استفسار هام "مبتدئ"

[bam8572]

بسم الله الرحمن الرحيم
السلام عليكم ورحمة الله وبركاته

-----------------------
ياجماعة انا استعنت ببندقية قريب ليا

المهم انه هو حتى مش فاكر نوعها

نزلت شارع السلاح واشتريت لها زيت سلاح وزيتها كلها من الألف للياء

واشتريت الرش المناسبة " نمرة 2"

النيشان عندى بيتظبط بالأرقام !! بمعنى ان مكتوب فى البندقية 35 , 50 وهكذا

بكرتين من الجنب يتشدوا على الارقام دى , قريبى قالى شدهم على 35 ودا انسب حاجة

المشكلة انى لما بنشن

مرة تيجى أعلى سن النيشان بالظبط

ومرة تيجى فيه بالظبط

ومرة تانية الهدف لازم يبقى تحته

انا احتارت الحقيقة

يمكن انا خبرتى ضعيفة بس انا عندى القدرة على الصبر والتعلم وياريت حضراتكم تفيدونى

الموضوع المثبت للمبتدئين الحقيقة فهمت منه حجات كتير بس للأسف اتكلم على حجات فى ضبط السلاح مش موجودة عندى اصلاً

[Amiroz]

عاوز تعرف النشان مضبوط ولا لاء استعين بلوح نشان وخد الوضع الراقد وتكون المسافة من 15 الي 20 م
بمعني ترقد علي بطنك وتظبط النشان وتنشن عدد 5 طلقات بالوضع دة بنفس طريقة النشان
لو النشان مظبط يبقي البندقية نشانهامظبوط
بس تحذير هام لا تجعل المسافة قريب او مباشرة وخد بالك لا تلصق لوح النشان علي خسب mdf حتي لا ترتد الطلقة عليك وافضل ان تقوم بلصقها علي كرتونة حتي اذا نفذت لا ترتد
لكن هناك خبرة لازم تكتسبها في كيفية ظبط النشان الخلفي مع الامامي وازاي تثبت واحد وتحرك لية التاني
واتمني ان تلاقي حد يفيدك في الموضوع اكثر مني

[msa_79]

الموضوع ده هتلاقي فيه كل ما تحتاجه ان شاء الله
http://www.egypthunt.net/showthread.php?t=9427
بالنسبة لزيت السلاح متزيتش بيه البندقية من الداخل حتي لا تتاكل الجلبه خصوصا انها زي ما وصفت قديمه

[bam8572]

هشوف الموضوع وارد عليك
مليون شكر لإهتمامك

للأسف انا زيتها فعلاً خلاص