ممكن نصيحة لأنى عندى سنارة بماكينة كنت شاريها من يجى أكثر من 10 سنين، كنت مجمعها مع إبن عمتى أشتريت الماكينة لوحدها والعود لوحده 3 متر، وللأسف كنت بسيب النسارة بالسنين مش بستخدمها، الماكينة صينى كنت شاريها ب 25 جنيه بس بصراحة استحملت سنين، وهى تروس، من شوية قلت افتحها علشان اشوف الدراع مش بيلف الماكينة ليه، وأتصدمت لأنى لاقيت كل التروس المعدن متكسرة جوة الماكينة، والسؤال هنا عايز أشترى ماكينة نضيفة فى حدود مبلغ 100 جنيه، يا ريت تقولولى على نوع كويس ومنين أجيبه، وهل ينفع الماكينة القديمة أصلحها لأن مكوناتها معدن نضيف ولا لا ، وجزاكم الله كل خير.

يا استاذ اكيد عشان دي اي كلم حديد بيصدي وبعدين لازم تغسلها بالميه الحلوه وتسيبها تنشف وبعدين تشحمها وتزيتها وشكرا

مشكور أخى الفاضل على المرور، ولكن هل عندك أخبار عن ماكينات محترمة حالياً فى حدود 100 جنيه لأنى لو هصطاد فهصطاد مرة واحدة فى كل سنة فمش هجيب ماكنة مثلاً تمنها 600 جنيه وأركنها، وأنا طالع الإسكندرية السنة دى إن شاء الله فى شهر 10.

اه اصلي من الاسكندريه

مشكور أخى الفاضل على المرور، ولكن هل عندك أخبار عن ماكينات محترمة حالياً فى حدود 100 جنيه لأنى لو هصطاد فهصطاد مرة واحدة فى كل سنة فمش هجيب ماكنة مثلاً تمنها 600 جنيه وأركنها، وأنا طالع الإسكندرية السنة دى إن شاء الله فى شهر 10.

اكيد حتلاقي خد ال عنوان ده عند الابرهميه في واحد اسه العربي اسئل عنه

روح عند هيثم خضر

السبخى فى شارع فرنسا
و ممكن تشترى على اللبوصة ال3 متر ماكينة كورى اسمها بانكس
بانكس محترمة و تعيش معاك و تروس المونيوم مش زى الصينى معمولة من معدن التوتيا الضعيف و حتلاقيها تبداء من 125 جنية و بالتوفيق

نصيحة لوجة الله ابعددددددددددددددددددددددددددددددددد عن الصين وخليك فى الكورى مكنة عمرها الافتراضى طويل وقوية ومعمرة

السلام عليكم ورحمه الله وبركاته
يوجد مكن اوموتو جسم جرافيت وقلب نحاس تبدا من 90 جنيها لحد 160 جنيها (4 رمان بلى )
ويوجد ايضا مكنة بانكس شبيه بالمكن الديوا و البن القديم جسمها معدن وقلبها نحاس وبتبدا من 200 جنيه
المكن صينى وكورى طالما مش هتحتفظ بيها يبقا حرام تجيب ديوا او شيمانو او بن وتركنوا من غير صيانه
الاسعار ده جايز تكون غليا لان انا من البحر الاحمر وعادة يوجد ارتفاع عن اسعار القاهرة
ولك منى الدعاء بالتوفيق فى الشراء ورحله صيد جيدة انشاء الله