاسعار؟؟؟

[أحمد عطاالله إبراهيم]

الجيت نمرة 1 واصلة 1800 : 1900 عند فتح الله اسكندرية

[أحمد عطاالله إبراهيم]

وبصراحة عن تجربة شخصية الجيت قمة فى الروعة وطبعا انا مش بقول ان البام وحشة بس البام صينى وتقليد للاير كينج والجيت اسبانى ..

وبصراحة انا ششايف ان الاتنين افضل من بعض بس برضه الجيت تكسب وبالنسبة لسرقة الطير لو استخدمت جامو ماتش مش هتلاق مشاكل خالص وعن تجربة شخصية .. وبالنسبة لاعوجاج الماسورة دى بتعوج بيتهيألى كده انى قريت من موقع موثوق انها بتعوج حوالى 1 ملى كل 10 الاف رشاية

نصيحة اتوكل على الله فى الجيت وادعيلى

[أحمد عطاالله إبراهيم]

شوف كمان الموضوع ده عشان تتطمن اكتر للجيت

http://www.egypthunt.net/showthread.php?t=1355&highlight=%E3%C7%D3%E6%D1%C9+%C7%E1%E4%E6%D1%ED%DF %C7

[samraghost]

انا استخدمت الجيت نمرة 2 والبام
ورأى الشخصى
الجيت طبعااااااااااااااا


كلامنا هنا او مقارنتنا بين الجيت نمره واحد مش اتنبن لكن لو الجيت نمره اتنين اعتقد ان نمره اتنين تكسب طبعا فياريت اعرف راى حضرتك فى الجيت نمه واحد بالنسبه للبام

[samraghost]

وبصراحة عن تجربة شخصية الجيت قمة فى الروعة وطبعا انا مش بقول ان البام وحشة بس البام صينى وتقليد للاير كينج والجيت اسبانى ..

وبصراحة انا ششايف ان الاتنين افضل من بعض بس برضه الجيت تكسب وبالنسبة لسرقة الطير لو استخدمت جامو ماتش مش هتلاق مشاكل خالص وعن تجربة شخصية .. وبالنسبة لاعوجاج الماسورة دى بتعوج بيتهيألى كده انى قريت من موقع موثوق انها بتعوج حوالى 1 ملى كل 10 الاف رشاية

نصيحة اتوكل على الله فى الجيت وادعيلى

حضرتك عندك جيت نمره واحد ؟؟؟ وياترى يه رايك حضرتك بنسبه لسرقه الطير يعنى من خلال تجربتك ؟؟ ويا ترى لما بتستخد الماتش مافيش طير بيتسرق ولا بردوا بيبقى موجود بس بنسبه ؟؟

[أحمد عطاالله إبراهيم]

حضرتك اللى عندى جيت نمرة واحد وبالنسبة لسرقة الطير استخدم رش جامو ماتش ومش هتلاقى سرقة طير ابدا ابدا .. انا طلعت طلعة اول انبارح كان بينى وبين عصفورة حوالى متر بالظبط وهى كانت وقفة على سلك كهرباء فوقيا بالظبط ونشنت عليها وضربت بالماتش وماتسرقتش ونزلت مقفولة يعنى يادوبك ضغطت على الزناد لقيتها نزلت فورا وكنت منشن فى مكان مش مميت كمان وهى صراحة فوق النمرة واحد وسعرها تحفة بالنسبة لقوتها هى قوية جدا وقيمة جدا وسعرها منخفض الى حد ما

بجد بندقية رووووعة

[محمد رضا العبد]

ان شاء الله تستقر على حاجه بس من كل كلام الاعضاء انا شايف ان البام افضل بكتير لان اكبر عيب فى الجيت انها بتسرق الطير ومشكله الماسوره الى انت قلت عليها على العموم لما تنوى قولى وسلامى ليك وبالنسبه للبندقيه مش عارف ساعات بحس انها كويسه وساعات بحس انها مش مظبطه وزى ماتناقشنا ماتحسش انها بترضى غرورك بردوا فى المسافات

لينا قاعده يا معلم وشكلنا كدا قريب هننزل نشترى البام مع بعض باذن الله

[midodido]

باذن الله نشترى البام مع بعض و الاستاذ هشام سمير يعملنا تخفيض

[samraghost]

ان شاء الله وانا مستنيكم نزل نشتريها سوا

[أحمد عطاالله إبراهيم]

الاستاذ ميدو .. انا نصحت حضرتك .. بلاش البام .... النوريكا جيت جمييييلة جدا جدا جدا اشتريها وادعيلى والله بندقية فوق الممتازة ..

مش هتندم والله والبام مش وحشة بس تقييلة وصينى لكن الجيت اسبانى ومحترمة جدا جدا جدا وسعرها ممتاز لكن البام انا شايف انها غالية جدا بالنسبة لسلعة صينى وطبعا كلنا عارفين ان الصينى اللى داخل مصر كله فرز الف

وفى الاخر القرار يرجعلك بس هتندم لو جيبت البام والله

[samraghost]

ايه رايك يا محمد فى كلام الاستاذ أحمد عطاالله إبراهيم

[أحمد عطاالله إبراهيم]

والله يا استاذ samraghost بجد بجد الجيت بندقية خطيرة جدا جدا جدا انا والله تانى طلقة بيها الرشة خرمت شجرة بس ما كانتش شجرة كبيرة دى كان سمكها صغير شوية وكملت كمان يعنى بعد الاختراق فضلت الرشة ماشية ولما طلعت اصطاد بيها كنت والله العظيم بفرتك بيها دماغ العصافير .. بجد بندقية قيمة وافضل من البام بالنسبة لى ..

وبرضه اكرر .... القرار يرجعلكوا

تحياتى

[محمد رضا العبد]

ايه رايك يا محمد فى كلام الاستاذ أحمد عطاالله إبراهيم

الجيت جميله واسبانى محدش قال حاجه ولكن البام صينى بس تحت اشراف امريكى وعيوبهاااا

تجعلهاااا تتفوق على الجيت على المدى الطويل وكفايه انك لما تشتريها كانك اشتريت ديانا 52

ونقدر نقوووووووول ان البام والجيت احسن من بعض

ولولا اختلاف الاذواق لبارت السلع

وتحياتى للجميع

[midodido]

مين صوتها و رد فعلها اعلى؟ البام ولا الجيت

[محمد رضا العبد]

اعتقد ان البام صوتها ورد فعلها اعلى من الجيت
يعنى عايزه واحد محترف ويكون عنده عضلااااات هههههههه

[samraghost]

ايه الاخبار يا محمد خلاص خدت قرارك ؟؟

[dr_mohasan]

حضرتك اللى عندى جيت نمرة واحد وبالنسبة لسرقة الطير استخدم رش جامو ماتش ومش هتلاقى سرقة طير ابدا ابدا .. انا طلعت طلعة اول انبارح كان بينى وبين عصفورة حوالى متر بالظبط وهى كانت وقفة على سلك كهرباء فوقيا بالظبط ونشنت عليها وضربت بالماتش وماتسرقتش ونزلت مقفولة يعنى يادوبك ضغطت على الزناد لقيتها نزلت فورا وكنت منشن فى مكان مش مميت كمان وهى صراحة فوق النمرة واحد وسعرها تحفة بالنسبة لقوتها هى قوية جدا وقيمة جدا وسعرها منخفض الى حد ما

بجد بندقية رووووعة

العصفورة يا احمد مش مقياس لأن جسم العصفورة ضعيف جدا

الإختبار الحقيقى هو صيد الحمام البرى لأن جسمه قوى ويحتاج بندقية قوية لصيده

البام بتصطاد حمام برى ويمام بكفائة تامة ومن مسافات كبيرة , بس أنا ماجربتش الجيت نمرة واحد

ولكن من عيوب البنادق نمرة واحد عموماً أن وزن الرشة خفيف علشان كدة بتتاثر بالهواء وبتغير اتجاهها فى المسافات الكبيرة

[أحمد عطاالله إبراهيم]

بالنسبة للحمام فى ناس كتير جدا فى المنتدى ممن يمتلكون الجيت نمرة واحد بيجيبوا حمام ويمام وحمام برى وكل حاجة .. وهى فعلا قوية جدا . وبالنسبة لان حجم الشة نمرة واحد صغير والكلام دا ..

هو ممكن يجيب جيت نمرة اتنين .. عادى يعنى ..
وانا بصراحة بقول رأيى فى الجيت عن تجربة شخصية ..

وفى الاخر برضه القرار يرجع لاستاذ محمد

[sayed allaa]

بص انا لو مكانك و الوزن مبيفرقش معايا هوة و رد الفعل كنت هختار البام طبعا
بس انا الوزن بيتعبني خصوصا اني بلف كتير بالبندقية و الشمس كمان و الحر الكلام ده كله متعب بالنسبالي
فأنا هختار الجيت
انما انت ما شاء الله تقدر تستحمل يبقى خليك مع البام
انا من رأيي انت تجرب الاتنين
شوف كده حد من اخواتنا هنا في المنتدى و انزل معاه
جرب الجيت و جرب البام محدش هنا هيمانع يعني كلنا اخوات
و قرر دي احسن طريقة عشان متجيبش حاجة و تندم عليها
يأما جربها هناك في المحل و انت هتشتريها و ريح دماغك
و خلاص من الحيرة دي و اعمل اللي قولتلك عليه عشان كل وحد ليه وجهة نظر انا وجهة نظري ممكن تكون مختلفة معاك فأنت اللي لازم تجرب بنفسك عشان انا ممكن انصحك بحاجة مناسبة ليا بس انت تجيبها تلاقيها مش مناسبة ليك ده احسن حل
احنا في البداية بنديك اختيارات بنديك كل انواع البنادق و انت تختار بقى اللي انت شايفه مناسب ليك من نحية القوة و السعر و الشكل و غيره و غيره
اعمل اللي انا بقولك عليه و صدقني و الله لما انت تجيب حاجة انت اللي اخترتها بنفسك و مقتنع بيها عمرك ما هتيجي بعد كده و تقول انا عاوز ابيعها
و بالتوفيق ان شاء الله
و كل سنة و انت طيب

[samraghost]

والله انا مبسوط جدا من تباين الاراء للاخوه الاعضاء وفى الاخر ده هايخلينا نختار فعلا البندقيه اكويسه والمنسبه لما كل حاجه عن البندقيتين تكون واضحه كده وبردوا ماسمعتش ريك يا محمد لسه ها قررت ايه

[midodido]

انا ناويت على البام 21 و يارب صوت البندقية ميطلعش مزعج

[midodido]

ان شاء اللة على اول الشهر هكلم الاستاذ هشام سمير

[أحمد عطاالله إبراهيم]

انا ناويت على البام 21 و يارب صوت البندقية ميطلعش مزعج

خلاص يا استاذ محمد القرار يرجع لحضرتك فى الاخر وانا عن نفسى شايف ان الجيت احسن وحضرتك شايف ان البام احسن ... وعادى كل واحد شايف حاجة هى الاحسن لانو بيقول رأيه فيها بالنسبة ليه هو ... وان شاء الله ربنا يوفقك فى شرائها وتجيبها بسعر كويس .. وابقا ورينا بقى الطلعات اللى جايه ..

ولما تصطاد بقى ابقى احجز لاخوك جوز حمام .. ههههههههه

[samraghost]

لما تيجى توكل على الله وتشترى ابقى قولى يا ميدو لانى انا ومحمد ان شاء الله ناوين

[dr_mohasan]

مبروك مقدماً عالبندقية سواء الجيت أو البام

مافيش أى سلعة فى الدنيا فيها كل المميزات ولا كل العيوب , كل حاجة فيها مميزات وعيوب , ولكن الإختيار يكون على أساس أن المميزات تتناسب مع ظروفى وإمكانياتى

على سبيل المثال , أنا دايما باصطاد من العربية , يعنى مش باشيل البندقية كتير ولا بمشى بيها , يبقى البام ممكن تناسبنى رغم ثقل وزنها , وأكيد ده هايكون عيب بالنسبة لشخص آخر بيضطر انه يشيل البندقية كتير.

يعنى المميزات والعيوب دى مسألة نسبية تختلف من شخص لآخر , والإختيار يكون على حسب إتفاقها مع ظروفى ومتطلباتى.

وكمان العامل النفسى مهم جدا , ممكن تشوف بندقية وترتاحلها نفسيا أكتر من بندقية تانية , وده بيخليك تثق فى البندقية وتعمل بيها أحلى شغل.

خالص تحياتى لكم جميعاً

[sghr220]

مبروك مقدماً عالبندقية سواء الجيت أو البام

مافيش أى سلعة فى الدنيا فيها كل المميزات ولا كل العيوب , كل حاجة فيها مميزات وعيوب , ولكن الإختيار يكون على أساس أن المميزات تتناسب مع ظروفى وإمكانياتى

على سبيل المثال , أنا دايما باصطاد من العربية , يعنى مش باشيل البندقية كتير ولا بمشى بيها , يبقى البام ممكن تناسبنى رغم ثقل وزنها , وأكيد ده هايكون عيب بالنسبة لشخص آخر بيضطر انه يشيل البندقية كتير.

يعنى المميزات والعيوب دى مسألة نسبية تختلف من شخص لآخر , والإختيار يكون على حسب إتفاقها مع ظروفى ومتطلباتى.

وكمان العامل النفسى مهم جدا , ممكن تشوف بندقية وترتاحلها نفسيا أكتر من بندقية تانية , وده بيخليك تثق فى البندقية وتعمل بيها أحلى شغل.

خالص تحياتى لكم جميعاً

السلام عليكم و رحمة الله و بركاته
كلام سليم يا دكتور محمد و نصيحة أخوية لأصحاب الموضوع...المقارنة غريبة نوعا ما ليييه؟؟؟
-بندقية كسر و التانيه عتلة جانبية دي حاجه و دي حاجه تانيه خالص.
-بندقية متوفر منها نمرة واحد و اتنين (البام) و التانيه (الجيت) الأغلبية العظمى منها نمرة واحد.
أعتقد و الله أعلم المقارنة مبنية على تقارب السعر أكثر من المواصفات الفنية...خالص تحياتي و كل عام و انتم بخير.

[محمد رضا العبد]

لما تيجى توكل على الله وتشترى ابقى قولى يا ميدو لانى انا ومحمد ان شاء الله ناوين

باذن الله انا كمان نويت على بندقية العمر زى ما بيقولوااا

وهجيب البام ان شاء الله
عيزين نحدد وقت معين نكون جهزناااا فيه الفلوس
يا حج احمد يعنى مثلاا احنا فى شهر 8
تقريباااا كمان شهرين كدا اكون وصلت ل 2500 جنيه صافى

انت ايه رايك

[samraghost]

ماشى يا محمد مافيش مشكله يا حج

[midodido]

أستفسار عن المدى المؤثر للبام و الجيت؟

[محمد رضا العبد]

أستفسار عن المدى المؤثر للبام و الجيت؟

بالنسبه للمدى المؤثر

هنلاقى ان سرعة البام 230 م\ث تقريباااا وعيارها رقم 2 عالى التاثير
بالنسبه للجيت سرعتهااا تصل الى 305 م\ث وعيارهااا رقم 1

بالنسبه للمسافات القصيره البام تتفوق فى التاثير لانها رقم 2
لان الجيت تسرق الطير نظرا لسرعتهااا العاليه مع عيار رقم 1

وعلى الرغم من تفوق الجيت على البام فى السرعه
وهذا التفوق فى السرعه نظرا لان البام عيار رقم2 والجيت رقم 1
اى انه اختلاف طبيعى فى السرعه ومنطقى نظرااا لاختلاف العيار

وعلى الرغم من ذلك فان البام ايضا تتفوق على الجيت فى المسافات البعيده

نظرااا للثبات المنطقى للعيار رقم 2 اما العيار رقم 1 مع سرعه عاليه مثل الجيت
فان الطلقه بعد مسافه معينه تخرج عن مسارهااا نظرا لخفة العيار

ارجو ان اكون وفقت فى الشرح

وتحياتى ليك

[Andria]

El bam sor3etha 280 m/s Le nemra 2 *

[محمد رضا العبد]

el bam sor3etha 280 m/s le nemra 2 *

شكرا ياباشا على المعلومه
بس انا شفتها على اليوتيوب وهما بيقيسوا سرعتهاااا
كانت 230 فعلى على الجهاااز
وتحياتى ليك