أخر سعر للبندقية رمسيس والمعادى اليوم (متجدد) من المصنع [الأرشيف]

mman2005

11-07-21, 01:02 PM

أنا لسة متصل بمصنع 54 الحربى واستفسرت عن أسعار البنادق
طبعاً رمسيس بندقية نمرة 1سعرها

945 جنيه

المعادى نمرة 2 سعرها

1245

أسم المصنع المنتج للبندقيتين مصنع 54 الحربى
أو شركة المعادى للصناعات الهندسية

الموقع على الأنترنت

http://fact54.momp.gov.eg/Ar

بيانات الإتصال

الاسم : م/ ماهر فكرى حمور
القــسم : بقطاع التخطيط و المشروعات
تليفون : 23581722
تليفون 1: 23588868
تليفون 2: 23582577
تليفون 3: 23582715
فاكس : 23581855
ايميل : Itmanager054@iscc.gov.eg
العنوان : كورنيش النيل- المعادى

هل يا ترى فى إمكانية فى المستقبل بعد شهور الصيف أن الأسعار تنزل عن كده، وتنصحونى أشترى رمسيس أو المعادى ، ويا ترى حد أشترى بنادق من دى قريب وهل الخامة بتاعتهم حالياً كويسة زى زمان أم رديئة، وشكراً.

Android man

11-07-21, 01:07 PM

بصراحة الرمسيس بندقية دقيقية دجا بس مش اخدها حقها في الشهرة وصناعتها فيها الروح المصرية ونادرا لما تعطل

mman2005

11-07-21, 01:08 PM

أنا كل فترة هتصل بالمصنع وأحط أخر سعر للبندقيتين دول بإعتبارهم البندقيتين الوطنيتين، وتشجيعاً للمنتج المحلى حتى يصبح لا يقل كفاءة عن المنتج الأجنبى.

mman2005

11-07-21, 01:10 PM

بصراحة الرمسيس بندقية دقيقية دجا بس مش اخدها حقها في الشهرة وصناعتها فيها الروح المصرية ونادرا لما تعطل

شكراً يا باشا على المشاركة الجميلة، وعايزين كل الى ليه خبرة بالبندقيتن دول يشارك فى الموضوع ده علشان يبقى مرجع كامل لكل إلى عايز يشترى أى بندقية فيهم، وبأخر سعر فى السوق.

mman2005

11-07-21, 01:14 PM

ويا سلام بقى لو نجمع قد 10 أو 15 طلب لشراء بندقية من المصنع ونتصل بالتسويق ونشوف هيعملولنا خصم قد ايه، بس أعتقد أنه بعد شهور الصيف الأسعار هتنزل لأن شهور الصيف فيه أجازات، وبعد الإمتحانات الى بينجح فيه ناس بتهادى ولادها ببنادق صيد، علشان كده كل أسعار البنادق أرتفعت فى الصيف، أما بعد دخول المدارس أعتقد أن الأسعار مرشحة للنزول، يا ريت الى عنده النية أنه يشترى بندقية يسيب رسالة ونجمع الطلبات وأتصل بالتسويق وهشوف ممكن يعملولنا خصم ولا أيه.

mman2005

11-07-21, 01:41 PM

أخر خبر عرفته من موقع المصنع أن فيه خصم عند شراء كميات، وده هيفيد كل إلى عايز يقتنى بندقية جديدة سواء رمسيس أو المعادى وبسعر مناسب.

أحمد عطاالله إبراهيم

11-07-21, 01:49 PM

فكرة حلوة انكم تجمعوا الطلبات دى كان نفسى اكون معاكم بس انا ان شاء الله هجيب نوريكا جيت

تحياتى

د.مهندس

11-07-21, 01:52 PM

شكرا لمجهودك أخى العزيز
لكن سعر المعادى بشع لأنه كام من حوالى سنة و نصف 400 جنيه تقريبا

mman2005

11-07-21, 01:54 PM

فكرة حلوة انكم تجمعوا الطلبات دى كان نفسى اكون معاكم بس انا ان شاء الله هجيب نوريكا جيت

تحياتى

بالتوفيق يا باشا، بس أنا أعرف أعضاء جمعوا طلبات شراء نوريكا جيت وأشتروا 8 بنادق من أبو ضيف وعمل معاهم واجب كويس، يا ريت لو تشوف مجموعة زى دى علشان تحصل على بندقية بسعر كويس.

mman2005

11-07-21, 01:57 PM

شكرا لمجهودك أخى العزيز
لكن سعر المعادى بشع لأنه كام من حوالى سنة و نصف 400 جنيه تقريبا

أكيد طبعا سعرها بقى جامد أوى أنا سأل عليها بعد الثورة مباشرة كانت ب 750 جنيه وأتصعقت لما عرفت السعر من حوالى شهر، بس السعر ده ثابت بقاله أكثر من شهر، ونتمنى أنه ينزل عن كده فى شهور الشتاء، بس السوق عرض وطلب وما دام الطلب عليها كبير من حقهم أنهم يرفعوا سعرها، وبعدين كل حاجة فى مصر أتضاعف تمنها فى أخر سنة ده حتى كيلوا الرز بقى ب 6 جنيه، هتيجى على بندقية المعادى.

YOSSEF EL MASRY

11-07-21, 02:00 PM

الاسعار لسة غالية

mman2005

11-07-21, 02:05 PM

الاسعار لسة غالية

أنا خبرتى بالبنادق لسة بسيطة من كم شهر بس، بس خبرتى بالسوق المصرى عامة أن الأسعار بتزيد فى الصيف نتيجة للأجازات وهدايا الطلبة الناجحين وخصوصاً بعد نتيجة الثانوية العامة، لكن رمضان داخل والعيد والناس هتركز مصاريفها على الأكل والشرب وبعد العيد دخول المدارس الناس هتركز مصاريفها على الهدوم والكراريس والكتب ومصاريف المدارس، يعنى الفترة القادمة مفيش حد هيبص لشراء بنادق إلا قلة قليلة ودى فرصة إلى عايز يشترى.

ahmadkhalaf

11-07-21, 03:22 PM

عندنا فى الاسكندرية الرمسيس نمرة واحد بـ 800

mman2005

11-07-21, 05:51 PM

عندنا فى الاسكندرية الرمسيس نمرة واحد بـ 800

سعر حلو بس ده ممكن يكون السعر ده فى جميع المحلات لأن الرمسيس من كم شهر كانت فى المصنع مش تزيد عن 500 جنيه وأكيد فيه تجار عندهم مخزون كبير، بالإضافة إلى ان التاجر بتقف عليه البندقية من المصنع بنصف الثمن فلما يبيعها ب 800 كسبان لكن المصنع بيبيع بسعر ثابت للمستهلك النهائى، لكن أغلب تعاملات المصنع مع التجار، علشان كده ممكن تلاقى التاجر بيبيع ارخص من المصنع، ودى فكرتى إننا لو جمعنا عدد وأشترينا من المصنع هناخد بسعر التجار.

mman2005

11-07-21, 05:57 PM

يلا يا جماعة أنا أول واحد حاجز بندقية رمسيس من المصنع، يا ريت إلى عايز يحجز فى الطلبية يضع مشاركة بكدا ولو أتجمع عدد كويس هتصل بالمصنع وأقوله العدد وأشوف الخصم وأقولكم ونروح فى يوم نشترى من المصنع

amr7

11-07-21, 06:06 PM

انتو فتحتو نفسي للصيد
نفسي اجيب بندقية رش واطلع اصطاد بصراحة
بس الاسعار غالية اوي كدا ليه ياجدعان
ده انا احبطت لما شوفت سعر نمرة 2 دي وهي دي الي ممكن اجيبها متهيالي اقل حاجه ومعدية الباكو!!!

saskon

11-07-21, 06:06 PM

أنا معاك رمسيس نمرة واحد بس بعد منتصف رمضان اشترى لأنى مش متواجد قبل كده

hema777h

11-07-21, 06:26 PM

حتي المصانع الوطنيئة بتستغل وترفع الاسعار

saskon

11-07-21, 06:39 PM

حتي المصانع الوطنيئة بتستغل وترفع الاسعار

هههههههههههههههه مهو علشان وطني ة دا الحلوان كان ب 4500 جنيه دلوقتى وصل 13000

hema777h

11-07-21, 06:40 PM

هههههههههههههههه مهو علشان وطني ة دا الحلوان كان ب 4500 جنيه دلوقتى وصل 13000

لاب16500دلوقتي ويباع في الخارج ب250دولار

mman2005

11-07-21, 07:11 PM

كل دول العالم منتجاتها فى الداخل أرخص من الخارج، يعنى شعوبها بتستفاد من الانتاج الوطنى إلا مصر صادراتها أرخص من مبيعاتها داخل البلد، وده بيدل على الفكر الجديد إلى كان متبنيه الحزب الوطنى فى كيفية تقليب المواطن المصرى فى كل شئ، لازم الوضع يتغير بعد الثورة وإلا هيبقى النظام القديم ما زال يحكم.

سامى الحسينى

11-07-21, 07:21 PM

كيلوا الرز بقى ب 6 جنيه

hema777h

11-07-21, 07:36 PM

]دااااااااااااااااا من جشع التجار واننا سيبينهم يبيع ويشترو في الشعب

mman2005

11-07-21, 07:54 PM

]دااااااااااااااااا من جشع التجار واننا سيبينهم يبيع ويشترو في الشعب

بص يا استاذ هيما هو من ناحية جشع التجار فى مصر فده امر مفروغ منه ومعروف، لكن لما تكون مؤسسات الدولة من ضمن الجشعين، ولما تكون مفيش قوانين فى البلد تواجه المحتكرين، ولما تكون الدولة مكبلة المواطن ب 100 ضريبة وجمرك على أى منتج، هو ده المصيبة، فى سنة من السنين كانت شركة مايكروسوفت بتواجه حكم محكمة بتقسيمها لشركتين، ده لأنهم لاقوا أن الشركة مبقاش فى شركة تقدر تنافسها وتقف قدامها، رغم ان مايكروسوفت بتنتج سلعة غير ملموسة وهى البرامج الى بتعتمد على الفكر والابتكار، يعنى الشركة منتجاتها عبارة عن فكر وابتكار، وليس منتجات مادية كالحديد والبنادق مثلاً، والتى يؤثر احتكار جزء منها إلى رفع الأسعار لأن المكونات المادية لها كمية وعدد، غير البرامج التى تعتمد على الإبداع والإبتكار، ومع ذلك تم وقف مايكروسوفت عند حدها وقامت بدف غرامات كبيرة، مما مكن شركات أخرى أن تظهر فى السوق ويصبح لها ثقل، ولم تستحوذ مايكروسوفت لوحدها على السوق.

medo_hunt2012

11-07-22, 12:24 AM

يا جماعه انا هفصلكوا فى حكايه ارتفاع الاسعار فى مصنع 54حربى لان العمال مبتشتغلش؟؟؟؟؟؟؟؟؟ مفيش شغل وده كله بسبب الوزوير السابق سيد مشعل لانه كان خاربه فعلا

Mego

11-07-22, 08:14 PM

YOSSEF EL MASRY

11-07-22, 08:33 PM

السلام عليكم
انا عايز اشتري بندقية المعادي ولكن لما يكون سعرها1245جنية طيب قارنها النوريكا او الكرال يبقي
اعتقد ان المقارنة صعبة جدا الحاجات دي غالية جدا علي الفاضي ومش هترخص لان اللي بيغلي في مصر مبيرجعش تاني حاجة
احنا ممكن نشجع الصناعة الوطنية لما يكون في فترة عصيبة او تكون في مرحلة تطوير او يكون في تعدد في المنتجات ولكن للاسف الجودة تسوء مع الوقت والانتاج الي اسواء
ودة بيسبب للواحد احباط شديد جدا
شكرا

hussamatia

11-07-24, 02:40 AM

انا عندى بندقية نمرة اتنين بحالة الزيرو شاريها من حوالى 14 سنة ومركونة عندى ولم تستخدم الا مرتين او تلاتة وقوية جدا وضغطها جامد جدا لو حد يحب يشتريها انا تليفونى 0123675035

جنرال

11-07-24, 02:42 AM

بعد غذنك صورة البندقية وسعرها حسب قوانين المنتدى.
مع احترامي

mman2005

11-08-07, 12:30 PM

عرفتم أخر أخبار الرمسيس والمعادى، أنا لسة متصل من دقيقة بالمصنع وبسم الله ما شاء الله قلت الأسعار هتنزل فى رمضان رد عليه التسويق وقالى الإنتاج متوقف للإثنين لأن الخامات لسة مجتشى ومش عارف هتيجى إمتى، عمار يا مصر، أمتى بقى يبقى عندنا صناعة محترمة.

mman2005

11-08-07, 12:33 PM

وعلشان كده أسعار بنادق رمسيس والمعادى أتضاعفت 4 مرات فى خلال سنة علشان مفيش انتاج أساساً، هى دى الحكاية ببساطة، إحنا ننسى المنتج المصرى مؤقتاً ونبص على أى منتج تانى محترم، وأنا حالياً ببص على البندقية نوريكا سوبرت بسعر البندقية المعادى، بس هتابع المووضع ده بإعتباره بيجيب أخر أخبار البنادق الوطنية المصرية.

Axel

11-08-07, 09:07 PM

مش هقول غير يا حسرتنا

sakr2010

11-08-08, 12:24 PM

بعد اذن صاحب الموضوع ان لسة متصل بالمصنع وقالى رمسيس نمرة 1 ب 1000 ج

http://www.egypthunt.net/picture.php?albumid=41&pictureid=1590

sakr2010

11-08-08, 12:33 PM

وشـــــــــــــــــــــــــــــكرا

محمد رضا العبد

11-08-08, 01:33 PM

يا جماعه متضيعوش فلوسكم على منتج ملوش دعوه بالصيد من الاساس

Axel

11-08-08, 02:21 PM

1000 جنيه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!
ليه ؟؟؟؟؟؟؟؟؟؟؟؟؟؟؟؟؟
انا قولت من الأول بلا هواية بلا بتنجان ماله الصيد البحري مفيش ارخص منه

sakr2010

11-08-10, 08:35 PM

1000 جنيه ؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!
ليه ؟؟؟؟؟؟؟؟؟؟؟؟؟؟؟؟؟
انا قولت من الأول بلا هواية بلا بتنجان ماله الصيد البحري مفيش ارخص منه

على فكرة انا ووالدى صيادين بحرى كبار ونهرى كمان

Axel

11-08-10, 09:24 PM

على فكرة انا ووالدى صيادين بحرى كبار ونهرى كمان

اهلا و سهلا يا ريس
لا انا ع ادي
بصطاد من حوالي 13 سنة بس يعني من و انا عندي 8 سنين
نهري و مرة او مرتين بحري في السنة لكن من ع اللسان :d

mman2005

11-08-10, 09:30 PM

بعد اذن صاحب الموضوع ان لسة متصل بالمصنع وقالى رمسيس نمرة 1 ب 1000 ج

يعنى زادت عن أخر مة متصل بيها ب 55 جنيه يعنى بصراحة شغل إبتزاز، الواحد يشترى الكرال أو النوريكا أفضل ستين مرة.

koktal

11-08-11, 01:37 AM

لا إله إلا الله .. لما هذه الأسعار المفجعه؟؟ .. البقاء لله فى هذه الهوايه الجميلة إذا إستمرت الأسعار فى الإرتفاع بهذا الشكل المأساوى .. أتمنى رجوع الحال لسابق عهده بإذن الله ..

عادل عبده

11-08-11, 01:41 AM

يعنى زادت عن أخر مة متصل بيها ب 55 جنيه يعنى بصراحة شغل إبتزاز، الواحد يشترى الكرال أو النوريكا أفضل ستين مرة.

ياباش ماهو من البديهى انا التجار يرفعو سعر البنادق الاجنبى بدل المصر غليت
على العموم انا عندى بندقيه رمسيس هوضبها واحتمال ابيعها لو حد عاوز انا تحت امره التواصل على الخاص

Mr_mody

11-08-27, 10:42 PM

مشكور جدا علي المعلومات القيمة..بس عايز استفسر بالنسبة للاسكندرية في مصنع حربي في ابو قير بس مش عارف بيصنع رمسيس ولا لا بس عايز اعرف لو حد يقدر يقول لي و مشكورين

tabeeb

11-09-25, 08:50 PM

بندقية رمسيس جديدة للبيع بسعر جيد ان شاء الله
تابع الموضوع
http://www.egypthunt.net/showthread.php?t=16203

YOSSEF EL MASRY

11-09-25, 10:12 PM

مشكور جدا علي المعلومات القيمة..بس عايز استفسر بالنسبة للاسكندرية في مصنع حربي في ابو قير بس مش عارف بيصنع رمسيس ولا لا بس عايز اعرف لو حد يقدر يقول لي و مشكورين

مصنع ابو قير بيعمل خرطوش
المصنع اللي بينتج اسلحة الرشاش وبنادق ضغط الهواء و الطبنجات مصنع 54 الحربي المعادي
شكرا

goda

11-10-07, 07:13 PM

ana 3awez wa7da..... lawo fe 7gz asm3 mnkom ana mesh 3aysh fe masr lakem momken a7gz wa7da m3akom.

sokar_jax

11-10-08, 07:52 AM

انتو مش ملحظين حاجة انا من من ساعت متولدت وانا عارف ان البندقية الرمسيس ب 70 جنية ويوم من كتر تبقى 100 وكنت بسمع من زمان بردة ان الديانا 3500 ل 4000 جنية دلوقتى الديانا الكويسة قوى نتقول 6000 جنية فجاة كدة الرمسيس المعفنة تبقى 1200 يعنى زيادة 12 ضعف فعلا عظيمة يمصر

commando

11-10-18, 07:45 PM

انا معاكم نشجع صناعة بلدنا طالما مواصفاتها كويسة وتأدى الغرض المراد منها بس ليا سؤال ممكن يركب للبندقية دى منظار ولا لأ

boody

11-10-18, 09:56 PM

انا معاكم نشجع صناعة بلدنا طالما مواصفاتها كويسة وتأدى الغرض المراد منها بس ليا سؤال ممكن يركب للبندقية دى منظار ولا لأ

نمرة 2 ممكن
انما واحد لا

ebiednakhnoukh

17-10-25, 07:18 PM

صدقنى يااخى ان لااعرف اى شئ عنك ولكن البندقيه الرمسيس من اجود انواع البنادق لانى اشتريت بندقيه شادو 1000 على راى المثل الصيت ولا الغنى من اسوأ ماشتريت اطبضها اروح اصيد بيها لاتصيد يعنى لو ضربت عشرة رشات ممكن واحدة تصيب والتشعه كل عام وانت بخير وانا من الصعيد واعشق الصيد ولكن للاسف لاحد ينصحنى عن كيفية ضبط الشادو وغالبية المواقع تقول انها دقيقة وهذا لم يحدث معى جربت رش الرمايه جامو هنتر ماتش مارسمان نفس العيب وخدها نصيحة احسن بندقيه رمسيس وسكرا لك وبالتوفيق وياريت لو تعرف اين تباع اعطينى العنوان واكون شاكر

ebiednakhnoukh

17-11-02, 10:31 AM

ليه ثمنها مش غالى كفايه الدقة والبنادق الاسبانى غاليه وليست دقيقة مثل الشادو الف بعد 20 متر الرشه تحدف فى اتجاة شمال يمين فوق تحت وهذا ماجربته بنفسى واتعقدت من البنادق المستوردة وانا من الصعيد وياريت الاقى بندقية رمسيس وشكرا لكم