السلام عليكم

أحب أن أفتح باب النقاش فى هذا الموضوع الذى يواجه معظم الرماة او الصيادين بشكل ملحوظ جدا وهو أختلاف

النيشان أثناء الرماية أو الصيد على الرغم من ضبط البندقية قبل الخروج للرحلة أو الرماية و لقد وجدت أن هناك خطأ

يقع فية الكثيرين أثناء ضبط النيشان

وأرجو أن تتقبلوا رأى فى جزأية معينة فى هذا الموضوع

يقع الكثيرين عند ضبط النيشان فى خطأ كبير جدا و قد تتعجبوا عندما أقول أن الخطأ هو تثبيت البندقية على حامل عند ضبط

النيشان ودعونا نتفق سويا ان التجربة العملية تختلف عن النظرية تماما وسوف أوضح ما هو الخطأ

بشكل مختصر جدا أن المواصفات الجسدية لها عامل مهم جدا فى ضبط النيشان فمثلا طول

الذراع ومعصم اليد وطول الرامى نفسة و أيضا شكل الكتف هل هو سمين أم رفيع وأهم نقطة

مما ذكر هو طول أو قصر الرامى كل هذة العوامل مهمة جدا عند ضبط النيشان و الدليل على ذالك

أنا البنادق المخصصة للرماية تجد فيها أمكانية التعديل حسب مواصفات الرامى

وعلى هذا أقول أنه بمجرد أن تم تثبيت البندقية فقد تم ألغاء كل المواصفت الجسدية للرامى والذى
يحتاجها لضبط النيشان فلا تتعجب أن تجد النيشان غير مضبوط بعد رفع البندقية من على الجسم

المثيتة علية أو تجد النيشان مضبوط فى الأهداف الأرضية و غير مضبوط فى الأهداف المرتفعة فالنشان فى هذة الحالة قد يكون غير ملائم لمواصفات الرامى

والنصيحة أن تقوم بضبط البندقية فى الوضع الذى تستخدمة دائما فى الصيد أو الرماية بأستخدام اليد فقط و هذة النصيحة بالأكثر للصيادين حيث أنهم يستخدمون أوضاع و مسافات مختلفة للصيد

و سوف يعتبر ضبط النيشان بهذة الطريقة نوعا من التدريب ايضا على ثبات اليد وتقدير المسافات والتأقلم مع البندقية

وهذا هو رأى من خلال خبرتى المحدودة وأرجو أن يزيد بالمعلومات كل من لدية الخبرة فى هذا الموضوع لكى تعم الفائدة على الجميع

وشكرا

صديقي وحبيبي أشرف باشا
أولا لي الشرف في أن أكون أول من يرد علي هذه المعلومة الرائعة وبالتالي بما أني وصفتها بالمعلومة فردي هو أنه لاتعقيب لأننا جربنا هذا الكلام سويا وأثناء الصيد وأتضح صحته تماما وأنا أري أيضا أن تكون هذه المعلومة قاعدة يحفظها ويتبعها تماما كل الأعزاء المبتدئين
ولك كل الشكر والتحية علي مواضيعك التي تبدو في ظاهرها أنها بسيطة في حين أنها آيات من ناموس هذه الرياضة
لك كل الشكر والأعزاز ياأشرف

السلام عليكم

الغالى المهندس طلعت الحقيقة أنه انا لى الشرف أن أجد ردا منك على أى موضوع كتبتة فردك على موضوعى

بمثابة توقيع علية ولا يكتمل جمال أى موضوع ألا بمشاركتك فية




وشكرا

كلام 10/10 تسلم

شكرا على مرورك الجميل

الغالي اشرف طبعا كلامك صح 100 % علشان كدا دايما كنا نقول للصياد لما يحب يضبط البندقية ما سيندش علي جسم ثابت يجوز انة يسبد ايدة مثلا علي العربية علي سور علي حائط بس لازم يكون جسمة هوة الي شايل البندقية يعني هوة والبندقية جزء واحد لان العوامل الي انت ذكرتها سوف تؤثر في ضبط النيشان والله يكرمك.

السلام عليكم


بجد أنا كان يهمنى رأيك فى الموضوع دة يا أستاذ جلال لأنك من أصحاب الخبرة فى الرماية والصيد وأشكرك

على مشاركتك فى هذا الموضوع والذى يؤكد صحة المعلومة



وشكرا

كلام صحيح ومؤكد فى ضبط النشان وعموما اذا كان لابد من مسند فلابد ان يكون من خلال اليد او الكوع مباشرة
اما سند السلاح ذاته على مسند مباشرة فلا يجوز الا فى حاله الضبط للرمايه على الاهداف وهو شىء مختلف عن الصيد تماما وله تجهيزات اخرى والموضوع مهم وفعلا بيقع فيه صيادين بيصيدوا كتير وليس المبتداين فقط

السلام عليكم




أشكرك يا أستاذ صلاح على مشاركتك وأضافتك المفيدة للموضوع


وشكرا

والله ياجماعة أنا أول مرة اسمع الكلام ده, ربنا يكرمكم. أنا كنت فاكر إن الايد لما تثبت عند الظبط يكون أفضل والباقي على ثابت الايد حين الممارسة الفعلية وليس الظبط.لكم جزيل الشكر.

كلام جميل جدا ولكن هل هذا ينطبق على المنظار ايضا وشكرااااااااااا

السلام عليكم


أعتقد بأن نفس القاعدة تنطبق على أى نوع من ضبط النيشان


وشكرا

تحديث الموضوع للأفادة

تحديث الموضوع للأفادة

كلام مظبوط مليون فى الميه

كلام فى المضمون افادكم الله

شكرا للأستاذ أيهاب والأستاذ هشام و بتمنى لو كنت أستطعت أن أقدم أى معلومة و لو صغيرة للأفادة

و شكرا

مشكور على المعلومات الرئعة

العفو يا باشا المهم أن المضوع يكون فية أفادة بأى معلومة

هذا الكلام مضبوط للتعود على الثبات التام عند الصيد وايضا للتعود على البندقية التى استخدمها ....
وكما قال لى قطبى المنتدى (ا/ جلال و ا/طلعت) ان اكون انا والبندقية شىء واحد وجسم واحد حتى احصل على النتائج التى اتمناها ... وايضا زى ما قال عضو من الاعضاء انه ليس من الضرورى ان الماهر فى الرماية ان يكون ماهر بالصيد ولكن الماهر فى الصيد لابد ان يكون ماهر فى الرماية ايضا.....

شكرا يا أيمن على مشاركتك وشكرا على هذه الأضافة أيضا

مختلف معاك يا قناص طالما تم ضبط النشان على الوضع الثابت بالتالى هيكون مضبوط اثناء التهديف بالسلاح المشكلة هتبقى فقط فى مدى ثبات يد الصياد وعدم اهتزازه ودى صعبة جدا يكون الصياد متحكم فيها مية فى المية لانها اهتزازة لاارادية بتدخل فيها عوامل جسمانية كمدى قوة الاعصاب وافراز الادرينالين ومقدار التحفز و التركيز والسرعة ودى فروق فردية بتختلف من شخص لاخر وبالتالى كل مرة هتضبط بيها النشان على وضع الرماية العادية هتكون النتيجة اى الاصابة مكانها مختلف فى كل مرة وهتضر تظبط الى مالا نهاية و مش هتصطاد حاجة الافضل هو التمرن على التحكم فى الاعصاب والهدوء والتركز واخذ الوضع الصحيح اثناء القنص .وتقبل مرورى واختلاف وجهات النظر

أولا أشكرك جدا على هذا النقاش القائم على الاختلاف حول معلومة معينة للوصول الى المعلومة الصحيحة فى النهاية

أولا من المفروض عند ضبط النيشان ان تكون فى حالة نفسية وصحية وذهنية جيدة يعنى من المفروض ان تكون فى أفضل حالاتك و الثبات وخلافة يأتى بالتدريب مع الوقت ولكن ما أقصدة هو العلاقة بين المواصفات الجسدية للرامى والبندقية المستخدمة فهناك علاقة وثيقة جدا بين هاذين العاملين والدليل على ذالك بنادق الرماية التى تكون مجهزة للتغير حسب مواصفات الرامى بل أيضا هناك بعض بنادق الرماية والتى يستخدمها الكثيرين فى الرماية تصنع لهم خصيصا حسب مواصفاتهم الجسدية لكى تعطى أفضل نتيجة ولهذا عند تثبيت البندقية على حامل أثناء الضبط فهكذا قد ألغيت تماما المواصفات الجسدية للرامى وعلاقتها بالبندقية المستخدمة و أيضا تفقد الرامى التعود والحس الفنى عند استخدام البندقية أثنائ الصيد ولا تنسى أيضا أن عملية ضبط النيشان تكون نوع من التدريب بالنسبة للرامى لكى يعرف أين تكون أخطائه ونقاط ضعفة فيبدأ بعد ذاللك فى التدريب لتقوية نقاط الضعف و علاج أخطائه الشخصية التى قد تحدث عند أستخدام البندقية أما فى الرماية أو الصيد

وفى النهاية لك منى كل التحية على حوارك المفيد

و شكرا

اشكرك ياقناص على تقبلك مداخالتى مجهودك فوق الممتاز و مفيش اى اختلاف على العلاقة الوثيقة بين الصياد وبندقيته وراحته النفسية وطريقة تعامله معاها اثناء الصيد ومدى دقته فى التصويب دى كلها عوامل بشرية المهم الجزء الغير بشرى وهو البندقية تعتبر الة و ضبط النيشان على الوضع الثابت افضل وادق ليه تعالى نشبه ضبط النيشان بضبط الزوايا فى السيارة لازم مهندس او فنى الزوايا يضبط زوايا السيارة وهى متوقفة عن السير ثابتة ومفيش اهتزاز او حركة يمين اوشمال و الدركسيون والعجل يكون فى المنتصف زى النشنكان الامامى والخلفى فى البندقية علشان يضبط صح يزود يمين ينقص شمال اوالعكس نفس الوضع مع البندقية لازم تكون ثابتة تماما بدون اهتزاز وده مبيتحققش مع تدخل العتصر البشرى و هو ماسك السلاح بدون تثبيت ايا كانت مهارته فى الصيد او الرماية او علاقته بسلاحه مش ممكن تضبط زوايا السيارة وهى ماشية وبالتالى نفس الوضع مع السلاح نشانه او زواياه مش ممكن يضبط وهو بيتهز الثبات التام مش ممكن يتحقق بالكامل مع تدخل العنصر البشرى و هو ماسك السلاح او بيسوق السيارة اى مع وجود حركة ما او اهتزاز ايا كان مقدارهم .بمعنى احنا اللى بنتاقلم على ضبطة النشان مش النشان اللى بيتاقلم على ضبطة ايدينا اتمنى رحابة صدوركم واسف على الاطالة

شكرا لذوقك و أن شاء الله طبعا مفيش أختلاف بس عايز أقولك على حاجة مش ممكن نشبة ضبط النيشان بضبط أى ماكينة لسبب بسيط جدا لأن بعد ضبط الماكينة لا يدخل فيها أى عوامل جسدية أو نفسية لتشغيلها وحركاتها حيث أنا تعمل بشكل منتظم قاءم على البرمجة من تلقاء نفسها ولكن ضبط النيشان يدخل به العوامل الجسدية و العصبية معا و لذالك تجد أن هناك فروق فردية بين أمكانيات كل صياد والأخر

الكلام دا مظبوت 100 % بس انا مع ظبط النشان بتثبيت البندقية ويفضل استخدام منجلة لتثبيت البندقية بالكامل ودا لضمان ان النشان مظبوط بالملى ودا زى عملية معايرة الميزان لانك ما تقدرش تحكم على الميزان انة مظبوط غير لما توزن بية وزن معين وليكن 100 جرام المؤشر بتاع الميزان يديك 100 جرام بكدة تعرف ان الميزان مظبوط وتمت معايرته الخطوة التانية انك تضرب بالبندقية خمس رشات على سبيل المثال وتشوف بس هاتكون متاكد ان النشان مظبوط وان اى خطاء فى التهديف دا بيكون من الرامى مش من السلاح نتيجة اهتزاز البندقية او عدم التركيز وتقبل مرورى وشكرا

السلام عليكم
مبدئيا كلام ممتاز
اولا / انا لما اجى اضبط بندقيتى اول حاجه بعملها هدف والهدف هو ان اضرب رشايه على اى مكان معين بعيدا عن الماره وابتدى اضبط عليه وتانى حاجه ببتدى ارفع البندقيه للارتفاع المضبوط الى المفروض هضرب عليه وهنا نقطه ان البندقيه تلاقيها بتروح شمال ويمين وبعدين ثبات البندقيه بيبقى عباره عن جزء من الثانيه فى الحاله دى اضرب على طول وعلى فكره انا من ساعة مضبط البندقيه بتاعتى ملعبتش فى نيشانها تانى
ولكم جميعا جزيل الشكر
اخيكم /حسن الديب

الف شكر على كم المعلومات القيمه بارك الله فيكم وجزاكم خير

شكرا للأستاذ حسن و القناص 2010 والمستشار لمشاركتكم الجميلة

لا شكر على واجب يا باشا وانتا صاحب الفضل فى فتح المناقشة الجميلة دى والكل استفاد طبعا ولو حتى معلومة صغيرة لاكن ممكن يكون فايدتها كبيرة

شكرا يا باشا لا فضل ولا حاجة لأن هو دة الهدف الحقيقى من أى مناقشة أنه يكون فية أفادة وأستفادة

مش حضراتكوا بتقولوا أنه فيه قاعدة للنشاااااااااااان

أيه هى قاعدة النشااااااان

اللى بيها أضبط البندقية

وماليش دعوة باللى يضرب بيهااااااااااااااا

السلام عليكم

أهم قاعدة للنشان با أستاذ سامى هى أن تكون سن نملة الدبانة فى منتصف فتحة الشيز للناشينكان الخلفى
و من ثم يبدأ بعد ذللك ضبط البندقية على الأهدف والمسافات فهناك بعد الصيادين يفضلون تجميع الناشينكان منتصف أسفل الهدف وهناك البعض الأخر يقوم بتجميع الناشينكان بالكامل داخل الهدف و قد تجد طرق مختلفة لضبط النسيشان لكل صياد وهذا يرجع حسب ضبط الأرتفاع والانخفاص فى الناشينكان الخلفى و كل هذه الطرق صحيحة فى الضبط المهم أن تكون تجميع نيشانات البندقية واضحح أمام الصياد و تكون فى زاوية مستقيمة وصحيحة

وشكرا