هام : المسدسات الصينى و السوق المصرية

[ahmedmh_ali]

المسدسات الصينى


الكلمة دى اترددت كتير فى الكام يوم اللى فاتوا دول و كان ليها أثر كبير على الأعضاء فى منهم اللى شك فى المسدس بسبب مشكلة فية انة صينى فى اللى كانوا يشترى و صرف نظر فى اللى اشترى و باع المسدس اللى معاة قال طالما انا اشتريت من قريب دة ممكن يطلع صينى
صينى .. صينى.. صينى

فى مصر مفيش مسدسات صينى

حيطلع واحد دلوقتى حيقولى لا دة فى موضوع أسمة : (انفراد الباريتا الصينى اللى مالى السوق )

و دة رابط الموضوع http://www.egypthunt.net/showthread.php?t=11607&highlight=%C7%E4%DD%D1%C7%CF

مع كل الشكر و التقدير للأستاذ المحترم صاحب الموضوع أنا لو ح أعاتب علية حيكون علشان حاجة واحدة كلمة ( اللى مالى السوق)

و دى صور من الموضوع :

17724

17725

17726


لتوضيع بعض النقاط :

- هذا المسدس لم يتم تصويرة بكاميرا رقمية او تليفون بمعنى ان الصور دى يا أما من المعرض يا أما من الشركة المصنعه بصحيح العبارة كدة يعنى مش بيت حد مننا مش صورة متصورة شخصيا .

- المسدس من انتاج شركة صينية ( مكتوب علية بالصينى ) يعنى بيعرفك انة صينى بمعنى تجارى ( خط انتاج مشترك) و انت حر يا تشترى الصينى يا تشترى الأيطالى .

- المسدس لم ينزل الى الأسواق المصرية .

- كلمة صينى لا تعنى مفهوم سيء أو جودة منعدمة بمعنى ( ناخد مثال للتليفون النوكيا أول لما نزل السوق المصرى كانت الصناعه فنلندى ظهر بعد كدة الألمانى بعد كدة المجرى بعد كدة الصينى بعد كدة الهندى هنا بقى حد سأل نفسة لية ؟؟؟ دة لأن الصناعه الفنلدية مكلفة و الألمانية مكلفة طيب انا عايز عمالة تاخد عمولة أقل يبقى أجيب صينين او هنود او مجريين طيب اما أنا ح أجيبهم يبقى ح أصرف عليهم يبقى عملت اية انا كدة اللى وفرتة صرفتة طيب ما أنا أروح أبنى المصنع عندهم و اسمة نوكيا و أشغلهم فى بلدهم و هنا النقطة الفارقة المهمة انة أول عن أخر نوكيا لكن مصنوع فى الصين بعكس التليفونات الصينى اللى أنتم عارفين خطين و تلاتة و كدة دى عمرها ما حتكون بجودة و كفاءة النوكيا )

-( التليفزيونات - التليفونات - العربيات - الساعات ) كل الشركات العالمية المصنعه ليها أستثمار فى الصين اى كان المنتج .

-شركات السلاح زيها زى شركة لو واجهوا صعوبة فى العمالة حتروح على الصين و حتفتح مصانع هناك لكن المصنع تابع أولا و أخيرا للشركة الأم و لو فى يوم من الأيام نفرض ان نزل مسدس مثلا صينى من شركة تركية او ألمانية حيكون مكتوب علية :
made in china under the authority of ekol co لأن دى حقوق ملكية و مفهاش هزار أو تحريف .

- لو فى شركة صينى فرضا نزلت او عملت تقليد صينى لأى شركة فى الخباثة كدة شركة زى مثلا أيكول دى مش بتاعه خضار لا دى ليها رؤساء مجلس أدارة و لجان رقابية و ادارية و اى حاجة تحصل زى كدة حيكون فيها متقدم بلاغ فى ساعتها و معلش يعنى دة لو كيس مكرونة نزل شكلة زى كيس شركة تانية الدنيا تقوم و تقعد و قضايا و كدة فما بالك بشركات الصناعه الكبرى .

-المسدس الماكاروف الروسى الصنع قامت بلغاريا بتصنيعه و لم يؤثر هذا على أنتاجة .

- للمرة الأخيرة ( العمالة الصينية لا تؤثر على جودة الأنتاج ما دامت تحت أشراف الشركة الأم )

ما هو السلاح الصينى الرسمى المتواجد فى الأسواق العالمية و المصرية ؟

شركة نورينكو Norinco

و هى أشهر شركة صينية مصنعه للأسلحه

17732
17733
17734
17735
17736


- أرجو ان أكون قد حسمت الأمر فى مبدأ الأسلحه الصينية و حفاظا على مصداقية هذا المنتدى أرجو من الأخوة أساتذتى الكرام اعضاء المنتدى الكرام الذين لهم كل تقدير و احترام على مجهوداتهم العظيمة تحرى الدقة فقط قبل كتابة موضوع عسى أن نصيب قوم بجهالة أو نتسبب فى تضليل أحد.


تم بحمد الله


تحياتى للجميع ....

[Mohamed Badee]

استاذ احمد فعلا فى حقوق ملكية وحاجات من دى لكل الشركات
وانا مش هقدر ارد على موضوع السلاح لان تقريبا خبرتى فيه لا تتعدى خبرتك فى اللغة الصينية - باختصار ابيض
لكن فعلا المضروب فى كل المجالات بقى اكتر من الاصلى وللاسف الموضوع ده بقى منتشر فوق الوصف
يعنى مثلا كل حاجة دلوقتى يقولك سوبر كوبى وهاى كوبى واكسلنت كوبى والخ الخ الخ
الساعات بجميع انواعها من اول الروليكس والنظارات بجميع انواعها يعنى الريبان مثلا عاملينها وبالعلامة المائية بتاعتها وبربع سعرها والبرفانات حتى الموبايلات الايفون الصينى مالى الدنيا وبنفس العلامة

[ahmedmh_ali]

استاذ احمد فعلا فى حقوق ملكية وحاجات من دى لكل الشركات
وانا مش هقدر ارد على موضوع السلاح لان تقريبا خبرتى فيه لا تتعدى خبرتك فى اللغة الصينية - باختصار ابيض
لكن فعلا المضروب فى كل المجالات بقى اكتر من الاصلى وللاسف الموضوع ده بقى منتشر فوق الوصف
يعنى مثلا كل حاجة دلوقتى يقولك سوبر كوبى وهاى كوبى واكسلنت كوبى والخ الخ الخ
الساعات بجميع انواعها من اول الروليكس والنظارات بجميع انواعها يعنى الريبان مثلا عاملينها وبالعلامة المائية بتاعتها وبربع سعرها والبرفانات حتى الموبايلات الايفون الصينى مالى الدنيا وبنفس العلامة

هههههههههههههههههه كلامك مظبوط بس بردة دول حاجة و دول حاجة أما بالنسبة للساعات حتلاقى الروليكس ال ب 20 جنية لكن بردة فى الروليكس المتصنعه فى الصين تحت سقف شركة روليكس الأصلية المسدسات دى حاجة فيها أستخدام دايم فى زى ما قلت المضروب دى صعبة و لو حصلت فى يوم من الأيام حيبقى فية تصدى ليها فى أسرع وقت من الشركة المصنعه و مش حتصل لحد الأنتشار .
تحياتى ..

[ahmedmh_ali]

استاذ احمد فعلا فى حقوق ملكية وحاجات من دى لكل الشركات
وانا مش هقدر ارد على موضوع السلاح لان تقريبا خبرتى فيه لا تتعدى خبرتك فى اللغة الصينية - باختصار ابيض
لكن فعلا المضروب فى كل المجالات بقى اكتر من الاصلى وللاسف الموضوع ده بقى منتشر فوق الوصف
يعنى مثلا كل حاجة دلوقتى يقولك سوبر كوبى وهاى كوبى واكسلنت كوبى والخ الخ الخ
الساعات بجميع انواعها من اول الروليكس والنظارات بجميع انواعها يعنى الريبان مثلا عاملينها وبالعلامة المائية بتاعتها وبربع سعرها والبرفانات حتى الموبايلات الايفون الصينى مالى الدنيا وبنفس العلامة

و خد بالك عندنا فى السوق التجارى فى الجمرك مضروب غير كوبى (تفرق كتير ) :):)

[tarekvb]

هههههههههههههههههه كلامك مظبوط بس بردة دول حاجة و دول حاجة أما بالنسبة للساعات حتلاقى الروليكس ال ب 20 جنية لكن بردة فى الروليكس المتصنعه فى الصين تحت سقف شركة روليكس الأصلية المسدسات دى حاجة فيها أستخدام دايم فى زى ما قلت المضروب دى صعبة و لو حصلت فى يوم من الأيام حيبقى فية تصدى ليها فى أسرع وقت من الشركة المصنعه و مش حتصل لحد الأنتشار .
تحياتى ..
بس التصدى ده بعد لما يكون السوق غرق وساعتها هتعمل ايه الشركة الام هتلم اللى نزل فى السوق ؟؟؟

[كفافى1]

شكراً على المعلومة
واشكر ايضاً الاخ كيمو على المعلومة
تحياتى

[kiko_2015]

يا جماعه بعد اذنكم عاوز اقولكم معلومه بسيطه
السلاح الصيني مش شرط يكون اتصنع ف الصين
لكن المفهوم العام ف مصر ان اي حاجه مغشوشه نقول عليها صيني
يعني لو مسدس اتصنع تحت السلم ف مصر..هيقولو عليه صيني بردو

[ahmedmh_ali]

بس التصدى ده بعد لما يكون السوق غرق وساعتها هتعمل ايه الشركة الام هتلم اللى نزل فى السوق ؟؟؟


و هى حصلت قبل كدة من يوم لما شركات السلاح دى أتعملت ؟؟ لو حصل ساعتها حنشوف البضاعه جاية منين او مضروبة و لا لا و اية رد فعل الشركة

[ahmedmh_ali]

يا جماعه بعد اذنكم عاوز اقولكم معلومه بسيطه
السلاح الصيني مش شرط يكون اتصنع ف الصين
لكن المفهوم العام ف مصر ان اي حاجه مغشوشه نقول عليها صيني
يعني لو مسدس اتصنع تحت السلم ف مصر..هيقولو عليه صيني بردو

100 % كلام سليم و مظبوط و أكيد حيبان علية سوء التصنيع .

[smsmn8888]

كل واحد يقول راية هو حر فية
يعني هل يوجد مسدسات صيني في السوق المصرى اةةةةةةةةةةةةةةةةةة ومليون ايوة وتا اكيد بنسبة كبيرة لان في احد الاعضاء لبس روم صيني وكان سعرة غريب جدااا انت ولكن لو في عضو بيقول لا مفيش صيني في السوق هو حر يقول الذي هو عايزة ولكن نتفق كلنا علي ان البضاعة التي في السوق مش نظيفة تشعر انها مخشوشة مضروبة اي حاجة فرذ سئ جدااا وتا كلام الاغلبية مع احترامي للجميع

[ahmedmh_ali]

كل واحد يقول راية هو حر فية
يعني هل يوجد مسدسات صيني في السوق المصرى اةةةةةةةةةةةةةةةةةة ومليون ايوة وتا اكيد بنسبة كبيرة لان في احد الاعضاء لبس روم صيني وكان سعرة غريب جدااا انت ولكن لو في عضو بيقول لا مفيش صيني في السوق هو حر يقول الذي هو عايزة ولكن نتفق كلنا علي ان البضاعة التي في السوق مش نظيفة تشعر انها مخشوشة مضروبة اي حاجة فرذ سئ جدااا وتا كلام الاغلبية مع احترامي للجميع


يا سمسم علشان مستنكش على باب المنتدى و أخطفك :mad::mad::mad: معيوبة مش معنى أنها صينــــــــــــــــــــــــــــــــــــــــــى أى منتج لازم فية المعيوب بس بلاش كلمة صينى مفيش مسدسات صينى فى السوق المصرى - فى مسدسات معيوبة و ليست مغشوشة فى السوق المصرى . مبدأ العيب موجود أنت معرض انك تشترى تلفزيون تروح تلاقية صورتة أبيض و أسود لنفرض مكتوب علية صنع فى اليابان هل العيب يخليك تقول دة صينى و بعدين العضو اللى معاه الروم اللى بيقال أنة كلمة موجودة كلمة محفورة كلمة بارزة كل دى شكليات فقط و محدش يقدر يحكم على الخامة غير لما يحط اتنين تلاتة أربعه جمب بعض مش حكم تقديرى أصلة خفيف شوية أصل صوتة واطى حبتين لا مش تقييم السلاح و بعدين ما هو عندك الأيكول جاكال دوال فى منة مكتوب علية
CALL 9MM P.A.K و فى مش مكتوب فى مكتوب علية MADE IN TURKEY و فى مش مكتوب أذا فهو لازم يكون صينى ( لا كدة يبقى أحنا بنهزر ) .
و بعدين حقولك على حاجة انت تضمن تجار المنتدى صحابك و لا تجار برة ... ؟؟؟
أكيد تجار المنتدى .. كدة بقى الناس دى حتقلق من الأسعار القليلة حيقول ما انا أروح أجيب من اللى ب 2000 فى المحل ما هو طالما فى رخيص يبقى صينى يبقى عملنا أقبال على المحلات يبقى زيادة أسعار تانى . وبعدين بص على الفيديو دة مشهور أوى :

http://www.youtube.com/watch?v=35sr5A1GCho

الدقيقة 3:31
الدقيقة 8:21
حتلاقىة بيتكلم فى طلاء المسدس و انة الفينش بتاعه زفت و ان الخزنة القاعدة البلاستيك اللى فيها ضعيفة و أى كلام عيوب أهى موجودة فى دة و مش موجودة فى غيرة ( صينى بردة ) ؟؟ :):):)



لا تنسى أننا نستعمل السلاح فى غير ما صنع من أجلة (المسدس الصوت لطلق الصوت و ليس لطلق البلى و لكننا نقوم بذلك تحت ظروف البلد الحالية و لصعوبة الحصول على الحى المرخص ) يبقى مينفعش لما تحصل حاجة نيجى نشتكى ((( خد بالك من النقطة دى كويس أوى )))

[اسلام]

يا باشا كلامك صح لو الشركه المقلده لايكول معروفه ولها خط انتاج بس كل الناس وخصوصاُ المستوردين اللى بيسفروا الصين عرفين ان فيه اماكن فى الصين ممكن تكون قرى بأكملها بتقلد اى شى اى كان وبردا بتكون صناعه تحت بير السلم
حضرتك كلامك جميل بس لو انتا لفيت كل المحافظات واطلعت على كل البضاعه اللى موجوده فى السوق
انا عارف انك بتتكلم من منطلق اللى عمله تجار المنتدى من تضارب اسعار السلاح وبعدها مباشره نشر خبر الاسلحه الصينيه
فكان فعلاً الامر مشكوك فيه وطبعاً المستوردين والتجار الكبار قالوا لا مفيش حاجه اسمها صينى ومعرفش قالوا كدا بناء على ايه هل شافوووو كل البضاعه اللى مكتوب عليه صينى
عارف الحل الامثل ايه اننا نجيب الناس اللى بتقول دا صينى ونجيب الناس اللى بتقول مفيش صينى وكل واحد يحضر قطعه معاه ونعقد بنهم مقارنه
وتقبل خالص تحياتى

[ahmedmh_ali]

يا باشا كلامك صح لو الشركه المقلده لايكول معروفه ولها خط انتاج بس كل الناس وخصوصاُ المستوردين اللى بيسفروا الصين عرفين ان فيه اماكن فى الصين ممكن تكون قرى بأكملها بتقلد اى شى اى كان وبردا بتكون صناعه تحت بير السلم
حضرتك كلامك جميل بس لو انتا لفيت كل المحافظات واطلعت على كل البضاعه اللى موجوده فى السوق
انا عارف انك بتتكلم من منطلق اللى عمله تجار المنتدى من تضارب اسعار السلاح وبعدها مباشره نشر خبر الاسلحه الصينيه
فكان فعلاً الامر مشكوك فيه وطبعاً المستوردين والتجار الكبار قالوا لا مفيش حاجه اسمها صينى ومعرفش قالوا كدا بناء على ايه هل شافوووو كل البضاعه اللى مكتوب عليه صينى
عارف الحل الامثل ايه اننا نجيب الناس اللى بتقول دا صينى ونجيب الناس اللى بتقول مفيش صينى وكل واحد يحضر قطعه معاه ونعقد بنهم مقارنه
وتقبل خالص تحياتى



الله ينور عليك انت كدة جبت من الأخر . :):):)
تحياتى .

[fesal]

la;gj hgwdk hkih qaمشكلت بصراحه الحاجه الصيني افقدت للشيء بريقه
يعني الواحد كان بيشتري ساعه اصليه وهوا مرتاج دلوقتي ولا بيشتري اصلي ولا مضروب لان خايف من البعين في مصر ومن قله الضمير
ايام الاقلام الاصليه زمان وانا صغير دلوقتي مبقاش في حاجه اسمها قلم اصلي كله مضروب الا نادرا الحجات القديمه الي بريشه حبر
نفس الكلام اعتقد انه ينطبع عل يالمسدسات ممكن يكون متصنع في الصين تحت غطاء الشركه الام زي الموبيلات النوكيا

وربنا يستر ومنلاقيش العرايس الصيني غرقت البلد (بصراحه دي بقه الشيء الوحيد الي هتبسطت اني الاقيه مغرق السوق المصري :) )

[جنرال]

هههههههههههههههههه كلامك مظبوط بس بردة دول حاجة و دول حاجة أما بالنسبة للساعات حتلاقى الروليكس ال ب 20 جنية لكن بردة فى الروليكس المتصنعه فى الصين تحت سقف شركة روليكس الأصلية المسدسات دى حاجة فيها أستخدام دايم فى زى ما قلت المضروب دى صعبة و لو حصلت فى يوم من الأيام حيبقى فية تصدى ليها فى أسرع وقت من الشركة المصنعه و مش حتصل لحد الأنتشار .
تحياتى ..
مع الإحترام رولكس لا تصنع إلا في سويسرا و لا تصنع في أي مكان أخر و لا يوجد ممثل للشركة إلا في سويسرا.و على فكرة بيكسروا بباجور الظلط أي رولكس تقليد. علشان كده سعر الساعة الأصلي عالي. لو جتلك معلومة أنها بتتصنع في الصين تبقى مضروبة و ده يؤكد أن موضوع السلاح الصيني فيه جزء كبير صحيح.رخص التمن و ردائة الجودة.و ده موجود في السوق المصري. مع إحترامي

[جنرال]

كل واحد يقول راية هو حر فية
يعني هل يوجد مسدسات صيني في السوق المصرى اةةةةةةةةةةةةةةةةةة ومليون ايوة وتا اكيد بنسبة كبيرة لان في احد الاعضاء لبس روم صيني وكان سعرة غريب جدااا انت ولكن لو في عضو بيقول لا مفيش صيني في السوق هو حر يقول الذي هو عايزة ولكن نتفق كلنا علي ان البضاعة التي في السوق مش نظيفة تشعر انها مخشوشة مضروبة اي حاجة فرذ سئ جدااا وتا كلام الاغلبية مع احترامي للجميع
أنا رأيي من رأيك

[BOB20102008]

كالم جميل جدان واربنا يكرمك

على المجهود الرئع داه

[ahmedmh_ali]

كالم جميل جدان واربنا يكرمك

على المجهود الرئع داه

ربنا يخليك يا باشا .

[bob]

مجهود رائع نشكرك جدا عليه

[أميجو]

وطبعا مش هيعمر أكتر من فترة قصيرة كباقى المنتجات الصينية .
والاكيد أنه هيبقى تعبان مثل باقى المنتجات اللى ماليه البلد ولو حصل له حاجه يبقى العوض على الله فى ثمنه .
لا خلينا فى الاصلى أحسن .

[ahmedmh_ali]

مع الإحترام رولكس لا تصنع إلا في سويسرا و لا تصنع في أي مكان أخر و لا يوجد ممثل للشركة إلا في سويسرا.و على فكرة بيكسروا بباجور الظلط أي رولكس تقليد. علشان كده سعر الساعة الأصلي عالي. لو جتلك معلومة أنها بتتصنع في الصين تبقى مضروبة و ده يؤكد أن موضوع السلاح الصيني فيه جزء كبير صحيح.رخص التمن و ردائة الجودة.و ده موجود في السوق المصري. مع إحترامي


مع أحترامى لك رجاء مراجعه معلوماتك الشخصية لأنها خاطئة ..
http://en.wikipedia.org/wiki/File:Rolex_in_Beijing.JPG

أنا لا أتحدث من منطلق معلومات تأتينى بل أتحدث من واقع عملى و دراستى للتسويق و أذا أستندت بكلامك بعدم وجود مصنع للشركة فى الصين دليل على وجود أسلحه صينية داخل مصر فأذا بما أنك مخطأ قلا يوجد أسلحه صينية فى مصر و أن تم تصنيعها سيتم تصنيها بأعلى جودة تحت سقف الشركة الأم مثلما تفعل جميع الشركات و منهم ( روليكس ) و أود أن أوضح لك سيدى الفاضل :
أولا / الأسحلة ليست بثمن رخيص فالنوع المفضل بين الناس و هو الأيكول جاكال يبدأ من الف جنية مصرى .
ثانيا / كيف تحكم على ردائة الجودة ؟
هل قمت بشراء 10 مسدسات من نوع واحد من قبل ؟
هل قمت بشراء 3 أنوع من المسدسات و وجدتهم جميعهم معيوبين ؟
هل جميع من قام بشراء الأسحلة من حولك سواء من أصدقائك أو ماشابة أسلحتهم رديئة ؟

و اذا كان كل هذا يحدث فى السوق المصرى ( فلتقم شاكرا و تضع لنا الدليل )

تحياتى ..........

[akmels]

الف الف شكر على معلوماتك

[احمد العوضى]

اود ان اعقب على صاحب الموضوع فى ان المشكله فى الصينى ليست فى انه صينى بل المشكله فى المستورد الجشع الى بيدور على الربح السريع لماذا تكون المنتجات الصينيه فى اوربا تضاهى الاصلي ولا تفرق عنه شيءلان المستورد يعلم كل العلم انهو سوف يحاسب حساب الملكين اما فى مصر فيعلم انهو لم ولن يحاسب وقد هرب بما كسب العيب مش فى الصينى العيب فى المستورد ومن يدخلو المنتج البلد تقبل مرورى