المساعد الشخصي الرقمي

مشاهدة النسخة كاملة : بندقية الأيرسوفت بتضرب بلى مقاس 5 و ممكن تموت كمان

Zero
11-07-25, 04:27 PM
و أنا ببص على الأيرسوفت و أنا فى بورسعيد لقيت أنواع كتيرة أوى مع واحد
طبعا الخوف كله مش من الجمرك هوا مبقاش موجود أصلا
لكن فيه مدرعة واقفة دايما على منفذ الجمرك و قلقت جدا لأنهم مسكوا واحد معاه مسدس صوت و طلع عين أهله
بالنسبه للأخ إلى معاه الأيرسوفت أنا معرفش دا جايبهم منين بالرغم أن دة مش محل ولا حاجة
دا واحد كدة جايب كام بندقيه أيرسوفت
بس المفاجأة بقى إنها مش بتضرب طلقات خرز بلاستيك
دى بتضرب بلى مقاس 5 ملى
و بتضرب طلقة طلقة أو أوتوماتيك
و فيها تليسكوب لازق فيها و بيتفك

بالنسبه للمواصفات بقى
خامه البندقية حاجة قريبة من الفايبر بس ناشف و مش ناعم
ماسورة البندقية من جوة بيقول إنها حديد
حجمها كبير بغباوة على فكرة و بأستفزاز لدرجة أننا فكرته مهرب
صوت البندقية مع الضرب عالى وفيه أجزاء حديد بتضرب مع بعض تحس إن فيه ضرب حديد مع بعض
نوع الطلقات بلى 5 ملى
البندقيه خزنتها بيتحط فيها حوالى 35 طلقة على ماأظن لكنى معدتش



أنا عمتا قلقت أشوفها فى بورسعيد بسبب المدرعة إلى واقفة
لكن الراجل حسيت أنه بيهزر كمان و شايف إنها حاجة عاديه جدا و بنادق بيقولى عليها لعبه
على فكرة اللعبة إلى أتكلم عليها دى ممكن تموت لو ألى أو فى الراس أو فى الوش
لأن قوتها غريبة جدا بسبب طول السوسته إلى بتضرب الطلقة دا على حد كلامة و تعبيره
يا ترى بقى عشان منتأفش و نروح فى داهيه
مفيش حد فى أسكندريه عنده الحاجات دى و بالمواصفات دى ؟
cairosniper1
11-07-25, 04:49 PM
فين فى بورسعيد يا باشا
koktal
11-07-25, 09:41 PM
انتا متأكد من موضوع البلى الحديد ده ... عشان هيأثر على السرعة والمسافة وفيه ناس بتقول إن مالوش أى تأثير بالبلاستيك ومعرفش إذا كان هيأثر بالنسبة للحديد ولا لأ .. وأنا بدور على بندقية كلها حديد مش عارف ألقيها فين وبكام ..
Android man
11-07-25, 10:27 PM
فين في بورسعيد يا باشا
hamam
11-07-25, 10:46 PM
بكام البندقيه دى
وعند مين
ادينا شوية تفاصيل
TIGERAWY
11-07-28, 10:52 AM
ازيك يابرنس ياريت تقول الراجل دا فين لان انا عايز اجيبها من زمان ومش لاقى حد بيبيع منها
لو فى تليفون او عنوان ليه لاراجل دة
ياريت تفيدنى ف الموضوع دة :)
Zero
11-07-30, 05:36 PM
معلش كنت مسافر اليومين دول برضه لكن فى منطقة تانيه غير بورسعيد
بالنسبه لمكان الأخ دة مكانش عنده محل دا شخص بيجيب بالطلب زى مافهمت منه و كمان بيبيع ألعاب ناريه غريبه جدا تحس إنك داخل حرب بس مجربناهاش أحنا جربنا طلقة البندقيه بس و صوتها عالى يعنى تقدروا تقولوا أن الراجل بتاع البنادق دة نظام سمسار أو بتاع عمولات و الكلام دة ذكرته فى الموضوع لو كنتوا قريتوه بدقة
و إلى وصلنى للراجل دة واحد كان معايا من القاهره قابلنى هناك عشان كنت متواجد لمدة أسبوع كامل

و السعر لما أتكلمنا عليه قالى حسب النوع فيه من أول 300 جنيه لحد ألف جنيه زى ماتحب طبعا سعر جميل و أنا مطولتش معاه لانى كنت مقلق و مش عارف هتعدى من جمب المدرعه دى أزاى فمكنتش ناوى أشترى و كمان كنت مقلق منه أكتر

لكن بعد التشاور مع ناس صحابى رغم أننا مش خبره بس قدرنا نوصل لحل للكعبلة إلى فى دماغى , أن الصين دلوقتى بتعمل أى حاجة بالطلب كمان برضة و بالأخص أن الصين على ماأظن هيا إلى أخترعت الأيرسوفت
stid
11-08-06, 03:53 PM
اخي العزيز زيرو لو وصلك اي معلومات عن حاجة زي كدة في اسكندرية ممكن تبعتلي انا كمان بدور علي حاجة زي كدة
Zero
11-08-08, 05:22 PM
اخي العزيز زيرو لو وصلك اي معلومات عن حاجة زي كدة في اسكندرية ممكن تبعتلي انا كمان بدور علي حاجة زي كدة
يا ريت والله دى تبقى فرصة كويسة أوى أن الواحد يجيبله واحده
و منتظر رد الخبراء فى الشئ إلى أنا شوفته دة
هل قانونى أم غير قانونى