|
مشاهدة النسخة كاملة : عرض لاحسن عشرة انواع من الرش في العالم galal khalifa 09-11-11, 01:30 PM الاخوة الاعزاء بمناسبة ان المنتدي في حالة من الانتعاش التي لم يسبقها حالة وذلك لجهود الاخوة الاعضاء اتقدم اليكم بعرض لاحسن 10 انواع من الذخيرة المستخدمة لبنادق ضغط الهواء في العالم ودة الرابط www.youtube.com/watch?v=cFTxbieKlrM واتمني انها تعجبكم والي حلقات قادمة wegdan12345 09-11-11, 06:24 PM بص يا سيدي الترتيب كالاتي المارسمان الرامبو الرماية ....... وانت عارف الباقي هههههههههههههه وطب وفين عين الشمس salahfareed 09-11-17, 06:13 PM يا اخوانى كل الرش دة انا بانتجه من المرسمان بس يكون عندك كتر cuter او صفيحه منشار رفيعه وشمعه وبعض من رش خرطوش رقم 4 واى خدمه لى اللى عايز طلعت بخيت بسكالس 09-11-17, 07:07 PM يا اخوانى كل الرش دة انا بانتجه من المرسمان بس يكون عندك كتر cuter او صفيحه منشار رفيعه وشمعه وبعض من رش خرطوش رقم 4 واى خدمه لى اللى عايز أشرحلي أكتر أحسن أنت كده ولعت............. دماغي جنابك كده بتتكلم علي ثورة صناعية جديدة salahfareed 09-11-18, 06:55 AM أشرحلي أكتر أحسن أنت كده ولعت............. دماغي جنابك كده بتتكلم علي ثورة صناعية جديدة طلعت باشا شكرا على التعليق الظريف والمساله بسيطه مش محتاجه ولعه دماغ ولا ثورة صناعيه دى بعض حيل اتعلمناها زمان لما كنا طلبه وكان المصروف على قد الكيف فقط(سجاير ومعسل وخلافه) كان لازم نفكر ونعمل طريقه نقدر نحسن بها كفاءة الرش المصرى(مارسمان وبالمناسبه الراجل صاحب المصنع مات وابنه خرب الدنيا وعمال بيلم الرابش ويعمله رش للاسف زباله) المهم الطريقه بلدى لاكن حتعجبك وحتشوف الفرق احضر رش نمرة 4 او 3 بتاع خرطوش و 12 او 16 حسب اللى عندك طبعا تفتحه بالكتر من اعلى ضع الرشه المستديرة فى الفجوة الخلفيه لرشه نمرة 2 مصرى(مارسمان او رمايه او حتى عين شمس) بحيث تكون مقاس القاعدة الداخليه وتضغط عليها باى اله مبططه (مسمار شيشه 3سم مثلا)ثم تسيح الشمع وتضع فوق الرشه حتى الحافه اى تملاء الرشه وبعد مايبرد الشمع تضغط هليه مرة اخرى باصبعك الابهام ثم تشيل اى زيادة معلى حرف الرشه وجرب الرشه دى مع اى رشه بتاعه برة(ماعد الماجنوم المدبب) فى اى هدف كقطعه من الخشب وشوف الفرق بتها وبين اللى من نوعها والفرق بينها وبين الانجليزى او الامانى وادعيلى ملحوظه هامه///لاتصلح مع البنادق الضعيفه//// وهناك بعض التجهيزات لسرعه العمل نقولها بعدين ارجو ان تجرب و تقولى (علبه ب 15ج تضرب زى اللى ب 60ج يا بلاش) طبعا فى حاجات تانيه بس جرب الاول وبعدين نكمل اسف طولت عليك وساحاول لضع صور تبين الطريقه:p:rolleyes: طلعت بخيت بسكالس 09-11-18, 01:11 PM ياباشا الخبرة تحترم وكلام جنابك علي العين والراس ولكن اللي حضرتك بتقوله ده كل الحكاية أنه بيزيد من وزن الرشة وبس وده طبعا محتاج بندقية هاي باور زي ماحضرتك تفضلت وقلت بس قوللي أيه بقى أخبار الأتزان والتجميع ثم أن التقنية الحديثة التي تتبعها شركات الغرب في تصنيع الرش أصبحت تتحكم باالأوزان وهناك الكثير من الرش ذو وزن عالي هو صحيح أغلي ولكنه متزن جدا وتجميعه ممتاز لك كل التحيه وفي أنتظار الجديد walther 09-11-25, 05:52 PM بسم الله الرحمن الرحيم معالي طلعت بك وصلاح بك اسمحملي ان اضيف فكره لجيل السبعنيات اللي انا منه ممكن تجيب رشه سواء اجنبي او مصري وتملاها قصدير عن طريق مكوه لاحام ومع التكرار حتقدر تملاها نصفها اوكلها زي ما انته عايز وزن الرشه زياده اوي او نص نص الميزه في القصدير انه انشف من الرصاص كمعدن بس بينصهر عند درجه حراره 40 والقصدير 80 وده بيخلي الرشه ماتنصهرش وبما انه انشف لما بتضرب في هدف صلب بيكون التاثير واضح جدا انه احسن وده كله زي ما صلاح بك قال عايز بنادق هاي باور salahfareed 09-11-25, 11:55 PM ياباشا الخبرة تحترم وكلام جنابك علي العين والراس ولكن اللي حضرتك بتقوله ده كل الحكاية أنه بيزيد من وزن الرشة وبس وده طبعا محتاج بندقية هاي باور زي ماحضرتك تفضلت وقلت بس قوللي أيه بقى أخبار الأتزان والتجميع ثم أن التقنية الحديثة التي تتبعها شركات الغرب في تصنيع الرش أصبحت تتحكم باالأوزان وهناك الكثير من الرش ذو وزن عالي هو صحيح أغلي ولكنه متزن جدا وتجميعه ممتاز لك كل التحيه وفي أنتظار الجديد اسف على التاخير ولكن كان عندى ظروف منعتنى من المداخلات بسبب اصايه ابنى مصطفى 20سنه وقد ادخل المستشفى لعمليه زرع مسمار نخاعى فى عظمه الفخذ وهى عمليه كبيرة ومؤلمه جدااا وكان اصيب فى حادثه سيارة المهم طلعت باشا انت رجل خبير وفاهم كويس جداا وسؤالك فنى جدا وهذا ماكنت احاول ان اتجنبه علشان المبتدأين يفهموا ويشاركوا معنا ولكن بما انط سالت فمن حقك ان تتلقى الاجابه فعلا المساله انى ازيد من وزن الرشه ولما وزن الرشه يزيد تحتاج الى قوة دفع اكبر خلفها داخل الماسورة صح؟؟ معايا؟؟؟؟؟؟؟؟ عندما يزيد الضغط خلف الرش فى الماسورة يزداد على حرف الرشه من الخلف (الداير الخلفى) مما يجعل احتكاك الرشه بالخطوط الحلزونيه (الشيشخان او الششخنه) يزيد اى يترك علامه اعمق على الرشه وبالتالى هذة الزيادة فى الاحتكاك تكسب الرشه سرعه كبيرة فى الدوران وسرعه الدوران تؤدى الى نتيجتين 1- اتزان الرشه 2- قوة فى الاختراق وبذلك نكون تغلبنا على اهم عيبين فى الرش المصرى واخيرا تذكر اننى سبق وقلت وصفه بلدى لتحقيق نتائج زى الرش الاجنبى وصدقنى لو جربت ستقتنع بالنتيجه فالموضوع مبنى اساسا على فكرة علميه(زيادة الوزن او انقاصه) وفيه مثل بيقول (الجمل طلع النخله قالوا //ادى الجمل و ادى النخله) ولسه للموضوع بقيه واسف للتاخير ولكن ظروف اصابه ابنى شغلتنى كثيرا:cool::confused: طلعت بخيت بسكالس 09-11-27, 01:27 PM صلاح باشا سيبك من الرش وأي حاجة تاني دلوقت و ألف ألف سلامة علي أبنك قدر ولطف شفاه الله وعفاه وربنا مايوركش فيه أي حاجة وحشة ولو أقدر أساعد بأي شئ أرجوك لا تتردد في أن تمنحني هذا الشرف galal khalifa 09-11-27, 06:36 PM الف سلامة علي ابنك وان شاء الله يكون في احسن حال ويقوم بالسلامة أسامه خطاب 09-11-28, 08:13 PM فعلا يا جماعة انا جربت أنواع كتير من الرش مع بندقيتي ديانا52 وطبعا قوتها معروفه , ولقيت أن أفضل نوع رش أستخدمه معاها هو الرش التقيل وعند تعمير البندقية بالرشة يكون حرف الرشة الخلفي يدخل بقوه ( يتبقى حوالي مللى منها ) يعنى الرشة تكون محبوكة تمام داخل تجويف الماسورة مما يساعد على اتزانها وبناء على تجربتي أقولك كلام مظبوط يا استاذ صلاح لكن لي تعليق وهو ان الفراغ في التجويف الداخلي للرشة مهم جدا فهل انقاصة بوضع قصدير فيه او بلي الخرطوش يؤثر على قوة الضربة ؟ وشكرا لكم على أفكاركم الرائعة محمد يونس 10-01-30, 11:47 AM الف سلامة على ابنك وربنا يشفيه ويقومه بالسلامة وطبعا دى ارادة الله وكل اللى نقدر نقوله قضاء اخف من قضاء وقدر الله وما شاء فعل body77 10-01-30, 03:48 PM صلاح باشا الف سلامه على ابن حضرتك وان شاء الله يقوم بالسلامه وتطمن عليه ان شاء الله أسامه خطاب 10-01-30, 07:32 PM ياريت يا صلاح باشا تطمنا على الأستاذ مصطفى ابن حضرتك وايه اخبار العمليه وان شاء الله يكون الان بخير وبدأ يمشي عليها salahfareed 10-01-31, 05:51 AM اشكر كل الاخوة الكرام بالمنتدى على اهتمامهم والحمدلله مصطفى احسن من الاول كتير جداااااا ولكن يبدو ان الموضوع محتاج لوقت اطول لتمام الالتئام وبالنسبه للمشى هو لسه بيستخدم المشايه لانه ما يقدر يدوس او يحمل على رجله بعد شكرا لكم جميعا galal khalifa 10-01-31, 09:26 AM الف مليون سلامة علي ابن حضرتك وان شاء الله يتعافا في القريب العاجل محمد سليمان 10-01-31, 09:53 AM الف سلامه على ابن حضرتك يا استاذ صلاح :) ربنا يشفيه |