فـكـرة للـبـنـادق الـهـوائـيـة يـا تـري تـنـفـع و لا لأ ؟؟!!!

[Axel]

بسم الله الرحمن الرحيم
السلام عليكم و رحمة الله و بركاته

ازيكم عاملين ايه ؟؟

و انا قاعد نطت في دماغي فكرة غريبة مش عارف تنفع و لا لأ و يا ريت الخبراء يبدوا رأيهم برده

الفكرة ان اقوي البنادق الهوائية السبب في قوتها هو الجودة و القطع او الاجزاء
و في ناس مش هتقدر تجيبها نظرا لسعرها اللي بيعدي الالافات

طب ايه اللي يحصل لو جبنا بندقية رخيصة او مستعملة مثلا
و نشتري بعض اجزاء البنادق القوية و نركبها عليها يعني تقدر تقول اننا عملنا بندقية مخلطة من الشرق و الغرب
ناخد من كل بندقية جزء اللي يركب ع اللي معانا يعني مثلا سوستة من هنا جلبة من هنا زناد من هنا كده يعني
و بالتالي نحصل في النهاية ع بندقية قوية في الضرب و التحمل و بسعر ارخص


هل القصة ديه تنفع و لا الفكرة فشينك و نصرف نظر عنها ؟؟؟؟؟

[هشام سمير]

فكره جميله الله ينور عليك
بس يا سيدى الفاضل البندقيه او السلاح بمعنى اصح بيكون فى حد ذاته منظومه متكامله يعنى بتتصمم فى توافق وانسجام تام بين اجزائها يعتى طول السوسته ليه علاقه بطول الكانون وحجم غرفى الهواء وخامات البستم متعلق بقوة السوسته كذلك شكل الشخشنات معلقه بقوة دفع الهواء ومن ناحية القوه والتحمل
مش هينفع خالص
يعنى مثلا لو كانون الرمسيس يسمح بدخول سوسته الباتريوت اكيد طبعاً مش هنحطها لا الكانون هيدمر تماماً

وفى النهايه مشكور يا صديقى على الاقتراح والتفكير

[Axel]

يبقي الواحد يصرف نظر من قصيره هههههه
بس فعلا زي مقولت ان البندقية كمنظومة متكاملة
و اللي قصدته اننا نعمل توليفة من من كل منظومة عشان نحصل ع الاقوي
و قصدت برده اننا نشوف اللي ممكن يتناسب معاها من قطع لأن أكيد فيه و لو قطعة واحدة هتتناسب مع البندقية مش شرط قطعة بندقية قوية فليكن قطعة متوسطة القوة لكن افضل من الستاندرد
يعني ممكن كانون رمسيس يستحمل سوستة غير الباتريوت تكون اقل شوية يعني نحاول نوفق بين القطع

وشكرا لردك الواحد يلم دماغه ديه شوية بدل ما يروح في داهية ههههه

[beta]

هو مفيش بنادق مصري ؟؟؟؟؟؟؟؟؟؟؟

[Axel]

هو مفيش بنادق مصري ؟؟؟؟؟؟؟؟؟؟؟

فيه يا ريس الرمسيس و المعادي من قديم الازل و الاتنين متغيروش هههههه