أنا محتار ممكن مساعدة

[SALE7]

انا خلصت أمتحانات من 3 أيام و كنت ناوى أشترى gamo hunter 440 لفيت اسكندرية ملْتش
و لكن أخترت كام حاجة و عاىز رأيكم مين أحسن
1-نمرة 1ولا2
Norica Jet
2-كرال مجنوم نمرة 2
3-البام 21
4-لو فى حاجة أحسن فى حدود 2500

[اسلام حسن]

بالطبع نوريكا جيت نمره 2

[abdo92]

نبدء باول استفسار نمره واحد ولا اتنين
نمره واحد اسرع من نمره اتنين فبالتالي بتصيب الهدف من مسافات بعيده بس لازم تكزن في مقتل
اما نمره اتنين فالرشه ابطئ بس فتاكه يعني من الاخر لو بتصداد من مسافات قريبه او جايبها للنشان هات نمره اتنين مع العلم انها اغلي من نمره واحد وبيوصل الفرق للضعف احيانا
اما بخصوص النوريكا جت
بندقيه جميله جدا اسباني خامه كويسه سرعتها نمره واحد بتصل الى 305 متر في الثانيه وكل الاعضاء بيشكرو فيها عمله 1900 ونمره اتنين سرعتها 220 وعمله 3500 لو وجدت
اما الكرال
حلوه بس السسته هتتكسر هتتكسر وعلى العموم خليها اخر اهتمماتك
ام البام 21 نمره اتنين
بندقيه مدفع بجد سرعتها نمره اتنين بتصل الى 280 متر في الثانيه وكل الي اشتراها شكر فيها
ومش لازم علشان صيني تبقي وحشه بس خامنتا مش زي الجامو ولا النوريكا وهيه عمله 2300
وكان الاستاز هشام سمير عارض وحده في قسم سوق الاسلحه الهوائيه
واظن دي احسن حاجه ليك لو بتفضل نمره اتنبن بس خلي بالك تقيله اوي 5 كيلو تقريبا
معلش للاطاله
وانا في الخدمه
واستنى برضه راى الناس الي عندها خبره اكتر مني:)

[SALE7]

أنا شلت البام فعلن تقيلة و سألت على الجيت مفيش غير نمرة 1 لو حد يعرف طريق الهنتر يبأا عملى خدمة مش حانسهالو
أنا ألى مخوفنى من نمرة واحد حكاية أنها نتسرق الطير يايت حد يفهمنى القصة دى
و أنا متشكر على أهتمامكم .

[abdo92]

بص يا باشا انا هعملك خدمه العمر ده رابط في البندقه للبيع انا كنت ناوي اخدها بس حصل ظروف هتاخر العمليه
المهم الرابط http://www.egypthunt.net/showthread.php?t=11529
بص المشاركه رقم 7
بالنسبه لمشكله بتسرق الطير في نمره واحد استعمل رش اسمه جامو ماتش هيقوم بالواجب او اي رش مفلطح من قدام ميكونش مبوز يعني
واحني في الخدمه يا باشا

[YOSSEF EL MASRY]

بالتوفيق انشاء الله

[sghr220]

انا خلصت أمتحانات من 3 أيام و كنت ناوى أشترى gamo hunter 440 لفيت اسكندرية ملْتش
و لكن أخترت كام حاجة و عاىز رأيكم مين أحسن
1-نمرة 1ولا2
norica jet
2-كرال مجنوم نمرة 2
3-البام 21
4-لو فى حاجة أحسن فى حدود 2500

1-محصلة الوزن و السرعة اسمها الطاقة يعني نمرة واحد و نمرة اتنين خارجين من الماسورة بسرعة مختلفة و لكن الكتلة الأعلى(نمرة 2) تحتفظ بالطاقة مسافة اطول.
نمرة واحد مناسبة للرماية و الصيد (في بنادق السرعات العالية)
نمرة اتنين مناسبة اكتر للصيد لأن منحني المقذوف ليس مستقيما بما فيه الكفاية للرماية.
مدى الصيد ليس له علاقة بنمرة واحد او اتنين و لكن له علاقة بسرعة البندقية

2-الكرال لا ينصح بيها اذا كانت اول بندقية تشتريها لعيوب فيها و ليس في حضرتك:)
3-البام نفس كلام الكرال
النوريكا بندقية جميلة و شيك و سعرها مناسب و لكن ينصح بتغيير السوسته و الجلبه عند حد بيفهم قبل أي استعمال و بالنسبه للعيار الأنسب فيها فهو نمرة اتنين طبعا.
4-للأسف اعتقد مفيش.
ألف مبروك مقدما و تحت أمرك في أي استفسار آخر.

[xman]

انتظر قليلا اخي الاسعار في النازل و ممكن بالمبلغ ده تجيب حاجة احسن مستقبلا بدل ماتشتري حاجة مش عجباك بالغالي و مش هتجيب همها . نصيحة لله

[SALE7]

بص يا باشا انا هعملك خدمه العمر ده رابط في البندقه للبيع انا كنت ناوي اخدها بس حصل ظروف هتاخر العمليه
المهم الرابط http://www.egypthunt.net/showthread.php?t=11529
بص المشاركه رقم 7
بالنسبه لمشكله بتسرق الطير في نمره واحد استعمل رش اسمه جامو ماتش هيقوم بالواجب او اي رش مفلطح من قدام ميكونش مبوز يعني
واحني في الخدمه يا باشا

أنا متشكر جدا و ياريت كنت أعرف المنتدى من زمان ناس محترمة جدا
أنا حكلموا و أشوف

[SALE7]

انتظر قليلا اخي الاسعار في النازل و ممكن بالمبلغ ده تجيب حاجة احسن مستقبلا بدل ماتشتري حاجة مش عجباك بالغالي و مش هتجيب همها . نصيحة لله

أنت متأكد من المعلومة دى أنا شايف ان الاسعار ولعت أكتر الفترة دى

[DeCo]

1-محصلة الوزن و السرعة اسمها الطاقة يعني نمرة واحد و نمرة اتنين خارجين من الماسورة بسرعة مختلفة و لكن الكتلة الأعلى(نمرة 2) تحتفظ بالطاقة مسافة اطول.
نمرة واحد مناسبة للرماية و الصيد (في بنادق السرعات العالية)
نمرة اتنين مناسبة اكتر للصيد لأن منحني المقذوف ليس مستقيما بما فيه الكفاية للرماية.
مدى الصيد ليس له علاقة بنمرة واحد او اتنين و لكن له علاقة بسرعة البندقية

2-الكرال لا ينصح بيها اذا كانت اول بندقية تشتريها لعيوب فيها و ليس في حضرتك:)
3-البام نفس كلام الكرال
النوريكا بندقية جميلة و شيك و سعرها مناسب و لكن ينصح بتغيير السوسته و الجلبه عند حد بيفهم قبل أي استعمال و بالنسبه للعيار الأنسب فيها فهو نمرة اتنين طبعا.
4-للأسف اعتقد مفيش.
ألف مبروك مقدما و تحت أمرك في أي استفسار آخر.

ينصح بتغيير الجلبة فقط وليس السوسته اخى الكريم على ما اعتقد فارجو تاكيد كلامى او نفيه
تحياتى للجميع

[sghr220]

ينصح بتغيير الجلبة فقط وليس السوسته اخى الكريم على ما اعتقد فارجو تاكيد كلامى او نفيه
تحياتى للجميع

سوسته جوه بندقيه متخزنه بقالها على الأقل 15 سنه على اساس ان الجيت آخر انتاج ليها 1997 تفتكر حالة السوسته (على الرغم من انها الأصلية) تبقا ازاى؟؟؟:)

[hesham[MaFya]a]

عليك و على النوريكا جيـــــــــت

[SALE7]

أنا لأيتالنوريكا جيت نمرو2 أجيب أنهى نمرة1 ولا نمرة2
و لايت النوريكا ويست مين أحسن و أدق
أنا أسف لو كنت طولت عليكم

[DeCo]

سوسته جوه بندقيه متخزنه بقالها على الأقل 15 سنه على اساس ان الجيت آخر انتاج ليها 1997 تفتكر حالة السوسته (على الرغم من انها الأصلية) تبقا ازاى؟؟؟:)

يا باشا طب مفيه انواع زى التل مبيتغيرلهاش حاجه وهى اصدار ما قبل التسعينات؟

[sghr220]

يا باشا طب مفيه انواع زى التل مبيتغيرلهاش حاجه وهى اصدار ما قبل التسعينات؟

حضرتك تقصد اصدار ما قبل التاريخ ههههههههههههههههههههه:)
شوف يا باشا البنادق القديمة المتخزنه دي لو حضرتك فكيت واحده منهم اول ما تشتريها حتلاقي الحاله جوه صعبة خالص يعني مش بعيد تلاقي فار جوه:p
المهم زمان كانت شركات كتير بتغلط و تحط زيت كتير في البندقية عشان تحافظ عليها لأطول وقت ممكن...تلاقي الجلبة فتافيت و السوستة معوجه و زيت ناشف جوه الكانون و مجموعة الزناد و اويل سيل الماسورة محجر ومعووج و بالتالي استعمال البندقية على هذه الحالة تدميييير للبندقية لو حتى طلقة واحدة.
ده طبعا ميمنعش انها بنادق في منتهىىىىىىىىىىىىى الجمال لكن لازم صيانه الأول.تحياتي