تراخيص السلاح الحي في مصر بعد الثورة

[Mongy]

هل من الممكن الحصول على ترخيص سلاح على الرغم من عدم توافر القراءن التي تثبت دواعي الحصول على الرخصة؟ ولكن ذلك من منطلق الدفاع عن النفس في الوقت الحالي الذي تمر به أمنا الحبيبة مصر من أعمال سرقة ونهب وبلطجة. لا أريد أن أكون مخالف للقانون في حمل السلاح بدون رخصة مثل الكثيرين في مصر حالياً.

[Android man]

عدم توافر القراءن
قراءن ايه حضرتك

[wawa1979]

قراءن ايه حضرتك

يقصد قرائن

[Mongy]

قرائن. معزرة للأخطاء اللغوية ههههه ههههه

[tamer el-henawy]

ياريييييييييييييييييييييييييييييييتـــــــــــــــ ـــــــــــــــــــــــــــ

[محمود الحوت]

ياريت فعلا

[فرج محمد]

والله الواحد احتار فعلا ما بين تصريحات قيادات الداخلية بانه مسموح وبين البعض الاخر الذي يري انه لازال الباب مغلق

[avokato]

اوك بس انت عرفت اسعار السلاح الحي وصلت لكام حتي لو رخصت الحلوان مسروقه ب 500 جنيه عشان ترخصها وتشتريها 19 الف

[جنرال]

طبقا للقانون مافيش حاجة أسمها علشان فيه خطورة في الوقت الحالي لأن ده معناه أن الشرطة مش متواجدة و في حالة إنعدام للأمن و ده يبقى إعتراف بشيء هما بينكروه. أما السبب التاني أن علشان فيه حساسية بين الناس و الشرطة دلوقتى فالترخيص ممكن تعتبره مستحيل رغم اللي بيقولوه. حتي لو عندك سبب . بالإضافة لازم الكل يعرف أن حتى في وجود ترخيص ما ينفعش إطلاق النار إلا في حالات و بطريقة معينة و إلا ينسحب منك التصريح و السلاح كمان.

[جنرال]

اوك بس انت عرفت اسعار السلاح الحي وصلت لكام حتي لو رخصت الحلوان مسروقه ب 500 جنيه عشان ترخصها وتشتريها 19 الف
أنا سألت السؤال ده قبل كده و ماحدش رد يمكن أنت تعرف. هي الرسوم قد إيه دلوقتي و أسعر الحي وصلت لكام سواء بصورة عادية أو بصورة غير شرعية؟
مع الإحترام

[فرج محمد]

لابد من وجود المبررات لان دي هي الاساس كمان بعد كده في رقابة القضاء الاداري علي قرار الداخلية برفض او الموافقة علي الترخيص اما الظروف الامنية لمصر بعد الثورة فهذه ظروف مؤقتة

[khaledshareef]

تأكد بأن الاشخاص العاديين لن يحصلوا على تراخيص سلاح مهما كانت ظروف البلد و الا لاصبح الشعب كله مسلحا بالقانون

[سامح عاشور]

تأكد بأن الاشخاص العاديين لن يحصلوا على تراخيص سلاح مهما كانت ظروف البلد و الا لاصبح الشعب كله مسلحا بالقانون

للأسف ده الوضع الحالي.

[blow c06]

ايه المشكله لما يكون الشعب كله مسلح... المسلح قانونى ده مسئول عن سلاحه و عن استخدامه و هياخد باله هو بيعمل ايه بيه... مكلنا عندنا سكاكين فى المطبخ... كلنا لما بنعمل مشكله مع حد من جيرانا بنجرى نجيب السكينه و نطير رقبته... طب مافى ظباط شرطه و امناء بيضربو اهلم بالسلاح المير و لسه امين شرطه عاملها من يومين... يبقى نسحب السلاح من الشرطه... البلاد المتقدمه كلها مسموح فيها باقتناء السلاح دون اى شروط ة فة خلال اسبوع يكون عندك السلاح و الترخيص و محل السلاح الى بيعملهولك كمان... لازم نكون جاهزيين للبلطجيه و اسرائيل و نتدرب على النار و مينفعش يبقى البلطجيه معاهم سلاح و احنا لا

[avokato]

لما يبقي عندك حد مسلح بسلاح وليه رخصه ومعروف انه سلاحه احسن ميشتري مسرق ويرميه

[Seiko]

ايه المشكله لما يكون الشعب كله مسلح... المسلح قانونى ده مسئول عن سلاحه و عن استخدامه و هياخد باله هو بيعمل ايه بيه... مكلنا عندنا سكاكين فى المطبخ... كلنا لما بنعمل مشكله مع حد من جيرانا بنجرى نجيب السكينه و نطير رقبته... طب مافى ظباط شرطه و امناء بيضربو اهلم بالسلاح المير و لسه امين شرطه عاملها من يومين... يبقى نسحب السلاح من الشرطه... البلاد المتقدمه كلها مسموح فيها باقتناء السلاح دون اى شروط ة فة خلال اسبوع يكون عندك السلاح و الترخيص و محل السلاح الى بيعملهولك كمان... لازم نكون جاهزيين للبلطجيه و اسرائيل و نتدرب على النار و مينفعش يبقى البلطجيه معاهم سلاح و احنا لا

زى محضرتك قلت بالضبط فى البلاد المتقدمة ....
بيقى نستنى لما نبقى زيهم بعد كده نعمم اقتناء السلاح الحى
عشان لو اتعمم بالقانون دلوقتى حيحصل مدابح خصوصا ان المصريين اساتذه فى التحايل على القانون, ده غير فرق الموروث الثقافى من مصر عن اى دولة متقدمة من اللى قصدك عليهم.

وده مش مبرر ان المصنع الحربى بيبيع الحلوان51 اللى ملوش لزمة و محسوب مسدس باكتر من 14000 جنيه مع انه كان بيبيعه قبل الثورة بيوم ب 1200 جنيه.

حتلاقى كمان البلاد المتقدمة دى الوزير بيتحاسب فيها زى الغفير فمفيش خطر بتعميم اقتناء السلاح الحى بين الناس عندهم, لان القانون واحد على الكل.

و ارجو ان تتفهم وجهة نظرى

[blow c06]

ان شاء الله بعد تطهير القضاء هيكون الكل سواء بجد قدام القضاء و فى قانون جديد ان شاء الله هيتعمل برده و هو امكانية محاسبة الوزير و هو فى الخدمه مش بعد ميطلع و المشاكلالى بتحصل فى مصر كلها من السلاح الى مش مترخص,,, المترخص مشاكله قليله جدا... و ده اثبت لوجهة نظرى... ان لو الاغلبيه المحترمه الى معلهاش احكام معاها سلاح ده هيلم الى معاهم سلاح مش مترخص و هيعود على البلد بامان اكتر