ديانا 350 ولا ديانا 54

[fidodido]

السلام عليكم احبائى فى الله انا كنت عزمت و ابتديت احوش علشان اجيب الديانا 350 بس بعض الاعضاء و المقالات ذكرت ان النسخه الجديده من الديانا 350 بها عيب خطير و هوا سرعه كسر الزناد من شده رده الفعل و كسر الماسوره ايضا ارجوا التوضيح بصحه او عدم صحه هذا الخبر و هل هيا افضل ام الديانا 54 اير كينج و كم اسعارهم حاليا و جزاكم الله عنى كل خير

[sghr220]

ديانا 54 اير كينج

[fidodido]

شكرا لمرورك بس ممكن اعرف ليه 54 يعنى ايه الميزه و ايه العيب و السعر و شكرا

[boody]

بالتوفيق ان شاء الله

[محمود صالح]

ماجنوم 350
علشان معايا

[sghr220]

شكرا لمرورك بس ممكن اعرف ليه 54 يعنى ايه الميزه و ايه العيب و السعر و شكرا

النشان اهم و لا قوة البندقية؟ اهم من الرشة ماشيه بسرعة كام هي رايحها فين؟ و بالتالي ال 54 ادق لأنها عتلة و لا يوجد رد فعل . اما ال 350 فهي بندقية عادية جدا من حيث التصميم لكن قوية جدا و كسر و بالتالي في margin كبير لعدم الدقة.
ملحوظة: الرش التعبان اللي موجود في مصر مش حيساعد خالص مع ال magnum.

[fidodido]

شكرا للافاده و لمروركم

[البطل]

ديانا 54 أير كنج ...طبعا
المميزات ليست لها رد فعل دقيقة فى الاصابه قوية من حيث السرعة جميلة فى الشكلة ليست لها عيوب الا ثقل وزنها وهذا لانها مصنوعه من أجود الخامات من حيث المتانة والقوه ...... ومن يمتلك هذه البندقية فهو معه مالكة الهوائيات

[fidodido]

جزاك الله خير يا استاذ احمد بس انا كنت فاكر ان حضرتك قولت انك ازهرى ياريت اعرف حضرتك كليه ايه

[essam assem]

السلام عليكم
انا برشح لحضرتك 54 عن تجربة وان شاء اللة تلاقى الخلاصة على الرابط دة
http://www.pyramydair.com/cgi-bin/compare.pl?models=398,396&model_type=models

وبالتوفيق ان شاء اللة وتحيــــــــــــاتى للجميــــــــــــــــع

[البطل]

جزاك الله خير يا استاذ احمد بس انا كنت فاكر ان حضرتك قولت انك ازهرى ياريت اعرف حضرتك كليه ايه

انشاء الله أزهرى وده شرف ليا بأن أكون أزهرى وبالنسبة للكلية ...كلية الدرسات الاسلامية والعربية

[wknm]

انا بعتقد ان مفيش حاجه اسمها ده ولا دي
الموضوع يكمن في الصياد نفسه
بمعنى السرعه و القوه في 350
اما الدقه في 54
ولاكن ال350 اخف في الوزن
يعني الموضوع يكمن في امكانيه الصياد كما البندقيه تماما لان لو الصياد ليس لديه خبره لا الدقه ولا الوزن حينفعوه في شئ
لازم كل واحد يشوف امكانياته ايه و على هذا الاساس يختار الي يناسبه هذا بالاضافع طبعا اذا كانت البندقيه للرمايه ام الصيد

تحياتي

[mohd_wafik]

على فكره يا جماعه البندقيتين روعه اساسا .. بس موضوع عدم الدقه في المجنوم بسبب قوتها ان بتخلي البسامير تتفك و انا لاقيت الحل في لزق مخصوص للبسامير اسمه لوكتايت بتحطه على البسمار و تربط و استحاله يتفك مع رد فعل البندقيه بس انته ممكن تفكه بايدك عادي .. و انا عندي الماجنوم و صديق ليا معايا 54 بس والله الاتنين روعه بجد و الاختيار بنهم صعب اوي .. فا مش عارف اقولك ايييه ... بس ما دام التقيييم لي 54 اكتر يبقى اتكل على الله و هاتها واللف مبروك مقدما ..

[بلاش استغلال]

في كل الحالات مش حتلاقي ل54 ولا 350 في السوق هههههه
بيتهيقلي كدا ريحتك

[أحمد عطاالله إبراهيم]

في كل الحالات مش حتلاقي ل54 ولا 350 في السوق هههههه
بيتهيقلي كدا ريحتك

هههههههه انت جبت له من الاخر يعنى ؟؟؟؟؟

ههههههههه

حبيبى عموما ال54 احسن من الماجنوم 350 لانها دقيقة لكن الماجنوم سريعة وقوية وبالاخر الاختيار يرجع لك

تحياتى .......

[Batman]

ديانا 54 اير كينج >>> تتوافر عند فتح الله ( لكن بصفه غير منتظمه ) ب 7000/6500 جم.

[blow c06]

ال 350 موجوده عند ا. هشام سمير ب 6400

[البطل]

ديانا 54 اير كينج >>> تتوافر عند فتح الله ( لكن بصفه غير منتظمه ) ب 7000/6500 جم.


بالنسبة لديانا 54 اير كنج أن كنت عند فتح الله من يومين ومفيش الا رقم واحد وعمله 7000

[wknm]

على فكره يا جماعه البندقيتين روعه اساسا .. بس موضوع عدم الدقه في المجنوم بسبب قوتها ان بتخلي البسامير تتفك و انا لاقيت الحل في لزق مخصوص للبسامير اسمه لوكتايت بتحطه على البسمار و تربط و استحاله يتفك مع رد فعل البندقيه بس انته ممكن تفكه بايدك عادي .. و انا عندي الماجنوم و صديق ليا معايا 54 بس والله الاتنين روعه بجد و الاختيار بنهم صعب اوي .. فا مش عارف اقولك ايييه ... بس ما دام التقيييم لي 54 اكتر يبقى اتكل على الله و هاتها واللف مبروك مقدما ..

باشا ممكن تقلي منين اللزء ده؟ و هل ده عامل زي الامير كده و لا انضف؟ يعني لما اعوز افك حاجه تتفك متقرفنيش
ارجوا الافاده

[وليدخليل صديق]

54 ]دى مدفع مش بندقيه وانا بضرب بيها افتكرتها هتوقع الشجره من قوتها

[AMR ALY]

ال 350 ممتازه و دقيقه جدا لو اتعودت عليها مع نوع رش محترم تقيل، الاهم من القوه اختيار رش ليه ‏b.c‏ عااالي.

[sokar_jax]

نفسى اعرف بتجيبو الاسعار دية منين انا امبارح كنت عند سجلابى قالى ال 52 ب 5200 وال 54 ب 5900 بس ال350 عندة غالية اوى قالى 6800 وكلو موجود عندة

[YOSSEF EL MASRY]

نفسى اعرف بتجيبو الاسعار دية منين انا امبارح كنت عند سجلابى قالى ال 52 ب 5200 وال 54 ب 5900 بس ال350 عندة غالية اوى قالى 6800 وكلو موجود عندة

هو احنا كدة نفضل نتكلم علي الفاضي ونخلي الناس عندها استعداد لتقبل زيادة الاسعار بدون مبرر وكمان بالطريقة المحترمة دي بنبوظ سوق المستعمل مش عارف امتي الواحد لما يقول كلمة لازم يكون متاكد منها
لكي الله يامصر --- لكي الله يامصر

شكرا

[mman2005]

السوق فيه تفاوت كبير فى الأسعار يعنى ممكن تلاقى تاجر بيبيع نفس البندقية أرخص ب 1000 جنيه من تاجر تانى، العملية بقت شطارة، وبعدين بيختلف السعر من تاجر لثانى على حسب الكمية إلى عنده والسعر إلى كان شارى بيه، يعنى تاجر عند حتتين ديانا بيحاول يعلى السعر ويكسب أعلى مكسب، وواحد ثانى عنده 100 حتة فبيبيع بسعر مهاود.

[badr]

بسم اللة الرحمن الرحيم
اول الديانا 350 او 54 كلاهما دقة فى النشال مع مراعات نوع الرشة وهما نوعين من الرش يجب استعمالهم h&nبراكودا او jsb 1.75او نوع تانى غالى جدا RWS وطبعا الانواع دى مش موجودة فى مصر لكن لوبتضرب على مسافات اقل من ٧٠ متر انصحك بالفيرخ 80 نمرة 2 دقيقة وصوتها يكاد غير مسموع فوق ال80 متر يبقى الديانا ولكن صوتها عالى بس مش هتفرق عشان بعد المسافة من الطير

[مصطفى ابواسماعيل]

لا اختلاف بينهما وكل بندقيه ولها عيوبها ولها مميزات ولكن هنا فى مدينة الدمام بالسعوديه يقبلون على شراء ال350 ماجنوم ولولا اختلاف الازواق لبارت السلع

[مصطفى ابواسماعيل]

كل اسبوع محل القناص اللى على طريق المطار بيجيب بنادق ال350 ماجنوم لانها بتخلص بسرعه و الاقبال شديد عليها

[مصطفى ابواسماعيل]

ولابدمن تصريف قطع الغيار لهذه البنادق لذا جعلوا لكل بندقيه عيوب ومميزات حتى يتم بيع قطع الغيار وانا اعرف تمام العلم مميزات ال54 وعيوبها كما اعرف عدد اصابع يداى

[مصطفى ابواسماعيل]

وارشح الاثنين معآ للمميزات والعيوب فى ال350ماجنوم والمميزات والعيوب فى ال54اير كنج

[مصطفى ابواسماعيل]

وكل ديانا ولها عيوب وعلى الصياد (الميكانيك) ان يجد حلولآ جزريه لهذه العيوب والمشاكل وان لايقف موقف المتفرج او مكتوف الايدى

[mustafa-amer]

العروسة الكينج.... و في واحدة زيرو بتتباع الحقها

[mohamed2010habib]

العروسة الكينج.... و في واحدة زيرو بتتباع الحقها

عند مين يا استاذ مصطفى؟

[mc bob]

بالتوفيق ان شء تالله

[محمود خطاب]

350

عارف ليه ااقولك انا سعيد انك سالت السؤال ده

اولا ال350

ردة فعلها ااقل من 470

عارف ليه علشان وزنها ااقل بكتير من 54

دقتها عاليه جدا

قوية جدا

توكل علي الله في ال 350

استحاله ديانا تعمل زناد بلاستيك

[zezo bose]

ولا دى ولا دى انا ارشحلك وبقوة النوريكا جيت نمرة 2 هترتاح جدا فيها ومش هتفكر فى اى بندقية تانية خالص وفكر وادرس الموضوع وادعيلى كل اصدارات ديانا تقريبا من 2005 تقريبا اعتقد فى راييى المتواضع مش مظبوطة وانا سمعت برة ان فيه مصنع ليها فى الصين بينتجها ويبعتها لالمانيا تانى لتصديرها للعالم زى البى اس ايه ما بتتصنع فى الهند على حد علمى ومن خبراء للاسلحة والله اعلم

[eng.amg]

بص أنت حتلاقي آراء متضاربة جدا في الموضوع دا.. لكن حقولك كلمتين كدا عن تجربة للموديلين.

1) إلي يقولك 350 فيها عيوب تقنية من كسر للماسورة وكسر للزناد. يبقى معلش ميعرفش أي حاجة عن الديانا بصفة عامة. وممكن الشركة ترفع علية قضية وتسجنه :)
الزناد والماسورة من أقوى الخامات علي الإطلاق والبندقية بصفة عامة بشهادة كل الخبراء أجود خامات بندقية رش علي الإطلاق. وهي أفضل بندقية ضغط هواء علي الإطلاق بشهادة الخبراء الأمريكان والألمان.

2) من حيث الدقة لا شيئ يعلو علي 54 طبعا. ولكن الشائعة إلي بتقول 350 غير دقيقة فدا كلام فاضي. أنا بجيب بيها أهداف صغيرة جدا من مسافة تتجاوز 60 متر. وطبعا أنا علي قد حالي. وفي شخصين (بدون أسماء) جابوا بيها أهداف صغيرة علي بعد أكثر من 100 متر.

3) بند مقارنة 350 ب 54 أصلا غير وارد. أنت ممكن تقارن 350 مع ويبلي باتريوت. أو جامو أكستريم. لكن 54 حاجة وال 350 حاجة, يعني محدش يقارن بطيخ ببرتقال لمجرد أنهم مدورين. أنت لازم تعرف إنت عايز أيه وبعدين تقارن.
فالسؤال هنا أنت عايز بطيخ ولا برتقال؟ علشان تعرف تختار أنهي نوع في البطيخ أو أنهي نوع في البرتقال.

وتقبل تحياتي.

[هشام سمير]

54 لا شك ولا وجه للنقاش اصلاً
من متتلك للبندقيتين خود النصيحه

[Magdy Youssef]

السلام عليكم ورحمة الله وبركاته
أنا هاوي قديم ولكني هنا لأول مره و عندي خبره عالية في البنادق عموما و مبتكر حلول للصوت العالي و فكفكة المسامير من شدة البندقية ولكم رأيي في النقطتين دول :
1- الصوت العالي يظهر لما يكون فيه تنفيس في البندقية أو وسع في جلبة بيت الرش - يعني لو خليت جلبة بيت الرش محكومة كويس و الفتحة اللي فيها ضيقه شويه " نصف مساحة قطر الرشة " ولو الفتحه واسعه عن كده الصوت ها يعلي و القوه تقل و لكن كده هاتكون الضربة قويه و صوتها مش عالي - أيضا لابد ان تقوم بتزييت البستم من الداخل كل 200 رشة " يعني تضع الزيت جوه البستم من فاتحة خروج الهواء قبل موقع الرشة " و الزيت طبعا مش أي زيت لازم يكون زيت سيليكون و بس - أي زيت تاني ها يتلف الجلبة و ده بالنسبة لكل الديانات ما عدا الديانا 50 - انا لاحظت ان العديد من الصيادين لا يعلمون ذلك و الزيت ده هو الوحيد الي بيحافظ على الجلبه و بيستخدم لدهان أي بلاستيك ليزيد من مرونته و لمعانه - ومميزاته انه ابيض شفاف و لا يترك أي بقع حتي علي القماش
و لو عايز تجيب زيت السيلكون ها تلاقيه في العتبة عند بتوع مكن الخياطة و النصف لتر = 40 جنيه و لو سألك عاوزه ليه قوله للخيوط و لاحظ انه مختلف عن زيت المكن المعدني و طبعا مش هوه و الفرق واضح زيت السيليكون متماسك اكثر و يتحمل الحرارة العالية و الاحتكاك - و الله هاتدعيلي

2- بالنسبه للفكفكه للمسامير سهل جدا من غير أي مواد تضاف على المسامير - انت هدفك تمتص الصدمه بين المعدن و الخشب و ده سهل - فقط فك الجزء الحديد من الخشب و ضع شريطين من الدبل فيس " Double Face " أسفل الحديد في مواجهة الخشب " الدبشك " و هو هايمتص الاهتزاز لأنه يحوي ماده مطاطيه و ادعيلي لما تلاقي بندقيتك اتبدلت - بدون صوت و لا فكفكه . ..... المصريين كلهم فن و مهاره و لا إيه

[هشام سمير]

الاير كينج هى الملكه طبعاً عن جداره واستحقاق

[فكرى الفساخ]

بعد ان قرأت الموضوع من طأ طأ لسلامو عليكو . رأيى المتواضع أن تأخذ بمشورة الاستاذ هشام سمير . فهو خبرة وحرفنة . شكرا

[هشام سمير]

بعد ان قرأت الموضوع من طأ طأ لسلامو عليكو . رأيى المتواضع أن تأخذ بمشورة الاستاذ هشام سمير . فهو خبرة وحرفنة . شكرا

الله يخليك يا عمنا دا كتييير اوى عليا

[Mohamed Salman]

كفاية الريكول سيستم والدقة التي ليس لها مثيل

[محمد رضا]

ماهو وزن البندقية الديان 54

[بكر سعودى]

54 اكيييييييييييييد

[بكر سعودى]

4600 جراام

[بكر سعودى]

[quote=محمد رضا;571137]ماهو وزن البندقية الديان 54[/quo4 كيلو و 600 جرام

[بكر سعودى]

ماهو وزن البندقية الديان 54



4600 جراااام