استخراج رخصة لاول مرة بصورة حقيقية وليست قانونية

[The last knight]

اخوانى الاعزاء
بعد التحية
حانتكلم انهاردة عن موضوع الرخصة بس بصورة حقيقية وليست قانونية يعنى ايه؟
طبعا الموضوع مفتوح قبل كده واعلى نسبة مشاهدات فيه عشان كدة ححاول اكون مختلف عشان ما أطيلش عليكم.انا قلت فى العنوان استخراجها لاول مرة عشان لو المطلوب طلب استبدال او اضافة حاتبقى قصة ثانية خالص.
طبعا حضراتكم عرفتم ايه الاوراق المطلوبة من فيش-صور-شهادات صحية-خطاب تدريب.....وطبعا مبررات الترخيص اللى هى السجل التجارى وقائمى الاملاك والحيازة الزراعية فى منطقة نائية الى اخره.
دى الاوراق المطلوبة لاستخراج الرخصة بس مش معنى كدة انك لما تقدمها تاخد الرخصة عشان نحسم موضوع هل النظام اختلف قبل او بعد الثورة.النظام هوهو ومفيش رخصة من غير الاوراق دى.
طيب واحد اخد الاوراق دى حايروح القسم التابع ليه وحايقدم حياخد ورقة بتاعة كشف العائلة يملاها ياريت مايكتبش اى اسم هو شاكك ان عليه حاجة حايرد واحد يقولى ماهمة حايعرفوا حاقوله اسمع للاخر المفروض ان ورقك بكشف العائلة تروح للمديرية بعد العرض على رئيس المباحث وهنا احب اقولك ان لو حضرتك معاك واسطة حايوافق رئيس المباحث انه يبعت الورق المديرية بس حايمضى ان حضرتك تتمتع بالحماية الشرطية يعنى هو مش موافق عليك بس لو المديرية عايزة توافق ماشى .الورق لو راح كده للمديرية حايقعد حوالى شهر او شهر ونص بس عشان ورق كشف العائلة طب ايه الحل نرد بقى على اخونا اللى كان بيسأل.
لما تاخد كشف العائلة تطلع بيه على المديرية للشخص اللى حايستلمه فى الظروف العادية طبعا مع واسطة حايخلص الكشف ده فى 45 دقيقة عشان يتمضى من كل الادارات اللى بالك فيها.تخلصه وترجع تحطه مع الورق ويتقدم كدة لرئيس المباحث خلاص تبقى وفرت شهر ونص.
تانى يوم الملف ده حايتصدر للمديرية حايروح التحريات بس المرة الدى التحريات عنك انت ومبرراتك ممكن الملف مايرجعش القسم تانى وممكن يضيع وممكن ياخد من 6-12 شهر طبيعى جدا لو رجع ولما يرجع طبعا اما ان انت راجل كلامك مظبوط او انه مش حايرجع اصلا طب ايه الحل
اول مايوصل التحريات حضرتك حاتاخد واسطتك وتروح والخطوة دى مش حتاخد اكتر من 5 دقائق
ملحوظة صغيرة قبل ما اكمل لما باقول واسطة يعنى واسطة يعنى فيه لواء بيلم رخص عربيات ميساويش وفيه عميد مثلا فى حتة تانية يساوى اكتر منه يعنى الرتب حت لو متساوية عمرها مابيبقى ليها نفس الصلاحيات وياريت محدش يقولى امال الثورة عملت ايه والكلام ده.
بعد ما التحريات حاتمضى لازم يتعرض الملف على رئيس مباحث الجناءية لبلدك لو مضى تبقى انت اوشكت على الحصول عليها لو ممضاش خلاص انسى وطبعا انت واخد رفض من رئيس المباحث بتاعك اصلا اما لو تجاوزت الخطوة دى فالملف حايرجع القسم لنه لازم يتمضى من رئيس المباحث لان رئيس مباحث المدينة مضى يبقى هو لازم يمضى.
يتم تصدير الملف تانى للمديرية لقسم الرخص وغالبا ما حايمضى رئيس قسم الرخص لانك تخطيت مرحلة كبيرة فاضل ايه طيب؟
يتم العرض على مساعد المدير ثم المدير شخصيا واللى ممكن يلغى كل اللى احنا قولناه بجججججرة قلم او انى اقولك مبروك.لفة المدير ومساعد المدير دى تاخد حوالى اسبوع 10 ايام.
بعد كدى حاتاخد تصريحك من المديرية ومبروك.
يبق الرخصة ممكن تاخد اسبوعين ووممكن سنة ووممكن ماتتعملش.
ياريت ماحدش يسأل على المبررات لانها ضرورية طبعا عشان كل الناس دى تمضى
على فكرة اللى معاهم ترخيص سلاح دفاع فى مصر 130000 يعنى لو قسمتهم على 80000000
حاتلاقى واحد فى الالف بيطلع الرخصة.
ياريت يكون الموضوع ده افاد الناس وكل واحد يعرف هو فى انهى مرحلة ويعرف اذا كان حاياخدها ولا لا عشان انا شايف ان فى موضوعات اخدت اكتر من وقتها خاصة فى الموضوع بتاع الاستخراج وكل واحد يعمل خطوة يجى يقولها بقالنا شهور .يارب اكون وفقت انى الخص لكم الموضوع .
وماعرفش اذا كانت الادارة حاتسيب الموضوع ولا تلغيه لان ممكن يقولوا انه مشابه ويمكن يثبتوه.
ارجو ان اكون افدتكم والسلام عليكم ورحمة الله وبركاته

[adel152]

أفادك الله أخى العزيز.
فعلا الموضوع مكرر لكن حضرتك وضحت بعض النقط لتسريع الاجراءات لم تذكر من قبل فى المواضيع السابقة.
تحياتى

[The last knight]

توضيح اخير للمقصود بقانونية ان لو انت راجل طيب متوافر فيك الشروط ومعاك المبررات يبقى لازم تاخدها على طول بس ده مش حقيقى .الحقيقة ان انت لو معاك ده يبقى عندك امل ولو فى واسطة الامل ده حايزيد. على فكرة اللى انا شرحته من شوية هى الاجراءات فى الوقت الحالى لاول مرة وطبعا قبل كده كان فى خطوة مش موجودة فى اللى انا قلته الا وهى ضابط امن الدولة وموافقته كل ده بالنسبة لاول مرة لان فى حاجات تانية حاتتطلب موافقة الامن العام وامن الدولة والوزير نفسه .عشان تبقوا عارفين برضه سعر الرخصة دى قبل الثورة للى معاه المبررات كان من 20-25000 .
متهيألى كده عرفتوا جزء من ثروة السيد الوزير حبيب العادلى والسيد عدلى الفايد فى امن الدولة منين

[amr saber]

هو معني ان 1 في ال1000 معاهم رخصه في البلد ده معناه ان ال 80 مليون كلهم قدمو وال130 الف بس اللي اخدوها ركز بعد اذنك في الكلام اللي حضرتك بتكتبه علشان لا يؤخذ عليك ويكون فيه مصداقيه

[The last knight]

لا طبعا انى باقول النسبة 1 فى الالف يعنى ال 80مليون قدموا وماخدوهاش لا طبعا وماعتقدش ان فى حد ممكن ياخدها بالمعنى ده الا لو كان هو اللى مش مركز-معنى الكلام اللى باقوله ان فى واحد معاه سلاح مرخص فى كل الف مواطن.بالنسبة للتركيز اظن ان انا مركز كويس ومش محتاج لملاحظة حضرتك .بالنسبة للمصداقية فاللى انا قلته هو الصدق واللى مش عايز يشوفه او يعرفه هو حر زى اللى فاكر ان كل حاجة اتغيرت هو حر برضه.انا اللى عندى قلته سيدى الفاضل وده عشان الناس اللى مش عارفه تعرف يعنى انا قصدى حسم موضوع قتل بحثا بس مازالت ناس بتسأل فيه.وياريت لو حد شايفنى غلطان فى حاجة يقولى.الموضوع عندكم لو حد استفاد خير ولو ماحدش استفاد انا اسف وعلى العموم انا مش حاكرر الموضوع تانى

[mohamednagy39]

كلامك واقعى يا برنس بصراحة الكلام من الآخر لأن من وراء الكواليس فى حاجات كتير ممكن تحصل و تمشى أصعب الأمور

[أميجو]

فعلا لم يحدث تغير على الرغم من الاعلان الدستورى الذى تم وبالتالى اصبح الدستور القديم ملغى وبالتبعية كافة القوانين القديمة ومنهم قانون السلاح .
ولكن لم يحدث تغير
هى بالفعل مسرحية كبيرة تدار بواسطة اعداء الثورة
لك الله يا مصر

[ahmedmh_ali]

لا طبعا انى باقول النسبة 1 فى الالف يعنى ال 80مليون قدموا وماخدوهاش لا طبعا وماعتقدش ان فى حد ممكن ياخدها بالمعنى ده الا لو كان هو اللى مش مركز-معنى الكلام اللى باقوله ان فى واحد معاه سلاح مرخص فى كل الف مواطن.بالنسبة للتركيز اظن ان انا مركز كويس ومش محتاج لملاحظة حضرتك .بالنسبة للمصداقية فاللى انا قلته هو الصدق واللى مش عايز يشوفه او يعرفه هو حر زى اللى فاكر ان كل حاجة اتغيرت هو حر برضه.انا اللى عندى قلته سيدى الفاضل وده عشان الناس اللى مش عارفه تعرف يعنى انا قصدى حسم موضوع قتل بحثا بس مازالت ناس بتسأل فيه.وياريت لو حد شايفنى غلطان فى حاجة يقولى.الموضوع عندكم لو حد استفاد خير ولو ماحدش استفاد انا اسف وعلى العموم انا مش حاكرر الموضوع تانى

ههههههههههههههههههه و مالها مسدسات الصوت اللى بطلق بلى جميلة و زى الفل و قشطة جدا و لا وجع دماغ و لا هباب يخربيت دى رخصة يا راجل انا مش عارف الحكومة عاملة عليها أزمة لية رغم اننا بنسمع انها فى معظم البلاد عادى و مفهاش مشكلة بس مصر أمى حتعمل اية فى ماما بقى :):)
و شكرا يا باشا على الموضوع الجميل دة و بجد أفادة كويسة . بالتوفيق

[احمد عزيز]

احنا هنا لو اديت كل واحد سلاح هتبقى مجزرة كل واحد يتعصب او يفقد اعصابه بطلع طبنجة ويضرب بيها الى بيتخانق معاه انا شخصيا بحب السلاح جدا بس مش هحس بالامان لو كل واحد مشى ومعاه سلاح

[memocco]

ككككككككككككككككككككككككككككككل دة ؟؟؟!!! طب مش مطلع رخصة خالص انا تعبت من الشرح لوحدة

[The last knight]

ياريت حد من الاعضاء يأكد او ينفى حكاية ان الحلوان حايبقى ب 26000 من اول اغسطس

[احمد فتحي]

هو ممكن الواحد يطلع ترخيص ويجيب مسدس متهرب مسلآ ولا مش هينفع

[Bora]

ياريت حد من الاعضاء يأكد او ينفى حكاية ان الحلوان حايبقى ب 26000 من اول اغسطس



السيد الفاضل

اولا موضوع حضرتك جميل جدا وواقعي جدا وبصرالحة ناس كثير ليس لدسهم جرأتك لكتابة ذلك

ثانيا لي صديق عمل زيارة من اسبوعين للمصنع

واشتري فعلا بالسعر القديم

ولكن الاسعار الجديدة هي الاتي :-

1- حلوان 8 طلقات 14500 جم

2- حلوان 920 المعدل الاسود فقط - 14 طلقة بيبداء السعر من 23500 جم وانتا طالع السعر بيزيد لباقي الموديلات والالوان مثل نصف الفضي والنصف اسود

ولكن واللله هو اعلم من امتا السعر حيزيد او يتفذ

ومن الممكن ان تكلم ادارة التسويق وتتاكد

0223582796

[Ahmed914]

احنا هنا لو اديت كل واحد سلاح هتبقى مجزرة كل واحد يتعصب او يفقد اعصابه بطلع طبنجة ويضرب بيها الى بيتخانق معاه انا شخصيا بحب السلاح جدا بس مش هحس بالامان لو كل واحد مشى ومعاه سلاح
دى طبيعة بشر ميختصش بيها أهل مصر فقط ..... كل الشعوب والدول كده .... وبعدين ممكن يتعمل حاجة بسيطة سبق الإشارة إليها فى المواضيع المشابهة .... إلغاء شرط مبررات الترخيص وعمل إختبار نفسى بسيط ممكن يتحدد منه إذا كان الشخص يصلح لحمل السلاح من عدمه .

[Seiko]

لا طبعا انى باقول النسبة 1 فى الالف يعنى ال 80مليون قدموا وماخدوهاش لا طبعا وماعتقدش ان فى حد ممكن ياخدها بالمعنى ده الا لو كان هو اللى مش مركز-معنى الكلام اللى باقوله ان فى واحد معاه سلاح مرخص فى كل الف مواطن.بالنسبة للتركيز اظن ان انا مركز كويس ومش محتاج لملاحظة حضرتك .بالنسبة للمصداقية فاللى انا قلته هو الصدق واللى مش عايز يشوفه او يعرفه هو حر زى اللى فاكر ان كل حاجة اتغيرت هو حر برضه.انا اللى عندى قلته سيدى الفاضل وده عشان الناس اللى مش عارفه تعرف يعنى انا قصدى حسم موضوع قتل بحثا بس مازالت ناس بتسأل فيه.وياريت لو حد شايفنى غلطان فى حاجة يقولى.الموضوع عندكم لو حد استفاد خير ولو ماحدش استفاد انا اسف وعلى العموم انا مش حاكرر الموضوع تانى

كلامك كله مظبوط مليون ال 100 , بس حتة ان التصريح تكلفته 20000 جنيه محصلتش معايا خالص كل اللى ادفع كان الدمغات والذى منه, وانا معاك جدا فى اهمية وجود الواسطة فى استخراج تراخيص السلاح عموما فى مصر قبل و بعد الثورة.

[Seiko]

السيد الفاضل

اولا موضوع حضرتك جميل جدا وواقعي جدا وبصرالحة ناس كثير ليس لدسهم جرأتك لكتابة ذلك

ثانيا لي صديق عمل زيارة من اسبوعين للمصنع

واشتري فعلا بالسعر القديم

ولكن الاسعار الجديدة هي الاتي :-

1- حلوان 8 طلقات 14500 جم

2- حلوان 920 المعدل الاسود فقط - 14 طلقة بيبداء السعر من 23500 جم وانتا طالع السعر بيزيد لباقي الموديلات والالوان مثل نصف الفضي والنصف اسود

ولكن واللله هو اعلم من امتا السعر حيزيد او يتفذ

ومن الممكن ان تكلم ادارة التسويق وتتاكد

0223582796


انا معايا جلوك عايز ادخله فى طيارة صغيرة كسر زيرو :)

[The last knight]

والله يا جماعة انا فعلا مستفز لدرجة كبيرة من النظام والدولة اللى عمرها ماحايطبق قيها عدل على جميع مواطنيها يعنى ايه يتم رفع اسعار الحلوان بهذة الطريقة وليه نسبة الخصم الفظيعة للقضاة مع العلم انهم واقفين البيع للتجار واللى بيبيعوا هما القضاة طبعا بعد تحقيق نسبة ربح ممتازة وبعدين طبعا يجيى طلب الاستبدال العظيم مع موافقة استيرادية عشان نكسب القضاه والعسكريين مرة تانية بس احسن من الاولى بقى ده احنا يمكن نكسر الخمس خانات فيها وبعدين نستبدل تانى بحاجة رخيصة فين ده فى الدنيا محدش يقول اصل دى وظائف حساسة لان ده اسمه ظلم ولصالح مين انا مش عارف اذا كانت الدولة الموقرة بتبيع هذا المنتج ب 200 دولار لغير مواطنيها بتبيعوا للمصريين دلوقت ب2700 دولار وحايبقى كمان ب4000 دولار اسمحوا لى اقول ان دى مش سرقة وان ولا تاجر من اللى الناس كانت بتشتم فيهم بيعمل كدة لان التاجر يوم ماكسب اخد الضعف ومازودش عن كدة انما دولتنا لازم تقدر البشوات سواء قضاة ولا عسكريين ولا اى حد . انا مش ضد الوظائف دى ولا بانقص من قدره بالعكس انا اعلم تماما قدرهم انما المنظومة دى غلط بشكل لا يمكن السكوت عليه.ياريت لو حد يفكر معايا ممكن الواحد يعمل شكوى لمين بس يكون بجد لان اللى احنا فيه مبقاش سرقة دى بقى ليها اسم تانى.

[ahmedragab]

المشكلة الحقيقية هوة من المسئول الحقيقي عن رفع اسعار المسدسات ذات الصناعة المصرية الحلوان ان كان وذارة العدل تعاقدت مع وذارة الانتاج الحربي على نسبة خصم للسادة العاملين بلسلك القضائي فانة شي جميل طبعا ان الواحد يحس ان جهة عملة تساعدة فى توفير مذايا لة ولكن المستفذ ان يقوم المسئول برفع السعر بعد المواقة على التخفيض وفى هذة الحالة جميع العاملين بالهيئات القضائية يشترون بدون خصم حقيقي لانهم اشتروا المنتج بسعرة الحقيقي دون اى تخفيض ويكون المسئول عن السعر هرب من تخفيض السعر للهيئات القضائية لكن المشكلة الحقيقية هى المواطن العادى الذي ليس لدية تخفيض فليس لدية ادني سبيل غير بالشراء بالسعر الغالي والذي ايضا يقوم بدفع نسبة الذيادة من جيبة الخاص لمن لهم تخفيض وهذا طبعا اثر فى اسعار تجارة الاسلحة الغير مرخصة والمرخصة بشكل ملحوظ للجميع وبالتالي منع التجار من الشراء من المصنع سيودى الى رفع قيمة المستعمل لمصلحة من كل هذا رغم انى شايف انة لمصلحة تجار السلاح الرسميين وغير الرسميين وكدة الواحد يشتري غير مرخص احسن ويستفيد بفرق السعر وايضا قرف اجراءات الرخصة واى حد يقولى سلم نفسك لحياذتك سلاح بدون ترخيص يبقي افضي فية الخذنة من ذهقي من اني حبيت اكون صح وحكومتنا عايذانا غلط

[The last knight]

ياجماعة الوضع بقى مش كويس وزى ما احمد عيد بيقول بقى كل الاوضاع .طيب احنا نشتكى مين لمين انا كنت بافكر ابعت شكوى لرئاسة مجلس الوزراء لعل وعسى فيه حد يبقى عنده ضمير فى البلد دى وان كنت اشك ده يمكن دلوقت يزودوا الجمارك كمان ياجماعة اللى شايف حاجة ممكن نعملها يقول حتى لو بلطجة زى مالناس بتعمل دلوقت وتاخد حقها اللى عايز يقفل مجمع يقفل واللى عايز يعطل قطارات يعمل اضراب فاللى شايف اى حل ياريت يقول

[The last knight]

ايه ياجماعة انا شايف كدة ان انا المعترض الوحيد ومحدش عايز اى حاجة والكل راضى
انا كان نفسى اساهم فى تصحيح المنظومة بس شكلى كدة فشلت
خلاص موافقين نشترى حلوان ب 23000 جنيه!!!!وعدم البيع للتجار والموافقات للناس اللى على مزاجهم للاستيراد
مفيش فائدة

[جنرال]

على فكرة لسه قارى النهارده أن فيه 400000 ( أيوة أربعمائة ألف) طلب رخصه من بعد 25 يناير حتى اليوم . و اللي سمعته أنه يمكن الموافقة جت على 100 بالكتير

[خميس]

أنا اعتقد إن الحل هو رفع دعوى قضائية على مصنع 54 الحربى بتهمة الاحتكار ، و يسهل جداً إثبات أسعار المسدسات الأصلية المصنعة بأوروبا أو أمريكا و أن سعرها يتراوح بين 450 حتى 2000 دولار أمريكى لأرقى الأنواع. كما يمكن أن نخاطب الدول التى تصدر أليها المصانع الحربية المسدس ال 980 بسعر من 200 إلى 300 دولار لترفع دعوى إغراق حيث أن المصنع يبيع نفس المنتج داخل مصر بعشرين ضعف سعر تصديره. فما رأيكم دام فضلكم؟

[samsong]

شكرا علي المعلومات

[Seiko]

أنا اعتقد إن الحل هو رفع دعوى قضائية على مصنع 54 الحربى بتهمة الاحتكار ، و يسهل جداً إثبات أسعار المسدسات الأصلية المصنعة بأوروبا أو أمريكا و أن سعرها يتراوح بين 450 حتى 2000 دولار أمريكى لأرقى الأنواع. كما يمكن أن نخاطب الدول التى تصدر أليها المصانع الحربية المسدس ال 980 بسعر من 200 إلى 300 دولار لترفع دعوى إغراق حيث أن المصنع يبيع نفس المنتج داخل مصر بعشرين ضعف سعر تصديره. فما رأيكم دام فضلكم؟

فى سلع كتير مصرية بتتباع بره ارخص من جوه مصر و من خامات انضف بكتير كمان, من اول الملح و الفلفل لحد المقطورة .

و اوعة تفتكر ان الحلوان اللى بيتباع بره (انتاج للتصدير فقط) , زى اللى بيتباع جوه مع ان اللى جوة ب 20 ضعف سعر اللى بره :)

الحلوان 980 اللى هوه فى فسفورى فى النشان بتاعو ب 230 دولار فى كل ولايات امريكا وطبعا الخامة بتاعته و معالجة الحديد فيه غير اللى هنا خالص يا خميس باشا, انا كان معايا كذا حلوان51 كلو كان بيبتدى يسخن بعد 4 خزن مثلا , دلوقتى معايا حلوان51 شاريه من امريكا سنة 2005 فى معرض للسلاح وكان عليه اوفر ب 55 دولار بس :)
اللى يضحك انه انضف 100 مرة من اللى موجود جوة مصر و ممكن يضرب لحد رمضان اللى جاى من غير ميسخن, مع احتفاظه بالارتداد القوى المعروف بتاع الحلوان .

من وجهة نظرى المتواضعة ... ان الحلوان51 حرام فيه الفلوس لو تمنه اكتر من 1000 جنيه

ولو طبنجة مكاروف ولا برتا34 ولا تانارمى من القدام قوى دول حتبقى برقبة الحلوان51 برضوا.

معذرة فأنا من كارهى الحلوان :)

[عادل عبده]

والله يا جدعان هو طبعا شكرا لصاحب الموضوع وشكرا لكل من ساهم وكل من حاول جاهدا رد هؤلاء الحراميه والمغلاه فى الاسعار بس انا بعد قرأتى للموضوع ده لو فى حرامى قابلنى هقوله اقتلنى ياعم وخلص ماهو انا عشان ادافع عن اهلى وارضى وعرضى وفلوسى هدخل السجن وممكن الب فيها تأبيده يا ما هبيع كل ما املك عشان اجيب طبنجه وارخصها ياعم اتوكل على الله وخلص خلينا نرتاح من اللى احنا فيه
فعلا لكى الله يامصر ولنا نحن ايضا لاننا فعلا اصبحنا ما باليد حيله

[فرج محمد]

الموضوع يحتاج الي تعديل في التشريع لقانون الاسلحة والذخائر او قرار من وزير الداخلية بمنع الاستبدال للهيئات القضائية الا علي فترات طويلة او وضع شروط مقيدة ذلك

[smsmn8888]

مجهود رائعا بالتوفيق

[Seiko]

الموضوع يحتاج الي تعديل في التشريع لقانون الاسلحة والذخائر او قرار من وزير الداخلية بمنع الاستبدال للهيئات القضائية الا علي فترات طويلة او وضع شروط مقيدة ذلك

حق الاستبدال ليس مقصور على الجهات القضائية و لا على اى جهة بعينها , وله اجراءاته ومبرراته

على فكرة انا لا انتمى لاى جهة قضائية و استوردت كذه طبنجة و كانوا فى فترات متقاربة جدا فى بعض الاحيان.