بالصور طريقة صيانة الديانا مجنوم 350 + الرد على موضوع عدم دقة التصويب

[mohd_wafik]

السلام عليكم ...
كل سنه انتم طيبييين يا جماعة بمناسبة الشهر الكريم ..
ندخل في الموضوع .. من المواضيع إلى شفتها في الموقع ناس بتعيب على المجنوم عشان تقيله و عدم دقة التصويب و انا معاهم بجد واوافق على الراي السليم ده ( حد هيقولي ازاي تقول كده وهيه معاك , هقوله وانا مالي ماهو قوة تحمل الناس بتختلف من شخص لي شخص ) يعني باللنسبه للتقل انا من جانبي قدرت اتكيف معاها بفضل ربنا سبحانه و تعالى ,,
موضوع عدم دقة التصويب وده كان بيواجهني في الاول واكتشفت السبب عشان قوة البندقيه البسامير بتتفك حاجه بسيطه يعني لما تربطها كويس و بعد فتره من الاستعمال بتتفك فاجيبت نوع لزق مخصوص للبسامير عشان متتفكش من قوة البندقيه ( ملحوظه : ممكن تفكها بايدك عادي بس محتاجه عافيه بسيطه اوي ) وبتحط نقطه على البسمار واربط وبس الموضوع خلص على كده ..
طب نوع اللزق ايييه ؟؟
اسمه لوكتايت انا مجبتوش من مصر جبته من بره فامش عارف بيتباع هنه فين ودي صورته ..

http://img812.imageshack.us/img812/9374/20072011275.jpg

http://img840.imageshack.us/img840/1037/20072011276.jpg

لو في اي نقد بالنسبه للموضوع ده انا اتقبله بصدر رحم ويهمني اوي اوي راي اخواني واسعد ايضا به ...

نيجي بقى للصيانه واعتذر عن قلة خبرتي فيه بس انا حاولت واهتم باراء اخواني ...
نيجي بالصوره
1- دي صورة العده كلها ( البندقيه + الاسكوب + البلور + فوطه + زيت خفيف + حقنه )

http://img703.imageshack.us/img703/7677/56230887.jpg

http://img109.imageshack.us/img109/6458/75482323.jpg

2- هنمسك البلور ونشغله ونوجه الهواء في كله حته في البندقيه عشان تطير التراب الموجود إلى ممكن منصولش ليه عن طريق الفوطه .. وبعدين امسك الفوطه وامسح بيها البندقيه كلها اه كلها

http://img84.imageshack.us/img84/785/20508323.jpg

http://img228.imageshack.us/img228/3617/22337090.jpg

http://img819.imageshack.us/img819/9898/59436959.jpg

3- نيجي بقى لمرحلة الزيت
نجيب الحقنه ونشفط بيها الزيت وبعدين نكسر البندقيه ونحط كام نقطه جوه الفتحه إلى بيطلع منها الهواء وبعدين نحط نقطه في مكان كسرة البندقيه وبعدين ممكن تجيب مثلا عشرة رشات وتحطهم في علبة ة تحط عليهم نقطة زيت و تضرب بيهم عشان يزيتوا المسوره من جوه ..

http://img51.imageshack.us/img51/9006/56143513.jpg

http://img713.imageshack.us/img713/7690/21130093.jpg

http://img707.imageshack.us/img707/672/40101145.jpg

http://img12.imageshack.us/img12/9097/40735395.jpg

http://img13.imageshack.us/img13/7461/30204979.jpg


اتمنى يكون الموضوع عجبكم و كمان رايكم يهمني اوي من الدرجه الاولى .. وكمان انا مبسوط اوي لاني عملت موضوع اه بسيط اوي ولا يقارن بمواضيعكم بس اهوو الحمد لله ..

اخوكم محمد وفيق

[أحمد عطاالله إبراهيم]

مشكور يا باشا تسلم ايدك بس ممكن نعرف ايه نوع الزيت المستخدم

[wknm]

تسلم يا mohd_wafik على المجهود
انا عندي اختها و لسه جديده معملتلهاش صيانه
سؤال عن التشحيم للسوسته لو عنك فكره يا ريت تفدني

[mohd_wafik]

مشكور يا باشا تسلم ايدك بس ممكن نعرف ايه نوع الزيت المستخدم

ربنا يخليك .. اسمه لايت اويل او زيت خفيف بتاع مكنات الخياطه ممكن تجيبه من عند الناس إلى بتبيع مكن الخياطه

[mohd_wafik]

تسلم يا mohd_wafik على المجهود
انا عندي اختها و لسه جديده معملتلهاش صيانه
سؤال عن التشحيم للسوسته لو عنك فكره يا ريت تفدني

اللف مبروك وتتهنى بيها ... باللنسبه للسوسته من وجهة نظري هيه مش بتحك في حاجه اساسا عشان تعملها صيانه بس لو عاوز فك الدبشك وامسك البندقيه وهتلاقي السوسته باينه حط زييت عليها بس خد بالك من موضوع البسامير إلى بتتفك من الاستخدام دور على اللزق إلى كتبته في الموضوع..

[أحمد عطاالله إبراهيم]

ربنا يخليك .. اسمه لايت اويل او زيت خفيف بتاع مكنات الخياطه ممكن تجيبه من عند الناس إلى بتبيع مكن الخياطه

مشكور يا باشا

[mohd_wafik]

على اييه يا استاذ احمد كفايه عندي مرورك على الموضوع و يجعله عامر

[عادل عبده]

بص ياباشا انامش خبير اووووى يعنى بس فى تعليق بسيط على انك تحط زيت فى فتحه خروج الهوا لانى اللى اعرفه انه بيسرع البستم وده ممكن يأثر على الكانون هو تقر يبا المفروض كل الف رشايه بتحط نقطتين بالعدد وخصوصا ان الجلبه عندك مش زفره ومش هتمتص الزيت لاكن التزيت مكان كسر البندقيه ده صح الصح لان اللاجزاء ديه من الاحتكاك على الناشف بتتاكل
وياريت تتقبل مرورى من فضلك

[hesham[MaFya]a]

مشكوووووووووووووووووووووور
باليونانية :افخريستو بولي
بالصينية: راخ مت
بالاسبانية: جراتسي
بالايطالية: جراثياس
بالحبشية: اميسكانالو
بالانجليزية: ثانكس
بالفرنسية:مغسي
بالألمانية : Danke دنكــه
بالتركية : تشك تشكر ادارم
بالهندية: شكريا:
باللغه الام شكرا جزيلا

[DR SNIPER]

تسلم ايديك على الموضوع الجميل

[Amiroz]

مشكور جدا علي المجهود الاكثر من رائع
اهو انا اتمني بقي ان كل واحد عندة خبرة في بندقيتة يتعب نفسة شوية ويتكرم علينا ويصور صيانة بندقيتة ويعملنا موضوع رائع زي الاستاذ الكريم
وجزالك الله خير عما تعمل

[Aboyassin]

السلام عليكم
أ/ محمد،
جزاك الله خيرا على الموضوع الشيق و المفيد و أسأل الله أن ينفع بك.
و أنا اوافقك تماما فى موضوع استخدام اللوكتايت. فأنا مهندس ميكانيكا سيارات و أستخدمه لتثبيت أى مسمار فى مكانه. و هو موجود فى مصر لدى شركة HENKELو اسمه العلمى: LOCTITE243 threadlockerوبالعربى لوكتايت سن.و سعره حوالى 130جنيها لانبوبة 50مل. و يوجد منه نوع آخر يستخدم لعمل الجوانات.
مرفق صورة للنوع الموجود عندى.
تقبل مرورى و تحياتى.

[Amiroz]

شكرا م/ابو ياسين
لايضاح المعلومة ومساهمتك فيها
------------------------------------------
لك جزيل الشكر

[adel152]

السلام عليكم
أ/ محمد،
جزاك الله خيرا على الموضوع الشيق و المفيد و أسأل الله أن ينفع بك.
و أنا اوافقك تماما فى موضوع استخدام اللوكتايت. فأنا مهندس ميكانيكا سيارات و أستخدمه لتثبيت أى مسمار فى مكانه. و هو موجود فى مصر لدى شركة henkelو اسمه العلمى: Loctite243 threadlockerوبالعربى لوكتايت سن.و سعره حوالى 130جنيها لانبوبة 50مل. و يوجد منه نوع آخر يستخدم لعمل الجوانات.
مرفق صورة للنوع الموجود عندى.
تقبل مرورى و تحياتى.

انا اشتريته من الوكيل بتاعه هنا فى اسكندرية من حوالى 9 شهور وكان ثمنه 142 جنيه.
خالص تحياتى

[mohd_wafik]

ايوه بقى هوه ده الكلام ............ انا مش هشكر حد بجد عشان احنا زمايل ومفيش شكر بينا , ده الواجب إلى يعرف حاجه يعرفها لزميله ...