طلعة زى الكتاب ما بيقول

[mero1x]

اليوم طلعت انا وعصام طلعة صيد حمام برى بس الطلعة دى ممكن نقول عنها طلعة اكاديمية ودة لأننا اتبعنا فيها كل الوسائل العلمية لصيد الحمام البرى (زى الكتاب ما بيقول)
من حيث .
1- اختيار التوقيت
2-اختيار الملابس ( التموية)
3- اختيار مكان الاختباء والقنص
4- استخدام الخيالات

وعلشا مطولش عليكم الموضوع حقق نجاح باهر على الرغن من قصر فترة الصيد والحصيلة النهائية 30 فرد حمام و افعى دة غير الغربان
حسبكم مع الصور والاضافات عند عصام باشا (مخاطر الاختباء و عدو الخيالات).

[سيدخالد]

الله ينور عليكم قناصين بجد .................بالف هنا

[mido_5555599]

بسم الله مشاء الله ربنا يزيدك ف الطلعات الى جاية بس اية نوع السلاح

[drmaged40]

الف مبروك عالصيد و بالهنا و الشفا .......... قولنا عالمكان و البنادق المستخدمة و اى اضافة من عندك ...... و الف مبروك ثانيا ....... صيادين بجد ..... عقبال الطلعات الجاية

[fidodido]

بسم الله ماشاء الله

[محمود شلبي]

ثنائى جامد بالتوفيق ارجو الشرح لى والاخوة الصيادين كيفيه اكاديميه من اول الزى والخيالات والثبات واختيار المكان
و علف المكان وغيرة حتى نعيش معكم اليوم بجد انا فرحان ان فى ناس بتحب الصيد كدة عاشق

[hesham[MaFya]a]

بسم الله ما شاء الله....صيد جميـــــــــل و طلعة موفقة بأذن الله.

[ابو عامر]

الله ينور احلى صيد واحلى صحبه تسلم ايدكو

[gamopt80]

بسم الله ما شاء الله انا خايف عليكم من الحسد
حاجه جميله والله يا بختكم

[التلميذ]

بالتوفـــــــــــــــــــيق يا ميرو ومستنيين طلعاتك الجامدة تحياتى لك

[braveheart]

أنا المكان دة بشبه عليه .. هههههههههههههههههه
طلعة موفقة و صيادين جامدين .. بس أنت يا أمير ............ و لا بلاش هنا ... خليني لما أقابلك أحسن. :)
تحياتي لكما و بالتوفيق دائما.

[essam assem]

السلام عليكم اخوانى اعضاء المنتدى الكرام
طبعا احب اشكرا مروركم الكريم وردودكم المحفزة

ان شاء اللة اتكلم اولا على نقطتين تركهم لى اخى امير وهما (مخاطر الاختباء و عدو الخيالات).

وان شاء اللة وانا بشرح ارد فى نفس الوقت على استاذنا فى الصيد اخى محمود شلبى طبعا انا مش بجاوب على اسئلتة ولكن هو بزكاء الصياد وحنكتة طلب فى مشاركتة شرح كيفية صيدنا للجمام البرى ه من اول الزى والخيالات والثبات واختيار المكان و علف المكان وهو طبعا استاذ ورئيس قسم صيد الحمام البرى لكنة يريد ان اشرح للعضاء عم تجربتنا العملية وحتى يستفيد الجميع

طبعا يا جماعة صيد الحمام البرى من اصعب انواع الصيد لاسباب كثيرة اهمها نظر الحمام الحاد لكل ما هو حى على الارض لذلك كان اختيار ملابس مموة تشبة مكان الصيد لى انا وامير وحتى تعطى لنا نوع من التخفى عن الحمام وطبعا كان اختيار ناجح لدرجة وانا فى اللبدة بتاعتى الحمام كان بيطير فوق راسى
واللبدة هنا يا جماعة المكان الذى يجلس الصياد فية دون تحرك ويفضل ان يكون لة ساتر وهذ ما فعلنها انا وامير ولااااااااااااااكن الاختباء والتخفى لهم مخاطر ********
مكان التخفى بتاعى كان اعلى تلة جبل صغير ومكان التخفى بتاع امير كان وسط ظلال الاشجار والت كان بداخلها بركة صغيرة واذ بينا نفوج بعدد غير عادى من الثعابين داخل هذة البركة والحمد للة ربنا ستر وامير اخذ بالة من اقتراب الثعبان منة وطبعا امير قام بالواجب وعلمة الادب

لذلك يا جماعة يجب الحرص كل الحرص اثناء التخفى من الثعابين والعقارب لان طبعا اغلب صيد الحمام البرى بيكون فى مناطق رملية او جبلية

ثانيا عدو الخيالات وهما 1 - التعالب
2- الصقور
التعالب بتخرج من الجحور بسرعة البرق لتسرق حمام الخيالات اللى احنا عاملينة وتهرب وطبعا احنا بعون اللة لم نعطيهم هذة الفرصة

الصقور طبعا حمام مرمى على الارض وجبة ساخنة على الجاهز وبالفعل نزل الصقر على احد حمام الخيالات وحاو التهمها ولكن على مين تم قنصة بعون اللة مع اننا اول مرة نحاول اصلا نضرب على صقور لكن على راى المثل ( يا أخذ قوتي يا ناوي على موتي ...) ههههههههههه

بالنسبة الى الخيالات طبعا يا جماعة بتوفر جهد كبير جدا لان الحمام وهو فى الجو كان بيشوف حمام على الارض فكان بيزل وهو مطمن على الاخر ودة طبعا كان بيسهل علينا قنصة بعاون اللة
لذالك انصح كل محبى صيد الحمام البرى بزرع حمام خيالات صناعى ولو مفيش صناعى يبقى من الصيد نفسة بس طبعا يخلى بلهم من التعالب والصقور

واخيرا يا جماعة كانت طلعة صيد من احلى الطلعات والهدف كان الحمام البرى والحمد اللة كانت منظمة جدا وكان فى تناغم وفهم غير عادى بينى وبين امير ربنا يديم المحبة والمعروف بيننا يارب

واسف يا جماعة على الاطالة بس الواحد بيقى حابب يتكلم عن تجربتة فى الصيد بالذات ان كانت موفقة من اللة حتى يستفيد الجميع
لكم منى جزيل الحب والتقدير
وتحيــــــــــاتى للجميع

[عادل عبده]

يا استاذ عصام ربنا يجزيك خير الجزاء ويديم بينكو المحبه ويوسع رزقوكو وانت فعلا من الناس اللى الواحد بيتمنى انه يتعرف عليها

[الجزار]

بسم الله ما شاء الله

[محمود شلبي]

يا اخى الكريم ربنا يبارك فيك وامير ويديم المحمبه فعلا تجربه جميله والاجمل روح الفريق الى بتساعد بينكم
فعلا مهما شفت ولبت او خيمت التجربه لاى صياد هتنفع الجميع وكفايه شرحكم الى بيوفر على الصياد خبرات كثيرة و مواقف صعبه يتعلمها من تجارب الاخرين وهذا هو المطلوب ولكم كل الاحترام والتقدير

[dr_mohasan]

بسم الله ماشاء الله , ربنا يزيد و يبارك

هو المكان لسة فيه حمام تانى ولا خلص خلاص ؟

هههههههههههههههه

[jamayka]

مستر عصام و مستر امير مبروك عليكم اللقب الجديد .... نجوم المنتدى و ابطال الصيد تحياتى لكم و بارك الله لكم فى الصيد

[dr_mohasan]

يا اخى الكريم ربنا يبارك فيك وامير ويديم المحمبه فعلا تجربه جميله والاجمل روح الفريق الى بتساعد بينكم
فعلا مهما شفت ولبت او خيمت التجربه لاى صياد هتنفع الجميع وكفايه شرحكم الى بيوفر على الصياد خبرات كثيرة و مواقف صعبه يتعلمها من تجارب الاخرين وهذا هو المطلوب ولكم كل الاحترام والتقدير

فينك يا عم محمود , مش شايفينلك طلعات صيد ليه من فترة طويلة ؟

لو البندقية فيها مشكلة قوللى وأنا أصلحهالك

ولو ماعندكوش حمام ويمام فى الجيزة , قوللى وأنا أجيبلك كام جوز حمام من الفرارجى عشان تصطادهم

إنما كدة ماينفعش !!!!!

هههههههههههههههههههههههههههههه

حبيبى يا محمود , مساء الفل عليك

[dr_mohasan]

الحقيقة

يا جماعة أمير بيشترى الحمام ده من الفرارجى اللى عند بيته

واللى عايز يتأكد , أنا عارف الفرارجى , وممكن أقولكم على مكانه

حتى اسألوا زميلنا طارق(Tarekvb) , هو كمان عارف موضوع الفرارجى ده

ههههههههههههه

[محمود شلبي]

يادكتور انت الى فين ولو على الحمام واليمام الحمد لله موجود عند الفررجى طبعا فين يا سيدى الحته عشان نعملها صيانه وانشاء الله هتشوف منها الخير كله وامير وعاصم صيادين بيستمتعو بالهوايه

[boody]

بسم الله ما شاء الله طلعة جميلة جدا

[محمود شلبي]

بجد يا جماعه رحله صيد استاذ عاصم واستاذ امير لازمانشاء الله ناخد منها اكبر فائدة واكثر مشاركه وليس للمدح
او با هنا والشفا اسالو مثلا المسافه كام وتقبلو

[dr_mohasan]

يادكتور انت الى فين ولو على الحمام واليمام الحمد لله موجود عند الفررجى طبعا فين يا سيدى الحته عشان نعملها صيانه وانشاء الله هتشوف منها الخير كله وامير وعاصم صيادين بيستمتعو بالهوايه
يا باشا أنا عايز أجيبلها سوستة وجلبة جديدة علشان أركبهم بالمرة لما نفكها , وشاكر جدا لإهتمامك

[tarekvb]

الحقيقة

يا جماعة أمير بيشترى الحمام ده من الفرارجى اللى عند بيته

واللى عايز يتأكد , أنا عارف الفرارجى , وممكن أقولكم على مكانه

حتى اسألوا زميلنا طارق(tarekvb) , هو كمان عارف موضوع الفرارجى ده

ههههههههههههه

وايه الجديد فى اللى قولته طب ما انت عارف يا ابوحميد ان هو مشهور بأمير الفرارجى بس انا زعلان منك صاحب تكشفه كيدا على الملاء الناس ده كل الناس فاكراه هو اللى اصطاد انت متستورش على حد ابدا معلش يا ميرو بس بصراحة حاجة تحسبلك عارف فرارجية كل منطقة وكن بصدق فى الاول لما كنت بتقول نوزع نفسنا آل ايه عشان نصطاد براحتنا مش عشان تخلص من عند الفرارجى محمد حسن صحبك متزعلش منه والى اللقاء فى الطلعة الجاية يا حبيب حبيب قلبى بس على الله متعملناش انا ومحمد خيالات
ههههههههههههههههههههههههههههههههه

[البطل]

ايه ياعم الحلوه دية بسم الله مشاء الله ديما صيد وفير ربنا يزيد ويبارك

[moneey1975]

مبارك عليكوا

[mero1x]

وايه الجديد فى اللى قولته طب ما انت عارف يا ابوحميد ان هو مشهور بأمير الفرارجى بس انا زعلان منك صاحب تكشفه كيدا على الملاء الناس ده كل الناس فاكراه هو اللى اصطاد انت متستورش على حد ابدا معلش يا ميرو بس بصراحة حاجة تحسبلك عارف فرارجية كل منطقة وكن بصدق فى الاول لما كنت بتقول نوزع نفسنا آل ايه عشان نصطاد براحتنا مش عشان تخلص من عند الفرارجى محمد حسن صحبك متزعلش منه والى اللقاء فى الطلعة الجاية يا حبيب حبيب قلبى بس على الله متعملناش انا ومحمد خيالات
ههههههههههههههههههههههههههههههههه




دة اخرة اللى يعرف اصحابة سرة !

[hoka]

طلعه جميله ودروس مفيده
شكرا يا اساتذتنا
وعقبال الباقى ان شاء الله
سلام عليكم

[tarekvb]

دة اخرة اللى يعرف اصحابة سرة !
يا اخى عالم مايتبلش فى بؤها فولة حد يفضح صاحبه كيدا ؟؟؟؟ الناس دلوقتى بدل مايستفيدو من الطلعة هيقولولك عايزين عنوان الفرارجية ماشية معاك يا عم اهو كله بيزنس والعنوان مش هيطلع ببلاش

[mero1x]

يا اخى عالم مايتبلش فى بؤها فولة حد يفضح صاحبه كيدا ؟؟؟؟ الناس دلوقتى بدل مايستفيدو من الطلعة هيقولولك عايزين عنوان الفرارجية ماشية معاك يا عم اهو كله بيزنس والعنوان مش هيطلع ببلاش

هيا دى الاصحاب اللى بجد :)

[professional sniper]

مشاء الله على القناصين اللى على حق ,., هو ده الصيد ولا بلاش ,., وبألف هنا وشفا ,., وربنا يديم المعروف والموده والمحبه بين الاعضاء .
خالص تحياتى ...

[احمدماهر]

بسم الله ما شاء الله ده انتو الكتاب نفسه

[essam assem]

شكرا لجميع الردود المحفزة ومروركم الكريم
وتحياتنا للجميع
عصام عاصم
امير سعد

[dr_mohasan]

يا اخى عالم مايتبلش فى بؤها فولة حد يفضح صاحبه كيدا ؟؟؟؟ الناس دلوقتى بدل مايستفيدو من الطلعة هيقولولك عايزين عنوان الفرارجية ماشية معاك يا عم اهو كله بيزنس والعنوان مش هيطلع ببلاش

أنت فاكر يوم طلعة الوزة ؟؟؟
مين اللى أخد الوزة عند الفرارجى اللى فى الشرقية علشان ينضفها ؟؟؟

طبعا أمير اللى أخدها عند الفرارجى ونضفها مستغلاً علاقته الحلوة بكل الفرارجية وتعامله الكثير معهم
ههههههههههههههههههههههههه

[هشام سمير]

بسم الله ما شاء الله اساتذه وروساء اقسام والله امير بك وعصام بك
صحبه متتقدرش بتمن
وشهادة حق من صياد
انتم صيادين من العيار التقيل قوى
على فكره يا امير بك لو التعلب كان استغبا وسبكم تضربوه انا كانت هتجيلى حسره:D:):) (وطبعاً انتا عارف ليه) علشان الانفراد :p
وعمتاً الطلعة اللى انا بقالى شهرين بتحايل عليها مش عايزها منكم
وانا هعزمكم على طلعه تقيله
واللى يرجع فى كلامه يبقى اى كلام

[sakr2010]

بالتوفـــــــــــــــــــيق

[tarekvb]

أنت فاكر يوم طلعة الوزة ؟؟؟
مين اللى أخد الوزة عند الفرارجى اللى فى الشرقية علشان ينضفها ؟؟؟

طبعا أمير اللى أخدها عند الفرارجى ونضفها مستغلاً علاقته الحلوة بكل الفرارجية وتعامله الكثير معهم
ههههههههههههههههههههههههه

مرة واحد صاحبى فى امريكا كان نفسه فى جوز حمام ومش عارف اى عنوان لاى فرارجى فى الحال اتصلت بعم امير ادانى عنوان 3 فرارجية فى شيكاغو والراجل اتعشى حمام والحمد لله مش بقول دولى دولى

[mero1x]

بسم الله ما شاء الله اساتذه وروساء اقسام والله امير بك وعصام بك
صحبه متتقدرش بتمن
وشهادة حق من صياد
انتم صيادين من العيار التقيل قوى
على فكره يا امير بك لو التعلب كان استغبا وسبكم تضربوه انا كانت هتجيلى حسره:d:):) (وطبعاً انتا عارف ليه) علشان الانفراد :p
وعمتاً الطلعة اللى انا بقالى شهرين بتحايل عليها مش عايزها منكم
وانا هعزمكم على طلعه تقيله
واللى يرجع فى كلامه يبقى اى كلام

حبيبى والله يا هشام
وبعدين احنا تلاميذك وانشاء الله عن قريب نطلع طلعة مدمرة مع بعض :)

[mero1x]

مرة واحد صاحبى فى امريكا كان نفسه فى جوز حمام ومش عارف اى عنوان لاى فرارجى فى الحال اتصلت بعم امير ادانى عنوان 3 فرارجية فى شيكاغو والراجل اتعشى حمام والحمد لله مش بقول دولى دولى


ماشى يا طارق اقعد انت ومحمد اتسلوا عليا لحد ... لحد .... لحد ......
لحد مابنادقكم تصدى من الركنة :)

وخلى التسلية تنفكم

صباحكو اشطة :)

[essam assem]

ماشى يا طارق اقعد انت ومحمد اتسلوا عليا لحد ... لحد .... لحد ......
لحد مابنادقكم تصدى من الركنة :)

وخلى التسلية تنفكم

صباحكو اشطة :)

معلش بقى يا ابو امير انا قاعد ملتزم الصمت الناس مبتتكلمش عنى وجبتش اسمى خالص فى الموضوع فانا سيبك تحل معاهم مشاكلك والطيب احسن هههههههه

[rock]

السلام عليكم ... الله ينور يااساتذه ... الى الامام دائما ... تحياتى .

[YOSSEF EL MASRY]

تسلم ايديكم
انشاء الله موفقين دائما

[اسلام الديب]

اخواانى انا واللة نفسى فى بندقية نمرة واحد او نمرة اثنين مستعملين بس السعر ما يعدى 400 جنية وارجو اللى عندة يكلمنى على الموبايل بعد اذن الادارة لو سمحتو الرقم 0174866570

[اسلام الديب]

يا اخواانى انا اريد بندقية نمرة واحد او اثنين مستعملين بس العر ما يعدى 400 جنية بسرررعة

[mero1x]

ممكن يا باشا تنزل طلبك على قسم البيع والشراء ( الاسلحة الهوائية)
ولو ملقتش حاجة بالسعر دة كلمنى على 0127687466

[Aboyassin]

بسم الله ما شاء الله
صيد جميل.
و نحن قابلناهم يومها (القناص المحترف/ أشرف بك باهى، و القناص المحترف/ يوسف خطاب، و العبد لله/ شريف صلاح الدين. و كان يوما جميلا.
و هذه هدية منى إليهما: صورة للقناص/ عصام أثناء الصيد.
تحياتى للجميع.

[عادل عبده]

بسم الله ما شاء الله
صيد جميل.
و نحن قابلناهم يومها (القناص المحترف/ أشرف بك باهى، و القناص المحترف/ يوسف خطاب، و العبد لله/ شريف صلاح الدين. و كان يوما جميلا.
و هذه هدية منى إليهما: صورة للقناص/ عصام أثناء الصيد.
تحياتى للجميع.

ماشاء الله فعلا صوره جامده جدا جدا ومعبره جدا جدا ربنا يزيد عليك نعمه وفضله يا استاذ عصام

[صياد الفجر]

مشاء الله ربنا يبارك فى الصيد
نكون شاكرين لو قولتنا مكان الصيد برده
تحياتى

[essam assem]

بسم الله ما شاء الله
صيد جميل.
و نحن قابلناهم يومها (القناص المحترف/ أشرف بك باهى، و القناص المحترف/ يوسف خطاب، و العبد لله/ شريف صلاح الدين. و كان يوما جميلا.
و هذه هدية منى إليهما: صورة للقناص/ عصام أثناء الصيد.
تحياتى للجميع.

شكرا يا استاذ شريف واللة يا جماعة انا فعلا نسيت اقول انى اتشرفت برؤية الاستاذ شريف وطبعا القناص اشرف باهى والقناص يوسف خطاب بس مع الاسف كنت انا وامير مرتبطين بشغل فمعرفناش نقعد معاهم وكان دة من سوء حظنا لان فعلا صحبة قديرة بالاحترام بس ان شاء اللة نعوضها فى طلعات قادمة
وشكرا يا ابو ياسين على الصورة الحلوة ..... حلوة طبعا عشان انتة اللى مصورها
وتحياتى للجميع

[essam assem]

ماشاء الله فعلا صوره جامده جدا جدا ومعبره جدا جدا ربنا يزيد عليك نعمه وفضله يا استاذ عصام

شكرا يا استاذ عادل على تعليق وردك المحفز وان شاء اللة ربنا يكرمك بطلعة مليئة بالخيرات والصيد الوفير
وتحياتى للجميع

[essam assem]

مشاء الله ربنا يبارك فى الصيد
نكون شاكرين لو قولتنا مكان الصيد برده
تحياتى

شكرا يا فندك لمشاركتك وردك الكريم
بالنسبة لاماكن الصيد وهى القاهرة الجديدة بشكل عام وطريق مصر السويس بامتدادة حتى العاشر من رمضان مرورا بالشروق وبدر والصيد بيكون على اطراف الطريق السريع بس خلى بالك من حمام الابراج بتاع العرب فدائما وابدا نظر فى نطاق صيدك على ابراج حمام وحتى لو متاكد مليون فى المية ان الحمام دة برى بلاش عشان محدش يتلكك معاك وطبعا بذات العرب المنتشرين بخيامهم هناك
وتحياتى للجميع

[عادل عبده]

شكرا يا استاذ عادل على تعليق وردك المحفز وان شاء اللة ربنا يكرمك بطلعة مليئة بالخيرات والصيد الوفير
وتحياتى للجميع

شكرا يا استاذ عصام لاحترامك ليا وتقديرك لى وردك عليا وفعلا انت ممن يملكون حب الناس والوش ابشوش وايضا حسن المظهر وهذه كلها من نعم ربنا وكرمه وانا سعيد ومتشكر ليك جدا وبأذن الله يبقى ليا الشرف لو اتعرفت على حضرتك يا فندم ومره تانيه شكرا ليك وتقبل مرورى

[essam assem]

السلام عليكم ... الله ينور يااساتذه ... الى الامام دائما ... تحياتى .

حبيب قلبى واللة يا ابو حمديد دائما نراك على خير وبسم اللة ماشاء اللة عينى عليك باردة انتة والدكتور محمود قناصين فعلا كما قال الكتاب على راى امير فى اختيارة لاسم الموضوع
وتحياتى للجميع

[المايستروو]

دا المتوقع طبعاً من صيادين محترفين

[ramma7]

يعنى موهتوا ارقام العربية فى كل الصور وسيبتوها واضحة فى اول صورة واوضح صورة .. الف هنا بالصيد .. هههه

[كفافى1]

مساء الفل يا عم عصام
فين الصور ياباشا
انت مش عايز تقول ان الحمام ده ثلاث ارابعه انا اللى صيده
ماشى يا كبير
بعد اذن حضرتك ممكن ترسلى الصور على الاميل
yasser_kafafy1977@yahoo.com
ولسيادتكم جزيل الشكر
وعلى فكرة
كان النهارده اول طلعة لى انا والاستاذ / وائل حسن
وربنا رزقنا بيمامة و6 حمامات غير اللى وقع فوق مصانع وغير اللى اختفى تقريبا عن طريق التعالب
وانا اتشرفت بمصاحبة الاستاذ / عصام عاصم - والاستاذ / امير - اللى اتعلمنا منهم كتير
ياسر الكفافى

[adel_7768]

والله وعملوها الرجاله تسلم ايديكوا يا رجاله فعلا قناصه بجد

[ايهاب 2011]

موفقين دائما ان شاء الله

بس يا جماعه مش ممكن التعالب تهاجمكوا ؟