فاتورة شراء بندقية 5.5 مهمة ام لا ؟

[hazimbk]

ذهبت بالامس لشراء بندقية نمرة 5.5
وجدتها عند ميشيل عازر و شريف ابو ضيف

ميشيل عازر محل محترم جدا ولكن مش عايز يدنى فاتورة وحيدنى البندقية ب 4000

وشريف ابو ضيف محترم جدا جدا وكل الناس بتشكر فيه وعايز يبيع لى البندقية بفاتورة ولكن اول سعر قاله عن البندقية هو 4300 ومن الممكن طبعا انى انزل معاه بالسعر بس معرفش هو ممكن ينزل فى سعر البندقية قد ايه

وعموماً ولانى قلت السعر فانا مش حقول نوع البندقية حفاظا على البيع والشراء للمحل ومأثرش على اى من المحلين بالسلب

السؤال الان هل ضرورى فاتورة ولا ملهاش لازمة قوى يعنى ؟؟؟؟

ولا مدققش واروح اشترى البندقيه من غير فاتورة وخلاص ؟؟

[za2r2lel]

وميشيل عازر مش لراضى يديك فاتوره ليه.؟؟؟؟

بالرغم من انه راجل كويس

بس الموضوع بتاع رفضه ده يقلق

خليك فى المضمون وخد من اللى هيديك الفاتوره

حصل لاقدر الله حاجه عيوب صناعه اهو معاك فاتوره تحمى حقك ..مش كده ولا ايه؟؟؟

[Android man]

الفاتورة دي تحميك لو طلع في البندقية عيب صناعة او مش حسب المواصافات وكمان تثبتان مش سارقها
وطبعا السليم افضل

[hazimbk]

وميشيل عازر مش لراضى يديك فاتوره ليه.؟؟؟؟

بالرغم من انه راجل كويس

بس الموضوع بتاع رفضه ده يقلق

خليك فى المضمون وخد من اللى هيديك الفاتوره

حصل لاقدر الله حاجه عيوب صناعه اهو معاك فاتوره تحمى حقك ..مش كده ولا ايه؟؟؟



كلامك صح 100 × 100
الف شكر
مع العلم ان مشيل عازر كويس جدا لاحسن يفتكر انى بذم فيه بس والله دا اللى حصل
وقال لى انا حديلك كارت من المحل بدل من الفاتورة

[Masterssss]

طبعا اشتري بفاتوره لحفظ الحقوق واثبات ملكيتك للبندقيه او السلاح بصفه عامه

[tarekvb]

ملهاش اى لازمة ووقت لما يجى ظابط شرطة يرخم ولا هتعمل حاجة الفاتورة لان من الاخر هو اصلا مصرح بشراء البنادق بس فى الاحداث الىى احنا فيها بيصدروا كل حاجة زى ماحصل مع مسدسات الصوت عازر بيديك زى كارت المحل وبيختمه تقريبا واو بيمضى عيه وهو ده بمثابة الفاتورة

[جنرال]

مظبوط لازم فاتورة متشتريش سمك في ميه

[H_SRM]

خليك في الفاتورة احسن لو فيها عيب وجيت ترجعها هيقولك ما اعرفكش

[YOSSEF EL MASRY]

السادة الافاضل
الشراء بالفاتورة يحمي المشتري ويعطية حماية من جميعة حماية المستهلك
ويعطية حق الارتجاع في حدود 15 يوم من تاريخ الشراء و ضمان لعيوب الصناعة
عدم اعطاء فاتورة عبارة عن تهرب ضريبي
وللعلم ان الفاتورة اللي مش عليها
رقم السجل التجاري والبطاقة الضريبية وتسجيل ضريبة المبيعات وختم المحل فاتورة غير قانونية ولازم كمان يذكر فيها وصف المنتج والموديل وفي حالة السلاح يجب ذكر الرقم المسلسل للسلاح
ودة مش بيحصل من اي حد عشان ميكشفش حجم مبيعاتة
مش عايز اتكلم في حق حد بس دول تجار سلاح
شكرا

[wknm]

لو عايز فاتوره يبقى خلي بالك في ناس بطلع حاجه اسمها بيان و هي شكلها زي الفاتوره بس ملهاش اي لزمه و تبلها و تشرب ميتها فأقرء الفاتوره كويس و اتأكد اسم المحل و رقم السجل التجاري موجود و كمان يختمها و بالتوفيق

[hazimbk]

الفاتورة دي تحميك لو طلع في البندقية عيب صناعة او مش حسب المواصافات وكمان تثبتان مش سارقها
وطبعا السليم افضل

الله عليك يا باشا
هو دا اللى انا فكرت فيه

[rock]

السلام عليكم ... فيه حل كويس وانا جربته مع الهنتر عند الشراء ... طلبت فاتوره قاللى لا ... قلتله انا عايز مايثبت انى خدتها من المحل عندك ... راح مطلع كارت من عنده وكتب عليه كلام وختمه بختم المحل ... وصادفنى كذا موقف واتحل بسبب الكارت ده ... ومتهيألى طالما السعر عند ميشيل كويس يبقى توكل على الله ...انا رفعت الصور بتاعة الكارت ... تحياتى .

[hazimbk]

السلام عليكم ... فيه حل كويس وانا جربته مع الهنتر عند الشراء ... طلبت فاتوره قاللى لا ... قلتله انا عايز مايثبت انى خدتها من المحل عندك ... راح مطلع كارت من عنده وكتب عليه كلام وختمه بختم المحل ... وصادفنى كذا موقف واتحل بسبب الكارت ده ... ومتهيألى طالما السعر عند ميشيل كويس يبقى توكل على الله ...انا رفعت الصور بتاعة الكارت ... تحياتى .


اولا انا حعمل زيك وحطلب من الاهلية (ميشيل عازر) يدينى كارت بس يا ريت يردو يكتبولى زى اللى كتبهولك وميغلس

طيب ايه هو الموقف اللى ممكن يحصل لو انا معيش فاتورة او كارت زى اللى معاك ، علشان ميحصلش مشاكل

يعنى مثلاً ممكن يحصل مشكله على بندقية الصيد 5.5 ؟

حد من الشرطة او الجيش ممكن يعمل مشكله ؟

[rock]

السلام عليكم ... مفيش اى مشكله بس طبعا التصرف عقلانى ... يعنى ممكن الشرطه تشوفنى وانا بصطاد لكن الجيش لا ... وبرضه مينفعش اخليها فى العربيه وعندى مشوار بالليل وطبعا الكمين مش هيسيبها ... غير كده هو مالوش اى سلطه انه يتخذ معاك اى اجراء ... حتى لو فيه ناس قالت لا لازم ياخدها ممكن تروح معاه ويتعمللك محضر ويخلى سبيلك من النيابه ومعاك البندقيه ... بس مفيش داعى للافتراض الاخير ده ... ونتقى الشبهات احسن ...والف مليون مبروك وربنا يباركلك فيها ... (افتكر ان انا اول واحد باركتلك ...هههه) تحياتى .

[hazimbk]

السلام عليكم ... مفيش اى مشكله بس طبعا التصرف عقلانى ... يعنى ممكن الشرطه تشوفنى وانا بصطاد لكن الجيش لا ... وبرضه مينفعش اخليها فى العربيه وعندى مشوار بالليل وطبعا الكمين مش هيسيبها ... غير كده هو مالوش اى سلطه انه يتخذ معاك اى اجراء ... حتى لو فيه ناس قالت لا لازم ياخدها ممكن تروح معاه ويتعمللك محضر ويخلى سبيلك من النيابه ومعاك البندقيه ... بس مفيش داعى للافتراض الاخير ده ... ونتقى الشبهات احسن ...والف مليون مبروك وربنا يباركلك فيها ... (افتكر ان انا اول واحد باركتلك ...هههه) تحياتى .

حبيبى يا ابو حميد ، على فكرة انا عملك طلب اضافة على الفيس بوك ، وشوفت صور طلعاتك والبنادق ماشاء الله حاجة جميله

تحياتى لك يا برنس

[blow c06]

ياباشا طب مفى حل تانى جربه كده.. انت قلت لاستاذ شريف ابوضيف انك من المنتدى...؟؟؟؟ هو انسان محترم اوى على اد سمعته مبتقول و انا متعاملتش معاه قبل كده بس الناس كلها بتقول كده.. قوله انك من المنتدى و ان عازر بيبيعها بكده من غير فاتوره و هو ان شاء الله هيريحك و يديهالك بنفس السعر بفاتوره و جرب أ.هيثم خضر 0122345600 اسعاره كويسه بس عيبه انه من اسكندريه و مش بيوصل الحاجه و عنده محل فى اسكندريه

[hazimbk]

ياباشا طب مفى حل تانى جربه كده.. انت قلت لاستاذ شريف ابوضيف انك من المنتدى...؟؟؟؟ هو انسان محترم اوى على اد سمعته مبتقول و انا متعاملتش معاه قبل كده بس الناس كلها بتقول كده.. قوله انك من المنتدى و ان عازر بيبيعها بكده من غير فاتوره و هو ان شاء الله هيريحك و يديهالك بنفس السعر بفاتوره و جرب أ.هيثم خضر 0122345600 اسعاره كويسه بس عيبه انه من اسكندريه و مش بيوصل الحاجه و عنده محل فى اسكندريه

فعلاً انا سمعت عنه كتير وهو غايه فى الاحترام

والف شكر يا باشا على الاهتمام